ታይቦ ማጻፋ 12:8 - ጋሞ ማጻፋ

⁸ ሄሳ ጊሻስ ታኒ ኢዛራ ሲንን ቆንጬራ ሃሳያይስ ኣቲን ጉዬራ ቆታን ሃሳይኬ፤ ኢዚ ታ ሜ ቤዬስ፤ ሂስቲን ኢንቴ ታ ኦሳንቻዛ ሙሴ ቦላ ዋኒ ያዮንታ ካ ቃላ ሃሳይዴቲ?» ጊዴስ።

Geeshsha Maxaafa

⁸ Hessa gishshas tani izara sinththan qonccera haasayays attiin guyera qotan haasaykke; izi ta medha beyees; histtiin intte ta oosanchchaza Muse bolla waani yayyontta kadhe qaala haasaydetii?» gides.

ታይቦ ማጻፋ 12:8 Referans Kwoze

ዛሬ ማጻፋ 34:10

ኣሲ ኣሳራ ሃሳይዛ ማላ ጎዳራ ሃሳይዳ ሙሴ ማላ ናቤይ ኢስራኤሌ ቢታን ዴንዲቤና።

1ቆሮንቶሴ ኣሳስ 13:12

ኑኒ ሃኢ ቤኢዛይሲ ሃን ጼሊዛ ማላ ጮ ቦዢ ቦዤስ ሺን ሄ ዎዴ ጊዲኮ ኑ ኢዛ ኣይፌሶ ሎኤ ቤያና፤ ታ ሃኢ ኩሜ ጊዶንታ ባጋ ጻላላ ኤራይስ፤ ሄ ዎዴ ጊዲኮ ታኒ ታ ሁኤስ ኤሬቲዳይሳ ማላ ኤራና።

ኬሳ ማጻፋ 33:23

ሄሳፌ ጉዬ ታኒ ታ ኩሼ ዲጊኮ ኔኒ ታ ዞኮ ቤያናሺን ታ ኣይፌሶይ ቤታናስ ቤሴና» ጊዴስ።

ኬሳ ማጻፋ 33:11

ኣሲ ባ ላጌራ ሃሳይዛ ማላ ጎዳይ ሙሴራ ሲንን ኤቂዲ ሃሳዬስ። ሄሳፌ ጉዬ ሙሴይ ዱንካኔይ ዲዛሶ ጉዬ ሲሜስ ሺን ኢዛ ማዲዛ ናቴ ና፥ ናዌ ና ኢያሶይ ጋይቶቴ ዱንካኔዛፔ ሻኬቴና።

ሉቃሳ ሚሺራቾ 10:16

«ኢንቴ ጊዛይሳ ሲዪዛ ኣሲ ታና ሲዬስ፤ ኢንቴና ኤኮንታ ኣሲ ታናካ ኤኬና፤ ታና ኤኮንታይካ ታና ኪቲዳይሳ ኤኬና» ጊዴስ።

ዮሃኒሳ ሚሺራቾ 15:15

ኣሽካራይ ጎዳይ ኦዛይሳ ኤሮንታ ጊሻስ ሃይሳፌ ጉዬ ታ ኢንቴና ኣሽካራታ ጊኬ። ጊዶ ኣቲን ታኒ ታ ኣዋፔ ሲዪዳይሳ ዉርሳ ኢንቴስ ቆንጪሲዳ ጊሻስ ታ ኢንቴና ታ ላጌታ ጋዲስ።

2ጴጽሮሳ ኪታ 2:10

ሃራፔካ ሄይቲ ቱና ጊዲዳ ባ ኣሾ ኣሞ ካሊዛይታኔ ጾሳ ጎዳቴ ካዛይታ ፒርዳ ጋላሳስ ናጊ ዎዴስ። ሄይቲ ዎርዶ ኣስታማሬቲ ኢስቲ ጻላታኔ ኦቶራንቻታ ጊዲዳ ጊሻስ ሳሎ ቦላ ኢስታስ ጎዳቴ ዲዛይታ ጫዪሼ ባቤቴና።

1ጺምቶሳስ 6:16

ኢዚ ጻላ ሃይቆንታይሳ፤ ኦኒካ ሺቃናስ ዳንዳዮንታ ፖኦ ጊዶን ዴስ፤ ኢዛ ቤኢዳ ኣሲ ኦኒካ ባ፤ ቤያና ዳንዳይዛዴይካ ዴና፤ ኢዛስ ዎልቃይኔ ቦንቾይ ሜርናፔ ሜርናስ ጊዶ። ኣሚን።

2ቆሮንቶሴ ኣሳስ 3:18

ኑኒካ ጎዳ ቦንቾ ማስቶቴ ማላ ጾልቄቲሼ ኢዛ ሚሳታናስ ሃ ቦንቾፌ ሃራ ቦንቾን ላሜታና፤ ሄሲካ ኣያና ጊዲዳ ጎዳፔ።

ዮሃኒሳ ሚሺራቾ 15:24

ሃራ ኣሲ ኦንታ ኦሶ ታ ኢስታ ጊዶን ኦንታኮ ኢስታስ ናጋራ ጊዴናሺን፤ ሃኢ ኢስቲ ሄሳ ኡባ ቤኢዳፔ ጉዬ ታናካ ታ ኣዋካ ኢጺዳ።

ዬ ማጻፋ 17:15

ጊዶ ኣቲን ታኒ ጺሎቴን ኔ ሲን ቤያና፤ ታኒ ቤጊዛ ዎዴ ኔ ቦንቾ ቤኣዳ ኣላና።

ዩሁዳ ኪታ 1:8

ሄሳካ ሄ ኣሳቲ ባርካ ባ ኣጉሞ ካሊዲ ባርካ ባ ኣሾ ቱኒሴቴስ፤ ባፔ ቦላራ ዲዛይታስ ኣዛዜቴቴና፤ ኢስቲ ሳሎን ቦንቾራ ዲዛይታካ ጫዬቴስ።

Ibirawe 1:3

ኢዚካ ጾሳ ቦንቾ ቤሲዛዴኔ ጾሳ ጾሳቴስ ሎኦ ሌሚሶ ጊዲዲ ባ ዎልቃማ ቃላን ዉርሲካ ሺሺ ኦይኪዴስ፤ ኢዚ ኣሳ ናጋራፔ ጌሺዳፔ ጉዬ ሳሎን ቦንቾ ጾሳ ኡሻቻን ኡቲዴስ።

1ታሶሎንቄ ኣሳስ 4:8

ሄሳ ጊሻስ ሃይሳ ሃ ዞሬዛ ካዲ ኤኮንታዴይ ጺሎ ኣያና ኢዛስ ኢሚዳ ጾሳ ካስ ኣቲን ኣስ ካዛዴ ጊዴና።

ዮሃኒሳ ሚሺራቾ 1:18

ጾስ ቤኢዳይ ኦኒካ ባ። ጊዶ ኣቲን ጾሳ ኣዋ ማታን ዲዛ ጾሳ ና ኢሶይ ጻላላ ኢዛ ቆንጪሲዴስ።

Maatosa 13:35

ሄሲካ ካሴ ናቤ ዶናን፥ «ታ ዶና ሌሚሶን ታ ዶያና፤ ኣላሜይ ሜቶሶፔ ሃ ሲሚን ቆቴቲዳይሳ ታ ሃሳያና» ጌቴቲ ዮቴቲዳይሲ ፖሌቲዴስ።

ሂዚቄላ ቲንቢቴ 20:49

ታኒካ ዛራዳ፥ «ኡባ ሃሪዛ ጎዳዉ! ኣዬ ኣና! ኢስቲ ታ ጊሻስ ኡባ ጋላስ፥ ‹ኢዚ ሌሚሶ ጻላ ዮቴስ› ጌቴስ» ጋዲስ።

ሂዚቄላ ቲንቢቴ 17:2

«ሃይሶ ኣሳ ናዉ! ኢስራኤሌ ኣሳ ማሌ ማሌ፤ ኔ ኢስታስ ሌሚሶን ማሌ ዮታ።

ኢሳያሳ ቲንቢቴ 46:5

«ታና ኦናራ ጊኒሴቲ? ታና ኦናራ ሊኪሴቲ? ኑኒ ኢሲኖ ሚሳታና ማላ ታና ኦናራ ጌዳሬቲ?

ኢሳያሳ ቲንቢቴ 40:18

ሂስቲን ኢንቴ ጾሳ ኦናራ ጊኒሴቲ? ኣይ ሚስሌራ ጋ ጊኒሴቲ?

ዬ ማጻፋ 49:4

ታኒ ታ ሃይ ሌሚሶታኮ ዛራና፤ ኢስታ ቢርሼካ ታ ዲን ቆንጪሳና።

ዛሬ ማጻፋ 4:15

«ጎዳይ ሲና ዙማ ቦላን ታማ ላጮ ጊዶፌ ኢንቴስ ሃሳይዛ ጋላስ ኣይ ሜካ ቤኦንታ ጊሻስ ኬሂፔ ናጌቲቴ።

ኬሳ ማጻፋ 20:4

«ቦላ ሳሎን ዲዛ ሚሽ ጊዲን፥ ዎይኮ ጋርሳ ሳኣን ዲዛ ሚሽ ጊዲን፥ ዎይኮ ቢታፌ ጋርሳን ሃ ጊዶን ዲዛ ሚሽ ጊዲን ኣይኮካ ሚሳቲሳዳ ኔስ ሚስሌ ሂስታዳ ሜፋ።

ቆላሲያሴ ኣሳስ 1:15

ኪርስቶሲ ኣይፌን ቤቶንታ ጾሳስ ቱሙ ሌሚሶ፤ ሜቴ ኡባፌ ጊታኔ ባይራ።

ታይቦ ማጻፋ 14:14

ሄሳ ሃኒዳ ዮኦ ኡባ ሃይሳ ዴሬዛን ዲዛ ኣሳ ኩሜስ ኢስቲ ዮታና፤ ሃይቲ ሃ ኣሳቲ ኔኒ ጎዳይ ኑናራ ዲዛይሳኔ ሻራይ ኑፔ ቦላራ ቆንጬን ቤቲዛ ማላ ኔኒ ጋላስ ጋላስ ሻራ ማላ ቱሳን ኦማርስ ኦማርስ ታማ ማላ ቱሳን ጊዳዳ ኑፔ ሲን ኣ ካሌዛይሳ ሲዪሼ ጋምኢዳ።

ኬሳ ማጻፋ 34:30

ኣሮኔይኔ ኢስራኤሌ ኣሳይ ዉሪ ሙሴ ጼሊዲ ኢዛ ኣይፌሶይ ጾልቂዛይሳ ቤኢዲ ኢዛኮ ሺቃናስ ባቢዳ።

ኬሳ ማጻፋ 33:19

ጎዳይ፥ «ታኒ ታ ሎኤቴ ኡባ ኔ ሲንራ ኣና፤ ታ ጌሻ ሱንካ ኔ ኣቻን ኣዋጃና። ታኒ ጎዳ፤ ታኒ ማራናስ ኮይዛይታ ማራና፤ ቃሴ ሚሼታናስ ኮይዛይታስካ ሚሼታና።

Ibirawe 1:1

ቤኒ ዎዴፔ ኦይኪዲ ጾሲ ዱማ ዱማ ኦጌራ ናቤታ ባጋራ ካሴ ኑ ኣዋታስ ዳሮ ዎዴ ዮቲዴስ።

ሜቴ ማጻፋ 32:30

ሄሳ ጊሻስ ያቆቤይ ሄ ሶሆዛ ጲንኤሌ ጊ ሱንዴስ፤ ኣይስ ጊኮ ኢዚ፥ «ታኒ ጾሳ ታ ኣይፌራ ቤኣዳ ሃይቆንታ ኣታዲስ» ጊዴስ።

ዛሬ ማጻፋ 5:8

« ‹ሳሎን ጊዲን ሳኣን፥ ዎይኮ ቢታ ጋርሳን ዲዛ ሃ ጊዶን ዲዛይታፔ ኣዎይሳካ ኔስ ሚስሌ ሜዳ ጾሳ ማላ ጎይኖፋ።

ሌሚሶ ማጻፋ 1:6

ሄሳ ማላን ሌሚሶታኔ ኢስታ ቢርሼታ፥ ኣ ኤራንቻታ ሃሳያኔ ኢስታ ማሌ ኣኬካናስ ዳንዳዬቴስ።

ሆሴኤ ቲንቢቴ 12:13

ጎዳይ ናቤ ባጋራ ኢስራኤሌ ጊብጼፔ ኬሲዴስ፥ ናቤዛ ባጋራ ኢስታ ኢሻልሲ ኦይኪዴስ።

ኬሳ ማጻፋ 19:19

ዛዬዛ ጊሪሳይካ ኬሂ ዳሪ ዳሪ ቢዳ ዎዴ ሙሴይ ሃሳዪን ሃሳዪን ጾሲ ኢዛስ ዛሪ ዛሪዲ ቃላን ሃሳይዴስ።

ታይቦ ማጻፋ 7:89

ሙሴይ ጎዳራ ሃሳያናስ ጌዴ ጋይቶቴ ዱንካኔዛን ጌሊን ኣቶቴ ዴማናስ ሺቂዛሶን ታቦታ ካማ ቦላ ዲዛ ናምኡ ኪሩቤታ ጊዶራ ጎዳይ ኢዛስ ሃሳይዛ ቃላ ሲዪዲ ኢዚካ ኢዛራ ሃሳዬቲዴስ።

ዛሬ ማጻፋ 18:15

ጎዳ ኢንቴ ጾሳይ ኢንቴ ዛሬፔ ታ ማላ ናቤ ዴንና፤ ኢንቴ ኢዚ ኢንቴስ ዮቲዛይሳ ሲዪዲ ኣዛዜቲቴ።