ሉቃሳ ሚሺራቾ 2:14 - ጋሞ ማጻፋ

¹⁴ «ቦላ ሳሎን ጾሳስ ቦንቾይ ጊዶ፤ ሳሮቴካ ቢታ ቦላን ኢዚ ዶሲዛ ኣሳ ኡባስ ጊዶ» ጊዳ።

Geeshsha Maxaafa

¹⁴ «Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

Gamo Geesha Maxxafa New Testamen

¹⁴ bolla salon Xoossassi bonchoy gido sarotethaykka biitta bollan izi dosiza asas wursos gido gida.

ሉቃሳ ሚሺራቾ 2:14 Referans Kwoze

ኦሮሜ ኣሳስ 5:1

ሂስቲኮ ኑኒ ኣማኖን ጺሊዳ ጊሻስ ኑ ጎዳ ዬሱስ ኪርስቶሳ ባጋራ ኑስ ጾሳራ ሳሮቴ ዴስ።

ቆላሲያሴ ኣሳስ 1:20

ማስቃሌ ቦላ ኢዛፔ ጉኪዳ ሱን ሳሮቴ ሜዲ ሳኣ ቦላ ጊዲን ሳሎ ቦላ ዲዛይሳ ኡባ ኢዛ ባጋራ ባናራ ማቃዪንዴስ።

ሉቃሳ ሚሺራቾ 1:79

ሄሲካ ማን ዲዛይታሲኔ ሃይቆ ኩዋ ጊዶን ዲዛይታስካ ፖኢሳና ማላኔ ኑ ቶሆታካ ሳሮቴ ኦጌ ካሌናሳ» ጊዴስ።

ዮሃኒሳ ኣጁታ 5:13

ሳሎንካ ሳኣ ቦላካ፥ ቢታፌ ጋርሳንካ፥ ኣባ ጊዶን ዲዛ ሜቴ ኡባን፥ «ኣልጋ ቦላ ኡቲዳይሳሲኔ ዶርሳስ ጋላታይኔ ቃቴ፥ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ!» ጊሺን ታ ሲያዲስ።

ኢሳያሳ ቲንቢቴ 57:19

ኢስራኤሌ ቢታን ዬኪዛይታ ዶናን ታ ጋላታ ዎና። ማታኒኔ ሃሆን ዲዛይታስ ሳሮይኔ ዎፓይ ጊዶ። ታኒ ኢስታ ፓና» ጌስ።

ሃዋሬታ ኦሶ 10:36

ጾሲ ኡባስ ጎዳ ጊዲዳ ዬሱስ ኪርስቶሳ ባጋራ ኢስራኤሌ ኣሳስ ኪቲዳ ሳሮቴ ሚሺራቾ ኪታይ ሃይሳ።

ዮሃኒሳ ሚሺራቾ 17:4

ኔ ታስ ኢሚዳ ኦሶ ታኒ ዉርሳዳ ሃ ቢታ ቦላ ኔና ቦንቻዲስ።

2ታሶሎንቄ ኣሳስ 2:16

ኢዚ ኑ ጎዳ ዬሱስ ኪርስቶሲ ቃሴ ኑና ሲቂዳይኔ ባ ኪያቴን ሜርና ሚንኔ ሎኦ ሂዶታ ኢዚ ኑስ ኢሚዳ ኑ ኣዋ ጾሳይ፥

ፒሊጲሲዮሴ ኣሳስ 2:11

ኣሳ ኢንጻርሲ ዉሪካ ጾሳ ኣዋ ቦንቾስ ዬሱስ ኪርስቶሲ ጎዳ ጊዲዳይሳ ማርካታናሳ።

ሉቃሳ ሚሺራቾ 3:22

ጺሎ ኣያናይካ ሃራጴ ሚሳቲዲ ኢዛ ቦላ ዎዴስ። «ሳሎፔ፥ ‹ታ ዶሲዛ ናይ ኔና፤ ኔናን ታኒ ኡፋዬታይስ› » ጊዛ ቃላይ ዪዴስ።

Maatosa 21:9

ኢዛፔ ሲንራ ቢዛ ዴሬይኔ ጉዬራ ካሊዛ ዴሬይካ ባ ቃላ ቁ ሂስቲዲ፥ «ሆሳኢና! ዳዊቴ ናይ ጋላቴቶ! ጎዳ ሱንን ዪዳይ ኣንጄቲዳዴ! ጾሲ ጋላቴቶ!» ጊዳ።

ኢሳያሳ ቲንቢቴ 49:13

ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

ኤፌሶኔ ኣሳስ 1:9

ጾሲ ቆፒዳ ባ ጹራ ቆፋ ኪርስቶሳ ባጋራ ባ ሎኦ ቆፋ ማላ ኑና ኤሪሲዴስ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ኢሳያሳ ቲንቢቴ 44:23

ጎዳይ ሃይሳ ኦዳ ጊሻስ ሳሎቶ ዬጺቴ፤ ጪማ ቢታቶ ኡፋይሳን ኢሊሊቴ። ኢንቴኖ ዙማቶ፥ ኢንቴኖ ዎራቶ፥ ሚቶ ኡባይ ኢሊሊቴ፤ ጋሶይካ ጎዳይ ያቆቤ ዎዚዴስ፤ ባ ቦንቾ ኢስራኤሌ ቦላ ቆንጪሲዴስ።

ፒሊጲሲዮሴ ኣሳስ 2:13

ጾሲ ኢንቴስ ኣዛዜቴ ኢሚሼ ባ ቆፋ ዉርሴ ጋካናስ ኢንቴ ጊዶን ኦስ።

ኤፌሶኔ ኣሳስ 2:7

ሄሲካ ሃይሳፌ ጉዬ ያና ዎዴዛን ዬሱስ ኪርስቶሲ ኑስ ባ ኪያቴን ቆንጪሲዳ ዛዋይ ባይንዳ ባ ኪያቴ ዱሬቴ ኑና ቤሳናሳ።

ኤፌሶኔ ኣሳስ 2:4

ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።

ዮሃኒሳ ሚሺራቾ 14:27

«ታ ኢንቴስ ሳሮቴ ኣጋዳ ባይስ፤ ታ ሳሮቴካ ታ ኢንቴስ ኢማና፤ ታ ኢንቴስ ኢሚዛ ሳሮቴ ኣላሜይ ኢሚዛ ሳሮቴ ማላ ዴና፤ ኢንቴ ዎዚናይ ሂርጎፎኔ ባቦፎ።

ዮሃኒሳ ሚሺራቾ 3:16

ጾሳ ና ኣማኒዛይ ዉሪ ሜርና ዴኦ ዴማናፔ ኣቲን ዮንታ ማላ ጾሲ ሃይሳ ኣላሜዛ ዳሮ ሲቂዳ ጊሻስ ባ ሜጺ ኢሲ ናዛ ኢሚዴስ።

ሚኪያሳ ቲንቢቴ 5:5

ኢስታስ ሳሮቴ ኢዛ ጊዳና። ጎዳይ ኢስራኤሌ ኣሳ ኣሻናኔ ኢስታ ሞርኬታ ይሳና ኣሶሬ ኣሳይ ኑ ቢታ ዎራጂሺን ኑ ሚጻታካ ሜን ጌሊሺን ላፑን ሄሚዛይታ ሄሳፌካ ኦስፑን ሃላቃታ ኑ ኢዛ ቦላ ዴንና።

ሉቃሳ ሚሺራቾ 2:13

ኢዛራካ ሃራ ዳሮ ሳሎ ኪታንቻቲ ቤቲዳ። ጾሳ ጋላቲሼ፥

ሉቃሳ ሚሺራቾ 2:15

ኪታንቻቲ ኢስታፌ ሻኬቲዲ ሳሎ ሲሚን ዶርሳ ሄሚዛይቲ ባ ጊዶን ኢሶይ ኢሳ፥ «ኣኔ ሃ ዪቴ ጎዳይ ኑስ ቆንጪሲዳይሳኔ ሃኒዳይሳ ቤቴሊሄሜ ካታማ ቢዲ ቤዮስ» ጊዳ።