ሚኪያሳ ቲንቢቴ 7:3 - ጋሞ ማጻፋ

³ ኢዛ ኩሼይ ኢታ ኦናስ ታማርዴስ፤ ዴሬ ሄሚዛዴይ ኩሼ ጌን ኮዬስ፤ ፒርዲዛ ዳናይካ ማታኤ ኤኬስ፤ ዎልቃማቲ ባና ኮሺዳዚ ኦቴስ፤ ዉሪካ ኢሲ ቦላ ዱላቴቴስ።

Geeshsha Maxaafa

³ Iza kushey iita ooththanaas tamaardes; dere heemmizaadey kushe genththo koyees; pirdiza daannayka matta7e ekkees; wolqqamati bana koshshidaazi ooththeettes; wurikka issi bolla duulateettes.

ሚኪያሳ ቲንቢቴ 7:3 Referans Kwoze

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ኣሞጼ ቲንቢቴ 5:12

ኢንቴ ቆሆይ ኣይ ማላ ዳሮኮኔ ኢንቴ ናጋራይ ኣይ ማላ ዴጾኮ ታ ኤራይስ፤ ኢንቴ ጺሎ ኣሳታ ኡንኤታ፤ ማታኤ ኤኪዲ ፒርዳሶን ማንቆታስ ጌላ ፒርዴታ።

ኤርማሳ ቲንቢቴ 8:10

ሄሳ ጊሻስ ታኒ ኢስታ ማቼታ ሃራ ኣዚናታስ፥ ኢስታ ቢታታካ ኣላጋታስ ኢማና፤ ጉይካ ጊታይካ ኡባይ ባንታ ጎኣስ ዪቄቴቴስ። ናቤቲኔ ቄሴቲካ ኡባይ ኣስ ባሌቴስ።

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

Maatosa 26:15

«ታ ኢንቴስ ኢዛ ኣ ኢሚኮ ኢንቴ ታስ ኣይ ኢማኔ?» ጊዴስ። ኢስቲካ ኢዛስ ሄ ታሙ ቢራ ኢዛ ኩሼን ታይቢ ኢሚዳ።

ሆሴኤ ቲንቢቴ 4:18

ዎይኔ ኡሹ ኡዪዳፔ ጉዬ ላይማቴቴስ። ኢስታ ኣይሲዛይቲካ ዬላቺዛ ሚሽ ዶሴቴስ።

ሂዚቄላ ቲንቢቴ 22:27

ኢዚ ጊዶን ዲዛ ጊታ ኣሳቲ ሃይቂዳይሳ ፑዚዛ ካና ሱይቴ ማላ፤ ኢስቲ ቤሶንታ ዱሬቴ ሺሻናስ ሱ ጉሴቴስ።

ሂዚቄላ ቲንቢቴ 22:6

« ‹ቤኣ፥ ኔ ጊዶን ዲዛ ኢስራኤሌ ዳናቲ ኢሶይ ኢሶይ ሱ ጉሳናስ ባ ማታን ጎኤቴቴስ።

ኤርማሳ ቲንቢቴ 3:5

ኔኒ ኡባቶ ታ ቦላ ሃንቄታኔ? ኔ ሃንቆይ ሜርናሴ?› ጋዳሳ። ኤ ኔኒ ሂዝጋሳ፤ ጊዶ ኣቲን ኔኒ ዳንዳይዳ ኬና ኢታ ሚሽ ኡባ ኦሳ» ጌስ።

ኢሳያሳ ቲንቢቴ 26:21

ቢታ ቦላን ዲዛ ኣሳ ኢስታ ናጋራ ጊሻስ ቃጻያናስ፥ ጎዳይ ባ ዴኢዛሶፔ ኬዚዲ ዬስ። ቢታይካ ባ ቦላን ጉኪዳ ሱ ቆንጪሳና፤ ሃይቂዳይታካ ሃይሳፌ ጉዬ ቆቱኩ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ሌሚሶ ማጻፋ 17:23

ኢታ ኣሲ ፒርዳ ጌላሳናስ ጌማን ማታኤ ኤኬስ።

ኢሳያሳ ቲንቢቴ 3:5

ዴሬይ ዴሬ ቦላ፥ ኣሲ ኢሶይ ኢሳ ቦላ፥ ሾሮይ ሾሮ ቦላ፥ ዬላጋ ናይቲ ጪማታ ቦላ፥ ሹፉሮይ ቦንቼቲዳይታ ቦላ ዴንዳና።

ኢሳያሳ ቲንቢቴ 5:23

ማታኤ ኤኪዲ፥ ሞራንቻታ ጺሊሲዛይታሲኔ ጺሎ ኣሳታሲ ሱሬ ፒርዳ ዲጊዛይታስ ኣዬ ኣና!

ኢሳያሳ ቲንቢቴ 32:7

ዎጋይ ባይንዳ ኣሳታ ሂላቴ ኢታ፤ ሜቶታንቻታ ማጋናይ ሱሬ ጊዲኮካ ሂዬሳታ ዎርዶራ ይሳናስ ኢታቴን ዩሺ ቆፔስ።

ሂዚቄላ ቲንቢቴ 9:9

ኢዚ ዛሪዲ ታስ፥ «ኢስራኤሌ ኬ ናጋራይኔ ዩሁዳ ኬ ናጋራይ ኬሂ ዳሪዴስ፤ ቢታያ ሱ ጻላ ጊዳዱስ፤ ቃሴ ካታማያ ጌላቴን ኩማዱስ፤ ጋሶይካ ኣሳይ፥ ‹ጎዳይ ቢታ ኣጊዴስ፤ ጎዳይ ቤኤና› ጌቴስ።

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ሆሴኤ ቲንቢቴ 7:3

ጎዳይ፥ «ኢስቲ ካዎዛ ባ ኢታቴን ሃላቃታካ ባንታ ዎርዶን ባሌቴስ።

ሚኪያሳ ቲንቢቴ 2:8

ዉርሴን ኢንቴ ታ ዴሬታ ቦላ ሞርኬ ጊዲ ዴንዲዴታ፤ ኢስታስ ኦላ ቆፋይ ባይንዳ ዲሺን ሳሮቴራ ኣዛይታ ቦላፌ ሴሎ ማይኦ ኢንቴ ቃሪ ኤኪዴታ።

ሚኪያሳ ቲንቢቴ 3:2

ኢንቴ ሎኦ ኢጺዴታ፤ ኢታ ቃሴ ዶሲዴታ፤ ታ ኣሳ ጋልባ ሾቂዴታ፤ ኢስታ ኣሾካ ሜቄፌ ሻኪዴታ።

ሌሚሶ ማጻፋ 16:30

ኣይፌራ ቂምኦቲ ቤሲዛ ኣሲ ጌላቴ ቆፔስ፤ ባ ሜቴርሻ ሳጺዛ ኣሲ ኢታሶ ቤስ።

ኤርማሳ ቲንቢቴ 4:22

ጎዳይ፥ «ታ ኣሳይ ኤያ፤ ኢስቲ ታና ኤሬቴና። ኢስቲ ዩሺ ቆፖንታይታ፤ ኢስቲ ኣኬካይ ባይንዳይታ፤ ኢስቲ ኢታ ሚሽ ኦናስ ኤራንቻታ፤ ሎኦ ኦናስ ኤራይ ፓጪዳይታ» ጌስ።

ሂዚቄላ ቲንቢቴ 34:21

ላፋታ ኢንቴ ኢንቴ ሃሼኒኔ ኢንቴ ቡንቃሼን ሱጊዛ ጊሻስ፥ ኢስቲ ጎዴቲ ባና ጋካናስ ኢንቴ ኢንቴ ካጬን ኢጪዛ ጊሻስ፥