ኤርማሳ ዚላስ 1:13 - ጋሞ ማጻፋ

¹³ «ኢዚ ቦላ ቃሶሆፔ ታማ ዬዲዴስ፤ ሄ ታማዚካ ኑስ ሜቄን ጌሊዴስ፤ ኑ ቶሆታ ቃቻናስ ጊቴ ዬጊዴስ፤ ሂስቲዲ ኑና ጉዬ ዛሪ ኩንዲሲዴስ፤ ኩሜ ጋላስ ኑና ዳቡርሲዴስ፤ ጮ ሜላካ ቶይላሲዴስ።

Geeshsha Maxaafa

¹³ «Izi bolla dhoqqasohoppe tama yeddides; he tamazikka nuus meqeththan gelides; nu tohota qachchanaas gite yeggides; histtidi nuna guye zaari kundisides; kumeththa gallas nuna daaburssides; coo melakka toylasides.

ኤርማሳ ዚላስ 1:13 Referans Kwoze

ኢምባቆ ቲንቢቴ 3:16

ታኒ ሲያዲስ፤ ታ ዎዚናይካ ዳጋሚዴስ፤ ኢዛ ጊርሳፌ ዴንዲዳይሳን ታ ሜቴርሻይ ኮኮሪዴስ። ባቦን ታስ ማራጬይ ቃጺዴስ። ታስ ጉልባቴይ ኮኮሪዴስ፤ ጊዲኮካ ኑ ቦላ ዎራጂዛ ዴሬዛ ቦላ ሜቶይ ያና ጋላስ ታ ጌንጫ ናጋይስ።

ኢዮቤ ማጻፋ 30:30

ታስ ጋልባዚ ካሬጺዲ ዴንዲዴስ፤ ታስ ቦላዚካ ሚሻን ጹጌቲዴስ።

ሂዚቄላ ቲንቢቴ 17:20

ታ ጊቴ ኢዛ ቦላ ሚጫና፤ ኢዚ ታ ዎጺማዴን ኦይኬታና፤ ኢዚ ታስ ኣማኔቶንታ ኣጊዳ ጊሻስ ታ ኢዛ ባቢሎኔ ኤፋዳ ሄን ኢዛ ቦላ ፒርዳና።

ዬ ማጻፋ 22:14

ታኒ ሃ ማላ ጎጋዲስ፤ ታ ሜቄቲ ሶሜፔ ሶሜፔ ኮሌቲዳ። ታ ዎዚናይ ሙቃዳ ማላ ታ ጊዶን ሴሪዴስ።

ኢዮቤ ማጻፋ 19:6

ጊዲኮካ ሃይሳ ኡባ ሜቶዛ ታ ቦላ ጋዳይኔ፥ ጊቴ ጊዶ ታና ዬጊዳይ ጾሳ ጊዲዳይሳ ኢንቴ ኤራና ማላ ታ ኮያይስ።

Ibirawe 12:29

ኑ ጾሳይ ጹጊዛ ታማ ማላ።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ሂዚቄላ ቲንቢቴ 12:13

ታኒ ታ ጊቴ ኢዛ ሲንን ዬጋና፤ ኢዚ ዎጺማዴንካ ኦይኬታና፤ ታኒ ኢዛ ካላዳዌታ ቢታ ባቢሎኔ ኤሃና፤ ጊዶ ኣቲን ኢዚ ሄ ቢታ ቤኦንታ ሃይቃና።

ዬ ማጻፋ 66:11

ኔኒ ኑና ዎጺማዴን ጌልዳሳ፤ ኑ ዞኮንካ ዴጾ ባኦ ባኢሳዳሳ።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

ሆሴኤ ቲንቢቴ 7:12

ኢስቲ ፒራሺን ታ ጊቴ ኢስታ ቦላ ዬጋና፤ ሳሎ ካፎታ ማላ ዱጌ ጎቻ ዎና፤ ኢስቲ ኦዳ ኢታ ኦሶ ጊሻስ ታ ኢስታ ዴሬ ሲንን ቃጻያና።

ሂዚቄላ ቲንቢቴ 32:3

« ‹ኡባ ሃሪዛ ጎዳይ፡ ዳሮ ዴሬ ሺሻዳ፥ ታ ጊቴዛ ኔ ቦላ ዬጋና፤ ኢስቲ ኔና ታ ጊቴዛራ ጎቺ ኬሳና።

ኤርማሳ ዚላስ 5:17

ሄሳ ጋሶን ኑ ዎዚናይ ዳቡርዴስ፤ ኑ ኣይፌይካ ባልጁሚዴስ።

ኤርማሳ ዚላስ 1:22

«ኢስታ ኢታቴ ኔ ሲንን ቤቶ፤ ታ ናጋራ ጋሶን ኔ ታ ቦላ ኦይሳ ኢስታ ቦላካ ኦ፤ ታ ጬጫዳ ዚላሊዛ ዚላሳይ ዳሪዴስ፤ ታ ዎዚናይካ ዳቡርዴስ» ጊሼ ዋሴቴስ።

ኤርማሳ ቲንቢቴ 44:6

ሄሳ ጊሻስ ዩሁዳ ካታማታ ቦላኔ ዬሩሳላሜ ኦጌታ ቦላ ታ ሃንቆይኔ ባሺ ዎዲ ታማ ማላ ኤጺዴስ፤ ሃች ኢንቴ ቤኢዛ ማላ ኦኒካ ዶንታ ማላ ላሌቲዳሶ ጊዲዴስ።

ኢሳያሳ ቲንቢቴ 42:17

ኤቃ ጾሳታን ኣማኔቲዛይቲ ጊዲኮ ሚስሌታካ፥ ‹ኢንቴ ኑ ጾሳታ› ጊዛይቲ ጉዬ ሲማና፤ ኢስቲ ሙሌራ ካዉያና» ጌስ።

ዬ ማጻፋ 129:5

ጺዮኔ ኢጺዛ ኡባይ ዬላቲዲ ጉዬ ሲሞ!

ዬ ማጻፋ 35:4

ታ ሼምፖዮ ዎናዉ ኮይዛይቲ ዬላቴቶኔ ካዉዬቶ፤ ታ ቦላ ኢታ ኦና ማቄቲዛይቲ ካዉዪዲ ጉዬ ሲሜቶ።

ዬ ማጻፋ 31:10

ታ ሼምፖያ ዋዬን ዳቡራዱስ፤ ታ ላይይካ ጬጬን ዉሪዴስ። ሜቶ ዳሮን ታ ዎልቃይ ጪንጊዴስ፤ ታ ሜቄቲካ ጊዶን ሴሪዳ።

ኢዮቤ ማጻፋ 18:8

ኢዚ ባርካ ቢዲ ዎጺማዴን ጌላና፤ ኢዛ ቶሆይካ ጊቴን ቃጼታና።

ዛሬ ማጻፋ 28:65

ሄ ካዎቴታ ጊዶን ኢንቴ ዎፓ ዴሜኬታ፤ ኢንቴ ቶሆ ጫማይ ዬዛ ሶሆ ኬና ጋዴይካ ኢንቴስ ዴና፤ ሄሳን ጎዳይ ኢንቴስ ሜቶ ቆፋን ጻላ ኩሚዳ ሁኤ፥ ኣሞን ጻላ ዳቡርዳ ኣይፌኔ ሂዶታ ቃንጺዛ ዎዚና ኢማና።

ዬ ማጻፋ 38:8

ታኒ ኢጼታዲሲኔ ኒፊፊ ጋዲስ፤ ታ ዎዚናይ ጬጪዳ ጊሻስ ዋሳይስ።

ዬ ማጻፋ 140:5

ኦቶራንቻቲ ታስ ዎጺማዴ ዎዳ፤ ጊቴ ጊግሲዳ፤ ታ ኦጌንካ ዲዛ ዎዳ።

ኬሳ ማጻፋ 12:9

ኣሾዛ ቃዬ ዎይኮ ዶይሲዲ ሞፒቴ፤ ሁኤዛ፤ ጌዳታ፤ ቃን ኣሾዛካ ኡባ ጺጺዲ ሚቴ።

ኤርማሳ ዚላስ 3:11

ታና ታ ቢዛ ኦጌፔ ጎቺ ኬሲዲ ዱሴሬ ዬጊዴስ፤ ታና ኣሲ ባይንዳሶን ኦላጊዴስ።