ሉቃሳ ሚሺራቾ 24:47 - ጋሞ ማጻፋ

⁴⁷ ዬሩሳላሜፔ ዶሚዲ ኡባ ዴሬስ ናጋራፔ ሲሞይኔ ማሮቴ ኢዛ ሱንን ዮቴታና።

Geeshsha Maxaafa

⁴⁷ Yerusalaameppe doommidi ubba deres nagarappe simoynne maaroteththi iza sunththan yootettana.

Gamo Geesha Maxxafa New Testamen

⁴⁷ Yerusalemeppe doomidi wurso deres naggarappe simoynne maarotethi iza sunthan yootettana.

ሉቃሳ ሚሺራቾ 24:47 Referans Kwoze

ሃዋሬታ ኦሶ 5:31

ኢዚካ ኢስራኤሌ ናይታስ ናጋራፔ ሲሚዲ ማሬታና ማላ ጾሲ ኢዛ ኡባፌ ቦላኔ ኣሺዛዴ ሂስቲዲ ባ ኡሻቻን ቁ ቁ ሂስቲዴስ።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።

ሃዋሬታ ኦሶ 2:38

ጴጽሮሲካ፥ «ማሮቴን ጌሊቴ፤ ኢንቴ ናጋራይ ማሬታና ማላ ኢንቴፌ ኢሲ ኢሲ ኣሲ ዬሱስ ኪርስቶሳ ሱንን ጻማቄቲቴ፤ ኢዚ ኢሚዛ ጺሎ ኣያና ኢንቴ ኤካና።

ሃዋሬታ ኦሶ 20:21

ኣይሁዳ ኣሳታ ጊዲንካ ጊሪኬ ኣሳ ጊዲንካ ማሮቴን ጌሊዲ ጾሳኮ ሲማና ማላኔ ጎዳ ዬሱሳን ኣማናና ማላ ሎኤ ዮታዲስ።

ሃዋሬታ ኦሶ 13:46

ጳዉሎሲኔ ባርናባሲ ባቦንታ ጻላቴን፥ «ጾሳ ቃላይ ኮይሮ ኢንቴስ ዮቴታናስ ቤሴስ፤ ጊዶ ኣቲን ኢንቴ ቃላ ሌቂዴታ። ኢንቴስ ሜርና ዴኦይ ቤሶንታይሳ ኢንቴርካ ኢንቴ ቦላ ፒርዲዳ ጊሻስ ሃኢ ኑኒ ጌዴ ኣይዛቤታኮ ባና ኮዮስ፤ ቃሴካ ጎዳይ ኑና፥ ‹ኣሳስ ኣቶቴ ቃላ ቢታ ጋጻ ጋና ማላ ታ ኔና ኣይዛቤታስ ፖኦ ሂስታ ኪታዲስ› ጊ ኣዛዚዴስ» ጊዳ።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ሃዋሬታ ኦሶ 11:18

ኢስቲ ሄሳ ሲዪዳ ዎዴ ኢስታስ ጊዛዚ ዪን ጮኡ ጊ ሲሚዲ፥ «ሃይሳ ማላ ጊዲኮ ኣይዛቤቲካ ሃ ኦራ ዴኦኮ ያና ማላ ጾሲ ኣሳስ ማሮቴ ኢሚዴስ ጉሳ» ጊዲ ጾሳ ጋላቲዳ።

ሃዋሬታ ኦሶ 26:18

ኔ ኢስታ ኣይፌ ዶያና ማላኔ ማፔ ፖኦን ኬሳና ማላ ቃሴካ ጻላኤስ ሃሬቲዛሶፔ ጾሳኮ ኔ ዛራና ማላ ኦና፤ ኢስቲካ ታና ኣማኒዳ ጊሻስ ባ ናጋራፔ ማሬታና፤ ቃሴ ዶሬቲዳይታ ጊዶን ኢስቲ ጺንጾ ዴማና› ጊዴስ።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ሆሴኤ ቲንቢቴ 2:23

ታኒ ታ ዴሬዮ ቢታ ቦላ ቶካና። ‹ማሮቴ ባይንዳሮ› ጌቴቲዳሮ ታ ዛራዳ ማራና፤ ‹ታ ማሪኬ› ጊዳይሳካ ዛራ ማራና፤ ‹ኢንቴ ታ ዴሬ ዴኬታ› ጌቴቲዴታ። ‹ታ ዴሬታ› ጋዳ ታ ጼይጋና ጋና፤ ኢስቲካ ታና፥ ‹ኔኒ ኑ ጾሳ› ጋና» ጌስ።

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ሜቴ ማጻፋ 12:3

ኔና ኣንጂዛይታ ታ ኣንጃና፤ ኔና ቃንጊዛይታካ ታ ቃንጋና፤ ቢታ ቦላ ዲዛ ኣሲ ዉሪ ኔ ባጋራ ኣንጄታና» ጊዴስ።

1ዮሃኒሳ ኪታ 2:12

ታ ናይቶ! ኢንቴ ናጋራይ ዬሱስ ኪርስቶሳፔ ዴንዲዳይሳን ኣቶ ጌቴቲዳ ጊሻስ ታ ኢንቴስ ጻፋይስ።

ቆላሲያሴ ኣሳስ 1:27

ጾሲ ባ ኣሳስ ቆንጪሳናስ ኮዪዳ ጹራይ ኢዛ ቦንቾ ዱሬቴ ኣይዛቤ ጊዲዳ ኢንቴ ጊዶን ኣይ ማላ ጊታኮ ቤሳናሳ፤ ኢዚካ ኢዛ ቦንቾ ሂዶታ ጊዲዳ ኢንቴ ጊዶን ዲዛ ኪርስቶሳ።

ሃዋሬታ ኦሶ 10:43

ኢዛ ኣማኒዳዴይ ዉሪ ኢዛ ሱንን ናጋራ ማሬቲዲ ጌያናይሳ ናቤቲ ኢዛስ ማርካቴቴስ» ጊ ዮቶ ዶሚዴስ።

ሃዋሬታ ኦሶ 4:12

ኣቶቴ ሃራ ኦናንካ ባ፤ ሳሎፔ ጋርሳ ባጋራ ኑ ኣሳ ናይቲ ኣታና ማላ ኑስ ኢሜቲዳይ ሃይሳፌ ሃራ ሱን ዴና» ጊዴስ።

ሃዋሬታ ኦሶ 3:19

ሄሳ ጊሻስ ኢንቴ ናጋራይ ቁጬቲ ያና ማላ ማሮቴን ጌሊቴ፤ ኢንቴ ቢዛ ኦጌፔ ሲሚቴ፤ ጎዳ ማታፔ ኢንቴ ኦራጻና ዎዴይ ኢንቴስ ያና።

ሚኪያሳ ቲንቢቴ 4:2

ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ኢሳያሳ ቲንቢቴ 52:15

ሄሳ ጊሻስ ኢዚ ዳሮ ካዎቴታ ማላሊሳና፤ ኢዛ ጋሶን ካዎቴቲ ባንታ ዶና ኦይካና፤ ኢስታስ ዮቴቶንታይሳ ኢስቲ ቤኣና፤ ኢስቲ ሲዪ ኤሮንታ ሚሽ ኣኬካና» ጌስ።

ኢሳያሳ ቲንቢቴ 52:10

ጎዳይ ባ ጌሻ ቄሳ ካዎቴታ ኡባ ሲንን ቆንጪሳና፤ ቃሴ ቢታ ጋጻን ዲዛ ኡባይካ ኑ ጾሳ ኣቶቴ ቤኣና።

ኤፌሶኔ ኣሳስ 3:8

ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ኦሮሜ ኣሳስ 5:20

ዎጋይ ዪን ሞሮይ ዳሪዴስ፤ ጊዶ ኣቲን ናጋራይ ዳሮይሳፌ ቦላራ ጾሳ ኪያቴ ኬሂ ዳሪዴስ።

ሃዋሬታ ኦሶ 28:28

«ሂስቲኮ ጾሲ ኣስ ኣሺዛ ኪታይ ኣይዛቤታስካ ኪቴቲዳይሳ ኢንቴ ኤሪቴ፤ ኢስቲካ ኤሮ ጊዲ ኤኬቴስ» ጊዴስ።

ሃዋሬታ ኦሶ 26:20

ጊዶ ኣቲን ታ ካሴታዳ ዳማስቆን ዲዛ ኣሳ ካሌዳ ዬሩሳላሜኒኔ ዩሁዳ ዴሬ ኡባን ዲዛይታ ቃሴካ ኣይዛቤቲካ ናጋራ ኦጌፔ ጾሳኮ ሲሚዲ ማሬታና ማላ ኤሪሳዲስ፤ ኢስቲ ናጋራፔ ሲሚዳይሳ ቤሲዛዝ ኦና ማላ ታ ኢስታስ ዮታዲስ።

ሉቃሳ ሚሺራቾ 13:34

«ሃኔ ዬሩሳላሜ ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ኩቶይ ባ ጪዬታ ባ ቄፌ ጋርስ ሺሺዛ ማላ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኣካይ ጋዳሳ።

Maatosa 9:13

ሄሳ ጊሻስ፥ ‹ኢንቴ ቢዲ ያርሾ ጊዶንታ ማሮቴ ዶሳይስ› ጊዛ ቃላ ቢርሼ ታማርቴ። ናጋራንቻታ ጼይጋና ያዲስ ኣቲን ጺሎታ ጼይጋናስ ያቤኬ» ጊዴስ።

ሆሴኤ ቲንቢቴ 11:8

«ኤፍሬሜ! ታ ኔና ዎስታ ኣጋጋኔ? ኢስራኤሌ ታ ኔና ዎስታ ኣ ኢማኔ? ታ ካሴ ኣዳማኒኔ ጻቦይሜን ኦዳይሳ ዎስታ ኔ ቦላ ኦ? ታ ዎዚናይ ጊዶን ቃጺዴስ፤ ታ ማሮቴይ ኔና ኣሻና ዴንዲዴስ።

ኢሳያሳ ቲንቢቴ 49:22

ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።

ኢሳያሳ ቲንቢቴ 11:10

ሄ ዎዴ ኢሴዬ ዜሬ ካዎቴታስ ማላታ ጊዲ ኤቃና፤ ካዎቴቲ ኢዛኮ ያና፤ ኢዛ ሼምፖሶይ ቦንቼታና።

ኢሳያሳ ቲንቢቴ 5:4

ታኒ ታ ዎይኔ ቱራ ሶሆዛሲ ኦዳይሳፌ ሃራ ኣይ ኦናይሲ ኣቲዴ? ኢዚ ሎኦ ኣይፌ ኣይፋና ጋዳ ታ ናጊሺን ኣይስ ጫላ ጳንቂዳ ኣይፌ ኣይፊዴ?

ዬ ማጻፋ 67:7

ጾሲ ኑና ኣንጃና፤ ሳኣ ጋጻ ጋካናስ ዲዛ ኣሳይ ኡባይ ኢዛስ ያያና።