ሌዌታ ማጻፋ 20:26 - ጋሞ ማጻፋ

²⁶ ኢንቴ ታስ ዱማ ሻኬቲዳይታ ጊዲቴ፤ ጋሶይካ ታኒ ጎዳይ ዱማ ጾሳ፤ ኢንቴ ታ ዴሬታ ጊዳና ማላ ኣይዛቤታ ጊዶፌ ታኒ ኢንቴና ታስ ዱማሳ ሻካዲስ።

Geeshsha Maxaafa

²⁶ Intte taas dumma shaakettidayta gidite; gaasoykka tani GODAY dumma Xoossa; intte ta dereta gidana mala Ayzaabeta giddofe tani inttena taas dummasa shaakkadis.

ሌዌታ ማጻፋ 20:26 Referans Kwoze

ሌዌታ ማጻፋ 20:7

« ‹ኢንቴ ኣሳቴ ኡባ ጌሺቴ፤ ዱማቲቴ፤ ጋሶይካ ታኒ ጎዳ ኢንቴ ጾሳ።

ሌዌታ ማጻፋ 20:24

ታ ቃሴ ኢዚፔ ማኔ ኤሲ ጎጊዛ ሄ ጪሊላ ቢታዮ ኢንቴና ጌልናስ ጫቃዲስ፤ ኢዞካ ታ ኢንቴስ ኢማና፤ ሃንኮ ዴሬፔ ኢንቴ ታስ ሻኬቲዳይታ ጊዳና ማላ ኦዳይ ታና ጎዳ ኢንቴ ጾሳ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ሌዌታ ማጻፋ 19:2

«ሃይሳ ኢስራኤሌ ናይታስ ዮታ፥ ‹ታኒ ጎዳይ ኢንቴ ጾሳይ ዱማ ጊዲዳ ማላ ኢንቴካ ዱማ ጊዲቴ።

ዛሬ ማጻፋ 7:6

ጋሶይካ ጎዳ ኢንቴ ጾሳይ ኢንቴና ባስ ጊዳና ማላ ዶሪዳ ዱማ ዴሬ፤ ቢታ ቦላ ዲዛ ዴሬ ኡባፌ ኢንቴ ኢዛስ ዱማ ዴሬ ጊዳና ማላ ዶሬቲዴታ።

ዛሬ ማጻፋ 14:2

ጋሶይካ ኢንቴ፥ ጎዳ ኢንቴ ጾሳስ ዱማ ዴሬ፤ ጎዳይ ቢታ ቦላ ዲዛ ዴሬ ኡባፌ ኢንቴ ኢዛስ ዱማ ዴሬ ጊዳና ማላ ኢዚ ኢንቴና ባስ ዶሪዴስ።

ኢሳያሳ ቲንቢቴ 6:3

ኢሶይ ኢሳራ፥ «ጌሻዉ፥ ጌሻዉ፥ ጌሻዉ ኡባፌ ዎልቃማ ጎዳ ጾሳዉ! ሳኣ ኡባይ ኢዛ ቦንቾን ኩሚዴስ» ጊዳ።

ዮሃኒሳ ኣጁታ 4:8

ሄ ኦይዱ ዶኣቲ ኢሶይ ኢሶይ ኡሱፑን ቄፌራ ዴቴስ፤ ቄፌታ ዩሾኒኔ ቄፌታ ጊዶን ኣይፌይ ኩሚዴስ፤ ኢስቲ ቃማኔ ጋላስ፥ «ጌሻዉ! ጌሻዉ! ጌሻዉ! ኡባ ዳንዳይዛ ጎዶ! ካሴካ ሃኢካ ዲዛይሶ! ቡሮካ ያናይሶ ጉሳፌ ሼምፒ ኤሬቴና።

ዮሃኒሳ ኣጁታ 3:7

«ፊላዴልፊያ ዎሳ ኬ ኪታንቻስ፥ ሃይሲ ጌሺኔ ቱማንቻ ጊዲዳይሳፌ ዳዊቴ ኬ ቁልፔ ኦይኪዳይሳፌ ዮቴቲዳይሳ፤ ኢዚ ዶይዳይሳ ኦኒካ ጎርዴና፤ ኢዚ ጎርዲዳይሳ ኦኒካ ዶዬና።

ዬ ማጻፋ 99:9

ጎዳ ኑ ጾሳ ቁ ቁ ሂስቲቴ፤ ኢዛ ጌሻ ዙማ ቦላን ኢዛስ ጎይኒቴ፤ ኣይስ ጊኮ ጎዳ ኑ ጾሳይ ጌሻ ጾሳ።

ዬ ማጻፋ 99:5

ኢዚ ዱማ ጊዲዳ ጊሻስ ጎዳ ኑ ጾሳ ቁ ቁ ሂስቲቴ፤ ኢዛ ቶሆ ጋርሳንካ ጉፋኒዲ ኢዛስ ጎይኒቴ።

ኢሳያሳ ቲንቢቴ 30:11

ሃይሳ ኦጋፔ ኪቺቴ፤ ሃ ዎጋ ኦጋፔ ሃኪቴ፤ ኢስራኤሌ ጌሻራ ኑና ቲራን ጋፍቴ» ጋና።

ኬሳ ማጻፋ 33:16

ኔኒ ኑናራ ቦንታ ኢጺኮ ታናኒኔ ኔ ኣሳን ኔኒ ሳቤቲዳይሳ ኣሳይ ዉሪ ዎስቲ ኤራኔ? ቢታ ቦላ ዲዛ ሃራ ኣሳ ኡባፌ ታናኔ ኔ ኣሳ ዱማሲዛይ ሃራ ሚሺ ኣዜ?» ጊዴስ።

ኢያሶ ማጻፋ 24:19

ኢያሶይካ ዴራስ፥ «ኢንቴ ጎዳስ ጎይናናስ ዳንዳዬኬታ፤ ኢዚ ጌሻ ጾሳ፤ ኢዚ ቃናቲዛ ጾሳ፤ ኢዚ ኢንቴ ማካላቴኔ ኢንቴ ናጋራ ኣቶ ጌና።

ሌዌታ ማጻፋ 11:44

ታኒ ጎዳ ኢንቴ ጾሳ፤ ታኒ ሃራፔ ዱማ ጊዲዳ ጊሻስ ኢንቴካ ዱማ ጊዲቴ፤ ባ ቲራን ጎሼቲዛይታ ሚዲ ኢንቴርካ ኢንቴና ቱኒሶፒቴ።

ሌዌታ ማጻፋ 20:8

ታ ኣዛዞዮ ናጊቴኔ ፖሊቴ፤ ጋሶይካ ታኒ ኢንቴና ታስ ዱማሲዳ ኢንቴ ጎዳ።

ናሂሚያ ማጻፋ 10:29

ባና ካሌዛይታራ ኢሲፌ ጊዲዲ ጾሳ ኣይሌ ሙሴ ባጋራ ኢሜቲዳ ኣዛዞታ፥ ፒርዳኔ ዎጋ ናጋና ጊዲ ቃላ ጌሊዳ፤ «ሄሳ ኦንታ ኣጊኮ ኑና ጎሞ፤