ኤርማሳ ዚላስ 1:12 - ጋሞ ማጻፋ

¹² «ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

Geeshsha Maxaafa

¹² «Godaa Xoossi ba wolqqama hanqoza nu bolla yeddida wode nu bolla gakkida meto mala metoy gakkida asi dizaa gidikko intteno ogera aadhdhi biza ubbato ane be7ite! Ha metoy inttes kawushsha misatizee?

ኤርማሳ ዚላስ 1:12 Referans Kwoze

ዳኔላ ቲንቢቴ 9:12

‹ኢንቴ ቦላኔ ኢንቴና ካሌዛይታ ቦላ ታ ጊታ ሜቶ ኤሃና› ጋዳ ካሴ ኔ ዮቲዳይሳ ኡባ ኑ ቦላ ፖላዳሳ፤ ሄ ዎዴ ዬሩሳላሜ ቦላ ጋኪዳ ቂጻቴ ማላይ ሃራሶ ኣዋንካ ጋኪቤና።

ኤርማሳ ቲንቢቴ 30:24

ኢዛ ዎዚና ቆፋ ፖሎንታ ጎዳ ሃንቆይ ጮ ሃዳ ጉዬ ሲሜና፤ ሄሳ ዪዛ ዎዴታን ኢንቴ ኣኬካና።

ኤርማሳ ቲንቢቴ 18:16

ኢስታ ቢታይ ቡላኔ ሜርናስ ካቲዳዝ ጊዳና፤ ሄራ ኣዛ ኡባይ ማላሌታና፤ ባ ሁኤካ ቂሼ ቃና።

Maatosa 24:21

ሄ ዎዴ ኣላሜይ ሜቶሶፔ ሃች ጋካናስ ሃኒ ኤሮንታ ሚሺ ሲንፌካ ኢዛ ሚሳቲዛይ ባይንዳ ዎልቃማ ሜቶይ ሃናና።

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ኢሳያሳ ቲንቢቴ 13:13

ሄሳ ጊሻስ ታኒ ኡባፌ ዎልቃማ ጎዳይ፥ ‹ታኒ ታ ሃንቆ ቆንጪሲዛ ዎዴ ሳሎ ቃና፤ ሳኣካ ኢዚ ዴኢዛሶን ኮኮርሳና› ጌስ።

ዬ ማጻፋ 88:16

ሱሊዛ ኔ ሃንቆይ ታ ቦላ ጋኪዴስ፤ ባቢሲዛ ኔ ሃንቆይ ታና ይሲዴስ።

ኤርማሳ ቲንቢቴ 4:8

ሄሳ ጊሻስ ማቃ ማይኢቴ፤ ካዮቲሼ፥ ‹ዉ! ዉይ› ጊ ዬኪቴ። ኣይስ ጊኮ ጎዳ ሃንቆ ሴላይ ኑ ቦላፌ ሲሚቤና» ጌስ።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ኤርማሳ ቲንቢቴ 30:23

ቤኢቴ ጎዳ ሃንቆይ ዳምባላ ማላ ዴንዴስ፤ ቡልኣኬቲዛ ጎቴ ጫርኮይ ኢታታ ዎና።

ኤርማሳ ቲንቢቴ 48:27

ኔኒ ካሴ ኢስራኤሌ ቂቤኪ? ኢዚ ጊሻስ ኔ ሃሳይዛ ዎዴ ኔኒ ኔ ሁኤ ቃቤኪ? ኢዛ ካይሶታራ ካይሶታሼ ኦይኬታዴ?

ኤርማሳ ዚላስ 1:18

«ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

ኤርማሳ ቲንቢቴ 10:19

ዋኖ ኣይ ሃኖ! ታ ማዱንይ ፓጾንታ ማዱን። ጊዶ ኣቲን ታ ታና፥ «ሃይሲ ታ ሃርጌ፤ ታኒ ዳንዳያናስ ቤሴስ» ጋዲስ።

ኤርማሳ ዚላስ 2:1

ጎዳይ ጺዮኔ ማጫ ናዮ ባ ሃንቆን ዎስቲ ካዉሺዴ! ኢስራኤሌ ቦንቾ ሳሎፔ ዱጌ ሳኣን ዬጊዴስ፤ ኢዚ ባ ሃንቆ ጋላስ ባ ቶሆ ሼምፒሲዛሶ ጊዲዳሮ ዛሪ ቆፓናስ ኮዪቤና።