ኢዩኤሌ ቲንቢቴ 1:2 - ጋሞ ማጻፋ

² ኢንቴ ጪማቲ ሃይሳ ሲዪቴ፤ ዩሁዳ ዴሬን ዲዛይቲ ዉሪካ ሃይሳ ኤዝጊ ሲዪቴ። ሃይሳ ማላ ሃኖይ ካሴ ኢንቴ ዎዴ ጊዲን ዎይኮ ካሴ ኢንቴ ኣዋታ ዎዴ ሃኒ ኤሪዜ?

Geeshsha Maxaafa

² intte cimati hayssa siyite; Yuhuda deren dizayti wurikka hayssa ezgi siyite. Hayssa mala hanoy kase intte wode gidiin woykko kase intte aawata wode hani erizee?

ኢዩኤሌ ቲንቢቴ 1:2 Referans Kwoze

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

ሆሴኤ ቲንቢቴ 5:1

ኢንቴኖ ቄሴቶ ሃይሳ ሲዪቴ! ኢስራኤሌ ኣሳቶ ኣኬኪቴ! ካዎ ኬ ኣሳቶ ሃይሳ ኤዝጊቴ! ሄኮ ፒርዳይ ኢንቴ ቦላ ዪዴስ፤ ጋሶይካ ኢንቴ ሚጺጳን ናርጻ፥ ታቦሬ ዙማን ጊቴ ጊዲዴታ።

ኤርማሳ ቲንቢቴ 30:7

ሄ ጋላሳይ ኣይ ማላ ዳጋንዛ ጋላስ ጊዳኔ! ሄሳ ማላ ጋላሲ ዴና፤ ሄ ጋላሳይ ያቆቤ ዜሬታስ ሜቶ ጋላስ ጊዳና፤ ጊዶ ኣቲን ኢስቲ ሄ ሜቶዛፔ ኣታና» ጌስ።

ኢዮቤ ማጻፋ 8:8

«ኣኔ ካሴ ዬሌታ ኦይቻ፤ ካሴ ኣዋቲ ጋኪዳሶዛ ፒልጋ ጼላ።

Maatosa 24:21

ሄ ዎዴ ኣላሜይ ሜቶሶፔ ሃች ጋካናስ ሃኒ ኤሮንታ ሚሺ ሲንፌካ ኢዛ ሚሳቲዛይ ባይንዳ ዎልቃማ ሜቶይ ሃናና።

Maatosa 13:9

ሲዪዛ ሃይ ዲዛዴይ ሲዮ!» ጊ ዮቲዴስ።

ሚኪያሳ ቲንቢቴ 3:9

ኢንቴኖ ያቆቤ ሶ ኣሳ ካሌዛይቶ! ኢንቴኖ ኢስራኤሌ ዴሬ ሃሪዛይቶ! ቱሙ ፒርዳ ካዛይቶ! ቱሙ ጊዲዳዝ ኡባ ሚርቂዛይቶ! ኣኔ ሲዪቴ።

ሚኪያሳ ቲንቢቴ 3:1

ቃሴካ፥ «ኢንቴኖ ያቆቤ ካሌዛይታኔ ኢስራኤሌ ኬ ኣሳ ሃሪዛይቶ ሲዪቴ፤ ኢንቴ ቱሙ ፒርዳ ኤራናስ ኢንቴስ ቤሴኔ?

ሚኪያሳ ቲንቢቴ 1:2

ኢንቴኖ ዴሬቶ፤ ኢንቴ ዉሪካ ሲዪቴ! ሃ ቢታ ቦላ ዲዛይቲ ዉሪካ ሃ ኤዝጊ ሲዪቴ፤ ሳሎ ጎዳይ ባ ጌሻ ኬን ኡቲዲ ኢንቴ ኢታ ኦሶዛ ኢንቴ ቦላ ማርካቴስ።

ኣሞጼ ቲንቢቴ 5:1

ኢስራኤሌ ኣሳዉ! ኢንቴ ጊሻስ ታ ዚላሊዛ ዚላስ ሲዪቴ።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ኣሞጼ ቲንቢቴ 3:1

ኢስራኤሌ ኣሳዉ! ጊብጼፔ ኬዚዳ ኢስራኤሌ ኣሳስ ኢንቴስ ጎዳይ ዮቲዳ ቃላ ሃይሳ ሲዪቴ።

ኢዩኤሌ ቲንቢቴ 1:14

ዱማ ጾማ ጋላስ ኣዋጂቴ፤ ኣያና ሺቆስ ኣሳ ጼይጊቴ፤ ዴሬን ዲዛ ጪማታኔ ኣሳ ኡባ ኑ ጎዳ ኬን ሺሺዲ ፑዴ ጎዳኮ ዋሲቴ።

ሆሴኤ ቲንቢቴ 4:1

ሃኖ ቢታይ ቦላ ዲዛ ኣሳ ኡባ ቦላ ጎዳይ ሺሺዛ ሞቶይ ዴስ። ሄሳ ጊሻስ ኢስራኤሌ ኣሳዉ! ኢዚ ኢንቴና ጊዛይሳ ሲዪቴ፤ «ሃኖ ቢታይ ቦላፌ ኣማኔቴይ፥ ሲቆይኔ ጾስ ኤሮይ ይዴስ።

ዳኔላ ቲንቢቴ 12:1

ካሴ ታስ ኣጁታዛ ቢርሺዛ ኪታንቻዚ ታስ፥ «ኔ ዴሬዛ ናጊዛ ጊታ ኪታንቻስ ሃላቃ ሚካኤሌይ ኢዚ ሄ ዎዴ ቆንጫና፤ ኣሳ ዜሬ ሜቶሶፌ ሄ ዎዴ ጋካናስ ሃኒ ኤሮንታ ዎልቃማ ሜቶይ ሃናና፤ ኢስታ ሱንይ ማጻፋን ጻፌቲዳ ኡባ ኣሳይ ኣታና።

ኤርማሳ ቲንቢቴ 5:21

ኢንቴኖ ኣይፌይ ዲሺን ዴሞንታይቶ! ሃይ ዲሺን ሲዮንታይቶ! ኤያኔ ዩሺ ቆፖንታይቶ! ሃይሳ ሲዪቴ!

ኢሳያሳ ቲንቢቴ 34:1

ኢንቴኖ ካዎቴቶ ሺቂዲ ሲዪቴ! ኔኒ ዴሬዚ ኣኬካ! ቢታይኔ ቢታን ዲዛ ኡባይ፥ ኣላሜይኔ ኣላሜፔ ዪዳ ኡባይ ሲዮ!

ኢሳያሳ ቲንቢቴ 7:17

«ኤፍሬሜ ቢታይ ዩሁዳ ቢታፌ ሻኬቶሶፌ ዶሚን ሃይሳፌ ሲንን ሃኒ ኤሮንታ ዎዴ ጎዳይ ኔ ቦላ፥ ኔ ዴራ ቦላኔ ኔ ኣዋ ኬ ቦላ ኤሃና፤ ኢዚ ኔ ቦላ ኤሃናይሲካ ኣሶሬ ካዎ» ጊዴስ።

ዬ ማጻፋ 49:1

ዴሬዞ፥ ኢንቴ ኡባቲካ ሃይሳ ሲዪቴ! ኢንቴኖ ሳኣ ቦላ ዲዛ ኡባቶ! ሃይሳ ኤዝጊቴ።

ኢዮቤ ማጻፋ 21:7

«ኣይስ ኢታ ኣሳታ ላይይ ኣዱቂዲ ኢስታ ሃሮይካ ዳሪዲ ቢታ ቦላ ዲዜ?

ኢዮቤ ማጻፋ 15:10

ዬሌታን ኔ ኣዋፔ ጪሚዛ ሁኤይ ፑሉሚዳ ጪማቲ ቆፋን ኑናራ ዴቴስ።

ኢዮቤ ማጻፋ 12:12

ኤራቴይ ጪማቴን፥ ኣኬካይካ ላይ ኣዱሳቴን ቤቴቴስ።

ዮሃኒሳ ኣጁታ 2:7

«ኣያናይ ዎሳ ኬታስ ጊዛይሳ ሃይ ዲዛይ ዉሪካ ሲዮ! ‹ጾኒዳዴይ ጾሳ ጋናቴ ጊዶን ዲዛ ዴኦ ሚ ኣይፌ ማና ማላ ታ ኦና።›