ታይቦ ማጻፋ 21:33 - ጋሞ ማጻፋ

³³ ሄሳፌ ጉዬ ኢስራኤሌ ኣሳይ ጉዬ ሲሚዲ ጌዴ ባሳኔ ኤፊዛ ኦጌዛራ ቢዳ፤ ባሳኔ ካዎ ኣጌይ ኤዲራኤን ኢስታራ ኦላ ኦይኬታናስ ባ ኦላንቻታ ኡባ ኤኪ ኬዚዴስ።

Geeshsha Maxaafa

³³ Hessafe guye Isra7eele asay guye simmidi gede Baasaane efiza ogezara bida; Baasaane kawo Aagey Edira7en isttara ola oykettanaas ba olanchchata ubbaa ekki kezides.

ታይቦ ማጻፋ 21:33 Referans Kwoze

ኢያሶ ማጻፋ 13:12

ሄሲካ ኣስታሮቴ ካታማኒኔ ኤዲራኤ ካታማን ዲሼ ሃሪዳ ኣጌ ካዎቴ ኡባ ኦይኬስ፤ ኣጌይ ዉርሼ ኣቲዳ ኤራፋይሜ ዛሬታፔ ኢሳ። ሙሴይ ሄ ኣሳ ጾኒ ጎዲዲ ኢስታ ቢታ ኦይኪዴስ።

ዛሬ ማጻፋ 29:7

ኢንቴ ሃይሳ ሃ ጋኪዳ ማላ ሃሴቦኔ ካዎ ሲሆኔይኔ ባሳኔ ካዎ ኣጌይ ኑና ኦላናስ ዪን ኑኒ ኢስታ ጾኒዶስ።

ዛሬ ማጻፋ 1:4

ሄሲካ ሃኒዳይ ሃሴቦኔ ካታማን ካዎቲ ሃሪዛ ኣሞሬ ዴሬ ካዎ ሲሆኔኔ ኣስታሮቴን፥ ኤዲራኤ ካታማን ኡቲዲ ሃሪዛ ባሳኔ ካዎ ኣጌ ጾኒዳፔ ጉዬና።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ሂዚቄላ ቲንቢቴ 39:18

ኢንቴ ርሾ ኣሾኔ ላቃ ኣሾ ሚዛ ማላ፥ ዴይሻ ኣሾኔ ዎፋኖ ኣሾ ሚዛ ማላ ዎልቃማ ኣሳታ ኣሾ ማና፤ ቢታ ቦላ ሃላቃታ ሱካ ኢንቴ ኡያና፤ ሃይቲ ኡባይ ሞዳ ባሳኔ ሜሄታ።

ሂዚቄላ ቲንቢቴ 27:6

ባሳኔፔ ዪዳ ዎላፔ ማርካቤ ላጊዛ ሚሽ ኦዳ፤ ቆጲሮሴ ዛዋፔ ዪዳ ዚጋ ሚ፥ ዳንጋርሳ ዛሌን ኣሌቄሲዲ ኔ ዉይጌዛ ኦዳ።

ኢሳያሳ ቲንቢቴ 33:9

ቢታያ ዬካዱሲኔ ጊልቃዱስ፤ ሊባኖሴይ ዬላቲዲ ሹሊዴስ፤ ላሻሮኔይ ኣራቤ ማላ ባዞ ጊዳዱስ፤ ባሳኔይኔ ቃርሜሎሴይ ባንታ ሃይ ቆቆፊዳ።

ዬ ማጻፋ 68:15

ባሳኔ ዙማቲ ዎጋ ጊታ ዙማታ፤ ባሳኔ ዙማታ ቦላ ዳሮ ፖጎኖቲ ዴቴስ።

ዬ ማጻፋ 22:12

ዳሮ ሞርኬቲ ኮርማ ቦራታ ማላ ታና ጊዶዳ፤ ቃይጪዛ ባሳኔ ቢታ ቦራታ ማላ ታና ዶዲዳ።

ኢያሶ ማጻፋ 13:30

ኢስታ ዛዋይ ማሃናይሜፔ ዶሚዲ ባሳኔ ቢታ ኡባ ጉጂዲ ባሳኔን ዲዛ 60 ያኢሬ ካታማታ ኡባ ኤኪዲ ባሳኔ ካዎ ኣጌይ ሃሪዛሶ ኡባ ጊዲሺን፥

ኢያሶ ማጻፋ 12:4

ኣስታሮቴኒኔ ኤዲራኤን ኡቲዲ ሃሪዛ ኤራፋይሜ ዜሬታፔ ዉርሴ ቦላ ካዎቲዳይ ባሳኔ ካዎ ኣጌ።

ኢያሶ ማጻፋ 9:10

ቃሴ ዮርዳኖሴ ሻፋፔ ሄ ፒንን ዲዛ ኣሞሬ ካዎታ ናምኣታ፥ ሄይቲካ ሃሴቦኔ ካዎ ሲሆኔ፥ ኣስታሮቴ ሃሪዛ ባሳኔ ካዎ ኣጌ ቦላ ኢዚ ኦዳይሳካ ኑ ሲዪዶስ።

ዛሬ ማጻፋ 32:14

ሚዛፔ ዶርሳፌኔ ዴይሻ ዉዴፔ ቤቲዛ ማኒኔ ኦይስ ባሳኔ ዴሬፔ ቤቲዛ ኦሃላ ላቃታ፥ ሞ ርሾታ፥ ዎፋኖታኔ ዴይሻታ፥ ሎኦ ጊስቴ ዳቦራ ኢስታ ሚዚዴስ። ኢንቴ ኢዛ ዴሬቲ ዞኦ ዎይኔ ሚ ኣይፌፔ፥ ጊጊዳ ዎይኔ ኡሹ ኡዪዴታ።

ዛሬ ማጻፋ 4:47

ሄ ዎዴ ኢስቲ ኢዛ ቢታኔ ሄሳካ ዮርዳኖሴፔ ኣርሼይ ሞኪዛ ባጋራ ዲዛ ባሳኔ ዴሬ ሃሪዛ ኣሞሬ ካዎ ኣጌ ቢታ ላቲዳ።

ታይቦ ማጻፋ 32:33

ሄሳ ጊሻስ ሙሴይ ኣሞሬ ዴሬ ካዎ ሲሆኔይ ሃሪዛ ዴሬታኔ ባሳኔ ዴሬ ካዎ ኣጌይ ሃሪዛ ዴሬን ዲዛ ካታማታ፥ ኢስታ ዩሾን ዲዛ ካታማታኔ ዴሬታ ኡባ ኦሮቤሌ ቆሞታስ፥ ጋዴ ቆሞታሲኔ ሚናሴ ቆሞታፔ ባጋይታስ ኢሚዴስ።

ዬ ማጻፋ 68:22

ጎዳይ፥ «ታኒ ኢንቴ ሞርኬታ ባሳኔፔ ዛራዳ ኤሃና፤ ታኒ ኢስታ ጪማ ኣባ ጊዶፌ ኬሳዳ ጉዬ ዛራና።

ዬ ማጻፋ 135:11

ኣሞሬታ ካዎ ሲሆኔ፥ ባሳኔ ካዎ ኣጌኔ ካናኔ ካዎታ ኡባ ዎዴስ።

ዬ ማጻፋ 136:20

ቃሴ ባሳኔ ካዎዛ ኣጌ ዎዴስ፤ ኢዛ ሲቆይ ሜርናሳ።

ዛሬ ማጻፋ 2:30

ካዎ ሲሆኔይ ቃሴ ኑኒ ኢዛ ዴሬራ ኣ ባና ማላ ኮዪቤና፤ ጋሶይካ ጎዳ ኢንቴ ጾሳይ ሃች ኢንቴ ቤኢዛይሳ ማላ ኢዛ ኢንቴ ኩሼን ኣ ኢማናስ ኢዛ ዎዚና ሙሚሲዲ ኦቶራንቻ ኬሲዴስ።