ኤርማሳ ዚላስ 1:19 - ጋሞ ማጻፋ

¹⁹ ታኒ ታ ዶሲዛይታ ጼይጋዲስ፤ ኢስቲ ጊዲኮ ታና ካዲዳ፤ ታ ቄሴቲኔ ጪማቲ ባ ሼምፖ ኣሻናስ ካ ኮዪሼ ካታማይ ጊዶን ዉሪዳ።

Geeshsha Maxaafa

¹⁹ Tani ta dosizayta xeygadis; istti gidikko tana kaddida; ta qeesetinne cimati ba shemppo ashshanaas kath koyishe katamay giddon wurida.

ኤርማሳ ዚላስ 1:19 Referans Kwoze

ኤርማሳ ዚላስ 2:20

ኣቤት ጎዳዉ! ሃይሳ ኔ ቤኣ! ኔኒ ሃይሳ ካሴ ኦና ቦላ ኦ ኤሪዛኮ ኣኔ ኣኬካ፤ ኣያ ዬላ ዲቺዳ ና ዛራ ማናስ ቤሲዜ? ቄሴይኔ ናቤይ ጾሳ ኬን ሃይቃናስ ቤሲዜ?

ኤርማሳ ዚላስ 1:11

ኢዚ ኣሳይ ሚዛ ካ ዴማናስ ኮሻን ዳቡሬስ፤ ሼምፖራ ፓጻ ዳናስ ባስ ዲዛ ኣቆታ ማና ካራ ላሜቴስ፤ ዬሩሳላሜ ኣሳይ፥ «ኣቤት ጎዳዉ! ኑኒ ካዉዪዶስ፤ ኑና ጼላዳ ኑስ ቆፓ።

ኤርማሳ ዚላስ 1:2

ኢዛ ጊዶ ጫሞ ዬሆ ዬካዉስ፤ ኢዚስ ኣፉንይካ ሻጋላራ ጎጌስ፤ ኢዚ ላጌታፔ ኢዞ ሚንዛይ ኦኒካ ዴና፤ ኡባቲካ ኢዞ ካዲዳ፤ ዛሪዲካ ኢዚስ ሞርኬ ጊዲዳ።

ኤርማሳ ዚላስ 5:12

ዳናታ ካቂዳ፤ ጪማታካ ቦንቺቤቴና።

ኤርማሳ ዚላስ 4:17

ኑ ኣይፌይ ማዶ ዴማናስ ጼሊሼ ጮ ሜላ ዳቡርዴስ፤ ኑና ኣሻናስ ዳንዳዮንታ ዴሬታፔ ማዶ ዴማናስ ላሞታን ናጊዶስ።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

ኤርማሳ ቲንቢቴ 4:30

ሃኔ ባሻስ ኡቲዳሬ! ኔኒ ኣይ ኦይ? ኔ ዞኦ ማይኦ ኣይስ ማይኣይ? ዎርቃ ኣሌቆካ ኣይስ ኣይ? ኔ ኣይፌ ጪሮ ኣይስ ቲያይ? ኔኒ ጮ ሜላ ኔና ሎኤሳ፤ ኔ ላጌቲ ኔና ካዳ፤ ኢስቲ ኔና ዎናስ ኮዬቴስ።

ኤርማሳ ዚላስ 1:1

ካሴ ኢዚን ዳሮ ካዎቴይ ዲዛ ካታማያ ዋናዳ ኦሌታ ኣታዴ! ዴሬታ ጊዶን ካሴ ጊታ ጊዲዳራ ዋናዳ ኣምኢ ማላ ጊዳዴ! ኣዉራጃታ ጋርሳን ጎዳቶ ጊዲዳራ ሃኢ ዋናዳ ኣይሌ ጊዳዴ!