ሚኪያሳ ቲንቢቴ 6:7 - ጋሞ ማጻፋ

⁷ ኢሲ ሺ ርሾታኔ 10,000 ጎጊዛ ዛይቴይ ጾሳ ኡፋይሳንዴሻ? ታ ኢዛ ቆሆይሳ ጊሻስ ታ ባይራ ናዛ ኢሚዛኮ ታ ሼምፖ ናጋራ ጊሻስ ታ ኡሎፔ ዎዳ ዬሎ ኢዛስ ኢሞሻ?

Geeshsha Maxaafa

⁷ Issi shii dharshotanne 10,000 goggiza zaytey Xoossa ufayssandeeshaa? Ta iza qohoyssa gishshas ta bayra naaza immizaakko ta shemppo nagara gishshas ta uloppe wodhdhida yelo izas immooshaa?

ሚኪያሳ ቲንቢቴ 6:7 Referans Kwoze

2ካዎታ ማጻፋ 16:3

ኢዚ ካሴ ኢስራኤሌ ካዎታ ካሊዴስ፤ ሄሳፌካ ቦላራ ጎዳይ ኢስራኤሌ ኣሳ ሲንፌ ጎዲ ኬሲዳ ካዎቴታ ቱናቴ ካሊዲ ባ ና ታማን ጹጌቲዛ ያርሾስ ሺሺዴስ።

ዬ ማጻፋ 51:16

ኔኒ ያርሾን ኡፋዬቲዛኮ ታ ኔስ ያርሾ ሺሻና፤ ኔ ጊዲኮ ያርሾን ኡፋዬታካ፤ ጹጌቲዛ ያርሾ ያርሺኮካ ኔኒ ኡፋዬታካ።

1ሳሜላ ማጻፋ 15:22

ሳሜሊ፥ «ጎዳ ቃላስ ኣዛዜቲን ኢዛ ኡፋይሲዛይሳ ማላ ጎዳይ ጹጌቲዛ ካ ያርሾኒኔ ሃራ ያርሾን ኡፋዬቲ ኤሪዜ? ሄኮ ኣዛዜቴ ያርሾፌ፥ ኤዝጊ ሲሲ ርሾ ሃንዳፌ ኣስ።

ሆሴኤ ቲንቢቴ 6:6

ታኒ ያርሾፌ ኣዳ ማሮቴ ዶሳይስ። ጹጌቲዛ ያርሾፌ ኣዳ ጾስ ኤሮ ዶሳይስ።

ኤርማሳ ቲንቢቴ 7:31

ኢስቲ ባንታ ኣቱማ ናይታኔ ማጫ ናይታ ታማን ጹጊዲ ያርሻናስ፥ ሄኖሜ ና ሾባን ቶፌቴ ጌቴቲዛ ያርሾሶሆ ጊምቢዳ። ጊዶ ኣቲን ሄሲ ታኒ ኢስታ ኣዛዞንታይሳኔ ታ ቆፋን ባይንዳይሳ።

ዬ ማጻፋ 50:9

ሄሳ ማላካ ኔ ዲርሳፌ ኮርማታ፥ ዎይኮ ኔ ጻርጳፌ ዴይሻታ ኤካናዉ ኮይኬ።

2ካዎታ ማጻፋ 23:10

ሄኖሜ ና ሾባን ዲዛ ቶፌቴ ጌቴቲዛ ጎይኒዛሶሆዛ ቱኒሲዴስ፤ ኣይ ኣሲካ ኣቱማ ና ጊዲን ዎይኮ ማጫ ና ሞሎኬስ ታማን ጹጊ ያርሾንታ ማላሳ።

2ካዎታ ማጻፋ 21:6

ባ ናዛ ጹጌቲዛ ያርሾ ሂስቲ ሺሺዴስ፤ ሂስቲዲ ሙሬኒዛይታ፥ ማሮታ፥ ሞይቲሌ ሃሳይሲዛይታኔ ኣያና ካዪዛይታ ዞሬ ኦይቺዴስ፤ ጎዳ ሃንቄዛ ኢታ ሃኖታ ኢዛ ሲንን ኦዴስ።

2ካዎታ ማጻፋ 3:27

ሄሳፌ ጉዬ ኢዛፔ ካሊ ካዎታናይሳ ባስ ባይራ ናዛ ኤኪ ቢዲ ካታማይ ጊምቤዛ ቦላ ጹጌቲዛ ያርሾ ሂስቲ ያርሺዴስ፤ ኢስራኤሌ ቦላ ዎልቃማ ሃንቆይ ጋኪዴስ፤ ሂስቲን ኢስቲ ሄፔ ኬዚዲ ጉዬ ባ ዴሬ ሲሚዳ።

ኢሳያሳ ቲንቢቴ 40:16

ሊባኖሴይ ያርሾሶሆ ታማስ ጊዱኩ፤ ኢዚ ሜዶሳታ ቆዳይካ ጹጌቲዛ ያርሾስ ጉ።

ሌዌታ ማጻፋ 18:21

«ኔ ናይታፔ ኦናካ ሞሎኬ ጌቴቲዛ ኤቃስ ጹጌቲዛ ያርሾ ኦ ኢሞፋ፤ ጋሶይካ ኔ ጾሳ ሱን ቱኒሶፓ፤ ታኒ ጎዳ።

Pilmoonas 1:12

ታ ሃኢ ኢዛ ኔኮ ዛራ ዬዳዲስ፤ ታኒ ኔኮ ዬዲዛይ ኢዛ ጊዶንታ ታ ዎዚና ኔኮ ዛራ ዬዲዛ ማላ ቆዳይስ።

ኣሞጼ ቲንቢቴ 5:22

ታማን ጹጌቲዛ ያርሾኔ ካ ያርሾ ኢንቴ ታስ ሺሺኮካ ታ ሄሳ ኢንቴፌ ኤኪኬ፤ ኬቲዳ ኢንቴ ሜሄታፔ ኢንቴ ታስ ኢሲፌቴ ያርሾስ ሺሺኮ ታ ኢዛ ኣይፌንካ ጼሊኬ።

ሂዚቄላ ቲንቢቴ 23:37

ኢስቲ ላይማቲዳ፤ ኢስታ ኩሼይካ ሱን ሞሬቲዴስ። ኢስቲ ባንታ ኤቃ ጾሳታራ ላይማቲዳ፤ ባንታ ኤቃ ጾሳታስ ቁማ ጊዳና ማላ ሃራይ ኣቶሺን ኢስቲ ታስ ዬሊዳ ናይታካ ኢስታስ ታማን ጹጊ ያርሺዳ።

ኤርማሳ ቲንቢቴ 19:5

ቃሴ ታኒ ኢስታ ኣዛዞንታይሳ፥ ዎይኮ ኢስታስ ዮቶንታይሳ፥ ዎይኮ ታ ዎዚናን ቆፖንታይሳ ባንታ ኣቱማ ናይታ ባኣሌስ ታማን ጹጊ ያርሻናስ ጎይኒዛሶሆ ዙምቡላታ ኦዳ።

ኢዮቤ ማጻፋ 29:6

ታኒ ቶሆ ማን ሜጬታናሼ ጋካናስ ዳሮ ማ ዴማይስኮሺን፤ ዎጋራ ሚቲ ሜላ ቢታንካ ቶኬቲዲ ዲኦ ማላ ጎጊዛ ዳሮ ዛይቴ ታስ ኢሜቴስኮሺን።

ዳናታ ማጻፋ 11:39

ናምኡ ኣጊናፔ ጉዬ ባ ኣዋኮ ሲማ ያዱስ፤ ኢዚካ ጎዳስ ባ ኣዲኔቲዳ ኣዲና ጋዴስ፤ ኢዛ ሙሌካ ኣዚና ጌሎንታ ኣታዱስ።

ዳናታ ማጻፋ 11:31

ታኒ ኦላን ጾናዳ ሶ ሲሚዛ ዎዴ ታሶፔ ታና ሞካናስ ኮይሮ ኬዚዛ ኣይ ኣሲካ ጊዲን ኢዛ ኔስ ጹጌቲዛ ያርሾ ሂስታ ሺሻና» ጊዲ ኣዲኔቲዴስ።

ሌዌታ ማጻፋ 20:1

ጎዳይ ሙሴ ሂዝጊዴስ፥

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ሌሚሶ ማጻፋ 21:3

ያርሾፌ ቦላራ ጺሎኔ ሱሬ ፒርዳ ጎዳይ ዶሴስ።

ኢሳያሳ ቲንቢቴ 1:1

ዩሁዳ ካዎታ ኦዚያ፥ ኢዮኣታሜ፥ ኣካዜኔ ሂዝቂያሳ ካዎቴ ዎዴ ኣሞጼ ና ኢሳያሲ ዩሁዳ ጊሻሲኔ ዬሩሳላሜ ጊሻስ ቤኢዳ ኣጁታ።

ሆሴኤ ቲንቢቴ 5:6

ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

ዬ ማጻፋ 51:18

ኣቤት ጾሳዉ! ኔ ዶሳን ጺዮኖ ዱሬሳ፤ ዬሩሳላሜ ጊምቤታ ጊምባ።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።