ሚኪያሳ ቲንቢቴ 1:16 - ጋሞ ማጻፋ

¹⁶ ኢንቴ ኢስታን ኡፋዬቲዛ ኢንቴ ናይቲ ኢንቴፌ ዲኤቲ ባና ጊሻስ ኢንቴ ሁኤ ቡሉሲቴ።

Geeshsha Maxaafa

¹⁶ Intte isttan ufayettiza intte nayti inttefe di7etti baana gishshas intte hu7e bulusite.

ሚኪያሳ ቲንቢቴ 1:16 Referans Kwoze

ኢሳያሳ ቲንቢቴ 22:12

ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

ኤርማሳ ቲንቢቴ 7:29

ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።

ኢዮቤ ማጻፋ 1:20

ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ኤርማሳ ቲንቢቴ 16:6

ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና።

ኤርማሳ ቲንቢቴ 6:26

ታ ዴሬቶ ማቃ ማይኢቴ፤ ቢዲን ቦላ ቡሉሌቲቴ፤ ሜጺ ኢሲ ናይ ሃይቂዳ ኣሳ ማላ ጫሞ ዬሆ ዬኪቴ፤ ጋሶይካ ኑ ቆፖንታ ዲሺን ይሲዛይ ኑ ቦላ ያና።

ኢሳያሳ ቲንቢቴ 15:2

ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

2ካዎታ ማጻፋ 17:6

ሆሴኤይ ካዎቲዳ ኡዱፉን ላይን ኣሶሬ ካዎይ ሳማሪያ ኦይኪዴስ። ኢስራኤሌ ኣሳ ዲኢ ኤኪዲ ኣሶሬ ዴሬ ዴን ኤፊዴስ። ሄይታካ ኣላሄን፥ ጎዛን ሃቦሬ ሻፋ ማታኒኔ ሜዶኔ ካታማታን ኤፊ ዎዴስ።

ዛሬ ማጻፋ 28:41

ኔኒ ማጫ ናይታኔ ኣቱማ ናይታ ዬላናሺን ኢስቲ ኦላን ዲኤቲ ቢኮ ኔ ሜላ ኣታና።

ኤርማሳ ቲንቢቴ 47:5

ጋዛይ ካዮስ ባ ቢናና ሜዴታና፤ ኣስቄሎናይ ባ ዶና ቦላ ኩሼ ዎና፤ ኢንቴኖ ዴምባ ቦላ ጫሻ ኣቲዳይቶ! ኢንቴ ኣይዴ ጋካናስ ኢንቴ ቦላ ቃጪሼ ዳኔ?

ኣሞጼ ቲንቢቴ 7:11

ኢዚካ፥ ‹ኢዮርባኣሜይካ ኦላን ሃይቃና፤ ኢስራኤሌ ዴሬይ ባ ዴሬፔ ዲኤቲ ባና› ጌስ» ጊ ኪቲዴስ።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ዚላስ 2:19

ቃማ ኩሜ ዴንዲዲ ዋሲቴ፤ ጎዳ ሲንን ኢንቴ ዎዚና ሃ ማላ ጉሲቴ፤ ኦጌ ዶናን ኮሻቲ ኩንዲዳ ኔ ናይታ ሼምፖ ጊሻስ ኔ ኩሼ ፑዴ ኢዛኮ ዴንዳ ዎሳ።