ኤርማሳ ዚላስ 3:39 - ጋሞ ማጻፋ

³⁹ ሂስቲን ሼምፖራ ፓጻ ዲዛ ኣሲ ባ ናጋራን ቃጻዬቲሼ ኣዛስ ዙዙሚዜ?

Geeshsha Maxaafa

³⁹ Histtiin shemppora paxa diza asi ba nagaran qaxxayettishe aazas zuuzumizee?

ኤርማሳ ዚላስ 3:39 Referans Kwoze

ሚኪያሳ ቲንቢቴ 7:9

ታ ኢዛ ቆሂዳ ጊሻስ ኢዚ ታ ጊሻስ ኤቃና ጋካናሲኔ ታስ ፒርዳና ጋካናስ ጾሳይ ሃንቄቲኮካ ታ ዳንዳያና፤ ኢዚ ታና ፖኦን ኬሳና፤ ታኒካ ኢዛ ጺሎቴ ቤያና።

ሌሚሶ ማጻፋ 19:3

ኢሲ ኢሲ ኣሳይ ባ ኤያቴን ባ ዴኦ ሞሬስ፤ ሂስቲዲ ጎዳ ቦላ ዪሎቴስ።

ኤርማሳ ቲንቢቴ 30:15

ሌይ ባይንዳ ኢንቴ ሃርጌሲኔ ኢንቴ ማዱን ጊሻስ ኣይስ ዋሴቲ? ኢንቴ ሞሮይ ጊታኔ ኢንቴ ናጋራይ ዳሮ ጊዲዳ ጊሻስ ሃይታ ኡባ ታ ኢንቴ ቦላ ኦዲስ» ጌስ።

ኤርማሳ ዚላስ 3:22

ሄሲካ ኑኒ ዮንታ ኣጊዳይ ጎዳ ሲቆይ ዳሮ ጊዲዳ ጋሶና፤ ኢዛ ቃታይካ ሜርናስ ዉሮንታ ጊሻሳ።

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ኢዮቤ ማጻፋ 11:6

ኤራቴስ ኦጌይ ዳሮ ጊዲዳ ጊሻስ፥ ጾሳይ ኔስ ኤራቴ ጹራ ቆንጪሲዳኮ ኣዜ ዲዛይ! ሄሳ ጊሻስ ጾሲ ኔና ቃጻዪዛይ ኔስ ቤሲዛይሳፌ ጉራ ጊዲዳይሳ ኤራ።

ኢዝራ ማጻፋ 9:13

«ሃይሲ ኑ ቦላ ጋኪዳ ሜቶይ ኑ ኦዳ ኢታ ኦሶፔኔ ሞሮፔ ዴንዲዳይሳና፤ ጊዲኮካ ኔኒ ኑ ጾሳይ ኑና ቃጻይዳይ ኑ ቃጻዬታናስ ቤሲዛይሳፌ ጉ፤ ሄሳፌካ ቦላራ ኑ ሃይቆፔ ኣቲዲ ሼምፖራ ፓጻ ዳና ማላ ኦዳሳ።

2ካዎታ ማጻፋ 6:32

ሄ ዎዴ ኤልሳኢ ባ ሶን ዴስ፤ ጪማ ኣሳይካ ኢዛራ ዴስ። ካዎዚ ኢሲ ኣሲ ኢዛፔ ሲንቲ ባና ማላ ኪቲዴስ፤ ሄ ኪቴቲዳ ኣዴዚ ቢ ጋኮንታ ዲሺን ኤልሳኢ ባናራ ዲዛ ጪማታስ፥ «ሃይሲ ሼምፖ ዎዛይሲ ታ ቆ ቃንጻናስ ኣስ ዬዲዳይሳ ቤዬቲ? ኢዚ ኪቶይሲ ሃ ጋኪሺን ኢዚ ሃ ጌሎንታ ማላ ፔንጋ ጎርዲቴ። ኢዛ ጌዶራ ሲዬቲዛይሲ ኢዛ ጎዳዛ ቶሆ ጊሪስ ጊዴኔ?» ጊዴስ።

2ካዎታ ማጻፋ 3:13

ኤልሳኢካ ኢስራኤሌ ካዎስ፥ «ኔና ኑናራ ጋዛ ሚሺ ኣዚ ዲን ያዲ? ኔ ሃኢ ካሴ ኔ ኣዋ ናቤቲኔ ኔ ኣዬይ ናቤቲ ዲዛሶ ባ» ጊዴስ። ኢስራኤሌ ካዎዚ ኢዛስ ዛሪዲ፥ «ሄሲ ሃኔና፤ ሞኣቤ ኩሼን ኑና ኣ ኢማናስ ሄ ካዎታ ኢሲ ቦላ ጼይጊዳይ ጎዳ» ጊዴስ።

ታይቦ ማጻፋ 17:12

ኢስራኤሌ ኣሳይ ሙሴስ፥ «ሃይሳ ማላ ጊዲኮ ኑኒ ዉሪካ ዉራናስ ዶስ!

ታይቦ ማጻፋ 11:11

ኢዚ ጎዳ፥ «ሃይሳ ዴጾ ሜቶ ኔስ ኣይሌ ጊዲዳ ታ ቦላ ኣይስ ኤሃዲ? ኔኒ ሃይሳ ሃ ዴሬዛ ኡባ ዴጾ ቶሆ ታና ኔ ቶሳናስ ታ ኔና ኣይ ሚሺሳዲና?

ሌዌታ ማጻፋ 26:43

ኢስቲ ዬጊ ቢዳ ጊሻስ ቢታያ ኣሲ ባይንዳ ባዞ ጊዳዱስ፤ ሄ ዎዴ ኢዚን ኣሲ ባይንዳ ባዞ ጊዳዳ ባ ሳምባታ ኡፋይሳን ቦንቻና፤ ኢስቲ ታ ዎጋኔ ታ ኣዛዞዛ ካዉሺዳ ጊሻስ ኢስቲ ኦዳ ናጋራ ጊሻስ ቃጻዬታና።

ሌዌታ ማጻፋ 26:41

ታኒ ኢንቴስ ሞርኬ ጊዳዳ ኢንቴና ጌዴ ኢንቴ ሞርኬታ ቢታ ዬዳና ማላ ታና ኦሲሲዳ ኢንቴ ናጋራ ኢንቴ ፓጺኮ ሙሚዳ ኢንቴ ዎዚና ኢንቴ ካዉሺዲ ኢንቴ ናጋራፔ ኢንቴ ሲሚኮ፥

ዮሃኒሳ ኣጁታ 16:9

ኣሳይካ ዎልቃማ ሴላን ጹጌቲዴስ፤ ሄ ቦሻታ ቦላ ሼኔይ ኢዛስ ዲዛ ጾሳ ሱን ኣሳይ ጫዪዴስ ኣቲን ማሮቴን ጌሊቤናኔ ኢዛካ ቦንቺቤና።

ታይቦ ማጻፋ 16:41

ዎንቴ ጋላስ ኩሜ ኢስራኤሌ ማባራይ፥ «ጎዳ ዴራ ኢንቴ ዎዴታ» ጊዲ ሙሴ ቦላኔ ኣሮኔ ቦላ ጉጉሚዴስ።

ዬ ማጻፋ 107:17

ኢስታፌ ኢሶቲ ኢሶቲ ባ ማካላቴ ጋሶን ኤያ ጊዲዳ፤ ባ ናጋራ ጋሶንካ ሜቶን ጌሊዳ።

2ካዎታ ማጻፋ 6:33

ኤልሳኢ ጪማታራ ሃሳያ ቦላ ዲሺን ኪቴቲ ዪዳይሲ ዱጌ ኢዛኮ ዎዴስ፤ ካዎዚካ ጋኪዲ፥ «ሃይሲ ሜቶዚ ጎዳፔ ዪዴስ፤ ሂስቲን ሃኢ ታኒ ጎዳፔ ኣይ ናጋዚና?» ጊዴስ።

ኢዮቤ ማጻፋ 15:13

ሃይሳ ኦሶን ጾሳ ቦላ ኔ ኣያና ዴንዳሳ። ሃይሳ ማላ ሃንቆ ቃላ ሃሳያናዉ ጋካዳሳ።

ኤርማሳ ቲንቢቴ 10:19

ዋኖ ኣይ ሃኖ! ታ ማዱንይ ፓጾንታ ማዱን። ጊዶ ኣቲን ታ ታና፥ «ሃይሲ ታ ሃርጌ፤ ታኒ ዳንዳያናስ ቤሴስ» ጋዲስ።