ናሂሚያ ማጻፋ 12:43 - ጋሞ ማጻፋ

⁴³ ሄ ጋላስ ኣሳይ ዳሮ ያርሾ ሺሺዴስ፤ ጾሳይ ኢዛ ኡፋይሲዳ ጊሻስ ዴሬዚ ኬሂ ኡፋዬቲዴስ፤ ማጫሳይኔ ናይቲካ ኢስታራ ኢሲፌ ኡፋዬቲዳ፤ ዬሩሳላሜን ሃኒዳ ኢሊሊሳ ቃላይ ሃሆን ሲዬቲዴስ።

Geeshsha Maxaafa

⁴³ He gallas asay daro yarsho shiishshides; Xoossay iza ufayssida gishshas derezi keehi ufayettides; Maccassaynne naytikka isttara issife ufayettida; Yerusalaamen hanida ililisa qaalay haahon siyettides.

ናሂሚያ ማጻፋ 12:43 Referans Kwoze

ኢዝራ ማጻፋ 3:13

ሄሳ ጋሶን ኡፋይሳ ዋሶይኔ ዬሆይ ኢሲ ቦላ ዋላኬቲዲ ሃሆን ሴቴቲዴስ፤ ጊዶ ኣቲን ኣሳይ ዬሆ ዋሶኔ ኡፋይሳ ኢሊሊሳ ሻኪ ኤራና ዳንዳይቤና።

ዬ ማጻፋ 92:4

ኣቤት ጎዳዉ! ኔ ኦዳ ዎልቃማ ኦሶቲ ታና ኡፋይሲዳ፤ ኔ ኩሼይ ኦዳ ጊሻስ ታኒ ኡፋይሳን ዬጻይስ።

ኤርማሳ ቲንቢቴ 31:13

ሄ ዎዴ ጌላኦቲ ኡፋዬቲዲ ዬጻና፤ ዎዳላቲኔ ጪማቲ ጉፓና፤ ታ ኢስታ ዬሆዛ ኡፋይሳን ላማና፤ ታ ኢስታ ሙዞቴፌ ሚንና፤ ታ ኢስታስ ኡፋይስ ኢማና።

ያቆቤ ኪታ 5:13

ኢንቴ ጋርሳን ሜቶቲዛ ኣሲ ዲዜ? ዲዛ ጊዲኮ ኢዚ ዎሶ። ኡፋዬቲዛዴይ ዲዜ? ዲዛ ጊዲኮ ኡፋይሳ ማዛሙሬ ዬጾ።

ኤፌሶኔ ኣሳስ 5:19

ኣያና ዬን ጋላታራ ጋ ዬጺሼ ኢንቴ ጊዶን ኢሶይ ኢሳራ ሃሳዬቲቴ፤ ኢንቴ ሳባኒኔ ዬን ኩሜ ዎዚናፔ ጎዳ ጋላቲቴ።

ዮሃኒሳ ሚሺራቾ 16:22

ሄሳ ኢንቴካ ሃኢ ሙዞቴታ፤ ቃሴ ታ ኢንቴና ቤያና ኢንቴ ዎዚናይካ ኡፋዬታና፤ ኢንቴ ኡፋይሳ ዛሪ ኤካናዴይ ዴና።

Maatosa 21:15

ጊዶ ኣቲን ቄሴታ ሃላቃቲኔ ሙሴ ዎጋ ታማርሲዛይቲ ኢዚ ኦዳ ማላታታ ቤኢዳይሳኒኔ ጉ ናይቲ፥ «ዎዜ ካዎ፥ ጋላታይ ዳዊቴ ናስ ጊዶ!» ጊዲ ዋሲዛይሳ ሲዪዳ ጊሻስ ዳሮ ሃንቄቲዳ።

Maatosa 21:9

ኢዛፔ ሲንራ ቢዛ ዴሬይኔ ጉዬራ ካሊዛ ዴሬይካ ባ ቃላ ቁ ሂስቲዲ፥ «ሆሳኢና! ዳዊቴ ናይ ጋላቴቶ! ጎዳ ሱንን ዪዳይ ኣንጄቲዳዴ! ጾሲ ጋላቴቶ!» ጊዳ።

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ኢሳያሳ ቲንቢቴ 61:3

ቃሴካ ጺዮኔን ካዮቲዛይታ ዶሺሳና ማላ፥ ቢዲን ጊሻስ ፑላቴ ካላቻ፤ ዬሆ ጊሻስ ኡፋይሳ ዛይቴ ኢስታ ሁኤን ታ ጉሳና ማላ፥ ጬጬ ኣያና ጊሻስ ጋላታ ሴሎ ታ ኢስታ ቦላ ጎጳና ማላ ታና ኪቲዴስ፤ ኢስቲካ ኢዛ ቦንቾ ቆንጪሳና ማላ ጎዳይ ቶኪዳ ጺሎ ሚ ጌቴቲ ጼይጌታና።

ዬ ማጻፋ 28:7

ጎዳይ ታስ ዎልቃኔ ጎንዳሌ፤ ታ ዎዚናይ ኢዛን ኣማኔቴስ፤ ሄሳን ታኒ ማዴታዲስ፤ ሄሳ ጊሻስ ታ ዎዚናይ ኢዛን ኡፋዬቴስ፤ ታኒ ኢዛ ዬን ሳባና።

ዬ ማጻፋ 27:6

ሄ ዎዴ ታና ዶዲዳ ታ ሞርኬታፔ ቦላራ ቁ ቁ ጋና፤ ታኒ ኢዛ ዱንካኔዛ ሲንን ኡፋይሳ ያርሾ ያርሻና፤ ታኒ ጎዳስ ዲጻናኔ ዬጻና።

ኢዮቤ ማጻፋ 34:29

ጾሲ ጮኡ ጊኮ ኦኔ ኢዛ ቦላ ፒርዳናይ? ኢዚ ባ ዞኮ ዛሪኮ ኦኔ ኢዛ ቤያናይ?

2ታሪኬ ማጻፋ 20:27

ሄሳፌ ጉዬ ጎዳይ ኢስቲ ባ ሞርኬታ ቦላ ኡፋዬታና ማላ ኦዳ ጊሻስ ዩሁዳ ኣሳይኔ ዬሩሳላሜ ኣሳይ ኡባይ ኢዮሳፊጼይ ካሌን ኡፋዬቲሼ ዬሩሳላሜ ሲሚዳ።

2ታሪኬ ማጻፋ 20:13

ዩሁዳ ኣሳይ ኡባይ ባንታ ማቼታራ፥ ባንታ ናይታራ፥ ባንታ ዪ ናይታራ ኢሲ ቦላ ጎዳ ሲንን ኤቂዳ።

2ታሪኬ ማጻፋ 7:10

ሄሳፌ ጉዬ ሶሎሞኔይ ላፑን ኣጊናን ናምኡ ታማኔ ሄን ጋላስ ኣሳ ሞይዚዴስ፤ ጎዳይ ዳዊቴስ፥ ሶሎሞኔሲኔ ባ ኣሳ ኢስራኤሌስ ኦዳ ኪያቴን ኣሳይ ኡፋዬቲሼኔ ዎዚናፔ ፓሽኪ ጊዲ ባ ሶ ባ ሶ ቢዴስ።

1ሳሜላ ማጻፋ 4:5

ጎዳ ጫቆ ቃላ ታቦታይ ጌዴ ኢስራኤሌ ኦላንቻቲ ዱንካኒ ዲዛሶ ቢ ጌሊዳ ማላ ቢታይ ቃጻናሼ ጋካናስ ኢስራኤሌ ኣሳይ ኡባይ ኡፋይሳን ዎልቃማ ዋሶ ዋሲዴስ።

ታይቦ ማጻፋ 10:10

ሄሳካ ኢንቴ ኡፋይሳ ባኣሌ ጋላስ፥ ሄሲካ ኣጊና ባኣሌታኔ ዱማ ዱማ ኢንቴ ቦንቻናስ ቃቺዳ ባኣሌታ ቦንቺዛ ዎዴ ጹጌቲዛ ያርሾኔ ኢሲፌቴ ያርሾታ ሺሺዛ ዎዴ ዛዬታ ፑኒቴ፤ ሄይቲ ጾሳ ሲንን ኢንቴና ቆፍሳና፤ ታኒ ጎዳ ኢንቴ ጾሳ።»

ናሂሚያ ማጻፋ 12:42

ኢስታካ ካሊዛይቲ ማኢሳያ፥ ሻማኤ፥ ኤልኤዜሬ፥ ኡዜ፥ ዪሆሃናኔ፥ ማልኪያ፥ ኤላሜኔ ኤዜሬ፤ ሄይቲ ባ ኤቂዛሶ ኤቂዛሶ ኦይኪዳ፤ ዬጺዛይቲ ዪዚራሄያይ ካሌን ባ ቃላ ቁ ሂስቲዲ ዬጺዳ።

ዬ ማጻፋ 9:2

ታኒ ኔናን ኡፋዬታናኔ ሃሹ ጋና። ኡባፌ ቃ ጾሳዉ! ታኒ ኔ ሱንስ ጋላታ ማዛሙሬ ዬጻና።

ናሂሚያ ማጻፋ 12:27

ዬሩሳላሜ ካታማ ጊምቤይ ኣንጄቲዛ ጋላስ ሌዌ ባጋቲ ዳላን፥ ባጋናኒኔ ማሲንቆን ዬጺዲ ቦንቻና ማላ ኢስቲ ዲዛሶፔ ዲዛሶፔ ኮዬቲዲ ዪዳ።