ሌዌታ ማጻፋ 26:44 - ጋሞ ማጻፋ

⁴⁴ ጊዲኮካ ኢስቲ ባ ሞርኬታ ዴሬን ዲዛ ዎዴ ኢስታ ሙሌራ ይሲኬ ጋዳ ታ ጫቂዳ ቃላ ማቤኬ፤ ታ ኢንቴና ኣጋጊኬ፤ ታ ኢንቴና ሃራሴቲኬ፤ ታኒ ጎዳ ኢንቴ ጾሳ።

Geeshsha Maxaafa

⁴⁴ Gidikkoka istti ba morkketa deren diza wode istta mulera dhayssike gaada ta caaqqida qaalaa mabeekke; ta inttena aggaagikke; ta inttena harassetike; tani GODAA intte Xoossaa.

ሌዌታ ማጻፋ 26:44 Referans Kwoze

ኦሮሜ ኣሳስ 11:2

ጾሲ ኮይሮፔ ባ ኤሪዳ ዴሬዛ ዬጊቤና፤ ኤላሲ ኢስራኤሌ ናይታ ቦላ ሞቶ ጾሳኮ ዎስቲ ሺሺዳኮ ጌሻ ማጻፋይ ኢዛ ጊሻስ ኣይ ጊዛኮ ኢንቴ ኤሬኬቲ?

ናሂሚያ ማጻፋ 9:31

ጊዶ ኣቲን ኔ ማሮቴ ጊታቴፌ ዴንዲዳይሳን ኢስታ ኣጋቤካ፤ ኔ ኪያኔ ኣቶ ጊዛ ጾሳ ጊዲዳ ጊሻስ ኢስታ ይሳቤካ።

ዬ ማጻፋ 94:14

ጎዳይ ባ ኣሳ ኦሌና፤ ኢዚ ባይታ ኣጌና።

2ካዎታ ማጻፋ 13:23

ጎዳይ ጊዲኮ ኢስታስ ቃቲዴስ፥ ሚሼቲዴሲኔ ባ ሲንካ ኢስታኮ ዛሪዴስ። ሄሲካ ኣብራሃሜራ፥ ዪሳቃራኔ ያቆቤራ ካሴ ጌሊዳ ጫቆ ቃላ ጊሻሳ። ሃች ጋካናስ ኢዚ ኢስታ ይሳናስ ኮዪቤና፤ ኢዚ ኢስታ ባ ሲንፌ ዲጊቤና።

ኦሮሜ ኣሳስ 11:26

ሄሳ ጊሻስ ኢስራኤሌ ናይቲ ዉሪካ ኣታና። «ኣሺዛዴይ ጺዮኔፔ ያና፤ ያቆቤፔካ ኢታቴ ዲጋና።

ሂዚቄላ ቲንቢቴ 16:60

ጊዶ ኣቲን ኔ ናቴን ዲሺን ታ ኔናራ ጫቂዳ ቃላ ቆፓና፤ ቃሴ ሜርናስ ኤቂ ዳና ጫቆ ቃላ ታ ኔናራ ጫቄታና።

ኤርማሳ ቲንቢቴ 33:26

ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።

ኤርማሳ ቲንቢቴ 30:11

ታኒ ኢንቴና ኣሻናስ ኢንቴናራ ዳይስ፤ ታኒ ኢንቴና ካዎቴታ ጊዶን ላላዲስ፤ ሄ ካዎቴታ ሙሌራ ይሳና፤ ጊዶ ኣቲን ኢንቴና ሙሌራ ይሲኬ፤ ታኒ ቂጻቴይ ባይንዳ ጮ ኣጊኬ፤ ጊዲኮካ ታኒ ኢንቴና ጊናራ ቃጻያና» ጌስ ጎዳይ።

ኤርማሳ ቲንቢቴ 14:21

ኑና ኔ ሱን ጊሻስ ጋዳ ካፓርኪ! ኔ ቦንቾ ኣራታ ካዉሾፋ። ኔኒ ኑናራ ጫቄቲዳ ጫቆዛ ቆፓ፤ ኔ ጫቂዳ ቃላ ሞፓ።

ዬ ማጻፋ 89:33

ጊዶ ኣቲን ታኒ ታ ሲቆ ኢዛፔ ሃሲኬ፤ ዎይኮ ታ ኣማኔቴ ኢዛስ ፓጪንቺኬ።

ሌዌታ ማጻፋ 26:11

ታኒ ኢንቴ ጊዶን ዴያና፤ ታ ኢንቴና ሻቴቲኬ።

ዳናታ ማጻፋ 2:1

ጎዳ ኪታንቻይ ጌልጌላፔ ቦኪሜ ቢዲ ኢስራኤሌ ኣሳስ፥ «ታኒ ኢንቴና ጊብጼፔ ኬሳዳ ቤኒ ኢንቴ ኣዋስ ኢማና ጋዳ ታ ጫቂዳ ቢታ ኢንቴና ጌልዲስ፤ ሂስታዳ ታ ኢንቴስ፥ ‹ታኒ ኢንቴናራ ጫቂዳ ጫቆ ቃላ ሙሌካ ላሚኬ።

ሜቴ ማጻፋ 17:7

ታኒ ታፔኔ ኔፔ፥ ኔፔ ጉዬ ኔ ዜሬ ጊዶን፥ ዬሌታፔ ዬሌታ ጋካናስ ታ ጌሊዳ ጫቆ ቃላ ሚንና፤ ሃ ጫቆይካ ታኒ ኔሲኔ ኔፔ ጉዬ ኔ ዜሬስ ጾስ ጊዳና።

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ዬ ማጻፋ 103:13

ኣዋይ ባ ናይታስ ቃቲዛ ማላ ጎዳይ ባስ ያዪዛይታስ ቃቴስ።

ኤርማሳ ቲንቢቴ 24:5

«ጎዳ ኢስራኤሌ ጾሳይ፥ ‹ሃይሳ ሎኦ ባላሴዛ ማላ ታኒ ሃይሳፌ ባቢሎኔ ቢታ ዬዲዳ ዩሁዳፔ ዲኤቲዳይሳ ሎኦን ቆፓና።

ኤርማሳ ቲንቢቴ 31:20

ኤፍሬሜይ ታ ዶሳዳ ኡፋዬቲዛ ታ ናዛ ጊዴኔ? ዳሮ ዎዴ ታ ኢዛራ ኤቄታ ሃሳይኮካ ዛራዳ ኢዛ ጊሻስ ታ ቆፓይስ፤ ታ ማራጬይ ኮኮሬስ፤ ታ ኢዛስ ኬሃ ቃታይስ» ጌስ ጎዳይ።