ናሆሜ ቲንቢቴ 2:8 - ጋሞ ማጻፋ

⁸ ናናዌይ ኤሌ ሃ ማላ፤ ኢዚ ሃካ ሚጫና። «ኤቃ! ኤቃ!» ጊ ኢስቲ ዋሳና፤ ጊዶ ኣቲን ጉዬ ሲሚዛይ ዴና።

Geeshsha Maxaafa

⁸ Nannawey eele haaththa mala; izi haaththika miccana. «Eqqa! Eqqa!» gi istti waassana; gido attiin guye simmizay deenna.

ናሆሜ ቲንቢቴ 2:8 Referans Kwoze

ዮሃኒሳ ኣጁታ 17:15

ሄ ኪታንቻዚካ ታስ፥ «ሃ ላይማ ማጫሳያ ኢስታ ቦላ ኡታ ዲሺን ኔኒ ቤኢዳ ሃታ፥ ዴሬታ፥ ኣሳታ፥ ዱማ ዱማ ቆሞታ ቃሴካ ዱማ ዱማ ቃላን ሃሳይዛይታ።

ዮሃኒሳ ኣጁታ 17:1

ላፑን ጹኣታ ባ ኩሼን ኦይኪዳ ላፑን ኪታንቻታፔ ኢሶይ ሃ ታኮ ዪዲ ታስ፥ «ሃ ያ፤ ዳሮ ሃታ ቦላ ኡቲዳ ሄ ኢታ ላይማ ማጫሳይ ቦላ ጋኪዛ ፒርዳ ታ ኔና ቤሳና።

ናሆሜ ቲንቢቴ 3:17

ኔና ናጊዛይቲ ቦሌ ማላ፤ ኔ ጊታ ኣሳቲ ሜጎ ጋላስ ጊምቤ ጋርሳን ኡቲዛ ጉምባሮ ማላ። ኢስቲ ኣርሼይ ኬዚሺን ፒራቴስ፤ ኢስቲ ፒራ ቢዛሶይ ኣዋኮ ኤሬቴና።

ኤርማሳ ቲንቢቴ 51:30

ባቢሎኔ ኦላንቻቲ ኦላ ኣጊዳ፤ ባንታ ሚጻን ኡቲዳ፤ ኢስታስ ዎልቃይ ዉሪዴስ፤ ኢስቲ ማጫሳ ማላ ጊዲዳ፤ ኢስታ ኬቲካ ጹጌቲዳ፤ ኢዚ ፔንጌ ኮላታቲ ሜቄሬቲዳ።

ኤርማሳ ቲንቢቴ 50:16

ባቢሎኔፔ ዜሬ ዜሪዛይሳ፥ ካ ሺሾ ዎዴ ጫካናስ ባጫ ኦይኪዳይሳ ይሲቴ፤ ኡንኤዛይታ ማሻፌ ዴንዲዳይሳን ኢሶይ ኢሶይ ባ ኣሳኮ ሲሞ፤ ባ ዴሬካ ባቃቶ።

ኤርማሳ ቲንቢቴ 46:5

ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 47:13

ኔ ኤኪዳ ዞሬ ኡባይ ኔና ዳቡራራ ኣሺዴስ፤ ኣጊናፔ ኣጊና ጋካናስ ጾሊንቴ ጼሊ ካዪዛይቲ፥ ጾሊንቴ ታይቢዛይቲ ኣኔ ሃ ዬቶ፤ ኔና ጋኪዛ ሜቶፔ ኣኔ ኢስቲ ኔና ኣሼቶ።

ኢሳያሳ ቲንቢቴ 13:14

ሻንካቲዛዴፌ ባቃቲዛ ጌኔሳ ማላ፥ ሄሚዛዴይ ባይንዳ ዶርሳ ዉዴ ማላ፥ ኣሲ ኡባይ ባ ኣሳኮ ኣሳኮ ሲማና፤ ኢሶይ ኢሶይ ባ ዴሬ ባቃታና።

ሜቴ ማጻፋ 10:11

ኢዚ ሄ ቢታፌ ኣሶሬ ቢዲ ናናዌ፥ ኤራሆቦቴኔ ካላሄ ካታማታ ኦዴስ፤ ቃሴ ናናዌፔኔ ካላሄፔ ጊዶን ዲዛ ኤሬሴኔ ጌቴቲዛ ጊታ ካታማካ ኦዴስ።

ኤርማሳ ቲንቢቴ 51:13

ሃኔ ዳሮ ሻፋታ ማታን ዲዛሬ! ኣቆታን ኬሃ ዱሬቲዳሬ! ኔ ያና ዎዴይ ጋኪዴስ፤ ኔስ ዉርሴ ጋኪዴስ» ጌስ።

ኤርማሳ ቲንቢቴ 47:3

ፓራ ቶሆ ጊሪሲ ሞርኬ ፓራ-ጋሬታ ዋሶ፥ ፓራ-ጋሬታ ቶሆይ ጌንዴሪሼ ጊሪዛ ጊሪሳ ጋሶን ኣዋቲ ባንታ ናይታ ኣሻናስ ጉዬ ሲሚ ጼሌቴና፤ ኢስታ ኩሼይካ ሲላ ጊዳና።

ናሆሜ ቲንቢቴ 1:1

ኤልቆሼ ዴሬ ኣስ ናሆሜይ ናናዌ ዮ ጊሻስ ዮቲዳ ኣጁታ ማጻፋይ ሃይሳፌ ካሊዛይሳ።

ኢሳያሳ ቲንቢቴ 38:14

ታኒ ጪራሻኔ ሃ ካፎ ማላ ዋሳዲስ፤ ሃራጴ ማላካ ጉጉማዲስ። ታ ኣይፌቲ ፑዴ ሳሎ ጼሊዲ ዳቡርዳ። ኣቤት ጎዳዉ፥ ታኒ ኡንኤታዲስ፤ ኔኒ ታና ሃኒፌ ኬሳ!» ጋዲስ።

ኢሳያሳ ቲንቢቴ 59:11

ኑኒ ኡባይ ዛርዶ ማላ ላዎስ፤ ሃራጴታ ማላካ ጬጪሼ ጉጉሞስ፤ ኑኒ ሱሬ ፒርዳ ኮዪዶስ፤ ጊዶ ኣቲን ዴሚቤኮ፤ ኣታና ኮዪዶስ፤ ጊዶ ኣቲን ኢዚ ኑፔ ሃኪዴስ።