ኢዩኤሌ ቲንቢቴ 2:2 - ጋሞ ማጻፋ

² ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

Geeshsha Maxaafa

² He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

ኢዩኤሌ ቲንቢቴ 2:2 Referans Kwoze

ኢዩኤሌ ቲንቢቴ 1:6

ቆዳይ ባይንዳ ቦሌይ ኦላ ኣሳ ማላ ታ ዴሬዛ ቦላ ዪዴስ፤ ኢዛ ኣቻይ ጋሞ ኣቻ ማላ፤ ኢዛ ጋጊና ኣቻይ ማጫ ጋሞ ጋጊና ኣቻ ማላ።

ኢዩኤሌ ቲንቢቴ 2:5

ፓራ-ጋሬ ጊሪሳ ማላ ጊሪስ ሲሲሼ ዙማታ ቦላራ ጉፔቴስ፤ ታማይ ቡራ ሚዛ ማላ ቤቲዳ ሚሻ ኡባ ጹጋና፤ ጊጌቲዳ ሚኖ ኦላንቻታ ሳልፌ ማላ ጊሬቴስ።

ኢዩኤሌ ቲንቢቴ 2:25

ሃይሳፌ ካሴ ዎልቃማ ኦላንቻ ሚሳቲዛ ታ ዬዲዳ ኡሾ ጫርኮ ሾጪዛ ቦሌቲ፥ ጉምባሮቲኔ ጎንዶቲ፥ ካሴ ሚዳ ካ ጊሻስ ታ ኢንቴስ ዛራ ኢማና።

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ዳኔላ ቲንቢቴ 12:1

ካሴ ታስ ኣጁታዛ ቢርሺዛ ኪታንቻዚ ታስ፥ «ኔ ዴሬዛ ናጊዛ ጊታ ኪታንቻስ ሃላቃ ሚካኤሌይ ኢዚ ሄ ዎዴ ቆንጫና፤ ኣሳ ዜሬ ሜቶሶፌ ሄ ዎዴ ጋካናስ ሃኒ ኤሮንታ ዎልቃማ ሜቶይ ሃናና፤ ኢስታ ሱንይ ማጻፋን ጻፌቲዳ ኡባ ኣሳይ ኣታና።

ኢሳያሳ ቲንቢቴ 8:22

ሄሳፌ ጉዬ ኢስቲ ዱጌ ቢታ ጼላና፤ ኢስቲ ጼላናይሲካ ዋዬ፥ ማኔ ፒ ጊዳ ባቢሲዛ ሚሽ ጻላ፤ ኢስቲ ጊርዲ ጊዳ ማን ዬጌታና።

ኢሳያሳ ቲንቢቴ 5:30

ሄ ጋላስ ኢስቲ ጊታ ኣባ ዳምባላ ማላ፥ ኢስራኤሌ ቦላ ጉማና፤ ኦኒካ ዱጌ ዛሪ ቢታ ጼሊኮ ማኔ ሜቶ ቤኣና፤ ፖኦይካ ሻራን ካሜታና።

ዩሁዳ ኪታ 1:13

ኢስቲ ዬላቺዛ ባ ኦሶዛ ዎልቃማ ኣባ ዳምባላ ማላ ጎፖንቶ ጮፑ ሂስቲዛይታ፤ ጊርዲ ጊዳ ማይ ኢስታ ሜርናስ ናጊዛይሳኔ ጮ ሜላ ዋዬቲዛ ጾሊንቴታ ማላኮ!

Ibirawe 12:18

ኩሼን ቦቺኮ ቦሼቲዛ ታማይ ኢዛ ቦላ ኤጺዛ ሲና ዙማኮ፥ ሄ ማኮ፥ ሄ ቱላላዛኮኔ ሄ ጎቴ ጫርኮዛኮ ኢንቴ ጋኪቤኬታ።

ማርቆሳ ሚሺራቾ 13:19

ጾሲ ኮይሮ ሜቴ ኡባ ሜሶፌ ሃኢ ጋካናስ ዎይኮ ሃይሳፌ ጉዬ ኢዛ ሚሳቲዛይ ባይንዳ ጊታ ሜቶይ ሃናና።

ኣሞጼ ቲንቢቴ 4:13

ዙማታ ኦዳዴይ ጫርኮታ ሜዳዴይ ባ ቆፒዳይሳ ኣሳስ ቆንጪሲዛይ ጋላሳ ፖኦ ጌዴ ማን ላሚዛይ ቢታ ቦላ ቃሶሆን ሄሜቲዛይሳ ሱንይ ጎዳ ሳሎ ጾሳ።

ዳኔላ ቲንቢቴ 9:12

‹ኢንቴ ቦላኔ ኢንቴና ካሌዛይታ ቦላ ታ ጊታ ሜቶ ኤሃና› ጋዳ ካሴ ኔ ዮቲዳይሳ ኡባ ኑ ቦላ ፖላዳሳ፤ ሄ ዎዴ ዬሩሳላሜ ቦላ ጋኪዳ ቂጻቴ ማላይ ሃራሶ ኣዋንካ ጋኪቤና።

ኤርማሳ ቲንቢቴ 13:16

ኢዚ ማ ኤሆንታ ዲሺን ሚዳ ዙማታ ቦላ ኢንቴ ቶሆይ ጴቶንታ ዲሺን ጎዳስ ኢንቴ ጾሳስ ቦንቾ ኢሚቴ፤ ኢንቴ፥ «ፖኦይ ያና» ጊዲ ናጌታ፤ ጊዶ ኣቲን ኢዚ ማን ላማና፤ ሳካና ማ ኦና።

ዬ ማጻፋ 97:2

ሻራይኔ ሳካና ማይ ኢዛ ዩዪ ኣዴስ፤ ጺሎቴኔ ቱማቴ ኢዛ ካዎቴ ኣራታስ ዮቻ።

ዬ ማጻፋ 10:6

ባ ዎዚናን ኢዚ፥ «ታና ኣይኮይካ ቃና፤ ታና ሙሌካ ሜቶይ ጋኬና» ጊዲ ቆፔስ።

ዛሬ ማጻፋ 32:7

«ካሴ ቤኒ ዎዴዛ ዩሺ ቆፒቴ፤ ዳሮ ዬሌታታ ላይካ ኣኬኪቴ፤ ኢንቴ ኣዋታ ኦይቺቴ፤ ኢስቲ ኢንቴስ ዮታና፤ ካሴ ጪማታካ ኦይቺቴ፤ ኢስቲ ኢንቴስ ቆንጪሲ ዮታና።

ኬሳ ማጻፋ 20:21

ኣሳይ ሃሆን ኤቂ ዲሺን ሙሴይ ጾሲ ዲዛሶ ዎልቃማ ሻራ ማኮ ሺቂዴስ።

ኬሳ ማጻፋ 10:14

ቦሌይ ጊብጼ ቢታ ኩሜ ማይኢዴስ። ሃይሳ ላጌ ቦሌ ቦሻይ ሄ ቢታን ሃይሳፌ ካሴ ሃኒቤና፤ ሃይሳፌ ሲንንካ ኢዛ ማላይ ሃኔና።

ኬሳ ማጻፋ 10:6

ኔ ኬታን፥ ዳናታ ኬኒኔ ጊብጼ ኣሳ ኡባ ኬን ኩማና፤ ሃይሲ ኔ ኣዋቲ፥ ዎይኮ ኔ ማይዛቲ ሃ ቢታ ቦላ ዶሶፔ ሃኖ ጋካናስ ሙሌካ ቤዪ ኤሮንታ ሚሻ› ጊዴስ» ጊዳ። ሄሳፌ ጉዬ ሙሴይ ካዎዛ ሲንፌ ኬዚ ቢዴስ።

Maatosa 24:21

ሄ ዎዴ ኣላሜይ ሜቶሶፔ ሃች ጋካናስ ሃኒ ኤሮንታ ሚሺ ሲንፌካ ኢዛ ሚሳቲዛይ ባይንዳ ዎልቃማ ሜቶይ ሃናና።

ዮሃኒሳ ኣጁታ 9:2

ኢዚካ ሄ ጪማ ኦላዛ ዶይዴስ፤ ሄ ጪማ ኦላፌ ዎልቃማ ታማ ጩዋ ማላ ጩዋይ ኬዚዴስ፤ ሄ ኦላፌ ኬዚዳ ጩዋዛ ጋሶን ኣርሼይኔ ሳሎይ ሚዴስ።

ኤርማሳ ዚላስ 1:12

«ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

ሂዚቄላ ቲንቢቴ 32:7

ታ ኔና ይሲዛ ዎዴ ሳሎታ ጎዛና፤ ኢስታ ጾሊንቴታካ ሚሳና፤ ኣዋካ ሻራን ካማና፤ ኣጊናይካ ባ ፖኦ ዲጋና።

ሂዚቄላ ቲንቢቴ 34:12

ሄንንቻይ ባ ዉዴታራ ዲሼ ላሌቲዳ ዉዴታ ኮይዛ ማላ ታኒካ ታ ዉዴታ ኮያና፤ ሻራ ጋላሲኔ ማ ጋላስ ኢስቲ ላሌቲዳሶ ኡባፌ ታ ኢስታ ሺሻና።

ሂዚቄላ ቲንቢቴ 38:9

ኔኒ፥ ኔ ኦላንቻቲኔ ኔናራ ዲዛ ዳሮ ካዎቴቲ ጎቴ ጫርኮ ማላ ዴንዳና፤ ሻራ ማላ ኢንቴ ቢታ ካማና።

ኤርማሳ ቲንቢቴ 13:6

ዳሮ ጋላሳፌ ጉዬ ጎዳይ፥ «ዴንዳ ኤፊራጺሴ ሻፋ ባዳ ታኒ ኔና፥ ‹ሄን ቆታ› ጊዳ ዳንጮዛ ኬሳ» ጊዴስ።

ኢዩኤሌ ቲንቢቴ 3:4

ኢንቴኖ ጺሮሴ፥ ሲዶናኔ ፊሊስጼሜ ኣሳቶ! ኢንቴ ኣይ ኦሼ ዴቲ? ኢንቴ ታ ቦላ ሃሎ ኬሳና ቆፔቲ? ኢንቴ ሄሳ ማላ ቆፒኮ ታኒካ ካሴታዳ ኢንቴ ቦላ ሃሎ ኬሳና።

ሶፎናሳ ቲንቢቴ 1:7

ጎዳ ጋላሳይ ማቲዳ ጊሻስ ኡባ ሃሪዛ ጎዳ ሲንን ጮኡ ጊቴ፤ ጎዳይ ያርሾ ጊግሲዴስ፤ ባ ጼይጊዳይታ ባስ ዱማሲዴስ።

ዛካራሳ ቲንቢቴ 14:6

ሄ ዎዴ ታ ኬንቾይ፥ ሻቺኔ ፖኦይ ሙሌካ ዴና።