ሚኪያሳ ቲንቢቴ 4:5 - ጋሞ ማጻፋ

⁵ ሃንኮ ዴሬይ ባ ኤቃ ሱንን ቤስ፤ ኑኒ ቃሴ ሜርናፔ ሜርና ጋካናስ ኑ ጎዳ ሱንን ባና።

Geeshsha Maxaafa

⁵ Hankko derey ba eeqa sunththan bees; nuni qasse mernaappe mernaa gakkanaas nu GODAA sunththan baana.

ሚኪያሳ ቲንቢቴ 4:5 Referans Kwoze

ዛካራሳ ቲንቢቴ 10:12

ታኒ ኢስታ ጎዳን ሚንና፤ ኢስቲካ ኢዛ ሱንን ሲሜሬታና» ጌስ።

ቆላሲያሴ ኣሳስ 3:17

ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።

ኢያሶ ማጻፋ 24:15

ጎዳስ ጎይኖይ ኮሾንታ ሚሽ ሚሳቲ ኢንቴስ ቤቲኮ ካሴ ኢንቴ ኣዋቲ ሻፋፔ ሄ ፒንን ዲሼ ጎይኒዳ ኤቃ ጾሳታ ዎይኮ ሃኢ ኢንቴ ዲዛ ኣሞሬቲ ጎይኒዛ ጾሳታ ጎይናና ጊዲኮ ኢንቴ ጎይናናይሳ ሃች ዶሪቴ፤ ታኒኔ ታ ኬ ኣሳይ ጊዲኮ ጎዳስ ጎይናና» ጊዴስ።

ኢሳያሳ ቲንቢቴ 2:5

ኢንቴኖ ያቆቤ ዛሬቶ! ሃ ዪቴ! ኣኔ ጎዳ ፖኦን ሲሜሬቶስ።

ዬ ማጻፋ 48:14

ኢንቴ፥ «ሜሪ ሜርናስ ሃ ጾሳይ ኑ ጾሳ፤ ኑ ሃይቃና ጋካናስ ኢዚ ኑና ካሌና» ጊዲ ዮቲቴ።

ቆላሲያሴ ኣሳስ 2:6

ሄሳ ጊሻስ ኢንቴ ጎዳ ዬሱስ ኪርስቶሳ ኣማኒዳ ማላ ኢዛን ዴኢቴ።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

2ካዎታ ማጻፋ 17:34

ሄ ሎሴዛ ሃች ጋካናስ ኣጊቤቴና፤ ጎዳስ ቤሲዛ ማላ ጎይኔቴና፤ ኢስራኤሌ ጊ ጼይጊዳ ያቆቤ ቆሞታስ ኢዚ ኢሚዳ ማራታኔ ዞሬታ፥ ዎጋታኔ ኣዛዞታ ካሌቴና።

2ካዎታ ማጻፋ 17:29

ጊዲኮካ ኣሳይ ባ ዛርኬን ዛርኬን ባ ዲዛ ካታማን ካታማን ባስ ጾስ ሜዴስ፤ ሄሳካ ካሴ ሳማሪያ ዴሬ ኣሳይ ዙምቡላታ ቦላ ጎይኒዛሶሆታን ኤፊ ኤፊ ኤሲዴስ።

ሜቴ ማጻፋ 17:1

ኣብራሜ ላይ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንን ሱሬ ሄሜታ።

ዬ ማጻፋ 71:16

ኣቤት ጎዳዉ፥ ጾሳዉ! ታኒ ያዳ ኔ ዎልቃማ ኦሶ ኣዋጃና፤ ቃሴካ ኔ ጺሎቴ ጻላ ዮታና።

ሃዋሬታ ኦሶ 14:16

ኢዚ ካሴ ኣዳ ዬሌታይኔ ዴሬይ ዉሪካ ባ ኮዪዳ ማላ ሃናናስ ዬዲ ቤሲዴስ።

ኢሳያሳ ቲንቢቴ 26:13

ኣቤት ጎዳዉ ኑ ጾሳዉ! ኔፔ ሃራ ኣላጋ ጾሳቲ ኑና ሃሪዳ፤ ኑኒ ጊዲኮ ኔ ሱን ጻላ ቦንቾስ።

ዛሬ ማጻፋ 27:10

ሄሳ ጊሻስ ታኒ ኔስ ሃች ኢሚዛ ኣዛዞታኔ ዎጋታ ኔ ዉርሳ ናጋዳ ጎዳ ኔ ጾሳ ቃላስ ኣዛዜታ» ጊዴስ።

ዬ ማጻፋ 20:6

ጎዳይ ባ ዶሪዳ ካዎዛስ ጾኖ ኢሚዛይሳ ታኒ ሃኢ ኤራዲስ፤ ባ ኡሻቻ ኩሼዛን ኢዚ ጊታ ጾኖን ኩንና፤ ባ ጌሻ ሳሎፔካ ኢዛስ ዛሮ ኢማና።

ኤርማሳ ቲንቢቴ 32:40

ታኒ ኢስታራ ሜርናስ ጊዲዛ ጫቆ ጫቄታና፤ ታኒ ኢስታስ ሎኦ ሚሽ ኦሶ ኣጊኬ፤ ኢስቲ ታፔ ዎራ ሲሞንታ ማላኔ ኢስቲ ታስ ያያና ማላ ታ ኦና።