ናሂሚያ ማጻፋ 9:25 - ጋሞ ማጻፋ

²⁵ ቃሴ ሎኢ ጊምቤቲዳ ካታማታኔ ኣራዳ ቢታ፥ ሎኦ ሚሽ ኢስታን ኩሚዳ ኬታ፥ ሃ ኦላታኔ ዎይኔ ኣታኪልቴይ ቶኬቲዛ ጋዴ፥ ዎጋራ ሚታኔ ዳሮ ኣይፌ ኣይፊዛ ሚታ ላቲዳ፤ ሚዲኔ ኡዪዲ ሞዳ፤ ኔኒ ኔ ኪያቴን ኢሚዳ ሎኦ ሚሻን ዉሪ ኡፋዬቲዳ።

Geeshsha Maxaafa

²⁵ Qasse lo7i gimbettida katamatanne aradda biitta, lo7o miish isttan kumida keeththata, haaththa ollatanne woyne atakiltey tokettiza gade, wogara miththatanne daro ayfe ayfiza miththata laattida; Miidinne uyidi modhdhida; neni ne kiyateththan immida lo7o miishshan wuri ufayettida.

ናሂሚያ ማጻፋ 9:25 Referans Kwoze

ዛሬ ማጻፋ 32:15

«ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

ናሂሚያ ማጻፋ 9:35

ኔ ኢስታ ካዎቴን ኢስታስ ጊታ ኣንጆ ኢማዳሳ፤ ኣራዳኔ ኣሆ ቢታ ኢስታስ ኢማዳሳ፤ ጊዶ ኣቲን ኢስቲ ባ ናጋራፔ ሲሚዲ ኔስ ጎይኒቤቴና።

ዛሬ ማጻፋ 3:5

ሄ ካታማቲ ዉሪ ጊምቤን ጊምቤቲዳ፤ ፔንጌቲካ ኮላታታን ጎርዴቴቴስ፤ ኢስታ ዩሾን ዲርሳይ ባይንዳ ጮራ ማንዳራቲ ዴቴስ።

ሆሴኤ ቲንቢቴ 3:5

ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

ሂዚቄላ ቲንቢቴ 20:6

‹ታኒ ኢስታ ጊብጼ ቢታፌ ኬሳዳ ኡባፌ ሎኦ ጊዲዳ ማኔ ኤሲ ጎጊዛ ቢታ ታ ኢስታስ ጊጊሳ ዎዳ ቢታ ጌልና› ጋዳ ጫቃዲስ።

1ካዎታ ማጻፋ 8:66

ዎንቴ ጋላስ ካዎይ ኣሳ ሞይዚዴስ፤ ኣሳይ ካዎዛ ኣንጂዲ ጎዳይ ባ ኣይሌ ዳዊቴሲኔ ባ ኣሳ ኢስራኤሌስ ኦዳ ኪያቴን ዎዚናፔ ኡፋዬቲሼ ባሶ ባሶ ቢዴስ።

ዛሬ ማጻፋ 32:13

«ቃ ሶሆን ኢዛ ዎዴስ፤ ቢታፌ ሞኪዳ ካ ኣይፌ ኢዛ ሚዚዴስ፤ ዛላፌ ቤቲዳ ኤስ ኡሺዴስ፤ ሹቻ ቢታን ሞኪዳ ዎጋራ ዛይቴ ሚዚዴስ።

ኦሮሜ ኣሳስ 2:4

ዎይኮ ጾሳ ኪያቴ ኔና ማሮቴኮ ካሌዛይሳ ሻካ ኤሮንታ ዳሼ ኢዛ ጊታ ኪያቴኔ ኢዛ ዳንዳያ ዱሬቴ ኔ ሌቃይ?

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ኤርማሳ ቲንቢቴ 31:14

ታኒ ቄሴታ ኬሃ ኣንጃና፤ ታ ዴሬዛካ ኪያቴ ካላና» ጌስ።

ኢሳያሳ ቲንቢቴ 6:10

ሃይሳ ዴራ ዎዚና ዳሚሳ፤ ኢስታ ሃይካ ቱሊሳ፤ ኢስታ ኣይፌዛካ ቆቂሳ፤ ሂስቶንታ ኣጊኮ ኢስቲ ባንታ ኣይፌን ቤኣና፤ ባንታ ሃይን ሲያና፤ ባንታ ዎዚናንካ ኣኬካና፤ ሂስቲዲ ኢስቲ ታኮ ሲሚዲ ፓጻና» ጊዴስ።

ዬ ማጻፋ 65:11

ላይ ካሎ ላይ ኦሳ፤ ኔኒ ኣዳሶ ኡባይ ካ ጻላ ጊዴስ።

ሌሚሶ ማጻፋ 30:9

ሂስቶንታ ኣጊኮ ታኒ ኬሃ ካላዳ ኔና ካዳና፤ ‹ጎዳይ ኢዚ ኦኔ?› ጋና፤ ዎይኮ ማንቃዳ ካይሳና፤ ሂስታዳ ታኒ ጾሳ ሱን ጫይሳና።

ኢሳያሳ ቲንቢቴ 63:7

ጎዳ ኪያቴ፥ ጎዳይ ኑስ ኦዳ ኦሶ ኡባ ጊሻስ፥ ኢዚ ጋላቴቲዛ ኦሶዛ ጊሻስ፥ ኢዛ ሲቆዛኔ ኢዛ ኪያቴ ኬና፥ ኢስራኤሌ ኬስ ኢዚ ኦዳይሳ፥ ኤ ኢዚ ኦዳ ሎኦ ኦሶታ ጊሻስ ታ ዮታና።

ዳኔላ ቲንቢቴ 11:24

ኢዚ ኬሂ ዱሬቲዳ ዴሬ ቆፖንታ ዲሺን ዎራጂ ኦይካና፤ ካሴ ኢዛ ኣዋቲ ኦ ኤሮንታ ሚሽ ኢዚ ኦና፤ ኢዚ ዲኢ ኤኪዳይሳ ኡባ ባ ኦላንቻታስ ጊሼቺ ኢማና፤ ኦላ ሚጻታ ቦላካ ሜቶ ጋናስ ቆፋ ቃቻና፤ ጊዶ ኣቲን ሄሲ ጉ ዎዴሳ።

ዛሬ ማጻፋ 32:14

ሚዛፔ ዶርሳፌኔ ዴይሻ ዉዴፔ ቤቲዛ ማኒኔ ኦይስ ባሳኔ ዴሬፔ ቤቲዛ ኦሃላ ላቃታ፥ ሞ ርሾታ፥ ዎፋኖታኔ ዴይሻታ፥ ሎኦ ጊስቴ ዳቦራ ኢስታ ሚዚዴስ። ኢንቴ ኢዛ ዴሬቲ ዞኦ ዎይኔ ሚ ኣይፌፔ፥ ጊጊዳ ዎይኔ ኡሹ ኡዪዴታ።

1ካዎታ ማጻፋ 14:9

ኔፔ ካሴ ሲንን ዲዛይቲ ኡባይ ኦዳ ኢታፔ ኣዛ ኢታ ኔኒ ኦዳሳ፤ ኔኒ ኔስ ቢራታፔ ሴሪሳዳ ኤቃ ጾሳታ ሜዳሳ። ታ ሃንቆ ዴንዳሳ፤ ሂስታዳ ታና ጉዬ ኦላዳሳ።

ዬ ማጻፋ 105:44

ኢዚ ኢስታስ ሃራ ካዎቴታ ቢታ ኢሚዴስ፤ ሂስቲን ኢስቲ ሃራቲ ዳቡሪ ኬሲዳ ካ ኣይፌ ላቲዳ።

ኤርማሳ ቲንቢቴ 2:7

ኢንቴ ኢዚ ኣይፌኔ ኢዚ ኣንጆ ማና ማላ ታኒ ኢንቴና ኣራዳ ቢታ ኤሃዲስ፤ ጊዶ ኣቲን ኢንቴ ዪዲ ታ ቢታ ቱኒሲዴታ፤ ታ ጺንጾዮ ሃራሴታና ማላ ኦዴታ።

ኤርማሳ ቲንቢቴ 32:23

ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።