ሚኪያሳ ቲንቢቴ 7:18 - ጋሞ ማጻፋ

¹⁸ ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

Geeshsha Maxaafa

¹⁸ Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ሚኪያሳ ቲንቢቴ 7:18 Referans Kwoze

ኢሳያሳ ቲንቢቴ 43:25

«ታ ጊሻስ ጋዳ ኔ ቆሆዛ ይሲዛይ ታኒ ታና፤ ኔ ናጋራ ታ ቆፒኬ።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኤርማሳ ቲንቢቴ 50:20

ሄ ዎዴታኒኔ ሄ ጋላሳታን ጎዳይ፥ «ኢስራኤሌ ሞሮይ ኮዬታና፤ ጊዶ ኣቲን ኢሲናካ ቤቱኩ፤ ዩሁዳ ናጋራይካ ኮዬታና፤ ጊዶ ኣቲን ሙሌካ ቤቴና፤ ሃይቆፔ ታ ኣሺዳ ሾጌታ ታ ማራና» ጌስ።

ኤርማሳ ቲንቢቴ 32:41

ታ ኢስታስ ሎኦ ኦዳ ኡፋዬታና፤ ቃሴ ታኒ ታ ኩሜ ዎዚናፔኔ ታ ኩሜ ሼምፖፌ ቱማፔ ሃ ቢታይ ቦላ ኢስታ ቶካና» ጌስ።

ኤርማሳ ቲንቢቴ 3:12

«ባ፤ ባዳ ፑዴሃ ባጋስ፥ ‹ሃኔ ኣማኖይ ባይንዳ ኢስራኤሌ ሲማ! ታኒ ማሮታይ ኩሚዳዴ ጊዲዳ ጊሻስ ኔና ኢታ ኣይፌን ጼሊኬ፤ ሜርናስካ ሃንቄቲኬ› ጌስ ጎዳይ።

ኬሳ ማጻፋ 15:11

«ኣቤት ጎዳዉ! ኤቃ ጾሳታ ጊዶን ኔ ማላይ ኦኔ? ጌሻቴን ቦንቼቲዛይ፥ ቦንቾን ባቢሲዛይኔ፥ ማላሊሲዛ ሚሽ ኦዛይ ኔ ማላይ ኦኔ?

ዬ ማጻፋ 89:8

ኣቤት ጎዳዉ! ኡባፌ ዎልቃማ ጾሳዉ! ኔ ማላ ዎልቃማይ ኦኔ? ኣቤት ጎዳዉ! ኔኒ ኡባ ሚሻን ኣማኔቲዳዴ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 65:3

ኑ ናጋራይ ኑና ሚቲዴስ፤ ኔኒ ጊዲኮ ኑ ባላ ኣቶ ጋ ዉርሳዳሳ።

ዬ ማጻፋ 89:6

ሳሎን ጎዳራ ሊኬታናስ ዳንዳይዛይ ኦኔ? ሳሎ ሜቴታ ጊዶንካ ጎዳ ማላይ ኦኔ?

ሉቃሳ ሚሺራቾ 24:47

ዬሩሳላሜፔ ዶሚዲ ኡባ ዴሬስ ናጋራፔ ሲሞይኔ ማሮቴ ኢዛ ሱንን ዮቴታና።

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ሚኪያሳ ቲንቢቴ 2:12

«ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና።

ሂዚቄላ ቲንቢቴ 33:11

ኔኒ ኢስታስ ኡባ ሃሪዛ ጎዳይ፥ ‹ታኒ ታ ዴኦን ጫቃይስ፤ ኢስቲ ባ ኦጌፔ ሲሚዲ ሼምፖራ ፓጻ ዳና ማላ ኣቲን ኢታ ኣሳታ ሃይቆን ታ ኡፋዬቲኬ፤ ሲሚቴ! ኢንቴ ኢታ ኦጌፔ ሲሚቴ! ኢስራኤሌ ኬ ኣሳቶ ኣይስ ሃይቄቲ?› ጋዳ ዮታ።

1ካዎታ ማጻፋ 8:23

ሂስቲዲ፥ «ኣቤት ጎዳዉ፥ ኢስራኤሌ ጾሳዉ! ቦላ ሳሎን ዎይኮ ጋርሳ ሳኣን ኔ ማላ ጾሲ ዴና፤ ባ ኩሜ ዎዚናን ኔ ሲንን ሚኒ ኤቂዳ ኔ ኦሳንቻታስ ኔ ጫቂዳ ቃላ ናጊዛይኔ ኔ ሚኖ ሲቆዛ ቆንጪሲዛይ ኔና።

ዛሬ ማጻፋ 33:26

ኢስራኤሌ ኣሳዉ! ሳሎፔ ኢንቴና ማዳናስ ባ ቴማራ ሻራ ቦላ ሄሜቲዛ ኢንቴ ጾሳ ማላ ሃራ ጾሲ ዴና።

ያቆቤ ኪታ 2:13

ጋሶይካ ማሮንታይ ዉሪካ ማሮይ ባይንዳ ፒርዴታና፤ ማሮይ ፒርዳ ጾኔስ።

ሶፎናሳ ቲንቢቴ 3:17

ጎዳ ኔ ጾሳይ ኔናራ ዴስ፤ ኢዚ ኣሺዛ ሚኖ ኦላንቻ። ኢዚ ኔናን ዳሮ ኡፋዬቴስ፤ ኢዚ ባ ሲቆን ኔና ዎፒሳና፤ ኔ ዬን ኢዚ ቦንቼቲዲ ኡፋዬታና› ጋና።

ሚኪያሳ ቲንቢቴ 7:14

ዎራ ጊዶኒኔ ጪሊላ ማታ ጊዶን ባርካ ዲዛይቲ ኔ ሜሄ ጊዲዳ ኔ ዴሬታ ኔኒ ኔ ጉፌራ ሄማ፤ ቤኒ ዎዴ ማላ ኢስቲ ባሳኔኒኔ ጋላኣዴን ሄሜቴቶ።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ኢዩኤሌ ቲንቢቴ 2:32

ጎዳ ሱን ጼይጊዛይ ዉሪካ ኣታና፤ ጎዳይ ካሴ ዮቲዳ ማላ ጺዮኔ ዙማ ቦላፌኔ ዬሩሳላሜፔ ኣቶቴ ቤታና፤ ኣታናይታ ጋርሳን ጎዳይ ጼይጊዳይቲ ዳና» ጊዴስ።

ኢሳያሳ ቲንቢቴ 57:16

ኣሳ ኣያናይ ታ ሲንን ዳቡሮንታ ማላ ታ ሜዳ ኣሳስ ፔኖይ ኤቆንታ ማላ ታ ሜርናስ ዋላሲኬ፤ ታ ኡባቶ ሃንቄቲኬ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

ዳኔላ ቲንቢቴ 9:9

ኣቤት ጎዳ ኑ ጾሳዉ! ኑኒ ኔ ቦላ ማካሊኮካ ኔኒ ማሪዛኔ ኣቶ ጊዛ ጾሳ።

ኤርማሳ ቲንቢቴ 3:5

ኔኒ ኡባቶ ታ ቦላ ሃንቄታኔ? ኔ ሃንቆይ ሜርናሴ?› ጋዳሳ። ኤ ኔኒ ሂዝጋሳ፤ ጊዶ ኣቲን ኔኒ ዳንዳይዳ ኬና ኢታ ሚሽ ኡባ ኦሳ» ጌስ።

ኢሳያሳ ቲንቢቴ 65:19

ታኒ ዬሩሳላሜን ኡፋዬታና፤ ታኒ ታ ዴሬዛን ሆምቦጫና፤ ሃይሳፌ ጉዬን ዬሆይኔ ዋሶይ ሄን ሴቴቴና።

ኢሳያሳ ቲንቢቴ 55:7

ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ኢሳያሳ ቲንቢቴ 1:18

ቃሴካ ጎዳይ፥ «ሃ ዪቴ ኢሶይ ኢሳራ ኣኔ ቡጼቶስ፤ ኢንቴ ናጋራይ ጼቃ ዞኦ ጊዲኮካ ሻቻ ማላ ቦታና፤ ሱ ማላ ዞኢኮካ ፑቶ ማላ ፑቃ ቦ ጊዳና።

ዬ ማጻፋ 130:4

ጊዶ ኣቲን ኑኒ ኔና ቦንቻና ማላ ኔኒ ኑ ናጋራ ኣቶ ጋሳ።

ዬ ማጻፋ 71:19

ኣቤት ጾሳዉ! ኔ ጺሎቴይ ሳሎ ጋኪዴስ፤ ኣቤት ጾሳዉ! ኔኒ ጊታ ሚሽ ኦዳሳ፤ ኔና ሚሳቲዛይ ኦኒካ ዴና።

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ኬሳ ማጻፋ 34:9

«ኣቤት ጎዶ! ኔኒ ታናን ኡፋዬቲዳ ጊዲኮ ኔ ኑናራ ኢሲፌ ባና ማላ ታ ኔና ዎሳይስ። ሃይሲ ኣሳይ ዎዚና ሙሜ ጊዲኮካ ኑ ኢታቴኔ ኑ ናጋራ ኣቶ ጋዳ ኑና ኔ ኣስ ሂስታ» ጊዴስ።

ኦሮሜ ኣሳስ 11:4

ጾሲ ኢዛስ፥ «ባኣሌ ጌቴቲዛ ኤቃስ ጎይኖንታይታ ላፑን ሺ ኣስ ታኒ ታስ ኣሻዲስ» ጊ ዛሪዴስ

ሉቃሳ ሚሺራቾ 15:32

ሃይሲ ኔ ኢሻይ ሃይቂዴስ ሺን ፓጺዴስ፤ ይዴስ ሺን ቤቲዴስ፤ ሄሳ ጊሻስ ኑኒ ኡፋዬታናስ ቤሴስ› ጊዴስ።»

ሚኪያሳ ቲንቢቴ 5:3

ሄሳ ጊሻስ ዬሊዛራ ሚጻታዳ ዬላና ጋካናስ ኢስራኤሌይ ዬጌታ ኣታና፤ ሃንኮ ኣቲዳ ኢሻቲካ ሲሚዲ ኢስራኤሌ ኣሳራ ዋላኬታና።

ኣሞጼ ቲንቢቴ 8:2

ጎዳይ ታና፥ «ሄሲ ኔ ቤኢዛይሲ ኣዜ?» ጊ ኦይቺዴስ፤ ታኒካ ኢዛስ፥ «ቴራራ ዲዛ ዳቾ ቤያይስ» ጋዲስ፤ ቃሴካ ጾሲ ታስ፥ «ታ ዴሬ ኢስራኤሌስ ዉርሴ ጋኪዴስ፤ ሃይሳፌ ጉዬን ታኒ ኢስታ ቃጻዮንታ ኣጊኬ።

ኣሞጼ ቲንቢቴ 7:8

ኢዚካ፥ «ኣሞጼ! ሄሲ ኔ ቤኢዛይሲ ኢዚ ኣዜ?» ጊ ኦይቺዴስ። ታኒካ፥ «ቱምቤኮ!» ጋዲስ። ጎዳይ ዛሪዲ ታስ፥ «ቱምቤን ሲቲ ጊ ኦሴቶንታ ጊምቤ ማላ ታ ዴሬ ኢስራኤሌይ ጌላቲዴስ፤ ሄሳ ጊሻስ ሃይሲ ቱምቤዚ ኢስራኤሌ ናይታ ጌላቴ ቤሲዛ ሌሚሶ፤ ታኒካ ኢስታ ቃጻዮንታ ኣጊኬ።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

ኢሳያሳ ቲንቢቴ 57:10

ኔ ኦጌ ዳሮፔ ዴንዲዳይሳን ዳቡራዳሳ፤ ጊዶ ኣቲን፥ ‹ሂዶታይ ባዋ› ጋቤካ። ኔ ዎልቃይ ሃ ኦራጺዴስ፤ ሄሳ ጊሻስ ኣርጋጫቤካ።

ኢሳያሳ ቲንቢቴ 40:25

ጌሻዚ ኢስታስ፥ «ታና ኦናራ ጊኒሴቲ? ታናራ ጊናቲዛይ ኦኔ?» ጌስ።

ኢሳያሳ ቲንቢቴ 40:18

ሂስቲን ኢንቴ ጾሳ ኦናራ ጊኒሴቲ? ኣይ ሚስሌራ ጋ ጊኒሴቲ?

ዬ ማጻፋ 103:13

ኣዋይ ባ ናይታስ ቃቲዛ ማላ ጎዳይ ባስ ያዪዛይታስ ቃቴስ።

ዬ ማጻፋ 35:10

ታ ኩሜ ኣሳቴይ ኔና፥ «ኣቤት ጎዳዉ! ቆሄቲዳይታ ቆሂዛይታ ኩሼፔ ኣሺዛይ፥ ሂዬሳታኔ ሜቶታንቻታ ቦንቂዛይታ ኩሼፔ ናጊዛይ ሃራ ኔ ማላይ ኦኔ?» ጋና።

ታይቦ ማጻፋ 23:21

ያቆቤ ዜሬ ቦላ ሜቶይ ጋኬና፤ ኢስራኤሌ ኣሳ ቦላካ ዋዬይ ጋኮንታይሲ ታስ ቤቴስ፤ ጎዳይ ኢስታራ ዴስ፤ ጾሲ ካዎ ጊዲዳይሳ ኢስቲ ቆንጬን ዮቴቴስ።

ኤርማሳ ቲንቢቴ 38:8

ኣቢሜሌኬይ ካዎ ኬፌ ኬዚዲ፥

ኢሳያሳ ቲንቢቴ 62:5

ፓን ጌላኦ ኤኪዛ ማላ፥ ኔ ናይቲ ኔና ኤካና፤ ሚሺራዚ ሚሺራይን ኡፋዬቲዛ ማላ፥ ኔ ጾሲ ኔናን ኡፋዬታና።

ሜቴ ማጻፋ 4:7

ኔ ሎኦ ኦዳ ጊዲዳኮ ጾሲ ኔ ያርሾ ኤኬኔሺን? ኔኒ ሎኦ ኦንታ ኢጺኮ ናጋራይ ኔ ካሬን ኔና ናጌስ፤ ናጋራይ ኔና ሃራና ኮዬስ፤ ኔኒ ኢዛ ጾናና ቤሴስ» ጊዴስ።

2ታሪኬ ማጻፋ 6:21

ታኒ ኔ ኣይሌይኔ ኔ ዴሬ ኢስራኤሌይ ሃ ኔ ኬኮ ሲሚ ዎሲዛ ዎሳ ኔኒ ሲያ። ኔኒ ዴኢዛሶን ሳሎን ዳሼ ሲያዳ ኑስ ኣቶ ጋ።

2ታሪኬ ማጻፋ 30:9

ኢንቴ ኢንቴ ጎዳኮ ሲሚኮ ጎዳ ኢንቴ ጾሳይ ቃቲዛዴኔ ማሪዛዴ ጊዲዳ ጊሻስ ኢንቴ ኢሻታኔ ኢንቴ ናይታ ዲኢ ኤፊዳይታ ሲንን ኢስቲ ማሮቴ ዴሚዲ ሃ ቢታ ሲማና፤ ኢንቴ ኢዛኮ ሲሚኮ ኢዚ ባ ሲን ኢንቴኮ ዛራና» ጊዛ ዳብዳቤ ኤፊዳ።

ኢሳያሳ ቲንቢቴ 33:24

ጺዮኔን ዲሼ፥ «ታ ሳኬታዲስ» ጋና ኣሲ ዴና፤ ሄን ዴኢዛ ኣሳታ ናጋራይ ኣቶ ጌቴታና።

ኢሳያሳ ቲንቢቴ 64:9

ኣቤት ጎዳዉ፥ ኬሃ ሃንቄቶፋ፤ ኑ ናጋራካ ሜርናስ ቆፖፋ፤ ኑስ ዎሴታ፤ ኑ ኡባይ ኔ ዴሬ ጊዲዳ ጊሻስ ኔ ኣይፌሶ ኑኮ ሃ ዛራ።

ኤርማሳ ቲንቢቴ 9:24

ጊዶ ኣቲን ጬቄቲዛ ኦኒካ ታኒ ጎዳ ጊዲዳይሳ ኤሮኒኔ ቢታ ቦላ ሲቆ፥ ሱሬ ፒርዳኔ ጺሎቴ ኦዛይ ታና ጊዶይሳ ኣኬኮን ጬቄቶ። ታኒ ሃይታን ኡፋዬታይስ» ጌስ።

ኤርማሳ ቲንቢቴ 31:20

ኤፍሬሜይ ታ ዶሳዳ ኡፋዬቲዛ ታ ናዛ ጊዴኔ? ዳሮ ዎዴ ታ ኢዛራ ኤቄታ ሃሳይኮካ ዛራዳ ኢዛ ጊሻስ ታ ቆፓይስ፤ ታ ማራጬይ ኮኮሬስ፤ ታ ኢዛስ ኬሃ ቃታይስ» ጌስ ጎዳይ።

ኤርማሳ ቲንቢቴ 33:8

ኢስቲ ታ ቦላ ኦዳ ናጋራ ኡባፌ ታ ኢስታ ጌሻና፤ ኢስቲ ማካላቴን ታና ቆሂዳ ናጋራ ኡባ ታ ኢስታስ ኣቶ ጋና።

ሂዚቄላ ቲንቢቴ 18:23

ቱማፔ ናጋራንቻ ሃይቆን ታ ኡፋዬታዚና? ጌስ ኡባ ሃሪዛ ጎዳይ። ሄሳፌ ቦላራ ኢዚ ባ ቢዛ ኢታ ኦጌፔ ሲሚዲ ሼምፖራ ፓጻ ዲኮ ታና ኡፋይሴኔ?

ሆሴኤ ቲንቢቴ 14:2

ፓጼ ቃላ ኤኪ ጎዳኮ ሲሚዲ፥ «ኑ ናጋራ ኡባ ኣቶ ጋ፤ ኑኒ ኑ ዶናፔ ጋላታ ሺሻና ማላ ኔ ማሮቴን ኑና ኤካ።

ኣሞጼ ቲንቢቴ 1:11

ጎዳይ ኤዶሜስ፥ «ኤዶሜ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ባ ኢሻታ ኢስራኤሌ ናይታስ ቃቶንታ ማሻን ጎዲዳ፤ ባ ሃንቆ ዶሺሶንታ ኤጺዲ ኢስታስ ሚሼቶንታ ኡባ ዲፒ ሂስቲዳ።

ዳናታ ማጻፋ 10:16

ኣላጋ ጾሳታ ባ ጊዶፌ ዲጊዲ ጎዳስ ጎይኒዳ፤ ኢስታ ዋዬዛ ቤኢዲ ጎዳይ ጮኡ ጊ ኣጋናስ ዳንዳይቤና።

ዬ ማጻፋ 65:4

ኔኒ ዶሪዳዴይኔ ኔናራ ዳና ማላ ኔ ዱቡሻኮ ሺሻ ኤኪዳዴይ ኣንጄቲዳዴ፤ ኔ ጌሻሶዛፔኔ ኔ ዱንካኔ ኣንጆዛፔ ኑ ካላና።

ኢሳያሳ ቲንቢቴ 38:17

ሄኮ ታ ሜቶን ጬጪዳይሲ ታስ ጎኣስ ጊዲዴስ። ኔኒ ታ ሼምፖ ባሻ ኦላፌ ኔ ሲቆን ናጋዳሳ፤ ኔኒ ታ ናጋራ ኡባ ኔፔ ጉዬ ዛራዳ ኦላዳሳ።

ሂዚቄላ ቲንቢቴ 33:16

ኢዚ ኦዳ ናጋራፔ ኢሶይካ ቆፌቴና፤ ኢዚ ሱሬኔ ሊኬ ጊዲዳ ሚሽ ኦዳ ጊሻስ ቱማፔ ሼምፖራ ፓጻ ዳና።

ሆሴኤ ቲንቢቴ 14:5

ታኒ ኢስራኤሌ ኣሳስ ፑሴ ኢራ ማላ ጊዳና፤ ኢስቲካ ሎኦ ጪሻ ማላ ጪያና፤ ሊባኖሴ ዚጋ ማላ ጻጶ ዬዳና።