ሌዌታ ማጻፋ 26:13 - ጋሞ ማጻፋ

¹³ ኢንቴ ኣይሌቴን ሃሬቶንታ ማላ ጊብጼ ቢታፌ ኢንቴና ኬሲዳይ ታኒ ጎዳ ኢንቴ ጾሳ፤ ታኒ ኢንቴ ኣይሌቴ ቃምባራ ሜንዳ ኢንቴ ቁ ጊዲ ባና ማላ ኦዲስ።

Geeshsha Maxaafa

¹³ Intte aylleteththan haarettontta mala Gibxe biittafe inttena kessiday tani GODAA intte Xoossaa; tani intte aylleteththa qambara menththada intte dhoqqu giidi baana mala ooththadis.

ሌዌታ ማጻፋ 26:13 Referans Kwoze

ሂዚቄላ ቲንቢቴ 34:27

ጋዴን ዲዛ ሚቲ ኣይፌ ኢማና፤ ቢታይካ ካ ሞይዛና፤ ኣስ ኡባይ ባ ቢታ ቦላ ሳሮን ዳና። ታ ኢስታ ቃምባራ ሜንዳ ኢስታ ኣይሌቴን ሃሪዳይታ ኩሼፔ ዎዚዛ ዎዴ ታኒ ጎዳ ጊዲዳይሳ ኢስቲ ኤራና።

ዬ ማጻፋ 116:16

ኣቤት ጎዳዉ! ታኒ ኔ ኣይሌ፤ ታኒ ኔ ኣይሌይ ና፤ ታና ቃሾፔ ቢርሻዳሳ።

ሌዌታ ማጻፋ 25:38

ኔና ካናኔ ቢታ ላቲሳናስ ኔስ ጎዳ ጊዳናስ ጊብጼ ቢታፌ ኬሲዳ ጾሳይ ታና።

ኬሳ ማጻፋ 20:2

«ኔና ጊብጼፔ ኣይሌቴ ቢታፌ ኬሲዳ ጎዳ ኔ ጾሳይ ታና።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ሌዌታ ማጻፋ 25:55

ኢስራኤሌ ኣሳይ ታስ ኣይሌታኔ ታኒ ጊብጼ ቢታፌ ኬሲዳ ታ ኦሳንቻታ፤ ታኒ ጎዳ ኢንቴ ጾሳ።

ኢሳያሳ ቲንቢቴ 51:23

ታኒ ሄሳ ኔና ኡንኤዛይታ ኩሼን ዎና። ኢስቲ ኔና፥ ‹ኑኒ ኔ ቦላራ ሄሜቲዲ ኣና ማላ ዛቁላ› ጊዳ። ሂስቲን ኢስቲ ኣና ጋካናስ ኔ ዞኮ ኢስታስ ቢታ ማላኔ ኦጌ ማላ ኦዳሳ» ጌስ።

ሌዌታ ማጻፋ 25:42

ኢስራኤሌ ኣሳ ታ ጊብጼ ቢታፌ ኬሲዳ ታ ኦሳንቻታ ጊዲዳ ጊሻስ ኢስቲ ኣይሌ ማላ ባይዜቶፌቶ።

ኬሳ ማጻፋ 6:7

ታኒ ኢንቴና ታ ዴሬ ሂስታና፤ ታኒ ኢንቴ ጾሳ ጊዳና። ሄ ዎዴ ታ ኢንቴና ጊብጼ ኣሳ ኣይሌቴፌ ኬሲዳ ኢንቴ ጎዳ ሜርና ጾሳ ጊዲዳይሳ ኢንቴ ኤራና።

ሂዚቄላ ቲንቢቴ 30:18

ታኒ ጊብጼ ቃምባራ ሜንዛ ዎዴ ጻፊናሴን ጋላሳይ ቃማና፤ ሄሳፌ ጉዬ ኢዛ ኦቶሬቲዳ ኢዚ ሚኖቴይ ኩንዳና፤ ኢዛ ሻራን ካሜታና፤ ኢዚ ጉታቲካ ዲኤታና።

ሆሴኤ ቲንቢቴ 11:4

ታ ኢስታ ቃታ ዎዶሮኒኔ ሲቆ ሳንሳላታን ታኮ ሺሻዲስ፤ ኢስታ ሞርጌፌ ቃምባራ ዴንዲስ፤ ዚቂ ጋ ሆካዳ ኢስታ ሚዛዲስ።

ኬሳ ማጻፋ 14:8

ጎዳይ ጊብጼ ቢታ ካዎ ዎዚና ሚንን ሚኖቴራ ቡሮ ቡሳ ቦላ ዲዛ ኢስራኤሌ ኣሳ ጎዲዴስ።

ኢሳያሳ ቲንቢቴ 9:3

ኔኒ ካዎቴ ዳርሳዳሳ፤ ኢስታስ ኡፋይሳ ቦላ ኡፋይስ ጉጃዳሳ፤ ኣሳይ ካ ሺሺሼኔ ዲኢ ኤኪዳ ሚሽ ጊሼቲሼ ኡፋዬቲዛ ማላ ኢስቲካ ኔ ሲንን ኡፋዬታና።

ኤርማሳ ቲንቢቴ 28:2

«ኡባፌ ዎልቃማ ጎዳ ኢስራኤሌ ጾሳይ፥ ‹ባቢሎኔ ካዎይ ኢንቴና ቶሲዳ ቃምባራ ታ ሜንና።

ኤርማሳ ቲንቢቴ 28:4

ቃሴ ታኒ ዩሁዳ ካዎ ኢዮኣቄሜ ና ኢኮኒያኔኔ ዩሁዳፔ ዲኤቲዲ ባቢሎኔ ቢዳ ኣሳ ኡባ ዛራዳ ሃ ሶሆ ኤሃና። ጋሶይካ ባቢሎኔ ካዎይ ኢንቴና ቶሲዳ ቃምባራ ታ ሜንና› ጌስ» ጊዴስ።

ናሆሜ ቲንቢቴ 1:13

ሃኢካ ታ ኢስታ ቃምባራ ኔ ሞርጌፌ ሜን ዲጋና፤ ኔ ኢዛን ቃሼቲዳ ሳንሳላታካ ዱ ዬጋና» ጌስ።