ኤርማሳ ዚላስ 2:22 - ጋሞ ማጻፋ

²² ባኣሌ ጋላስ ዲጊሳስ ጼይጊዛ ማላ ታ ሞርኬታ ታ ቦላ ጼይጋዳሳ፤ ኔ ሃንቆ ጋላስ ኦኒካ ኬሲ ኤኪቤና፤ ዎይኮ ሼምፖራ ፓጻ ኣቲዳይ ዴና፤ ታ ዬላ ዲቺዳይታ ሞርኬይ ታፔ ይሲዴስ።

Geeshsha Maxaafa

²² Ba7aale gallas diggisas xeygiza mala ta morkketa ta bolla xeygadasa; ne hanqo gallas oonikka kessi ekkibeenna; woykko shemppora paxa attiday deenna; ta yela dichchidayta morkkey taappe dhayssides.

ኤርማሳ ዚላስ 2:22 Referans Kwoze

ኤርማሳ ቲንቢቴ 6:25

ሞርኬይ ማሻ ጊጺዴስ፤ ኡባሶን ሺሮይ ኩሚዴስ፤ ሄሳ ጊሻስ ካሬ ኬዞፒቴ፤ ኦጌንካ ሄሜቶፍቴ።

ዬ ማጻፋ 31:13

ታኒ ዳሮቲ ሳሱኬቲሺን ሲያዲስ፤ ዳጋማይ ኡባሶራ ዴስ፤ ኢስቲ ታ ቦላ ጌኔን ዱላቴቴስ፤ ታና ዎናዉካ ማቄቴቴስ።

ኤርማሳ ቲንቢቴ 46:5

ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

ኤርማሳ ቲንቢቴ 20:3

ዎንቴ ጋላስ ፓሽኩሬይ ኤርማሳ ቃሾፔ ቢርሺን ኤርማሲ ኢዛስ፥ «ሃቺፌ ዶሚን ጎዳይ ኔ ሱን ማጎርሚሳቢቤ ጋና ኣቲን ፓሽኩሬ ጌና።

ዛሬ ማጻፋ 28:18

ኔ ናይቲ፥ ኔ ቢታን ዲዛ ካ ኣይፌይ፥ ኔ ሚዛቲ፥ ዶርሳቲኔ ዴይሻቲ ኡባይ ቃንጌቲዳዝ ጊዳና።

ኢሳያሳ ቲንቢቴ 28:19

ኢዚ ዪዳ ዎዴ ዎዴ ኢንቴና ኤኪ ባና፤ ማላዶ ማላዶ፥ ቃማኔ ጋላስ ኢንቴና ፒቲ ኤፋና፤ ሃ ቃላ ኢንቴ ኣኬኪዛ ጊዲኮ ሺሮ ቦላ ሺሮ ኤሃና።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኤርማሳ ቲንቢቴ 44:7

«ሃኢካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴስ ዜሬ ዩሁዳን ኣቶንታ ማላ፥ ማጫሳታ ቦላኔ ኣቱማታ ቦላ፥ ጊታ ናይታ ቦላኔ ቄሪ ናይታ ቦላ ባሺ ያና ማላ ኣይስ ኮዬቲ?

2ታሪኬ ማጻፋ 36:17

ሄሳ ጊሻስ ጎዳይ ባቢሎኔ ካዎ ኢስታ ቦላ ዴንዲ ኤሂዴስ፤ ሂስቲን ጾሳ ኬ ጊዶን ኢዚ ኢስታ ዬላጋ ኣቱማ ናይታ ማሻን ሱፑ ሂስቲዴስ፤ ዬላጋ ኣቱማ ናይታ፥ ዎይኮ ጌላኦታ፥ ዎይኮ ጪማታ፥ ዎይኮ ጬጋታ ጾሲ ኢስታ ኡባ ናቡካዳናጾሬ ኩሼን ኣ ኢሚዴስ።

ኤርማሳ ቲንቢቴ 14:19

ኣቤት ጎዳዉ! ኔኒ ዩሁዳ ሙሌካ ኣጋዲ? ጺዮኔ ኣሳ ሃራሴታዲ? ኔኒ ኑና ፓጾንታ ማላ ኦዳ ኣይስ ዴቻዲ? ኑኒ ሳሮቴ ናጊዶስ፤ ጊዶ ኣቲን ሳሮቴ ዴሚቤኮ፤ «ፓጻና ዎዴይ ያና» ጊዲ ናጊዶስ፤ ጊዶ ኣቲን ዳጋማ ጻላ ጊዲዴስ።

ኤርማሳ ቲንቢቴ 21:7

ሄሳፌ ጉዬ ዩሁዳ ካዎ ሴዴቂያሳኔ ኢዛ ሹሜታ፥ ኢታ ሃርጌፌ፥ ማሻፌኔ ኮሻፔ ኣቲዳ ዴራ ባቢሎኔ ካዎ ናቡካዳናጾሬሲኔ ኢስታ ዎናስ ኮይዛ ሞርኬታስ ታኒ ጎዳይ ኣ ኢማና። ኢዚ ኢስታ ቃራ ማሻን ዎና፤ ኢስታ ማሬና፤ ኢስታስ ሚሼቴናኔ ቃቴና› ጌስ» ጊቴ።