ሚኪያሳ ቲንቢቴ 3:11 - ጋሞ ማጻፋ

¹¹ ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

Geeshsha Maxaafa

¹¹ Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 3:11 Referans Kwoze

ኤርማሳ ቲንቢቴ 6:13

ቃሴካ ጎዳይ፥ «ጉይካ ጊታይካ ኡባይ ባ ጎኣስ ዪቄቴስ። ናቤቲኔ ቄሴቲ ኡባይ ኣስ ባሌቴስ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ሚኪያሳ ቲንቢቴ 3:5

ጾሲ፥ «ታ ዴሬ ባሌዛ ናቤቲ ኣሲ ኢስታ ሚዚኮ፥ ‹ሳሮቴ ዴስ› ጌቴስ። ሙዞንታ ኣጊኮ ቃሴ፥ ‹ኦላይ ዬስ› ጊ ኣዋጃናስ ዴንዴቴቴስ።

ኤርማሳ ቲንቢቴ 7:4

ጪሞ ቃላን፥ ‹ሃይሲ ጎዳ ጾሳ ኬ! ሃይሲ ጎዳ ጾሳ ኬ! ሃይሲ ጎዳ ጾሳ ኬ!› ጊዲ ኣማኔቶፍቴ።

1ጴጽሮሳ ኪታ 5:2

ኢንቴስ ሃዳራ ኢሜቲዳ ጾሳ ዉዴ ናጊቴ፤ ኢዛ ዉዴዛ ዎልቃራ ጊዶንታ ጾሲ ኮይዛ ኦጌራ ዶሳን ሄሚቴ፤ ሚሻስ ዪቄቴን ጊዶንታ ሃጋዛናስ ዎዚናፔ ኮሻን ጊዶ።

Titosas 1:11

ሄይታንታ ጮኡ ሂስቴ ቤሴስ፤ ጋሶይካ ኢስቲ ቤሶንታ ኦጌራ ባስ ጎኣ ዴማናስ ቤሶንታ ቲሚርቴ ታማርሶን ኬ ኣሳ ዉርሲ ሞሮን ዴቴስ።

ሚኪያሳ ቲንቢቴ 7:3

ኢዛ ኩሼይ ኢታ ኦናስ ታማርዴስ፤ ዴሬ ሄሚዛዴይ ኩሼ ጌን ኮዬስ፤ ፒርዲዛ ዳናይካ ማታኤ ኤኬስ፤ ዎልቃማቲ ባና ኮሺዳዚ ኦቴስ፤ ዉሪካ ኢሲ ቦላ ዱላቴቴስ።

ኢሳያሳ ቲንቢቴ 48:2

‹ኑኒ ጌሻ ካታማይን ዲዛይታ› ጊዲ ኢንቴርካ ኢንቴና ጼይጊዛይቶ! ኢስራኤሌ ጾሳን ኣማኔቲዛይቶ! ጎዳይ ኡባፌ ዎልቃማ ጾሳይ ጊዛይሳ ሲዪቴ።

ኤርማሳ ቲንቢቴ 8:10

ሄሳ ጊሻስ ታኒ ኢስታ ማቼታ ሃራ ኣዚናታስ፥ ኢስታ ቢታታካ ኣላጋታስ ኢማና፤ ጉይካ ጊታይካ ኡባይ ባንታ ጎኣስ ዪቄቴቴስ። ናቤቲኔ ቄሴቲካ ኡባይ ኣስ ባሌቴስ።

1ሳሜላ ማጻፋ 8:3

ጊዶ ኣቲን ናይቲ ባንታ ኣዋ ኦጌ ካሊቤቴና፤ ቤሶንታ ጎኣ ዴማናስ ጊሼ ኦጌፔ ኬዚዳ፤ ማጋንጾ ኤኪዲ ፒርዳ ጌላሲዳ።

ታይቦ ማጻፋ 16:15

ሙሴይካ ዳሮ ሃንቄቲዲ ጎዳስ፥ «ሃይቲ ኣሳቲ ኔስ ሺሺዛ ያርሾዛ ኔ ኤኮፋ፤ ታኒ ጊዲኮ ኢስታፌ ኢሳዴካ ቆሃቤኬ፤ ሃራይ ኣቶሺን ኢሲ ሃሬካ ኢስታፌ ኤካቤኬ» ጊዴስ።

ዩሁዳ ኪታ 1:11

ኢስቲ ቃዬሌ ኦጌን ቢዳ ጊሻስ ሚሻስ ጊዲ ባላኣሜ ማላ ባላን ኩንዲዳ፤ ቃሴ ቆሬይ ኤቄቲዳ ማላ ኢስቲካ ኤቄቲዲ ይዳ ጊሻስ ኢስታስ ኣዬ ኣና!

1ጺምቶሳስ 3:3

ማቶንታዴ፥ ኦሽ ኦዬቶንታዴ፥ ቃሴ ማራጌ ኣስ፥ ኣሳራ ፓላሜቶንታዴ፥ ሚሽ ጎዶንታዴ ጊዳናስ ቤሴስ።

ኣሞጼ ቲንቢቴ 9:10

‹ኑ ቦላ ኣይኮ ኢታይካ ጋኬና ዎይኮ ኑና ቦቼና› ጊዛ ታ ዴሬ ኣሳ ጋርሳን ዲዛ ናጋራንቻቲ ኡባይ ኦላን ሃይቃና» ጌስ ጎዳይ።

ሆሴኤ ቲንቢቴ 4:18

ዎይኔ ኡሹ ኡዪዳፔ ጉዬ ላይማቴቴስ። ኢስታ ኣይሲዛይቲካ ዬላቺዛ ሚሽ ዶሴቴስ።

ኢሳያሳ ቲንቢቴ 56:11

ኢስቲ ጋንጃማ ካና ማላ፤ ሚዲ ካሊ ኤሬቴና። ኢስቲ ኣኬካይ ባይንዳ ሄንንቻታ፤ ኢስቲ ኡባይ ባንታ ኦጌ ኦጌ ቤቴስ፤ ኢሶይ ኢሶይ ባ ጎኣ ጻላ ጼሌስ።

Maatosa 3:9

‹ኑ ኣዋይ ኣብራሃሜይ ኑስ ዴስ› ጊዛይሳን ኢንቴርካ ኢንቴና ባሌፍቴ፤ ታ ኢንቴስ ጾሲ ሃይታ ሹቻታፔ ኣብራሃሜስ ና ሂስቲ ዴንናስ ዳንዳዬስ ጋይስ።

ሚልካሳ ቲንቢቴ 1:10

«ታስ ያርሾ ያርሺዛሶን ጎኣይ ባይንዳ ታማ ኢንቴ ኤንታ ማላ ኢንቴፌ ኢሳዴይካ ጾሳ ኬ ፔንጌ ጎርዲዛኮ ኣዜ ዲዛይ! ታ ኢንቴናን ኡፋዬቲኬኔ ኢንቴ ኩሼፔ ኣይ ያርሾካ ኤኪኬ» ጌስ ኡባፌ ዎልቃማ ጎዳ ጾሳይ።

ሶፎናሳ ቲንቢቴ 3:3

ኢዞ ካሌዛይቲ ጻጊዛ ጋሞ ማላ። ኢዞ ኣይሲዛይቲካ ዎንቶስ ኣሾንታ ሚዛ ካና ሱይቴ ማላ።

ሂዚቄላ ቲንቢቴ 22:27

ኢዚ ጊዶን ዲዛ ጊታ ኣሳቲ ሃይቂዳይሳ ፑዚዛ ካና ሱይቴ ማላ፤ ኢስቲ ቤሶንታ ዱሬቴ ሺሻናስ ሱ ጉሴቴስ።

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ሌሚሶ ማጻፋ 17:23

ኢታ ኣሲ ፒርዳ ጌላሳናስ ጌማን ማታኤ ኤኬስ።

ኢሳያሳ ቲንቢቴ 5:23

ማታኤ ኤኪዲ፥ ሞራንቻታ ጺሊሲዛይታሲኔ ጺሎ ኣሳታሲ ሱሬ ፒርዳ ዲጊዛይታስ ኣዬ ኣና!

ኤርማሳ ቲንቢቴ 23:17

ታና ካዛይታ ኢስታስ፥ ‹ጎዳይ ኢንቴስ ሳሮ ጊዳና ጊዴስ› ጌቴስ፤ ባንታ ዎዚና ሙሜቴ ካሊዛይታ ኡባ ኢስታስ፥ ‹ኢታ ሚሺ ኢንቴና ጋኬና› ጌቴስ።

ኤርማሳ ቲንቢቴ 26:7

ኤርማሲ ጎዳ ኬን ሃ ቃላ ዮቲሺን ቄሴቲ፥ ናቤቲኔ ዴሬይ ዉሪ ሲዪዳ።

ሂዚቄላ ቲንቢቴ 34:2

«ሃይሶ ኣሳ ናዉ! ኢስራኤሌ ሄንንቻታ ቦላ ቲንቢቴ ዮታ፤ ቲንቢቴ ዮታሼ፥ ‹ኡባ ሃሪዛ ጎዳይ፥ ባና ጻላ ጼሊዛ ኢስራኤሌ ሄንንቻታስ ኣዬ ኣና! ሄንንቻቲ ዉዴዛ ሄማናስ ቤሴኔ?

ሆሴኤ ቲንቢቴ 4:8

ታ ዴሬዛ ናጋራይ ኢስታስ ሙሳስ ኪዪዴስ፤ ሄሳ ጊሻስ ዴሬይ ናጋራ ኦዛይሳ ኬሂ ዶሲዳ።

ኣሞጼ ቲንቢቴ 5:14

ኢንቴ ሼምፖራ ፓጻ ዴኣና ማላ ሎኦፔ ኣቲን ኢታ ኦፍቴ፤ ኢንቴ ሄሳ ኦኮ ኢንቴ ጊዳ ማላ ጎዳይ ሳሎ ጾሳይ ኢንቴናራ ጊዳና።

ሚልካሳ ቲንቢቴ 2:9

ሂስቲን ኢንቴ ታ ኦጌን ቦንታ ጊሻሲኔ ኢንቴ ኢንቴ ቲሚርቴዛ ዱማ ማዶ ኦዳ ጊሻስ ኢንቴ ኣሳ ኡባ ሲንን ካታና ማላኔ ኢንቴ ጉጻና ማላታ ኦዲስ።

ታይቦ ማጻፋ 22:7

ሂስቲን ሞኣቤ ጪማቲኔ ሚዲያሜ ጪማቲ ቃንጊሳናስ ኤኪ ቢዳ ሚሻ ባላሜስ ኢሚዲ ባላቄ ኪታ ዮቲዳ።

ኤርማሳ ቲንቢቴ 5:12

ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

ሶፎናሳ ቲንቢቴ 3:4

ኢዚን ዲዛ ናቤቲ ኦቶራንቻታኔ ኣስ ባሌዛይታ። ቄሴቲ ጾሳ ኬ ቱኒሴቴስ፤ ዎጋ ቦላካ ማካሌቴስ።