ኢዩኤሌ ቲንቢቴ 2:11 - ጋሞ ማጻፋ

¹¹ ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

Geeshsha Maxaafa

¹¹ GODAY ba olanchchata sinththan dada mala guummana; iza olanchchati ay mala daroo! Iza azazo ooththizayti ay mala wolqqamaa! tumappeka GODAA gallassay keehi wolqqama; keehi babisiza he gallassaa danday eqqanay oonee?

ኢዩኤሌ ቲንቢቴ 2:11 Referans Kwoze

ሚልካሳ ቲንቢቴ 3:2

ኢዚ ያና ጋላሳ ቴቃና ዳንዳይዛይ ኦኔ? ኢዚ ቆንጪዛ ጋላስ ኢዛ ሲንን ኤቃናስ ዳንዳያናይ ኦኔ? ኢዚ ጮጬ ታማ ማላ ዎይኮ ማይኦ ሜጪዛ ሳሙና ማላ፤

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ዮሃኒሳ ኣጁታ 18:8

ሄሳ ጊሻስ ኢዚ ቦላ ቦሻይ ዉሪካ ኢሲ ጋላስ ጋካና፤ ሃይቆይ፥ ሙዞቴኔ ጋፋይ ኢዞ ጋካና፤ ኢዛ ታማን ጹጌታና፤ ኢዚ ቦላ ፒርዲዛ ጎዳይ ጾሲ ኢዚ ሚኖ» ጊሺን ታኒ ሲያዲስ።

ዮሃኒሳ ኣጁታ 6:17

ዎልቃማ ሃንቆ ጋላሳይ ጋኪዴስ፤ ኢዛ ኦኔ ዳንዳያናይ?» ጊዳ።

ኢዩኤሌ ቲንቢቴ 3:16

ጎዳይ ጺዮኔ ዙማ ቦላ ዬሩሳላሜን ዲሼ ባቢሲዛ ባ ቃላ ጊሪስ ሲሳና፤ ሳሎይኔ ሳኣይ ቃጻና፤ ጎዳይ ጊዲኮ ባ ዴሬ ኢስራኤሌስ ሺቂ ኣቲዛሶ ጊዳና።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ኣሞጼ ቲንቢቴ 5:20

ጎዳይ ፒርዲዛ ጋላሳይ ኢንቴስ ማፔ ኣቲን ፖኦ ጊዴና፤ ሄ ጋላሳይ ኢዛን ኣይኮ ፖኦይካ ባይንዳ ጊርዲ ጊዳ ማ ጊዳና።

ኢዩኤሌ ቲንቢቴ 1:15

ኣዬ ኣና! ጎዳ ጋላሲ ማቲዴስ። ኡባ ዳንዳይዛ ጾሳይ ይሲዛዝ ኤሂዛ ጋላሲ ጋኪዴስ። ሄ ጋላሳይስ ኣዬ ኣና!

ኤርማሳ ቲንቢቴ 50:34

ጊዶ ኣቲን ኢስታ ዎዚዛይ ሚኖ፤ ኢዛ ሱንይካ ጎዳ ኡባፌ ዎልቃማ ጾሳ፤ ኢስቲ ቢታስ ሼምፖ ኢማናስ ኬሂ ባጼቴስ፤ ጊዶ ኣቲን ባቢሎኔን ዲዛይታስ ሼምፖ ይሴስ» ጌስ።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኢሳያሳ ቲንቢቴ 13:4

ዳሮ ዴሬይ ዎጫሚዛ ማላ ዙማታ ቦላ ዎጫሚዛ ዎጫማ ሲዪቴ! ካዎቴታ ጊዶን ሜቶቲዳ ዴሬይ ጉጉሚዛ ጉጉን ሲዪቴ! ኡባፌ ዎልቃማ ጎዳይ ኦላንቻታ ኦላስ ሳልፊሲዴስ።

ታይቦ ማጻፋ 24:23

ዉርሴን ባላሜይ፥ «ጾሲ ሃይሳ ኦሺን ኦኔ ሼምፖራ ፓጻ ዳናይ?

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ኤርማሳ ቲንቢቴ 25:30

ሄሳ ጊሻስ ጎዳይ ኤርማሳስ፥ «ሃ ቃላ ኡባ ኢስታ ቦላ ቲንቢቴ ዮታ፤ ‹ጎዳይ ቦላፌ ዋሳና፤ ባ ዲዛ ጌሻ ሶሆፔ ዳዳቲዛ ባ ጉን ሲሳና፤ ኢዚ ባ ቢታ ቦላ ኬሂ ዋሳና፤ ዎይኔ ማጺሼ ዬጺዛ ማላ ሳኣን ዲዛ ኡባ ቦላ ኢዚ ጉማና።

ኣሞጼ ቲንቢቴ 5:18

ኢንቴኖ ጎዳ ጋላስ ናጊዛይቶ! ኢንቴስ ኣዬ ኣና! ሄ ጋላሳይ ማፔ ኣቲን ፖኦ ጋላስ ጊዶንታ ጊሻስ ኢንቴ ኣይስ ሄ ጋላሳ ኮዬቲ?

ኣሞጼ ቲንቢቴ 1:2

ኣሞጼይ፥ «ጎዳይ ጺዮኔፔ ባ ቃላ ቁ ሂስቲ ሲሴስ፤ ዬሩሳላሜፔ ጊሬስ፤ ሜሄይ ሄሜቲዛሶቲ ሜላና፤ ቃርሜሎሴ ዙማን ዲዛ ጪሊላቲ ሹላና» ጊዴስ።

ኢዩኤሌ ቲንቢቴ 2:25

ሃይሳፌ ካሴ ዎልቃማ ኦላንቻ ሚሳቲዛ ታ ዬዲዳ ኡሾ ጫርኮ ሾጪዛ ቦሌቲ፥ ጉምባሮቲኔ ጎንዶቲ፥ ካሴ ሚዳ ካ ጊሻስ ታ ኢንቴስ ዛራ ኢማና።

ሂዚቄላ ቲንቢቴ 22:14

ታኒ ኔና ቃጻዪዛ ጋላስ ኔ ዎዚናን ኔ ሙርታ ኤቃኔ? ዎይኮ ኔ ኩሼይ ሄ ዎዴ ሚናና ዳንዳይዜ? ታኒ ጎዳይ ሃይሳ ዮታዲስ፤ ኢዛካ ታኒ ኦና።

ኢሳያሳ ቲንቢቴ 7:18

ሄ ዎዴ ጎዳይ ሃኮ ቢታን ዲዛ ጊብጼ ሻፋፔ ኡዱንጼታ፥ ኣሶሬ ቢታፌ ማታ ዋይቄን ጼይጋና።

1ታሶሎንቄ ኣሳስ 4:16

ጎዳይ ባ ሁኤራ ጊታ ኣዛዞን ኪታንቻታ ሃላቃ ጊሪሳራ ጾሳ ጹሩምባ ጊሪሳን ሳሎፔ ዎና፤ ካሴ ኪርስቶሳ ኣማኒዲ ሃይቂዳይቲ ኢስቲ ካሴቲ ዴንዳና።

ኢዩኤሌ ቲንቢቴ 1:6

ቆዳይ ባይንዳ ቦሌይ ኦላ ኣሳ ማላ ታ ዴሬዛ ቦላ ዪዴስ፤ ኢዛ ኣቻይ ጋሞ ኣቻ ማላ፤ ኢዛ ጋጊና ኣቻይ ማጫ ጋሞ ጋጊና ኣቻ ማላ።

ኢዩኤሌ ቲንቢቴ 2:1

ጺዮኔን ዛዬ ዛዪቴ፤ ጌሻ ዙማ ቦላ ዋሲቴ! ጎዳ ዩሳ ጋላሲ ጋኪዳ ጊሻስ ቢታ ቦላ ዲዛይ ዉሪካ ኮኮሮ።

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

ኢዩኤሌ ቲንቢቴ 3:14

ዮኦ ፒርዲዛ ዙሌን ጎዳይ ፒርዲዛ ጋላሲ ጋኪዴስ፤ ሄሳ ጊሻስ ዳሮ ዴሬይ ሄን ሺቂ ኡቲዴስ።

ኣብዲዩ ቲንቢቴ 1:15

«ታ ጾሳይ ኣሳ ኡባ ቦላ ፒርዲዛ ዎዴይ ጋኪዳ ጊሻስ ኤዶሜ! ኔ ኦዳ ኢታ ኦሶይ ኔ ቦላ ሲማና፤ ሄሳ ጊሻስ ኔ ኦሶ ማላ ኔ ኤካና።

ዬ ማጻፋ 18:14

ባ ዎንዳፌዛ ዪሻ ዬዲዴስ፤ ባ ሞርኬታካ ላሊዴስ፤ ዎልቃን ፖኦ ኪቲዲ ኢስታ ዬዴዴስ።

ዬ ማጻፋ 68:18

ጎዳዉ! ዲኦ ኤካዳ ፑዴ ኔ ዱሳስ ኬዛዳሳ፤ ኣሳ ኡባፌ ኢሞታ ኤካዳሳ፤ ሃራይ ኣቶሺን ማካላንቻታፔካ ኤካዳሳ፤