ሉቃሳ ሚሺራቾ 13:34 - ጋሞ ማጻፋ

³⁴ «ሃኔ ዬሩሳላሜ ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ኩቶይ ባ ጪዬታ ባ ቄፌ ጋርስ ሺሺዛ ማላ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኣካይ ጋዳሳ።

Geeshsha Maxaafa

³⁴ «Hanne Yerusalaame nabeta wodhizaaree! Neekko kiitettidayta shuchchara caddizaaree! Kuttoy ba ciyeta ba qefe gars shiishshiza mala ne nayta shiishshanaas aappun wode koyadinaashin ne gidikko akkay gadasa.

Gamo Geesha Maxxafa New Testamen

³⁴ Hanne Yerusaleme nabeta wodhizare neekko kitettiddayta shuuchchara caddizare kuttoy ba ciyista ba qefe gars shiishiza mala ne nayta shishanas aappun wode koyadinashin inte gakkides akkay gidista.

ሉቃሳ ሚሺራቾ 13:34 Referans Kwoze

ሃዋሬታ ኦሶ 7:52

ናቤታፔ ኢንቴ ኣዋቲ ጎዶንታ ናቤይ ኦኔ? ጺሎዛ ዮሃኒሳ ካሴቲ ዮቲዳ ናቤታካ ዎዳ፤ ኢንቴካ ሃኢ ኢዛ ኣ ኢሚዴታኔ ዎዴታ።

ኢሳያሳ ቲንቢቴ 30:15

ኡባ ሃሪዛ ጎዳይ፥ ኢስራኤሌ ጌሻይ፥ «ኢንቴ ታኮ ሲሞኒኔ ታናን ሼምፖን ኣታና፤ ዎፓኒኔ ኣማኖን ኢንቴ ሚናና፤ ኢንቴ ጊዲኮ ሄሳ ኦቤኬታ።

ሉቃሳ ሚሺራቾ 23:28

ዬሱሳፔ ጉዬራ ኢዛ ካሊዳ። ዬሱሲ ኢስታኮ ሲሚ ጼሊዲ፥ «ኢንቴ ዬሩሳላሜ ማጫሳይ ኢንቴሲኔ ኢንቴ ናይታስ ዬኪቴ ኣቲን ታስ ዬኮፍቴ።

ሉቃሳ ሚሺራቾ 19:44

ኔናኔ ኔ ጊቤ ጊዶን ኔናራ ዲዛ ኔ ናይታ ኡባ ቢታ ኬሳና፤ ሹቻካ ሹቻ ቦላፌ ላሎንታ ኣጌቴና። ሄሲ ዉሪካ ጾሲ ኔና ኮዪሺን ኔኒ ኤሮንታ ኣጊዳ ጊሻሳ» ጊዴስ።

ዛካራሳ ቲንቢቴ 1:4

ካሴ ናቤቲ ኢንቴ ኣዋታስ፥ ‹ኢንቴ ኢንቴ ኢታ ኦጌፔኔ ኢንቴ ኦሶፔ ሲሚቴ› ጊዲ ሚን ዮቲዳ፤ ጊዶ ኣቲን ኢስቲ ቃሴ ሲዪቤቴናኔ ታ ኣዛዞካ ናጊቤቴና፤ ሄሳ ማላ ኢንቴ ኢንቴ ኣዋታ ማላ ሃኖፒቴ።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።

ሆሴኤ ቲንቢቴ 11:2

ጊዶ ኣቲን ታ ኢስታ ጼይጊዳ ኬና ኢስቲ ታፔ ጌዴ ሃኪ ሃኪ ቢዳ። ባኣሌስ ያርሾ ሺሺዳ፤ ኢዛ ሚስሌታሲካ ኤጻኔ ጩዋሲዳ።

ኤርማሳ ቲንቢቴ 6:16

ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።

ኤርማሳ ቲንቢቴ 2:30

ታኒ ኢንቴ ናይታ ጮ ሜላ ቃጻያዲስ፤ ኢስቲ ጊዲኮ ባይቤቴና፤ ጋፊዳ ጋሞ ማላ ኢንቴ ማሻይ ኢንቴ ናቤታ ሚዴስ» ጌስ።

ዬ ማጻፋ 36:7

ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ።

ኡሩቲ ማጻፋ 2:12

ኔኒ ኦዳይሳ ኩሼ ጎዳይ ኔስ ዛሮ። ኔኒ ኢዛ ቄፌ ጋርሳን ኣታናስ ዪዳ ጎዳ ኢስራኤሌ ጾሳይ ኔስ ዳኮ ኢሞ» ጊዴስ።

Maatosa 22:6

ሃንኮ ኣቲዳይታ ኣሽካራቲ ኦይኪዲ ዳሮ ዋዪሲዲ ዎዳ።

Maatosa 22:3

ካዎይካ ዲጊሳስ ዮቲዳይታ ጼይጋናስ ባ ኣሽካራታ ዬዲዴስ፤ ጼይጌቲዳይቲካ፥ ‹ኑ ቦኮ› ጊዳ።

ኤርማሳ ዚላስ 1:16

«ሞርኬይ ኑ ቦላ ጎቢዴስ፤ ኑ ናይቲካ ባርካ ኣቲዳ፤ ኑና ዞሪ ሚንዛይቲ ኑፔ ሃኪዳ፤ ሄሳ ጊሻስ ታ ዬካይሲኔ ኣፉን ጉሳይስ።

ኢሳያሳ ቲንቢቴ 50:2

ታኒ ዪዛ ዎዴ ሄን ኣሲ ኣይስ ይዴ? ታ ጼይጊዛ ዎዴ ዛሮ ኢሚዛ ኣሲ ሄን ዋኒ ይዴ? ኢንቴና ዎዛና ሚሽ ጪጋናስ ታ ኩሼይ ቃማዴ? ዎይኮ ኢንቴና ኣሻናስ ታስ ዎልቃይ ጉ? ቤኢቴ ታ ሃንቆን ኣባ ሜሊሳይስ፤ ሻፋታካ ባዞ ኬሳይስ ኢስታን ዲዛ ሞሌቲ ሳሞን ሃይቂዲ ዜቄቴስ።

ዬ ማጻፋ 91:4

ኢዚ ባ ዋንጎታን ኔና ካማና፤ ኢዛ ቄፌታ ጋርሳን ኔኒ ቆቴታ ኣታና፤ ኢዛ ኣማኔቴይ ኔስ ጎንዳሌኔ ዜምፖ ጊዳና።

ዬ ማጻፋ 81:13

«ታ ዴሬይ ታና ሲዪዳኮ! ኢስራኤሌ ኣሳይ ታ ኦጌ ካሊዳኮ!

ዬ ማጻፋ 57:1

ኣቤት ጾሳዉ! ኔ ታስ ቃታ፤ ታና ማራ፤ ታ ሼምፖያ ኔናን ዜምፓዱስ፤ ባሻይ ኣና ጋካናስ ታኒ ኔ ቄፌታ ጋርሳን ቆቴታና።

ናሂሚያ ማጻፋ 9:30

ዳሮ ላይ ኔ ኢስታ ዳንዳያዳሳ፤ ኢስታ ታማርሳና ማላ ናቤታ ኔ ኣያናን ኢስታስ ዴንዳሳ፤ ጊዶ ኣቲን ኢስቲ ሎኤ ሲዪቤቴና፤ ሄሳ ጊሻስ ኢስታ ዴሬ ማታን ዲዛ ኣሳቲ ጾናና ማላ ኢስታ ኣ ኢማዳሳ።

ኤርማሳ ቲንቢቴ 35:14

ኤሬካቤ ና ኢዮናዳቤይ ባ ናይታ ዎይኔ ኡሹ ኡዮንታ ማላ ኣዛዚዴስ፤ ሄ ኣዛዞይካ ናጌቲዴስ፤ ኢስቲ ባንታ ኣዋ ኣዛዞ ናጊዳ ጊሻስ ሃች ጋካናስ ዎይኔ ኡሹ ኡዬቴና፤ ኢንቴ ጊዲኮ ታ ኢንቴስ ዛራ ዛራዳ ዮቲንካ ኣዛዜቲቤኬታ።

ኤርማሳ ቲንቢቴ 26:23

ኢስቲ ኦሪዮ ጊብጼፔ ኦይኪ ኤሂዲ ካዎ ኢዮኣቄሜኮ ኤፊዳ። ካዎዚ ኢዛ ማሻን ዎዲ ኢዛ ኣሃ ቤቲዳይ ሞጌቲዛሶን ኤፊ ዬጊዴስ።

ዬ ማጻፋ 149:2

ኢስራኤሌ ኣሳቲ ባና ሜዳይሳን ኡፋዬቴቶ፤ ጺዮኔ ኣሳቲ ባ ካዎዛን ኬሂፔ ኡፋዬቴቶ።

ናሂሚያ ማጻፋ 9:26

«ጊዶ ኣቲን ኢስቲ ኔ ቦላ ማካሊዳ፤ ‹ኔ ቃላስካ ኣዛዜቶኮ› ጊዳ፤ ኔ ዎጋ ሲዮኮ ጊዲ ኔስ ዞኮ ዛሪዳ፤ ቃሴ ኢስቲ ኔኮ ዛራና ጊዲ ሴሪ ታማርሲዳ ናቤታ ዎዳ፤ ኡባ ዎዴ ኔ ቦላ ጫሻ ቃላ ሃሳይዳ።

ዛሬ ማጻፋ 32:29

ኢስቲ ኤራታ ጊዲዳኮ ሃይሳ ኢስቲ ካሴቲዲ ቆፓና፤ ባንታ ዉርሴንካ ሃናናይሳ ዩሺ ቆፓናሺን!

ዛሬ ማጻፋ 5:29

ኢስታሲኔ ኢስታ ዜሬታስ ሜርናስ ኡባ ሚሺ ሎኦ ጊዳና ማላ ኢስቲ ታስ ያያናሲኔ ታ ኣዛዞታ ኡባ ዎዴ ናጋናስ ሃይሳ ማላ ዎዚናይ ዲዛኮ ኣይ ማላ ሎኦሻ!

ዮሃኒሳ ኣጁታ 11:8

ኢስታ ኣሃይ ሌሚሶራ ሶዶሜኔ ጊብጼ ጌቴቲዛ ጊታ ካታማይን ጮ ዴምባን ዚንኣና፤ ሂና ካታማያ ካሴ ኢስታ ጎዳይ ኢዚን ካቄቲዳሶዮ።

ሃዋሬታ ኦሶ 8:1

ሳኦሊካ ኢስቲፋኖሴ ሃይቆን ኢስታራ ቆፋን ጋጊዴስ፤ ሄ ዎዴ ዬሩሳላሜን ዲዛ ኣማኒዛይታ ቦላ ዎልቃማ ጎዴቴ ዴንዲዴስ። ሃዋሬቲ ኣታፌ ኣማኒዛይቲ ዉሪ ዩሁዳ ኣዉራጃኒኔ ሳማሪያ ኣዉራጃ ኡባን ላሌቲዳ።

ሃዋሬታ ኦሶ 7:59

ኢስቲ ሹቻራ ኢዛ ጫዲሺን ኢስቲፋኖሲ፥ «ታ ጎዳ ዬሱሳ! ታ ሼምፖዮ ኔኮ ኤካ» ጊዲ ዎሲዴስ።

ሉቃሳ ሚሺራቾ 15:28

«ባይራ ኢሻዚካ ሃንቄቲዲ ሶ ጌላናስካ ኮዪቤና። ኣዋይካ ካሬ ኬዚዲ ኢዚ ሶ ጌላና ማላ ዎሲዴስ።

ኢዩኤሌ ቲንቢቴ 2:23

ኢንቴኖ ጺዮኔ ዴሬቶ፥ ጎዳን ኢንቴ ጾሳን ኡፋይሲ ኦቴ፤ ኢዚ ቱሙ ፒርዲዲ ባሳ ኢራኔ ኦፊን ኢራ ዎጋራ ኢሚዴስ።

ኤርማሳ ዚላስ 4:13

ሃይሲ ሃኒዳይ ናቤቲኔ ቄሴቲ ኦዳ ናጋራ ጋሶና፤ ቃሴ ኢስቲ ጺሎታ ሱ ጉሲዳ ጊሻሳ።

ዬ ማጻፋ 17:8

ኔ ኣይፌ ጪሮ ማላ ታና ናጋ፤ ኔ ቄፌታ ጊዶን ታና ቆታ።

ኤርማሳ ቲንቢቴ 35:17

ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፤ ታኒ ዩሁዳ ኣሳ ቦላኔ ዬሩሳላሜን ዲዛይታ ኡባ ቦላ ኤሃና ጊዳ ኢታ ሚሽ ታ ኤሃና፤ ጋሶይካ ታ ኢስታስ ዮቲን ሲዪቤቴና፤ ታ ኢስታ ጼይጊን ኢስቲ ታስ ኮዪቤቴና» ጌስ።