ሚኪያሳ ቲንቢቴ 3:7 - ጋሞ ማጻፋ

⁷ ቡሮ ማሮቲዛይቲ ካዉያና፤ ቲንቢቴ ዮቲዛይቲ ዬላታና፤ ዉሪካ ባ ኣይፌሶ ካማና፤ ጋሶይካ ኢስታስ ዛሮይ ጾሳ ኣቻፌ ባይንዳ ጊሻሳ» ጊዴስ።

Geeshsha Maxaafa

⁷ Buro marotizayti kawuyana; tinbite yootizayti yeellatana; wurikka ba ayfeso kammana; gaasoykka isttas zaaroy Xoossa achchafe baynda gishshassa» gides.

ሚኪያሳ ቲንቢቴ 3:7 Referans Kwoze

ዛካራሳ ቲንቢቴ 13:4

ሄ ዎዴ ዎርዶ ሃሳይዳዴይ ኦኒካ ባ ሃሳይዳ ዎርዶ ቲንቢቴን ዬላታና፤ ባሌናስ ኢስኬራ ዲዛ ናቤታ ማይኦ ማይኤና።

ኢሳያሳ ቲንቢቴ 44:25

ታኒ ዎርዶ ናቤታ ማላታ ሃዳ ኦና፤ ቢቲዛይታካ ኤያ ኬሳና። ታኒ ኣ ኤራንቻታ ሺራ ዬጋና፤ ኢስታ ኤራቴካ ሃዳ ኦና።

ኣሞጼ ቲንቢቴ 8:11

ሄኮ ታኒ ቢታ ቦላ ኮሻ ኤሃና ዎዴይ ያና፤ ሄሲካ ኣሳይ ጾሳ ቃላ ሲያና ጋፋኔ ሳሞ ኣቲን ካ ጋፋኔ ሃ ሳሞ ጊዴና።

ሂዚቄላ ቲንቢቴ 24:17

ኔ ቃላ ዚቂ ሂስታዳ ካዮታሼ ሚላላ ኣቲን ሃይቂዳይሳስ ዬኮፋ፤ ኔ ሁኤፔ ቁራጬ ዲጎፋ፤ ኔ ቶሆፔ ጫማ ኬሶፋ፤ ኔ ዶና ጋ ካሞፋ፤ ሾቺካ ሞፓ» ጊዴስ።

1ሳሜላ ማጻፋ 28:6

ኢዚ ጎዳ ኦይቺን ጎዳይ ኢዛስ ኣጉሞን ጊዲን ዎይኮ ኡሪሜን ዎይኮ ናቤታ ባጋራ ዛሮ ኢሚቤና።

ሌዌታ ማጻፋ 13:45

ሄሳ ማላ ሃርጌይ ኢዛ ቦላ ዲዛዴይ ዳኬ ማይኦ ማይኦ፤ ባ ሁኤካ ፒጾፖ፤ ባ ዶና ካሚዲ፥ ‹ታኒ ቱናኮ! ታኒ ቱናኮ!› ጊሼ ዋሶ።

ሚኪያሳ ቲንቢቴ 7:16

ኣይዛቤቲ ሄሳ ቤያናኔ ዬላታና፤ ኢስታስካ ዎልቃይ ያና፤ ኢስቲ ባ ዶና ባ ኩሼን ቱጫና፤ ኢስታ ሃይካ ቱላና።

ሂዚቄላ ቲንቢቴ 24:22

ታ ኦዳ ማላ ሄ ዎዴ ኢንቴካ ኦና፤ ኢንቴ ዶና ጋ ካሜኬታ፤ ሾቺካ ሜኬታ።

ዬ ማጻፋ 74:9

ኑ ሻኪ ኤራናስ ማላታይ ዴና፤ ሃይሳፌ ጉዬ ናቤይ ዴንዴና፤ ሃይሲ ኣዉዴ ጋካናዉ ሃናናኮ ኤሪዛ ኣሲ ኑ ጊዶን ዴና።

1ሳሜላ ማጻፋ 28:15

ሳሜሊካ ሳኦሌስ፥ «ታና ዱፎፔ ዴንዳ ኣይስ ሼምፖ ዲጋይ?» ጊዴስ። ሳኦሊ፥ «ታኒ ኬሃ ጬጫዲስ፤ ፊሊስጼሜቲ ታና ኦሊሼ ዴቴስ፤ ጾሲ ታፔ ሃኪዴስ፤ ናቤታ ባጋራ ጊዲን ዎይኮ ኣጉሞን ታስ ዛሪቤና። ሄሳ ጊሻስ ታ ኣይ ኦና ቤሲዛኮ ኔ ታስ ዮታና ማላ ኔና ጼይጋዲስ» ጊዴስ።

1ሳሜላ ማጻፋ 14:37

ሄ ዎዴ ሳኦሊካ፥ «ፊሊስጼሜ ኣሳታ ካላዳ ዱጌ ዎ? ኢስራኤሌታ ኩሼን ኔ ኢስታ ኣ ኢማኔ?» ጊ ጾስ ኦይቺዴስ፤ ጊዶ ኣቲን ጾሲ ሄ ጋላስ ኢዛስ ኣይ ዛሮካ ኢሚቤና።

1ሳሜላ ማጻፋ 9:9

ሃይሳፌ ሲንን ኢስራኤሌ ዴሬን ኢሲ ኣሲ ጾስ ኦይቻና ቢሼ፥ «ኣኔ ሃ ዪቴ፥ ኣጁታ ዮቲዛዴኮ ኣኔ ቦስ» ጊዴስ፤ ሃኢ ናቤ ጌቴቲዛዴይ ቤኒ ዎዴ ካዪዛዴ ጌቴቴስ።

ኬሳ ማጻፋ 9:11

ማሮቲካ ኢስታ ቦላኔ ጊብጼ ኣሳ ኡባ ቦላ ዎዳ ኪጻይ ኤቆ ዲጊን ሙሴ ሲንን ኤቃናስ ዳንዳይቤቴና።

ሚኪያሳ ቲንቢቴ 3:4

ኢስቲካ ፑዴ ጾሳኮ ዋሳና ሺን ጾሲ ኢስታ ዋሶ ሲዬና፤ ኢታቴ ጊሻስ ሄ ዎዴ ጾሳይ ባ ኣይፌሶ ኢስታፌ ሃራሶ ዛራና።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።