ኢዩኤሌ ቲንቢቴ 1:14 - ጋሞ ማጻፋ

¹⁴ ዱማ ጾማ ጋላስ ኣዋጂቴ፤ ኣያና ሺቆስ ኣሳ ጼይጊቴ፤ ዴሬን ዲዛ ጪማታኔ ኣሳ ኡባ ኑ ጎዳ ኬን ሺሺዲ ፑዴ ጎዳኮ ዋሲቴ።

Geeshsha Maxaafa

¹⁴ Dumma xooma gallas awajjite; ayana shiiqos asa xeygite; deren diza cimatanne asaa ubbaa nu GODAA keeththan shiishshidi pude GODAAKKO waassite.

ኢዩኤሌ ቲንቢቴ 1:14 Referans Kwoze

ዮናሳ ቲንቢቴ 3:8

ኣሳይካ ሜሄይካ ዉሪ ማቃ ማይኦ፤ ኣሲ ዉሪ ሚንዲ ጾሳኮ ዋሶ፤ ባ ኢታ ኦጌፔኔ ቆሆ ኦሶፔካ ሲሞ።

2ታሪኬ ማጻፋ 20:13

ዩሁዳ ኣሳይ ኡባይ ባንታ ማቼታራ፥ ባንታ ናይታራ፥ ባንታ ዪ ናይታራ ኢሲ ቦላ ጎዳ ሲንን ኤቂዳ።

ሌዌታ ማጻፋ 23:36

ላፑን ጋላሳታን ኢሳን ኢሳን ጎዳስ ጹጌቲዛ ያርሾ ሺሺቴ፤ ኦስፑን ጋላስ ቃሴካ ጎዳ ጎይናናስ ሺቂቴ፤ ጎዳስ ጹጌቲዛ ካ ያርሾ ያርሺቴ፤ ሄ ጋላሳይ ኢንቴ ሺቆዛ ዉርሲዛ ጋላስ ጊዲዳ ጊሻስ ሄ ጋላስ ኣይኮካ ኦፍቴ።

ናሂሚያ ማጻፋ 8:18

ባኣሌዚ ዶሜቲዳ ጋላሳፌ ቢ ዉራና ጋላስ ጋካናስ ኢዝራይ ጾሳ ዎጋ ማጻፋፔ ኡባ ዎዴ ጋላስ ጋላስ ኢሲ ኢሲ ኪፊሌ ኣሳስ ናባቢዴስ፤ ባኣሌዛካ ላፑን ጋላስ ጋካናስ ቦንቺዳ፤ ኦስፑን ጋላስ ዎጋዚ ኣዛዚዛ ማላ ባኣሌዛ ዉርሴን ሞይዞ ባኣሌ ኦዳ።

2ካዎታ ማጻፋ 10:20

ኢዩይ፥ «ባኣሌ ቦንቻናስ ዴሬዛ ጼይጊ ሺሺቴ» ጊዴስ፤ ኣሳይካ ሄሳ ዴራስ ኤሪሲዴስ።

ኣስቴሪ ማጻፋ 4:16

«ባዳ ሱሳን ዲዛ ኣይሁዳ ኣሳ ኡባ ኢሲሶ ሺሻ። ሂስቲዲ ታስ ጾሚቴ፤ ሄ ጋላሲኔ ሄ ኦማርስ ጋካናስ ሞፒቴኔ ኡዮፒቴ። ታኒኔ ታ ዳንጋጺሬቲ ሄሳ ጾማና፤ ሄሲ ፖሌቲዳፔ ጉዬ ሃኖዚ ዎጋፔ ካሬራ ጊዲኮካ ታኒ ካዎዛኮ ጌላና፤ ታኒ ሃይቂኮካ ሃይቃና» ጊዛ ዛሮ ዬዳዱስ።

ኤርማሳ ቲንቢቴ 36:9

ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኢቻሻን ላይን፥ ኡዱፉን ኣጊናን፥ ዬሩሳላሜን ዲዛ ኣስ ኡባሲኔ ዩሁዳ ካታማታፔ ዪዳ ኣሳስ ጎዳ ሲንን ጾማና ማላ ኣዋጂዳ።

ኢዩኤሌ ቲንቢቴ 1:2

ኢንቴ ጪማቲ ሃይሳ ሲዪቴ፤ ዩሁዳ ዴሬን ዲዛይቲ ዉሪካ ሃይሳ ኤዝጊ ሲዪቴ። ሃይሳ ማላ ሃኖይ ካሴ ኢንቴ ዎዴ ጊዲን ዎይኮ ካሴ ኢንቴ ኣዋታ ዎዴ ሃኒ ኤሪዜ?

ዮናሳ ቲንቢቴ 3:5

ሂስቲን ናናዌ ኣሳይ ጾሳ ኣማኒዲ ጾማ ኣዋጂዴስ፤ ጊታታፔ ጉታ ጋካናስ ዉሪካ ማቃ ማይኢዳ።

ሶፎናሳ ቲንቢቴ 2:1

ኢንቴኖ ዬላይ ባይንዳ ዴሬቶ! ኣኔ ኢሲ ቦላ ሺቂቴ!

ኤርማሳ ቲንቢቴ 14:2

«ዩሁዳ ቢታይ ዬኬስ፤ ካታማቲካ ፖርቁ ጌቴስ፤ ኣሳይ ቢታ ቦላ ኡቲዲ ጬጬስ፤ ዬሩሳላሜፔካ ዋሶይ ሴቴቴስ።