ኤርማሳ ቲንቢቴ 9:23 - ጋሞ ማጻፋ

²³ ጎዳይ፥ «ኣ ኤራንቻይ ባ ኣ ኤራቴን ጬቄቶፎ፤ ዎልቃማይ ባ ዎልቃን ጬቄቶፎ፤ ዎይኮ ዱሬይ ባ ዱሬቴን ጬቄቶፎ።

Geeshsha Maxaafa

²³ GODAY, «Aadho eranchchay ba aadho erateththan ceeqettofo; wolqqamay ba wolqqan ceeqettofo; woykko durey ba dureteththan ceeqettofo.

ኤርማሳ ቲንቢቴ 9:23 Referans Kwoze

ኢሳያሳ ቲንቢቴ 5:21

ባንታና ባርካ፥ «ታኒ ኣ ኤራንቻ! ታኒ ቃራ ጊዲኪና!» ጊ ቆፒዛይታስ ኣዬ ኣና!

ኤራንቻታ ማጻፋ 9:11

ታኒ ሳሎ ጉፋንን ሃራ ሚሽ ቤኣዲስ፤ ዎን ጾኖይ ፒላታታስ ኦላን ጾኖይ ዎልቃማታስ ጊዴና፤ ካ ኣ ኤራንቻታስ፥ ዱሬቴ ኪጳታንቻታስ፥ ሳባይ ኤራንቻታስ ጊዴና፤ ጊዶ ኣቲን ኡባቲካ ዎዴይኔ ቃዳይ ጋዳ ማላ ሃኔቴስ።

ኦሮሜ ኣሳስ 1:22

ኢስቲ ባና፥ «ኤራ» ጊዛይታ ጊዲኮካ ኤያታ ጊዲዳ።

ሂዚቄላ ቲንቢቴ 7:19

ኢስቲ ባንታ ቢራ ኦጌን ኦላና፤ ኢስታ ዎርቃይካ ቱና ማላ ቆዴታና፤ ጎዳ ዎልቃማ ሃንቆ ጋላስ ኢስታ ቢራይኔ ዎርቃይ ኢስታ ኣሼና፤ ኢስታ ቢራይኔ ዎርቃይ ኢስቲ ናጋራን ኩንዳና ማላ ኢስታስ ጴ ጊዲዴስ፤ ቢራይኔ ዎርቃይ ኢስታ ካልሴና፤ ኢስታ ኡሎካ ኩሜና።

ሌሚሶ ማጻፋ 11:4

ሃንቆ ጋላስ ዱሬቴ ጎኤና፤ ጊዶ ኣቲን ጺሎቴ ሃይቆፔ ኣሼስ።

ዳኔላ ቲንቢቴ 4:37

«ሄኮ ቤኢቴ! ታኒ ናቡካዳናጾሬይ ሳሎ ካዎስ ጋላታ፥ ቦንቾኔ ሳባ ሺሻይስ፤ ኢዛ ኦሶ ኡባይ ሊኬ፤ ኢዛ ኦጌይካ ሱሬ፤ ኦቶራንቻታ ኢዚ ካዉሻናስ ዳንዳዬስ» ጊዴስ።

ዬ ማጻፋ 62:10

ቦንቃን ኣማኔቶፍቴ፤ ካይሲ ሺሺዳ ዱሬቴን ሂዶታ ኦፍቴ። ኢንቴስ ዱሬቴ ዳሪኮካ ኢንቴ ዎዚና ኢዛ ቦላ ዎፍቴ።

ዛሬ ማጻፋ 8:17

ሄሳ ጊሻስ፥ «ኑኒ ኑ ዎልቃኒኔ ኑ ሚኖቴን ዱሬቲዶስ» ጊ ቆፖፍቴ።

1ጺምቶሳስ 6:10

ጋሶይካ ሚሻ ሲቆይ ኢታቴ ኡባስ ጻጶ፤ ኢሲ ኢሲ ኣሳቲ ዱሬ ጊዳና ጊዲ ኣሞቲዳ ኣሞፔ ዴንዲዳይሳን ኣማኖ ኦጌፔ ባሌቲዲ ሃራሶ ቢዳኔ ባርካ ባና ዳሮ ሜቶ ጊዶ ጌልዳ።

ማርቆሳ ሚሺራቾ 10:24

ኢዛ ካሊዛይቲካ ኢዛ ሃሳያን ማላሌቲዳ፤ ዬሱሲ ቃሴ ዛሪዲ፥ «ናይቶ! ጾሳ ካዎቴ ጌሎይ ኣይ ማላ ዴጾ ሚሼ!

ሶፎናሳ ቲንቢቴ 1:18

ጎዳ ባሻ ጋላስ ኢስታ ቢራይኔ ዎርቃይ ኢስታ ኣሻናስ ዳንዳዬና። ቢታይ ኩሜ ኢዛ ሃንቆን ያና፤ ኢዛ ዚልኤቴ ሱሌን ቢታ ኡባይ ጹጌታና፤ ቢታ ቦላ ዲዛ ኡባ ቦላ ቆፖንታ ዲሺን ዉርሴ ኤሃና» ጌስ ጎዳይ።

ሂዚቄላ ቲንቢቴ 29:9

ጊብጼይ ላሌቲዳ ቡላ ቢታ ጊዳና። ሄሳፌ ጉዬ ታኒ ጎዳ ጊዲዳይሳ ኢስቲ ኤራና። « ‹ኣባዬ ሻፋይ ታይሳ፤ ታኒ ኢዛ ሜዲስ› ጋዳሳ።

ኢሳያሳ ቲንቢቴ 10:8

ኢዚ፥ ‹ታ ኦላ ጋዳዋቲ ኡባቲ ካዎ ጊዴቴኔ?› ጊ ጬቄቴስ።

ኤራንቻታ ማጻፋ 2:19

ታፔ ጉዬራ ያናይሲ ኢዚ ኣ ኤራንቻ ጊዲን ዎይኮ ኤያ ጊዲን ኦኔ ኤሪዛይ? ኢዚ ኦና ጊዲኮካ ታኒ ኬሃ ዳቡርዳይሳኔ ታ ኣ ኤራቴን ታኒ ዴሚዳ ኡባ ቦላ ጎዳ ጊዳና፤ ሄሲካ ሃዳ።

1ሳሜላ ማጻፋ 17:42

ኢዚ ዳዊቴ ቲሺ ሂስቲ ጼሊሺን ካይሻ፥ ማላ ሎኦኔ ቄሪ ኢሲ ኣይፌ ና ጊዲዳ ጊሻስ ኢዛ ካዴስ።

ዳኔላ ቲንቢቴ 3:15

ሃኢካ ዛዬ፥ ዲንኬ፥ ማሲንቆኔ ዲ፥ ባጋናኔ ሱሱልኤ፥ ዬ ጊሪስ ኡባ ኢንቴ ሲዪዲ ታ ኤሲዳ ሚስሌዛ ሲንን ቢታ ቦላ ጉፋኒዲ ኢንቴ ጎይኒኮ ኢንቴስ ኪያ ጊዳና፤ ኢንቴ ጎይኖንታ ኢጺኮ ሄ ላጪዛ ኢቶኔ ታማን ሄራካ ዬጌታና፤ ኢንቴና ታ ኩሼፔ ኣሻና ጾሲ ኢንቴስ ባይንዳይሳ ኢንቴ ኤሪቴ!» ጊዴስ።

1ቆሮንቶሴ ኣሳስ 1:31

ሄሳ ጊሻስ ካሴ ጌሻ ማጻፋን ጻፌቲዳ ማላ፥ «ጬቄቲዛ ኣሲ ጎዳን ጬቄቶ።»

ፒሊጲሲዮሴ ኣሳስ 3:8

ሄሳፌካ ታ ጎዳ ዬሱስ ኪርስቶሳ ኤሮፔ ኣዛይ ሃራይ ኣይኮይካ ባይንዳይሳ ታ ኣማኒዛ ጊሻስ ኡባካ ጎኣይ ባይንዳ ሚሻ ማላ ቆዳዲስ፤ ታኒ ኢዛ ጊሻስ ጋዳ ኡባካ ኣጋዲስ፤ ታ ኪርስቶሳ ዴማና ጋዳ ኡባ ሚሻካ ዎራ ዎዳ ኢታ ሚሻ ማላ ቆዳዲስ።

ፒሊጲሲዮሴ ኣሳስ 3:10

ኪርስቶሳኔ ኢዚ ሃይቂ ዴንዲዳ ዴን ዎልቃ ታ ኤራና ማላ ኢዛ ዋዬካ ታ ኢዛራ ጊሼታና ማላኔ ሃይቆንካ ታ ኢዛ ሚሳታና ማላ ኣሞታይስ።

ኢዮቤ ማጻፋ 32:13

ኢዮቤ ሃሳያስ ቤሲዛ ዛሮ ኢማናስ ዳንዳይዛይ ጾሳፌ ኣቲን ኣስ ጊዶንታ ጊሻስ ኢንቴ፥ ‹ኑኒ ኣ ኤራቴ ዴሚዶስ› ጊዲ ጮ ሃዳ ጬቄቶፍቴ።

ሌሚሶ ማጻፋ 3:5

ኔኒ ፖሎ ዎዚናን ጎዳን ኣማኔታ፤ ኔኒ ኔ ኣኬካን ዜምፖፋ።

ሌሚሶ ማጻፋ 21:30

ኣሲ ባ ኤራን፥ ኣኬካኒኔ ሃልቾን ጎዳራ ኤቄታናስ ዳንዳዬና።

ኢሳያሳ ቲንቢቴ 20:5

ቶጵያ ሂዶታ ኦዳይቲኔ ጊብጼን ጬቄቲዛይቲ ባባናኔ ካዉያና።

ኢሳያሳ ቲንቢቴ 47:10

ኔኒ ኔ ኢታቴን ኣማኔታዳ፥ ‹ታና ኦኒኔ ቤኤና› ጋዳሳ። ቃሴ፥ ‹ታና፤ ታፔ ኣቲን ሃራይ ዴና ኔ ጊዳ ዎዴ ኔ ኣ ኤራቴይኔ ጪንጫቴ ኔና ባሌዳ› ጋዳሳ።

ኤርማሳ ቲንቢቴ 48:7

ኢንቴ ኦዳ ኦሶኒኔ ኢንቴ ኣቆታን ኢንቴ ኣማኔቲዛ ጊሻስ ኢንቴካ ዲኤታና፤ ካሞሼይካ ባ ቄሴታራኔ ባ ሹሜታራ ዲኤቲ ባና።

ኤርማሳ ቲንቢቴ 49:4

ሃኔ ካዲዳሬ! ኔኒ ኔ ሾባታን ኣይስ ኣማኔታይ? ኔኒ ሎኦ ካ ኢሚዛ ኔ ሾባን ኣይስ ጬቄታይ? ኔኒ ኔ ዱሬቴን ጬቄታዳ፥ ‹ታና ኦኔ ቦቻናይ?› ጋሳ።

ኢዮቤ ማጻፋ 41:15

ኢዛስ ዞኮ ጋልባይ ማራራ ኡቲዳ ጎንዳሌታ ማላ፤ ኣዳፌ ሺዲ ኦይኬቲዳይታ።

ዬ ማጻፋ 33:5

ጎዳይ ጺሎቴኔ ቱማ ፒርዳ ዶሴስ፤ ኢዛ ኪያቴ ሳኣ ኩሚዴስ።

ዬ ማጻፋ 34:3

ኣኔ ታናራ ኢሲፌ ጎዳ ቦንቾስ፤ ኢዛ ሱንካ ቁ ቁ ኦስ።

ዬ ማጻፋ 44:9

ሃኢ ጊዲኮ ኔ ኑና ኣጋዳሳ፤ ቃሴካ ካዉሻዳሳ፤ ኔኒ ኑ ኦላንቻታራ ኢሲፌ ኬዚዛይሳ ኣጋዳሳ።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

ኤርማሳ ቲንቢቴ 48:14

«ኢንቴ፥ ‹ኑኒ ሚኖ ኦላንቻታ› ጋናስ ዋኒ ዳንዳይዴቲ?

ሚኪያሳ ቲንቢቴ 6:8

ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?