ሚኪያሳ ቲንቢቴ 4:9 - ጋሞ ማጻፋ

⁹ ሂስቲን ኔ ሃኢ ኣዛስ ዋሳይ? ኔስ ካዎይ ባዬ? ኔኒ ሚጻይ ኦይኪዳ ማጫሳይ ማላ ኡንኤቲዳይ ኔና ዞሪዛይ ይኔ?

Geeshsha Maxaafa

⁹ Histtiin ne ha7i aazas waassay? Nees kawoy bayee? Neni miixay oykkida maccassay mala un7ettiday nena zorizay dhaynee?

ሚኪያሳ ቲንቢቴ 4:9 Referans Kwoze

ኤርማሳ ቲንቢቴ 8:19

ታ ኣሳይ ሃሆ ቢታን ዲሼ ዋሲዛ ዋሶ ሲያ። ኢስቲ፥ «ጎዳይ ጺዮኔን ዴኔ? ኢዚ ካዎይካ ሄን ዴኔ?» ጊዲ ዋሴቴስ። ሂስቲን ጎዳይ ኢዛስ፥ «ኢስቲ ባስ ማሲዳ ሚስሌታን፥ ሃዳ ጊዲዳ ኤቃ ጾሳታን ታና ኣይስ ሃንቄዶ?» ጌስ።

ሆሴኤ ቲንቢቴ 10:3

ኢስቲካ፥ «ኑስ ካዎይ ዴና፤ ኑኒ ጎዳ ቦንቾንታ ጊሻስ ካዎይ ዲዛኮካ ኢዚ ኑስ ኣይ ኦኔ?» ጋና።

ሆሴኤ ቲንቢቴ 3:4

ሄሳካ ኢስራኤሌ ኣሳይ ካዎይ ባይንዳ ዎይኮ ካሌዛዴይ ባይንዳ፥ ያርሾይ ባይንዳ ዎይኮ ኤቃ ጾሳታ ሃዉልቴይ ባይንዳ፥ ቄሴቴ ማይኦይ ባይንዳ ዎይኮ ኤቃ ጾሳታ ሚስሌይ ባይንዳ ዳሮ ዎዴ ዴኣና።

ኤርማሳ ዚላስ 4:20

ኑኒ ኢዛ ኩዋ ጋርሳን ኡቲ ዴኣና ጊ ቆፒዳይሳ፥ ጾሲ ቲይዳይሳ፥ ኑስ ዴኦ ሼምፖካ ጊዲዳይሳ ባንታ ዎጺማዴን ኦይኪዳ።

ኤርማሳ ቲንቢቴ 50:43

ባቢሎኔ ካዎይ ኢስታ ጊሻስ ሲዪዴስ፤ ኢዛ ኩሼቲካ ዶጪዳ፤ ኢዛ ጬጬይ ኦይኪዴስ፤ ሚጻይ ኦይኪዳ ማጫሳ ማላ ሳኬቲዴስ።

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኤርማሳ ቲንቢቴ 4:21

ታኒ ኣይዴ ጋካናስ ኦላ ማላታ ጼላኔ? ታ ኣይዴ ጋካናስ ዛዬ ጊሪስ ሲያኔ?

ኢሳያሳ ቲንቢቴ 26:17

ኣቤት ጎዳዉ! ሻራ ማጫሲ ሚጻን ሜቶቲዛ ማላኔ ዋሲዛ ማላ ኑኒካ ኔ ሲንን ሜቶቲዲ ዋሶስ።

ኢሳያሳ ቲንቢቴ 21:3

ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ኢሳያሳ ቲንቢቴ 13:8

ኢስቲ ሺሮታና፤ ኢስታ ዋዬይኔ ሜቶይ ጋካና፤ ሚጻይ ኦይኪዳ ማጫሳ ማላ ኢስቲ ሚጻታና፤ ኢሶይ ኢሳራ ዳጋማን ጼሌታና፤ ኢስታ ኣይፌሶይ ዳጋማን ሻላ ማይኢዴስ።

ዮሃኒሳ ሚሺራቾ 16:21

ማጫሲ ዬሎ ዎዴይ ጋኪሺን ሚጻስ ሂርጋዉስ፤ ጊዶ ኣቲን ና ዬላ ዬጊዳፔ ጉዬ ቢታ ቦላ ናይ ዬሌቲዳ ጊሻስ ኡፋይሳፌ ዴንዲዳይሳን ካሴ ባ ዋይዳይሳ ዛራ ቆፑኩ።

ዮሃኒሳ ኣጁታ 12:2

ኢዛካ ሻራራ ዳዉስ፤ ዬሎ ሚጻይ ኢዞ ኦይኪን ሜቶታዳ ዋሳዱስ።

ኤርማሳ ቲንቢቴ 48:41

ኢዛ ካታማቲኔ ኢዛ ሚጻቲ ኦይኬታና፤ ሄ ጋላስ ሞኣቤ ኦላንቻታ ዎዚናይካ ሚጻ ኦይኬቲዳ ማጫሳ ዎዚና ማላ ጊዳና።

ሆሴኤ ቲንቢቴ 13:13

ሚጻይ ኦይኪዳ ማጫሳ ማላ ኢዛ ቦላ ሜቶይ ያና፤ ኢዚ ጊዲኮ ኣ ኤራቴ ባይንዳ ኤያ ና፤ ዬሌቲዛ ዎዴይ ጋኪን ባ ኣዬይ ኡሎፔ ዬሌታናስ ኮዮንታ ና ማላ።

ሚኪያሳ ቲንቢቴ 5:3

ሄሳ ጊሻስ ዬሊዛራ ሚጻታዳ ዬላና ጋካናስ ኢስራኤሌይ ዬጌታ ኣታና፤ ሃንኮ ኣቲዳ ኢሻቲካ ሲሚዲ ኢስራኤሌ ኣሳራ ዋላኬታና።

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።