ሌዌታ ማጻፋ 10:19 - ጋሞ ማጻፋ

¹⁹ ኣሮኔይካ ሙሴስ፥ «ናጋራ ጊሻስ ሺቂዛ ጹጌቲዛ ያርሾ ሄኮ ሃች ኣሳይ ጾሳ ሲን ኤኪ ዪዴስ፤ ታናካ ሃይሳ ማላ ሜቶይ ጋኪዴስ፤ ሂስቲን ሃች ናጋራ ጊሻስ ሺቂዛ ያርሾዛ ታ ሚዳኮ ጎዳይ ኡፋዬታናሺን ኣቲዴ?» ጊዴስ፤

Geeshsha Maxaafa

¹⁹ Aarooneykka Muses, «Nagara gishshas shiiqiza xuugettiza yarsho hekko hach asay Xoossa sinth ekki yides; tanakka hayssa mala metoy gakkides; histtiin hach nagara gishshas shiiqiza yarshoza ta midaakko GODAY ufayettanashin attidee?» gides;

ሌዌታ ማጻፋ 10:19 Referans Kwoze

ሌዌታ ማጻፋ 9:12

ሄሳፌ ጉዬ ኣሮኔይ ጹጌቲዛ ያርሾስ ሹኪዴስ፤ ሂስቲን ኢዛ ናይቲ ሱ ኢዛስ ኤሂዳ፤ ኢዚካ ሱዛ ኤኪዲ ያርሾ ያርሺዛሶዛ ቦላ ዩዪ ኣናስ ዉጺዴስ።

ሌዌታ ማጻፋ 9:8

ኣሮኔይካ ያርሾ ያርሺዛሶ ቢዲ ኮይሮ ባ ናጋራ ጊሻስ ሺቂዛ ያርሾስ ሺቂዛ ሚርጎዛ ሹኪዴስ።

ሚልካሳ ቲንቢቴ 2:13

ቃሴ ኢንቴ ኦና ሃራ ሚሽ ጎዳስ ያርሾ ሺሺዛሶዛ ኢንቴ ኣይፉንን ሜሻና፤ ሄሳፌ ጉዬ ኢንቴ ያርሾኮ ጼሎንታ ጊሻሲኔ ኡፋይሳን ኤኮንታ ጊሻስ ኢንቴ ዬካናኔ ዋሳና።

ሚልካሳ ቲንቢቴ 1:13

ቃሴካ፥ ‹ሃይሲ ዳቡራ› ጉሳን ሌቆ ሚጺል ኢዛ ቦላ ሚጺሌታ» ጌስ ኡባፌ ዎልቃማ ጎዳ ጾሳይ። «ቦንቂ ኤኪዳ ሜሄ ዎቤኔ ሃርጊዛ ሜሄ ኢንቴ ያርሾ ሺሺን ኢንቴ ኩሼፔ ታ ሄሳ ኤካናስ ቤሲዜ?» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 1:10

«ታስ ያርሾ ያርሺዛሶን ጎኣይ ባይንዳ ታማ ኢንቴ ኤንታ ማላ ኢንቴፌ ኢሳዴይካ ጾሳ ኬ ፔንጌ ጎርዲዛኮ ኣዜ ዲዛይ! ታ ኢንቴናን ኡፋዬቲኬኔ ኢንቴ ኩሼፔ ኣይ ያርሾካ ኤኪኬ» ጌስ ኡባፌ ዎልቃማ ጎዳ ጾሳይ።

ሆሴኤ ቲንቢቴ 9:4

ሄን ጎዳስ ዎይኔ ኡሹ ያርሻናስ ዳንዳዬቴና፤ ኢስታ ያርሾይካ ጎዳ ኡፋይሴና። ሄሳ ጊሻስ ኢስታስ ያርሾዚ ሾቻ ካ ጊዳና፤ ኢዛ ሚዛ ኡባይ ቱናና። ሄ ካዚ ጮ ጋፋስ ሚዛ ካ ጊዳና ኣቲን ጎዳ ኬ ያርሾስ ሺቄና።

ኤርማሳ ቲንቢቴ 14:12

ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

Ibirawe 9:8

ኮይሮ ዱንካኔዚ ካሴ ዲዛ ዎዴ ጌዴ ኡባፌ ዱማ ጌቴቲዛሶ ኤፊዛ ኦጌይ ሄ ዎዴ ቆንጬ ጊዶንታይሳ ጺሎ ኣያናይ ቤሴስ።

Ibirawe 7:27

ኢዚ ሃንኮ ቄሴታ ሃላቃታ ማላ ኮይሮ ባ ናጋራ ጊሻስ ቃሴካ ሃንኮ ዴሬዛ ናጋራ ጊሻስ ጋላስ ጋላስ ያርሾ ሺሻናስ ኢዛ ኮሼና፤ ኢዚ ባና ኣ ኢሚዳ ዎዴ ኣሳ ናጋራ ጊሻስ ኢሲቶ ሲን ባጋሳራ ያርሾ ዉርሲ ፖሊዴስ።

ፒሊጲሲዮሴ ኣሳስ 4:4

ኣይ ዎዴካ ጎዳን ኡፋዬቲቴ፤ ቃሴካ ታ ኢንቴና ኡፋዬቲቴ ጋይስ።

ኢሳያሳ ቲንቢቴ 1:11

«ኢንቴ ያርሾ ዳሮይ ታስ ኣይ ኦኔ? ሃኖ ጋካናስ ኢንቴ ታስ ሺሺዳ ጹጌቲ ሺቂዛ ርሾ ኣሾኔ ሞ ሜሄታ ኣሾ ካላዲስ፤ ታኒ ቦራ ሱን፥ ዶርሳ ሱኒኔ ዴይሻ ሱን ኡፋዬቲኬ።

ዛሬ ማጻፋ 26:14

ኣሲ ሃይቂን ካዮታሼ ኢዛፔ ማቤኬ፤ ታኒ ጌዮንታ ዳሼ ኢዛፔ ኣይኮካ ማቤኬ፤ ሃይቂዳ ኣሳ ጊሻስ ሺቂዛ ያርሾስካ ኢዛፔ ኣይኮካ ሺሻቤኬ። ታኒ ጎዳ ታ ጾሳስ ኣዛዜታዲስ፤ ቃሴ ኔኒ ታና ኣዛዚዳ ኡባ ፖላዲስ።

ዛሬ ማጻፋ 12:7

ሄን ጎዳ ኢንቴ ጾሳ ሲንን ኢንቴ ማና፤ ቃሴ ኢንቴ ኢንቴ ዎልቃን ኦ ኬሲዳ ኡባኒኔ ጎዳ ኢንቴ ጾሳይ ኢንቴና ኣንጂዳ ኡባን ኢንቴ ኢንቴሶ ኣሳራ ኡፋዬታና።

ሌዌታ ማጻፋ 10:20

ሙሴይካ ሄሳ ሲዪዲ ኢዚ ዛሪዳ ቃላን ኡፋዬቲዴስ።