ናሆሜ ቲንቢቴ 1:5 - ጋሞ ማጻፋ

⁵ ዙማቲ ኢዛ ሲንን ኮኮሪዳ፤ ዙምቡላቲካ ሴሪዳ። ኢዛ ሲንን ቢታይ፥ ኣላሜይኔ ኢዚን ዲዛ ኡባቲ ቃጺዳ።

Geeshsha Maxaafa

⁵ Zumati iza sinththan kokkorida; zumbullatikka seerida. Iza sinththan biittay, alameynne izin diza ubbati qaaxxida.

ናሆሜ ቲንቢቴ 1:5 Referans Kwoze

ሚኪያሳ ቲንቢቴ 1:4

ሙቃዳይ ታማ ቤኢዲ ሴሪዛ ማላኔ ሃ ኣፎራ ዱጌ ጎጊዛ ማላ ሄ ዎዴ ዙማቲ ኢዛ ቶሆ ጋርሳን ሴራና፤ ሾባቲካ ጳልቄቲ ዎና።

ኤርማሳ ቲንቢቴ 4:24

ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

2ሳሜላ ማጻፋ 22:8

«ኢዚ ሃንቄቲዳ ጊሻስ ቢታያ ኮኮራዱሲኔ ሺሮታዱስ፤ ሳሎታ ዮቺ ዛኢዴሲኔ ቃጺዴስ።

ኢምባቆ ቲንቢቴ 3:10

ዙማቲ ኔና ቤኢዲ ማኒዳ፤ ሃ ዳምባላይ ኣ ቢዴስ፤ ኣባይ ጬቄቲዴስ፤ ኣባ ዳምባላካ ፑዴ ዴንዴስ።

ዬ ማጻፋ 68:8

ሲና ጾሳ ሲንን፥ ኢስራኤሌ ጾሳ ሲንን ቢታይ ቃጺዴስ፤ ሳሎቲ ኢራ ዱጌ ቲጊዳ።

ዳናታ ማጻፋ 5:5

ጎዳ ኢስራኤሌ ጾሳ ሲንኒኔ ሲና ጎዳ ሲንን ዙማቲ ቃጺዳ።

ዬ ማጻፋ 114:6

ኢንቴኖ ዙማቶ! ርሾ ማላ ኣይስ ጉፒዴቲ? ኢንቴኖ ዙምቡላቶ! ዶርሳ ላቃ ማላ ኣይስ ጺኪዴቲ?

ዬ ማጻፋ 114:4

ዙማቲ ርሾ ማላ ጉፌሬቲዳ፤ ዙምቡላቲካ ዶርሳ ላቃ ማላ ጺኪዳ።

ዬ ማጻፋ 98:7

ኣባይኔ ኣባ ጊዶን ኩሚዳ ኡባይ ጉሞ! ሳኣይኔ ሳኣ ቦላን ዲዛ ኡባይ ዬጾ!

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ኬሳ ማጻፋ 19:18

ጎዳይ ሲና ዙማ ቦላ ታማራ ዎዳ ጊሻስ ጊታ ጮጬፔ ኬዚዛ ማላ ጩዋይ ቱሉ ጊ ኬዚዲ ዙማ ኩሜ ካሚዴስ፤ ዙማዚ ኩሜ ኬሂ ቃጺዴስ።

ዮሃኒሳ ኣጁታ 20:11

ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።

Maatosa 28:2

ቆፖንታ ዲሺን ጊታ ቢታ ቃ ሃኒዴስ፤ ጎዳ ኪታንቻይካ ሳሎፔ ዎ ዱፋኮ ቢዲ ሹቻ ጌንዴሪሲዲ ኢዛ ቦላ ኡቲዴስ።

Maatosa 27:51

ሄ ዎዴ ጾሳ ኬ ማጋላሻይ ቦላ ሁኤራ ዱጌ ሲሚ ዳኬቲዲ ናምኡ ኬዚዴስ፤ ቢታይ ቃጺዴስ፤ ዛላቲ ዛኢዳ።

ዮሃኒሳ ኣጁታ 6:14

ሳሎይካ ዋራቃታ ማላ ጻጼቲ ኪቺዴስ፤ ዙማቲኔ ኣባ ጊዶን ዲዛ ጋዴቲ ዉሪካ ባ ዲዛሶፔ ይዳ።

ዬ ማጻፋ 18:7

ጾሲ ሃንቄቲዳ ጊሻስ ቢታይ ቃጺዴስ፤ ዙማታ ጻጶይ ኮኮሪዴስ።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኢሳያሳ ቲንቢቴ 24:1

ቤኢቴ! ጎዳይ ቢታ ቡላ ኬሳና፤ ሙሌራ ይሳና፤ ቡ ዶሬ ሂስታና፤ ኢዚን ዲዛ ኣሳ ላላና።

ኢሳያሳ ቲንቢቴ 24:20

ቢታይ ማቲዳ ኣሳ ማላ ዪጮቲዴስ፤ ጫርኮይ ሱጊዳ ጋባ ማላ ጊዳዱስ። ቢታ ማካላቴይ ዴጾ ጊዲዳ ጊሻስ ኩንዳና፤ ናምኣንካ ሲሚ ዴንዴና።

ኢዩኤሌ ቲንቢቴ 2:10

ቢታይ ኢስታ ሲንን ኮኮራና ሳሎይካ ቃጻና፤ ኣዋ ኣይፌይኔ ኣጊናይ ማና፤ ጾሊንቴይካ ፖኦ ኢሜና።

ዛካራሳ ቲንቢቴ 4:7

«ሃይሶ ጊታ ዙማዞ ኔ ኣዜ? ኔ ዜሩባቤሌ ሲንን ቲ ጊዳ ዴምባ ጊዳና፤ ቃሴ ዜሩባቤሌይ ጾሳ ኬ ኬጺ ጊጊዲ ቁስቴ ሹቻ ፑዴ ኬሲዛ ዎዴ ኣሳይ፥ ‹ሃሹ ሃሹ ሎኦን ፖሌቲዴስ› ጊ ሳባና» ጌስ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ኢዮቤ ማጻፋ 9:5

ኣኬኮንታ ዙማታ ኮኮርሳና፤ ባ ሃንቆዛንካ ሺሬቺ ዬጋና።

ኢዮቤ ማጻፋ 26:11

ኢዚ ሃንቂዛ ዎዴ ሳሎ ቱሳቲ ዳጋማን ኮኮሬቴስ።

ዬ ማጻፋ 18:8

ኢዛ ሲፔ ሃንቆ ጩዋይ ጩዋቲዴስ፤ ኢዛ ዶናፔ ሚዛ ታማ ላጮይ ኬዚዴስ፤ ኢዛ ዶናፔ ጹጊዛ ቦንቆይ ፑልቲዴስ።

ዬ ማጻፋ 104:32

ኢዚ ቢታ ጼሊን ቢታይ ቃጼስ፤ ቃሴ ኢዚ ዙማታ ቦቺን ዙማቲ ጩዋቴቴስ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ሂዚቄላ ቲንቢቴ 38:20

ኣባ ሞሌቲ፥ ሳሎ ካፎቲ፥ ዎራ ዶኣቲ፥ ቢታ ቦላ ቲራን ጎሼቲዛ ኣይ ሜቴቲካ፥ ሄሳ ቢታ ቦላ ዲዛ ኣስ ኡባይ ታ ሲንን ኮኮራና፤ ዙማቲ ሺሬቲ ሺሬቲ ዎና፤ ኣፎቲ ዎዳና፤ ዲርሳ ጊምቤይ ኡባይ ላሌታና።

ኣሞጼ ቲንቢቴ 9:5

ኡባ ሃሪዛ ጎዳይ ኢዚ ቢታዮ ቦቼስ፤ ኢዛካ ሴራዉስ፤ ኢዚን ዲዛ ኡባይ ዬኬስ፤ ናይሌ ሻፋይ ኪጺ ጉሚዛ ማላ ቢታ ኡባይ ቃጼስ፤ ቃሴ ዛሪዲ ኪጻ ሃ ዎዛ ማላ ዎና።