ሌዌታ ማጻፋ 7:12 - ጋሞ ማጻፋ

¹² ኢሲ ኣሲ ጎዳስ ጋላታ ያርሾ ሺሻና ኮይኮ ባ ኤሂዛ ጋላታ ያርሾዛራ ኢርሾይ ኢዛን ጌሎንታ ዛይቴን ሙኑቄቲ ኡኬቲዳ ኡኬ፥ ኢርሾይ ኢዛን ጌሎንታ ሌኤን ኡኬቲዲ ዛይቴን ቲዬቲዳ ኡኬ፥ ሊቆ ሌፌ ዛይቴን ሙኑቄቲዳ ኡኬ ያርሾ።

Geeshsha Maxaafa

¹² issi asi GODAAS galata yarsho shiishshana koykko ba ehiza galata yarshozara irshoy izan gelontta zayten munuqetti uukettida uketh, irshoy izan gelontta lee7en uukettidi zayten tiyettida uketh, liiqo dhiillefe zayten munuqettida uketh yarsho.

ሌዌታ ማጻፋ 7:12 Referans Kwoze

ታይቦ ማጻፋ 6:15

ቃሴ ካ ያርሾኔ ኡሻ ያርሾ ኢስታራ ኢሲፌ ያርሻናስ ኤሆ፤ ሄ ሌማቴዛን ካ ያርሾይ ኢርሾይ ኢዛን ጌሎንታይሳ ጊዶ፤ ቃሴ ሊቆ ሌ ዛይቴን ሙኑቂ ኡኪዳ ኦርዴ ኡኬኔ ዛይቴን ቲዬቲዳ ሌኤ ኡኬ ኤሆ።

ሌዌታ ማጻፋ 2:4

«ያርሾዚ ኡኬ ኡኬቲዛ ባሼን ኡኬቲዳ ጊዲኮካ ኢርሾይ ቦቾንታዝ ጊዶ፤ ኢዚካ ዎጋራ ሚ ዛይቴራ ዋላኬቲዲ ሊቆ ሌራ ኡኬቲዳ ቄሪ ኡኬ ዎይኮ ዛይቴን ጊንዴቲ ኡኬቲዳ ኡኬ ጊዳናስ ቤሴስ።

1ጴጽሮሳ ኪታ 2:5

ኢንቴ ጎዳ ዬሱሳኮ ሺቃናይካ ዴኦ ሹቻ ማላ ጺሎ ኣያና ዱሳሶ ጊዳና ማላ ኦሴቴታ፤ ሄሳካ ኢንቴ ዬሱስ ኪርስቶሳ ባጋራ ኡፋይሲዛ ኣያና ያርሾ ጾሳስ ሺሻናስ ጌሻ ቄሴታ ጊዳንዴታ።

Ibirawe 13:15

ሄሳ ጊሻስ ኡባ ዎዴ ጋላታ ያርሾ ሄሲካ ኢዛ ሱንስ ማርካቲዛ ኑ ዶናፔ ቤቲዛ ኣይፌ ጊዲዳዝ ዬሱሳ ባጋራ ጾሳስ ኣኔ ሺሾስ።

ኤፌሶኔ ኣሳስ 5:20

ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

ኦሮሜ ኣሳስ 1:21

ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

ሉቃሳ ሚሺራቾ 17:18

ሃይሳ ዱማ ዴሬ ኣዴዛፔ ኣቲን ጾሳ ጋላቲዛይ ባ ጉሴ?» ጊዲ ኦይቺዴስ።

ሉቃሳ ሚሺራቾ 17:16

ኢዛዴይካ ዬሱሳ ቶሆ ቦላ ኩንዲዲ ጋላቲዴስ፤ ኢዚካ ሳማሪያ ቢታ ኣሳ።

ሆሴኤ ቲንቢቴ 14:2

ፓጼ ቃላ ኤኪ ጎዳኮ ሲሚዲ፥ «ኑ ናጋራ ኡባ ኣቶ ጋ፤ ኑኒ ኑ ዶናፔ ጋላታ ሺሻና ማላ ኔ ማሮቴን ኑና ኤካ።

ዬ ማጻፋ 116:17

ኣቤት ጎዳዉ! ታኒ ጋላታ ያርሾ ኔስ ያርሻና፤ ሂስታዳ ኔ ሱን ጼይጋና።

ዬ ማጻፋ 107:8

ሜርና ኢዛ ሲቆዛሲኔ ኢዚ ኣሳስ ኦዳ ማላሊሲዛ ሚሻታስ ኢስቲ ጎዳ ጋላቴቶ!

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ዬ ማጻፋ 50:23

ታስ ጋላታ ኢሚዛ ኣሲ ታና ቦንቼስ። ሱሬ ኦጌራ ቢዛ ኣስ ታኒ ኣቶቴ ቤሳና» ጌስ።

ናሂሚያ ማጻፋ 12:43

ሄ ጋላስ ኣሳይ ዳሮ ያርሾ ሺሺዴስ፤ ጾሳይ ኢዛ ኡፋይሲዳ ጊሻስ ዴሬዚ ኬሂ ኡፋዬቲዴስ፤ ማጫሳይኔ ናይቲካ ኢስታራ ኢሲፌ ኡፋዬቲዳ፤ ዬሩሳላሜን ሃኒዳ ኢሊሊሳ ቃላይ ሃሆን ሲዬቲዴስ።

2ታሪኬ ማጻፋ 33:16

ቃሴካ ሚናሴይ ጎዳስ ያርሺዛሶዛ ኦራጺሲዴስ፤ ኢሲፌቴ ያርሾኔ ጋላታ ያርሾ ኢዛን ያርሺዴስ፤ ዩሁዳ ኣሳካ ጎዳስ ኢስራኤሌ ጾሳስ ጎይናና ማላ ኣዛዚዴስ።

2ታሪኬ ማጻፋ 29:31

ሄሳፌ ጉዬ ሂዝቂያሲ ኣሳ፥ «ሃኢ ኢንቴ ኢንቴና ጎዳስ ዱማሲዴታ፤ ኢንቴ ሺቂዲ ያርሾኔ ጋላታ ኢሞታ ጾሳ ኬ ኤሂቴ» ጊዴስ፤ ሄሳ ጊሻስ ሺቂዳ ኣሳይ ያርሾኔ ጋላታ ኢሞታ ኤሂዳ፤ ቃሴ ኣማርዳ ኣሳቲ ባ ሼኔን ጹጌቲዛ ያርሾ ኤሂዳ።

ሌዌታ ማጻፋ 22:29

«ኢንቴ ጎዳስ ጋላታ ያርሾ ያርሺዛ ዎዴ ኢንቴ ሺሺዛ ጋላታዚ ኤኬታና ማላ ኦ ሺሺቴ።

ሌዌታ ማጻፋ 7:15

ጋላታስ ሺቂዛ ኢሲፌቴ ያርሾዛስ ሺቂዛ ኣሾይ ሄ ያርሼቲዛ ጋላስ ሜቴቶ ኣቲን ሃራ ጋላሳስ ኣቶፎ።

ሌዌታ ማጻፋ 6:16

ሄሳፌ ኣቲዳይሳ ቄሴቲ ሜቶ፤ ኢዛንካ ኢርሾይ ጌሎንታ ዲሺን ኡኪዲ ጎዳይ ዎሴቲዛ ጌሻ ዱንካናሲ ሲን ባጋራ ዲዛ ዴምባ ቦላ ሜቶ።

ሌዌታ ማጻፋ 2:5

«ያርሾዚ ታማ ጮጬን ኮምፔቲዳዝ ጊዲኮ ኢርሾይ ቦቾንታ ዎጋራ ሚ ዛይቴይ ጉጄቲዲ ሊቆ ሌፌ ጊጌቲዳዝ ጊዶ።

ኣሞጼ ቲንቢቴ 4:5

ኢንቴ ኦናስ ኮይዛይ ሄሳ ጊዲዳ ጊሻስ ኢርሾይ ኢዛን ዲዛ ኡኬ ጋላታ ያርሾ ሺሺቴ፤ ኢንቴ ሄሳ ኢንቴ ሼኔ ማላ ሺሺዛ ጊሻስ ኢዛን ጬቄቲቴ» ጌስ።