ሚኪያሳ ቲንቢቴ 3:5 - ጋሞ ማጻፋ

⁵ ጾሲ፥ «ታ ዴሬ ባሌዛ ናቤቲ ኣሲ ኢስታ ሚዚኮ፥ ‹ሳሮቴ ዴስ› ጌቴስ። ሙዞንታ ኣጊኮ ቃሴ፥ ‹ኦላይ ዬስ› ጊ ኣዋጃናስ ዴንዴቴቴስ።

Geeshsha Maxaafa

⁵ Xoossi, «Ta dere baleththiza nabeti asi istta mizikko, ‹Saroteththi dees› geettes. Muzontta aggiko qasse, ‹Olay yees› gi awajjanaas dendeteettes.

ሚኪያሳ ቲንቢቴ 3:5 Referans Kwoze

ኤርማሳ ቲንቢቴ 6:14

ኢስቲ ታ ዴራ ማዱን ቄሪ ሚሻ ማላ ጼሊዳ፤ ፓጻና ማላ ኮሺዛ ኦሶ ኦቤቴና፤ ሳሮይ ባይንዳ፥ ‹ሳሮ፤ ሳሮ› ጌቴስ።

ኤርማሳ ቲንቢቴ 23:32

ጎዳይ፥ «ታኒ ዎርዶ ኣጉሞ ካሊዲ ቲንቢቴ ዮቲዛ ናቤታራ ኤቄታይስ፤ ታ ኪቶንታ ዲሺን ዎይኮ ታ ሹሞንታ ዲሺን ጻላቴን ዎርዶ ዮኦ ዮቴቴስ፤ ታ ዴሬዛካ ባሌቴስ፤ ሃይሳ ሃ ዴሬዛ ኣይኮካ ጎኤቴና» ጌስ።

ኦሮሜ ኣሳስ 16:18

ሄይታንታ ማላ ኣሳቲ ዬሱስ ኪርስቶሳስ ኦዛይታ ጊዶንታ ባ ቃን ካ ጊሻስ ኦዛይታ፤ ሹጎ ቃላራ ሃሳያኒኔ ዎዚና ኪያ ኣሳታ ባሌቴስ።

Maatosa 15:14

ኢስታ ኣጋጊቴ፤ ኢስቲ ቆቄቲ ካሌዛ ቆቄታ ጊዲዳ ጊሻስ፥ ቆቄቲ ቆቄ ካሌኮ ናምኣይ ኢሶይ ኢሳራ ኦይኬቲዲ ኣፎን ዉላና» ጊዴስ።

Maatosa 7:15

«ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይኢ ጌሊዲ ኢንቴ ጊዶን ኦዛ ዎርዶ ናቤታፔ ናጌቲቴ።

ሚልካሳ ቲንቢቴ 2:8

ጊዶ ኣቲን ኢንቴ ኢዛ ኦጌፔ ካሬ ኬዚዴታ፤ ዳሮ ኣሳይካ ኢንቴ ቲሚርቴን ጴታና ማላ ኦዴታ፤ ሌዌ ጫቆዛካ ላሊዴታ።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ኤርማሳ ቲንቢቴ 23:27

ኢስታ ኣዋቲ ባኣሌ ጌቴቲዛ ኤቃዛ ጋሶን ታ ሱን ዶጊዳ ማላ፥ ኢስቲ ኢሶይ ኢሳስ ዮቲዛ ኣጉሞን ታ ኣሳይ ታ ሱን ዶጋና ማላ ኦዳ ኢስታስ ሚሳቴስ።

ኢሳያሳ ቲንቢቴ 3:12

ዬላጋቲ ታ ዴራ ኡንኤቴስ፤ ማጫሳቲካ ኢስታ ሃሬቴስ፤ ታ ዴሬዞ! ኢንቴና ካሌዛይቲ ኢንቴና ባሌዳ፤ ኢንቴ ቢዛ ኦጌፔካ ኢንቴና ካሬ ኬሲዳ።

ኢዩኤሌ ቲንቢቴ 3:9

«ሃይሳ ኡባ ካዎቴታስ ኣዋጂቴ! ኦላስ ጊጌቲቴ! ኦላ ቃራታ ዴንቴ! ኢንቴ ኦላንቻቲ ኡባይ ኬዚዲ ሞርኬታ ኦሌቶ!

ሌሚሶ ማጻፋ 28:21

ሻኪዲ ማዶይ ሎኤና፤ ጊዶ ኣቲን ኣሲ ጉ ካስ ጊዲ ሞሮ ኦስ።

ኤርማሳ ቲንቢቴ 6:4

ኢስቲ ኢሶይ ኢሳ፥ ‹ዬሩሳላሜራ ኦሌታናስ ጊጌቲቴ! ዴንዲቴ! ኣኔ ኑኒ ኢዞ ሴታ ጋላስ ኦሎስ። ጊዶ ኣቲን ኣዬ ኣና! ሳኣይ ቃሜስ፤ ኦማርሳ ኩዋይ ኣዱቂ ኣዱቂ ቤስ።

ኤርማሳ ዚላስ 2:14

ኔ ናቤታ ኣጁታይ ዎርዶኔ ጮ ሃዳ፤ ኔ ናጋራ ቆንጪሲዲ ኔና ዲኤቴፌ ኣሼቴና፤ ኢስቲ ኔስ ዮቲዛ ቲንቢቴይ ባሌዛዚኔ ኦጌፔ ካሬ ኬሲዛዛ።

ሂዚቄላ ቲንቢቴ 13:9

ታ ኩሼይ ዎርዶ ኣጁታ ቤኢዛይታ ቦላኔ ሙሬኒዛ ናቤታ ቦላ ዴንዳና። ኢስቲ ታ ዴራ ዱላታን ጌሌቴና፤ ኢስራኤሌ ኣሳ ማዝጋባን ጻፌቴቴና፤ ኢስራኤሌ ቢታካ ጌሌቴና። ታኒ ኡባ ሃሪዛ ጎዳ ጊዲዳይሳ ኢንቴ ሄ ዎዴ ኤራና።

ሆሴኤ ቲንቢቴ 4:5

ኢንቴ ኦማርሲኔ ጋላስ ጴቴታ፤ ናቤቲካ ኢንቴናራ ጴቴቴስ። ሄሳ ጊሻስ ታኒ ኢንቴ ኣዮ ኢስራኤሌ ይሳና።