ናሂሚያ ማጻፋ 2:6 - ጋሞ ማጻፋ

⁶ ሄ ዎዴ ካዋ ማቼያ ኢዛ ማታን ኡታ ዲሺን ካዎዚ ታና፥ «ኔ ባና ኦጌይ ኣፑን ጋላስ ዉርሳኔ? ቃሴ ኔ ኣይ ዎዴ ሲማኔ?» ጊ ኦይቺን ታኒ ኣፑን ጋላስ ጋምኣናኮኔ ኣይዴ ሲማናኮ ዮታዲስ።

Geeshsha Maxaafa

⁶ He wode kawaa machcheya iza matan utta dishin kawozi tana, «Ne baana ogey aappun gallas wursanee? Qasse ne ay wode simmanee?» gi oychchiin tani aappun gallas gam7anaakkonne, ayde simmanaakko yootadis.

ናሂሚያ ማጻፋ 2:6 Referans Kwoze

ናሂሚያ ማጻፋ 13:6

ሃይሲ ኡባይ ሃኒሺን ታ ዬሩሳላሜን ዲኬ፤ ጋሶይካ ካዎ ኣርጼኪሲሲ ባቢሎኔን ካዎቲዳ ሄ ታማኔ ናምኣን ላይን ታኒ ጉዬ ሲማ ባቢሎኔ ዴሬ ባዲስ፤ ጊዶ ኣቲን ጉ ዎዴፔ ጉዬ ካዎዛ ፒቃዴ ኦይቻዲስ፤

ኢሳያሳ ቲንቢቴ 65:24

ኢስቲ ቡሮ ታና ጼይጋናፔ ካሴታ ታኒ ኮያና፤ ኢስቲ ታስ ዮቲ ዉርሶንታ ታ ሲያና።

ናሂሚያ ማጻፋ 5:14

ካዎ ኣርጼኪሲሲ ካዎቲዳ ናምኡ ታማን ላይፌ ዶሚዲ ሄ ታማኔ ናምኡ ላይ ጋካናስ ዲዛ 12 ላይታ ጊዶን ታኒ ዩሁዳ ዴሬ ኩሜ ኣይሲዛ ኣስ ጊዳ ኡታዳ ታና ጊዲን ታ ዳቦታ ጊዲን ዴሬ ኣይሲዛዴስ ቤሲዛ ሚሽ ኣይኮካ ጎኤቲቤኮ።

ኢሳያሳ ቲንቢቴ 58:12

ኔ ዳቦቲ ቤኒ ዮቻታ ዬጋና፤ ካሴ ላሌቲዳይታ ዛሪ ኬጻና፤ ኔኒ ላሌቲዳ ጊምቤ ዛሪ ኦራጺሲዛዴ፥ ዎጋ ኦጌቲ ዲዛ ካታማታ ዛሪ ጊግሲዛዴ ጌቴታና» ጌስ።

ናሂሚያ ማጻፋ 2:4

ካዎዚ ታና፥ «ሂስቲን ሃኢ ኔ ኮይዛይ ኣዜ?» ጊ ኦይቺዴስ፤ ታኒካ ሳሎ ጾሳኮ ዎሲዳፔ ጉዬ፥

ኢሳያሳ ቲንቢቴ 61:4

ኢስቲ ቤኒ ላሌቲዳይታ ዛሪ ኬጻና፤ ካሴ ዎዴ ኩንዲዳይታካ ዛሪ ኤሳና፤ ዳሮ ዬሌታታፔ ካሴ ኩንዲዳይታኔ ላሌቲዳ ካታማታ ዛሪ ኬጻና።

ናሂሚያ ማጻፋ 1:11

ጎዳዉ! ሃኢካ ታ ዎሲዛ ዎሳ ሲያ፤ ኔና ዶሲዲ ቦንቻና ኮይዛ ኦሳንቻታ ዎሳ ኤዝጋ፤ ቃሴ ሃይሳ ካዎዛ ሲንን ታስ ቴማቴ ኢማዳ ሃች ታኒ ኔ ኦሳንቻዚ ኦና ኮይዛይሳ ታስ ፖሊሳ።» ታኒ ሄ ዎዴ ካዎሶን ዎይኔ ኡሹ ጋሴዛ ኣሳ።

ናሂሚያ ማጻፋ 2:5

ካዋስ፥ «ካዎ! ታኒ ኔና ኡፋይሲዛ ጊዲኮ ቃሴ ታ ኦይሾ ኔ ኤኪዛ ጊዲኮ ካሴ ታ ኣዋቲ ሞጌቲዳሶ ዩሁዳ ዴሬ ባዳ ሄ ካታማዮ ዛራዳ ኬጻና ማላ ታና ዬዳርኪ» ጋ ዎሳይስ።

ዳኔላ ቲንቢቴ 9:25

«ኔ ሃይሳ ኤራ፥ ኣኬካ፤ ዬሩሳላሜ ዛሪ ኦናሲኔ ኦራናስ ኣዋጃይ ኬዚዳ ጋላሳፌ ዶሚዲ ሃሪዛ ቲዬቲዳዴይ ያና ጋካናስ ላፑን ሳሚንታኔ ኡሱፑን ታማኔ ናምኡ ሳሚንታ ጊዳና፤ ዬሩሳላሜ ኦጌቲኔ ኢዚስ ዲርሳቲ ዛሪ ኦራጻና፤ ሄሲ ፖሌታናይ ሜቶ ዎዴና።