ኢያሶ ማጻፋ 12:2 - ጋሞ ማጻፋ

² ሃሴቦኔ ካታማን ኡቲዲ ኣይሲዛ ኣሞሬታ ካዎይ ሲሆኔ። ኢዚ ኣርኖኔ ሾባ ላንቄን ዲዛ ኣሮኤሬ ዙሌራ ካን ቢዲ ኣሞኔታ ዛዋ ያቦቄ ሻፋ ጋካናስ ሃሪዴስ፤ ሄሲ ጋላኣዴ ቢታፌ ባጋ ጉጂ ኤኬስ።

Geeshsha Maxaafa

² Haseboone katamaan uttidi ayssiza Amooreta kawoy Sihoone. Izi Arnoone shoobbaa lanqen diza Aaro7eere zullera kanththi biidi Amooneta zawaa Yaabooqe shaafaa gakkanaas haarides; hessi Gala7aade biittaafe baggaa gujji ekkees.

ኢያሶ ማጻፋ 12:2 Referans Kwoze

ሜቴ ማጻፋ 32:22

ሄ ጋላሳ ኦማርስ ያቆቤይ ዴንዲዲ፥ ባ ናምኡ ማቼታ፥ ባ ናምኡ ኣይሌታ ባ ናይታ ታማኔ ኢሲኔታ ኤኪዲ ያቦቄ ጌቴቲዛ ሻፋ ጋኪዴስ፤ ኢዚ ኢስታኔ ባስ ዲዛይታ ኡባ ፒን ዬዲዴስ፤

ዬ ማጻፋ 135:11

ኣሞሬታ ካዎ ሲሆኔ፥ ባሳኔ ካዎ ኣጌኔ ካናኔ ካዎታ ኡባ ዎዴስ።

ናሂሚያ ማጻፋ 9:22

«ኢስታ ዴራ ዩዪ ኣ ዲዛ ዴሬታኔ ኢስቲ ካዎቴታ ኡባ ጾኒዲ ሄ ቢታ ኤካና ማላ ኦዳሳ፤ ሄሳ ጊሻስ ካዎ ሲሆኔይ ኣይሲዛ ሃሴቦኔ ጌቴቲዛ ቢታኔ ካዎ ኣጌይ ኣይሲዛ ባሳኔ ጌቴቲዛ ቢታ ጾኒዲ ላቲዳ።

ዳናታ ማጻፋ 11:22

ኣርኖኔ ሻፋፔ ቢዲ ያቦቄ ሻፋ ጋካናሲኔ ባዞፌ ቢዲ ዮርዳኖሴ ሻፋ ጋካናስ ዲዛ ኣሞሬታ ዴራ ኡባ ላቲዳ።

ዳናታ ማጻፋ 11:13

ዮፍታሄይ ኪቲዳ ኣሳታስ ኣሞኔ ዴሬ ካዎይ ዛሪዲ፥ «ኢስራኤሌ ኣሳይ ጊብጼ ቢታፌ ኬዚዳ ዎዴ ኣርኖኔ ሻፋፔ ዶሚዲ ያቦቄ ሻፋ ጋካናስ ቃሴ ዮርዳኖሴ ሻፋ ጋካናስ ዲዛ ታ ቢታ ኤኪዴስ፤ ሃኢ ታ ቢታ ሳሮን ዛሪቴ» ጊዴስ።

1ታሪኬ ማጻፋ 5:8

ቤላይ ኣዛዛ ና፤ ኣዛዚ ሼማኤ ና፤ ሼማኤይ ኢዩኤሌ ና፤ ኢዩኤሌ ዛሬቲ ኣሮኤሬፔ ቢዲ ኔቦኔ ባኣሊ-ሜኦኔ ጋካናስ ዱንካኒ ኡቲዳ።

ኤርማሳ ቲንቢቴ 48:19

ሃኔ ኣሮኤሬን ዲዛሬ! ኔኒ ኦጌ ዶናን ኤቃዳ ጼላ፤ ባቃቲዛ ኣቱማስ፥ ኬሳ ኤካ ቢዛ ማጫስ፥ ‹ኣዜ ሜቲዳይ?› ጋዳ ኦይቻ።

ዛሬ ማጻፋ 1:4

ሄሲካ ሃኒዳይ ሃሴቦኔ ካታማን ካዎቲ ሃሪዛ ኣሞሬ ዴሬ ካዎ ሲሆኔኔ ኣስታሮቴን፥ ኤዲራኤ ካታማን ኡቲዲ ሃሪዛ ባሳኔ ካዎ ኣጌ ጾኒዳፔ ጉዬና።