ሚልካሳ ቲንቢቴ 1:11 - ጋሞ ማጻፋ

¹¹ ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

Geeshsha Maxaafa

¹¹ Awa arshey kezizasoppe doommidi arshey wullizaso gakkanaas ta sunththay dere ubbaa giddon bonchchettana; beettooson ubbaan ta sunththas exaaneynne geeshsha yarsho asay shiishshana; ta sunththi asa ubbaa achchan bonchchettana.

ሚልካሳ ቲንቢቴ 1:11 Referans Kwoze

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኢሳያሳ ቲንቢቴ 45:6

ሄሲካ ኣሳይ ኣርሼይ ሞኪዛሶፔ ቢዲ ኣርሼይ ዉሊዛሶ ጋካናስ ታፔ ሃራይ ባይንዳይሳ ኤራና ማላሳ። ታኒ ጎዳ፤ ታፔ ሃራይ ኦኒካ ዴና።

ዮሃኒሳ ኣጁታ 5:8

ጻ ማጻፋዛ ኤኪዳ ማላ ኦይዱ ዶኣቲኔ ናምኡ ታማኔ ኦይዱ ጪማቲ ሄ ዶርሳ ሲንን ባ ሊጴን ጉፋኒዳ። ኢስቲካ ኢሶይ ኢሶይ ባ ኩሼን ዲ ሚሳቲዛ ሚሽ ኦይኪዳ፤ ሄሳካ ጌሻታ ዎሳ ጊዲዳ ኤጻኔይ ኢዛን ኩሚዳ ዎርቃ ጻሮ ባ ኩሼን ኦይኪ ዴቴስ።

ዛካራሳ ቲንቢቴ 8:7

ኡባፌ ዎልቃማ ጎዳይ፥ «ታኒ ታ ዴሬታ ኣርሼይ ሞኪዛ ባጋ ዴሬታፔኔ ዉሊዛ ባጋ ዴሬታፔ ኣሻና።

ዬ ማጻፋ 50:1

ዎልቃማ ጎዳይ፥ ጾሳይ ሃሳዬስ፤ ኣርሼይ ሞኪዛሶፔ ዉሊዛሶ ጋካናስ ሳኣን ዲዛ ኣሳ ጼይጌስ።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ዬ ማጻፋ 141:2

ታ ዎሳይ ኤጻኔ ጩዋ ማላ ኔ ሲን ሺቆ፤ ታኒ ታ ኩሼዛ ሚጪዛይሲ ኔስ ኦማርሳ ዎዴ ያርሾ ማላ ጊዶ።

ዬ ማጻፋ 67:2

ኔ ኦጌቲ ሳኣ ቦላን፥ ኣሺዛ ኔ ዎልቃይካ ካዎቴታ ኡባ ጊዶን ኤሬቴቶ።

ዮሃኒሳ ኣጁታ 15:4

ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።

1ጺምቶሳስ 2:8

ሄሳ ጊሻስ ኣቱማ ኣሳይ ኡባሶን ሃንቆይ ባይንዳኔ ፓላማይ ባይንዳ ባ ጌሻ ኩሼታ ፑዴ ቁ ሂስቲዲ ዎሳና ማላ ታ ኮያይስ።

ፒሊጲሲዮሴ ኣሳስ 4:18

ታስ ኮሺዛይሳኔ ታና ኮሺዛይሳፌካ ቦላራ ኤካዲስ፤ ኢንቴ ታስ ዬዲዳ ማዶ ሚሻ ኣፍሮዲጾ ኩሼፔ ኤኪን ታ ፓጬይ ኩሚዴስ፤ ሃይሲ ዳሮፔ ጾሳ ኣቻን ኤኬቲዳ ዳሮ ሎኦ ሳዊዛ ያርሾ ማላ።

ኦሮሜ ኣሳስ 15:16

ሄሳ ሄ ኪያቴ ኢሜቲዳይ ታኒ ጾሳ ሚሺራቾ ቃላ ሃንኮ ዴሬታስ ዮታና ማላሳ፤ ቃሴካ ቄሴ ማላ ጊዲዳ ዬሱስ ኪርስቶሳስ ኦናሳ፤ ሄሳ ጊሻስ ሃንኮ ዴሬ ኣሳይ ጺሎ ኣያናን ዱማቲዲ ጾስ ኡፋይሲዛ ያርሾ ጊዲዲ ሺቃና ማላ ኦይስ።

ኦሮሜ ኣሳስ 12:1

ሄሳ ጊሻስ ታ ኢሻቶ! ኢንቴ ኣሳቴ ጌሺኔ ጾስ ኡፋይሲዛ ዴኦ ያርሾ ኦዲ ኢንቴ ሺሻና ማላ ታ ኢንቴና ጾሳ ቃታን ዎሳይስ፤ ሄሲካ ዎዚናማ ኣሳ ማላ ኢንቴ ጾሳስ ኦዛ ኦሶ።

ሉቃሳ ሚሺራቾ 1:10

ኤጻኔይ ጩዋቲሺን ኣሳይ ዉሪካ ካሬን ዲዲ ዎሴስ።

ሚልካሳ ቲንቢቴ 1:14

«ዶርሳታ ጋርሳን ሎኦ ርሾይ ዲዛይሳ ኢማናስ ኣዲኔቲዲ ቃሴ ባሌን ኢዛ ቦላ ዎሶይ ዲዛ ሜሄ ጎዳስ ያርሾ ሺሺዛዴይ ቃንጌቶ፤ ታ ጊታ ካዎ፤ ታ ሱንካ ዴሬ ኩሜ ባባናስ ቤሲዛ ሱን» ጌስ ኡባፌ ዎልቃማ ጎዳ ጾሳይ።

ሶፎናሳ ቲንቢቴ 3:9

ሄ ዎዴ ኣሳይ ኡባይ ጎዳ ሱን ጼይጋና ማላኔ ሲጋን ኢዛስ ሃጋዛና ማላ ታ ኢስታ ዶና ጌሻና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ሚኪያሳ ቲንቢቴ 5:4

ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና።

ኣሞጼ ቲንቢቴ 9:12

ሄሳካ ኤዶሜ ዴሬን ኣቲዳይታኔ ታ ሱንን ጼይጌቲዳ ዴሬታ ኡባ ኢስቲ ላታና» ጌስ ጎዳይ።

ኢሳያሳ ቲንቢቴ 59:19

ጎዳ ፔኖይ ሱጊ ኤኪ ቢዛ ዎልቃማ ዲኦ ማላ ያና። ሄሳ ጊሻስ ኣርሼይ ዉሊዛ ባጋራ ዲዛይቲ ጎዳ ሱንስ ያያና፤ ኣርሼይ ሞኪዛ ባጋራ ዲዛይቲ ኢዛ ቦንቾስ ሃሬታና።

ዬ ማጻፋ 113:3

ኣርሼይ ሞኪዛሶፔ ቢዲ ዉሊዛሶ ጋካናስካ ጎዳ ሱን ጋላቴቶ!

Maatosa 8:11

ታ ኢንቴስ ዮታይስ፤ ዳሮቲ ኣርሼይ ሞኪዛ ባጋፌኔ ዉሊዛ ባጋፌ ያና። ሳሎ ካዎቴ ማዳን ኣብራሃሜንታራ ዪሳቃንታራኔ ያቆቤንታራ ኢሲፌ ኡታና።

2ታሶሎንቄ ኣሳስ 1:12

ቃሴካ ኑ ጎዳ ጾሳኔ ኑ ጎዳ ዬሱስ ኪርስቶሳ ኪያቴ ማላ ዬሱስ ኪርስቶሳ ሱን ኢንቴ ኣቻን ቦንቼታና ማላኔ ኢንቴካ ኢዛን ቦንቼታና ማላ ኑ ኢንቴስ ዎሶስ።

ታይቦ ማጻፋ 7:74

ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥

ዬ ማጻፋ 45:17

ታኒ ኔ ሱን ዬሌታ ኡባን ሃሳኤታና ማላ ኦና። ሄሳ ጊሻስ ኣሳይ ሜርናስ ኔና ሳባና።

ዬ ማጻፋ 48:10

ኣቤት ጾሳዉ፥ ኔ ሱን ማላካ ኔ ጋላታይ ሳኣ ጋጻ ጋኪዴስ፤ ኔ ኡሻቻ ኩሼይ ጺሎቴን ኩሚዴስ።

ዬ ማጻፋ 111:9

ኢዚ ባ ኣሳስ ኣቶቴ ኢሚዴስ፤ ባ ጫቆ ቃላካ ኢስታስ ሜርናስ ኣዛዚዴስ፤ ኢዛ ሱን ጌሺኔ ያሺሲዛዛ።

ኢሳያሳ ቲንቢቴ 12:4

ሄ ዎዴ ኢንቴ ጎዳ ጋላቲቴ! ኢዛ ሱንካ ጼይጊቴ። ኢዚ ኦዳይሳ ካዎቴታ ጊዶን ኤሪሲቴ። ኢዛ ሱንይ ቁ ቁ ጊዳይሳ ኣዋጂቴ።

ኢሳያሳ ቲንቢቴ 12:5

ጎዳይ ጊታ ኦሶ ኦዳ ጊሻስ ኢዛስ ዬጺቴ። ሄሲ ኩሜ ኣላሜስ ኤሬቶ።

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኤርማሳ ቲንቢቴ 10:6

ኣቤት ጎዳዉ! ኔ ማላይ ኦኒካ ዴና። ኔኒ ጊታ፤ ኔ ሱንይካ ጊታኔ ዎልቃማ።

ኤርማሳ ቲንቢቴ 10:7

ኣቤት ካዎቴታስ ካዎ! ኔስ ያዮንታይ ኦኔ? ኔስ ቦንቾይ ቤሴስ፤ ጋሶይካ ኣ ኤራንቻታ ጋርሳኒኔ ኢስታ ካዎቴታ ኡባ ጋርሳን ኔ ማላይ ዴና።

ዳኔላ ቲንቢቴ 2:45

ኣሲ ቦቾንታ ዲሺን ዙማ ቦላፌ ቃሌቲዲ ቢራታፔ፥ ጻርቂማላፔ፥ ማና ኡርቃፌ፥ ቢራፔኔ ዎርቃፌ ኦሴቲዳ ሚስሌዛ ሊቂሲዳ ሹቻ ኣጁታ ቢርሼይ ሃይሳ፤ ጊታ ጾሳይ ቡሮ ሲንፌ ሃናናይሳ ካዎ ኔና ቤሲዴስ፤ ኣጉሞዚካ ቱማ፤ ኢዛ ቢርሼዚካ ኣማንዛዛ» ጊ ዮቲዴስ።

1ታሪኬ ማጻፋ 16:25

ጎዳይ ጊታ፤ ኢዛስ ቤሲዛ ጋላታይካ ቃ፤ ጾሳታ ኡባፌ ኣስ፤ ኢዛስ ያያናስ ቤሴስ።

ዬ ማጻፋ 48:11

ኔ ፒርዳ ጊሻስ፥ ጺዮኔ ኣሳይ ኡፋዬቴስ፤ ዩሁዳ ካታማቲካ ኡፋይሳን ሆምቦጬቴስ።

ዬ ማጻፋ 65:9

ኔኒ ቢታ ናጋዳ ሃ ኡሻሳ፤ ሂስታዳ ዳሮ ዱሬሳሳ፤ ኣሳስ ካይ ሞካና ማላ ጾሳ ሻፋይ ሃን ኩሚዴስ፤ ሄሳ ኦዳ ኔኒ ጊጊሳዳሳ።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ዬ ማጻፋ 96:8

ኢዛ ሱንስ ቤሲዛ ቦንቾ ጎዳስ ኢሚቴ፤ ያርሾ ኤኪዲ ኢዛ ኬ ዛጎ ጌሊቴ።

ዬ ማጻፋ 138:5

ጎዳ ቦንቾይ ጊታ ጊዲዳ ጊሻስ ኢስቲ ኢዚ ኦዳ ኦሶ ጊሻስ ዬጼቶ።

ኢሳያሳ ቲንቢቴ 19:21

ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና።

ኢሳያሳ ቲንቢቴ 30:27

ቤኢቴ፥ ጎዳ ሱንይ ኤጺዛ ሃንቆራ፥ ሻራ ማላ ፒ ጊዳ ጩዋራ ሃኮፔ ያና፤ ኢዛ ሜቴርሻቲ ሃንቆን ኩሚዳ፤ ኢዛ ኢንጻርሳይካ ጹጊዛ ታማ ማላ።

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ሚልካሳ ቲንቢቴ 3:3

ቢራ ታማን ሴሪሲዲ ሎኤ ጌሺዛ ኣሳ ማላ ኡታና፤ ሌዌ ናይታ ዎርቃ ማላኔ ቢራ ማላ ጌሻና፤ ሄሳፌ ጉዬ ጎዳስ ያርሾ ሺሺዛ ጺሎ ኣሳቲ ዳና።