ሚኪያሳ ቲንቢቴ 5:8 - ጋሞ ማጻፋ

⁸ ዎራ ዶኣታ ጊዶን ዲዛ ጋሞይ፥ ባ ቶሆራ ኢጪ ሜንሬሼ ቢዛ ማላ፥ ሜንሬይሳካ ኢዛፔ ኦኒካ ዎ ኤካናስ ዳንዳዮንታይሳ ማላ፤ ዳሮ ዶርሳ ጊዶን ዲዛ ዎዳላ ጋሞ ማላ፤ ያቆቤ ዜሬፌ ኣቲዳይቲ ሃንኮ ዴሬታ ጊዶኒኔ ዳሮ ኣሳ ጊዶን ሄሳ ማላ ጊዳና።

Geeshsha Maxaafa

⁸ Wora do7ata giddon diza gaammoy, ba tohora icci menththereththishe biza mala, menththereththoyssaka izappe oonikka woththi ekkanaas dandayonttayssa mala; Daro dorsa giddon diza wodalla gaammo mala; Yaaqoobe zereththafe attidayti hankko dereta giddoninne daro asa giddon hessa mala gidana.

ሚኪያሳ ቲንቢቴ 5:8 Referans Kwoze

ዛካራሳ ቲንቢቴ 10:5

ኢስቲ ኡባይካ ኢሲ ቦላ ኦጌን ዲዛ ኡርቃ ዬዛ ሚኖ ኦላንቻታ ማላ ጊዳና፤ ጎዳይ ኢስታራ ዲዛ ጊሻስ ፓራን ኦሌቲዛይታ ኢስቲ ጾናና።

ሚኪያሳ ቲንቢቴ 4:13

ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።

ዛካራሳ ቲንቢቴ 12:3

ቢታ ቦላ ዲዛ ዴሬይ ኢዚ ቦላ ዴንዲዛ ጋላስ ታኒ ዬሩሳላሜ ዴሬ ኡባስ ሱጊን ቃጾንታ ዛላ ኬሳና፤ ኢዞ ቃና ፓጪ ጼሊዛይ ባስ ቆሄታና።

ዛካራሳ ቲንቢቴ 9:15

ኡባፌ ዎልቃማ ጎዳይ ኢስታስ ጎንዳሌ ጊዳና፤ ኢስቲ ባ ሞርኬታ ኡባ ይሳና፤ ኢስቲ ያንባርሻን ኦሊዛይታ ዬና፤ ኢስቲ ዎይኔ ኡሹ ኡዪዳ ኣሳ ማላ ዋሳና፤ ያርሾ ሱ ኬሬ ኩሚ ያርሾሶሆ ቦላ ጉኪዛ ማላ ኢስታ ሞርኬታ ሱካ ጉካና።

ሆሴኤ ቲንቢቴ 5:14

ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

ዬ ማጻፋ 50:22

«ኢንቴኖ ጾሳ ዶጊዛይቶ! ሃይሳ ኣኬኪቴ፤ ኢንቴ ኢጺስ ጊኮ ታኒ ኢንቴና ሜንሬና፤ ሄ ዎዴ ኢንቴና ኦኒካ ኣሼና።

Ibirawe 12:25

ኢንቴስ ዮቲዛይሳ ኢንቴ ኣካይ ጎንታ ማላ ናጌቲቴ፤ ሄይታንቲ ጾሲ ቢታ ቦላ ዲዛ ኣሳ ባጋራ ኢስታስ ዮቲዛይሳ ኤኮንታ ኢጺዲ ኢዛፔ ኣታናስ ዳንዳዮንታ ኣጊኮ ኑኒ ሳሎፔ ዪዳይሲ ኑስ ዮቲሺን ኤኮንታ ኢጺኮ ኑ ኢዛፔ ዋኒ ኣታኔ?

ሃዋሬታ ኦሶ 18:6

ጊዶ ኣቲን ኢስቲ ኢዛራ ኤቄቲዲ ኢዛ ጫዪዳ ጊሻስ ጳዉሎሲ ባ ማይኦ ቆቆፊዲ፥ «ታ ኢንቴፌ ጺሎ፤ ኢንቴ ፒርዴታናይ ኢንቴ ሞሮን ጊዲዳ ጊሻስ ታ ኢንቴ ሱ ጎሜን ኦይሼቲኬ፤ ሄሳ ጊሻስ ታ ኣይዛቤታኮ ባይስ» ጊዴስ።

Maatosa 10:14

ኣይ ኣሲካ ኢንቴና ሞኪ ኤካናሲኔ ኢንቴ ጊዛ ሲያናስ ኮዮንታዴ ጊዲኮ ሄሳዴ ኬፌ ዎይኮ ሄ ካታማፔ ኬዚሼ ኢስታ ቦላ ዪዛ ጎሜፔ ኢንቴ ኣቲዳይሳስ ማርካ ጊዳና ማላ ኢንቴ ቶሆ ቦላ ዲዛ ጉዱላ ፒቲዲ ኬዚቴ።

ሜቴ ማጻፋ 49:9

ዩሁዳ ኔኒ ዎዳላ ጋሞ ማላ፤ ታ ናዞ! ኔኒ ሻንካቲ ኦይኪዲ፥ ጮጎቲ ኢቺዳ ጋሞ ማላ። ኔኒ ኣሲ ባና ቦሼናስ ኮዮንታ ማጫ ጋሞ ማላ።

Ibirawe 2:3

ኑ ቃሴ ሄሳ ማላ ጊታ ማሮቴ ጮ ሌፒ ሂስቲኮ ዋኒ ኣታኔ? ሃይሲ ማሮቴይ ኮይሮ ጎዳ ባጋራ ኑስ ዮቴቲዴስ፤ ኢዛፔ ሲዪዳይቲካ ኑስ ጌሺ ዮቲዳ።

ታይቦ ማጻፋ 24:9

ሃይሲ ካዎቴይ ጋሞ ማላ ዛማዲ ኡቲዴስ፤ ማጫ ጋሞ ማላካ ዙጊ ኡቲዴስ፤ ኢስቲ ዛማዲ ኡቲዳሶሆፔ ኢስታ ዴንና ዳንዳይዛይ ኦኔ? ኔና ኣንጂዛዴይ ኣንጄቶ፤ ኔና ቃንጊዛዴይካ ቃንጌቶ» ጊዴስ።

ዬ ማጻፋ 44:5

ኔናን ጊዲዲ ኑ ሞርኬታ ኑ ኦሊ ጾናና፤ ኔ ሱንን ኑናራ ኤቄቲዛይታ ኑኒ ዬና።

ዬ ማጻፋ 104:20

ኔኒ ማ ኤሂዛ ዎዴ ሳኣይ ቃሜስ፤ ዎራ ዶኣቲካ ኬዚዲ ዎጼሬቴቴስ።

ሌሚሶ ማጻፋ 30:30

ሄሳንቲካ ዶኣ ኡባፌ ዎልቃማኔ ኣይኮስካ ያዪዲ ባቃቲ ኤሮንታ ጋሞ።

ኢሳያሳ ቲንቢቴ 5:29

ኢስታ ጻጎይካ ጋሞ ጻጎ ማላ፤ ዎዳላ ጋሞታ ማላ ጻጌቴስ፤ ባንታስ ሚዛ ሚሽ ሻንካቲ ኦይኪዲ ጻጌቴስ፤ ኢስቲ ኦይኪዳይሳ ቶኪ ኤኪ ቤቴስ፤ ኢስታፌ ዎ ኤካናይ ኦኒካ ዴና።

ሂዚቄላ ቲንቢቴ 39:10

ኢስቲ ሺሺዳ ኦላ ሚሻታ ኤሶስ ጎኤታና ጊሻስ ኢስታስ ካሬፔ ሚ ሚጾኔ ዎራፔ ሚ ቃንጾ ኮሼና። ኢስታፌ ቦንቂ ኤኪዳይታፔ ኢስቲካ ቦንቂ ኤካና፤ ኢስታፌ ዳፊ ኤኪዳይታፔ ኢስቲ ዳፊ ኤካና፤ ታኒ ኡባ ሃሪዛ ጎዳይ ሃይሳ ዮታይስ።

ሚኪያሳ ቲንቢቴ 2:12

«ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና።

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ሚኪያሳ ቲንቢቴ 5:3

ሄሳ ጊሻስ ዬሊዛራ ሚጻታዳ ዬላና ጋካናስ ኢስራኤሌይ ዬጌታ ኣታና፤ ሃንኮ ኣቲዳ ኢሻቲካ ሲሚዲ ኢስራኤሌ ኣሳራ ዋላኬታና።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ዛካራሳ ቲንቢቴ 11:6

«ሃይሳፌ ጉዬ ሃ ቢታይ ቦላ ዲዛ ኣሳስ ታ ቃቲኬ፤ ታኒ ታ ባጋራ ኢሳ ኢሳ ኢዛ ላጌሲኔ ኢዛ ካዎስ ኣ ኢማና፤ ኢስቲካ ቢታ ኡንኤና፤ ታኒካ ኢስታ ኢስታ ኩሼፔ ኣሺኬ» ጌስ።

ሚልካሳ ቲንቢቴ 4:3

ታኒ ኦዛ ጋላስ ኢንቴ ኢታታ ኢንቴ ቶሆ ጋርሳን ዬና፤ ኢስቲ ኢንቴ ቶሆ ጫማ ጋርሳን ቢዲን ጊዳና» ጌስ ኡባፌ ዎልቃማ ጎዳ ጾሳይ።

ዛካራሳ ቲንቢቴ 14:18

ጊብጼ ኣሳይካ ሄ ቦንታ ኢራይ ኢስታስ ቡኬና፤ ዬሩሳላሜ ኬዚዲ ዳሴ ባኣሌ ቦንቾንታ ኢጺዳ ካዎቴታ ቦላ ጎዳይ ኤሃና ቦሻ ኢስታ ቦላ ኤሃና።