ኢያሶ ማጻፋ 6:1 - ጋሞ ማጻፋ

¹ ኢስራኤሌ ኣሳስ ያዪዳ ጋሶን ኢያርኮ ካታማ ዲርሳ ፔንጌቲ ጎርዴቲዳ፤ ካታማ ጌላናሲኔ ካታማፔ ኬዛናስ ዳንዳይዛይ ኦኒካ ዴና።

Geeshsha Maxaafa

¹ Isra7eele asaas yayyida gaason Iyarkko katama dirsa pengeti gordettida; katamaa gelanaassinne katamaappe kezanaas dandayzay oonikka deenna.

ኢያሶ ማጻፋ 6:1 Referans Kwoze

ኢያሶ ማጻፋ 2:24

ኢስቲ ኢያሶስ፥ «ጎዳይ ቱማፔ ቢታ ኡባ ኑስ ኣ ኢሚዴስ፤ ቃሴ ሄ ቢታን ዲዛ ኣሳይ ዉሪ ኑስ ያሻቴፌ ዴንዲዳይሳን ኢስታ ዎዚናይ ሴሪዳይሳ ኑ ቤኢዶስ» ጊዳ።

ዬ ማጻፋ 127:1

ጎዳይ ኬ ኬጾንታ ኣጊኮ ኬጺዛይቲ ጮ ሜላ ዳቡሬቴስ፤ ጎዳይ ካታማ ናጎንታ ኣጊኮ ናጊዛይቲ ጮ ሜላ ዳፌቴቴስ።

ኢያሶ ማጻፋ 2:7

ኣሳቲ ጾሞሲዛይታ ኮያናስ ኬዚዲ ዮርዳኖሴ ሻፋ ፒን ኤፊዛ ኦጌ ኦይኪዲ ቢዳ፤ ኮይዛይቲ ካታማፔ ኬዚዳ ማላ ካታማ ፔንጌይ ጎርዴቲዴስ።

2ካዎታ ማጻፋ 17:4

ሆሴኤይ ጊብጼ ካዎ ሲጎሬኮ ኪታ ዬዲዳ ጊሻሲኔ ካሴ ኢዚ ኣሶሬ ካዎስ ላይን ላይን ጊራ ጊሪዛይሳ ዲጊዳ ጊሻስ ኣሶሬ ካዎይ ሆሴኤይ ኢዛ ካዲዳይሳ ኤሪዴስ፤ ሄሳ ጊሻስ ሳሊሚናሶሬይ ኢዛ ኦይኪ ቃሾ ኬን ዬጊዴስ።

ኢያሶ ማጻፋ 5:15

ጎዳ ኦላንቻታ ጋዳዋይ፥ «ኔኒ ኤቂዳሶይ ጌሽ ጊዲዳ ጊሻስ ኔ ቶሆፔ ጫማ ኬሳ» ጊዴስ፤ ሂስቲን ኢያሶይ ኢዚ ኣዛዚዳ ማላ ኦዴስ።

ኢያሶ ማጻፋ 6:2

ጎዳይ ኢያሶስ፥ «ሄኮ ታኒ ኢያርኮ ካታማዮ ኢዚ ካዎዛራ ኢዚ ሚኖ ኦላንቻታራካ ኔ ኩሼን ኣ ኢማዲስ።

ኢያሶ ማጻፋ 2:1

ናዌ ና ኢያሶይ ቢታ ዎቺዛ ናምኡ ኣሳታ ሺጺሜ ጌቴቲዛሶፔ ቆታን ኪቲዴስ፤ ኪቲሼ ኢስታስ፥ «ቢቴ፤ ቢዲ ቢታ ዎቺቴ፤ ሃራፔካ ኢያርኮ ካታማ ዱማሲ ዎቺቴ» ጊዴስ። ሂስቲን ኢስቲ ቢዲ ኤራኣቦ ጌቴቲዛ ላይማ ማጫሳይ ሶ ጌሊዲ ኣቂዳ።

ኢያሶ ማጻፋ 16:7

ያኖኬፔ ዱጌ ኣጻሮቴኔ ናራቴ ዱጉን ዎዲ ኢያርኮራ ካን ቢዲ ዮርዳኖሴ ሻፋን ጌሌስ።

ኢያሶ ማጻፋ 18:21

ቢኒያሜ ዛሬቲ ባ ዛርኬን ዛርኬን ኤኪዳ ካታማቲ ኢያርኮ፥ ቤቲ-ሆጊሌ፥ ኣሜቅ-ኬጺጼ፥

2ሳሜላ ማጻፋ 10:5

ኣሳቲ ኬሂ ዬላቲዳይሳ ዳዊቲ ሲዪዳ ጊሻስ ኣስ ኢስታስ ኪቲዴስ፤ ካዎዚ፥ «ኢንቴ ቡቻይ ዲጫናሼ ጋካናስ ኢያርኮን ጋምኢዲ ሄሳፌ ጉዬ ሲሚ ዪቴ» ጊዴስ።

2ካዎታ ማጻፋ 2:4

ቃሴካ ኤላሲ ኤልሳኤስ፥ «ሃይሶ ኤልሳኤ! ጎዳይ ታና ኢያርኮ ኪቲዳ ጊሻስ ኔ ሃን ሃይሳን ታካሻ» ጊዴስ። ኢዚካ ኢዛስ ዛሪዲ፥ «ዴኦ ጾሳይ ቤዪን፥ ኔ ኣሾ ታ ኔፔ ሻኬቲኬ» ጊ ጫቂዴስ፤ ሄሳ ጊሻስ ኢዛራ ኢሲፌ ኢያርኮ ዎዳ።