ኤርማሳ ቲንቢቴ 8:2 - ጋሞ ማጻፋ

² ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

Geeshsha Maxaafa

² Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ኤርማሳ ቲንቢቴ 8:2 Referans Kwoze

2ካዎታ ማጻፋ 23:5

ዩሁዳ ካታማታኒኔ ዬሩሳላሜ ዩሾን ዲዛ ዙምቡላታ ቦላ ኤጻኔ ጩዋሳና ማላ ካሴ ዩሁዳ ካዎቲ ኤቃ ጾሳታስ ሹሚዳ ቄሴታካ ጎዲዴስ፤ ሄሳካ ባኣሌስ፥ ኣዋ ኣርሼስ፥ ኣጊናስ፥ ኡጬቲ ዲዛ ጾሊንቴታሲኔ ሳሎ ጾሊንቴ ኡባስ ኤጻኔ ጩዋሲዛይታ ዲጊዴስ።

ሃዋሬታ ኦሶ 7:42

«ጊዶ ኣቲን ጾሲ ኢስታስ ዞኮ ዛሪዴስ፤ ኢስቲ ሳሎ ጾሊንቴታስ ጎይናና ማላ ኣ ኢሚዴስ፤ ሄሲካ ናቤታ ማጻፋን፥ « ‹ኢንቴኖ ኢስራኤሌ ናይቶ! ኢንቴ ባዞ ቢታን ኦይዱ ታሙ ላይ ዲዛ ዎዴ ኢንቴፌ ያርሾኔ ሙጹዋታ ታስ ሺሺ ኤሬቲ?

ኤርማሳ ቲንቢቴ 9:22

ሄሳ ጊሻስ ጎዳይ ታና፥ « ‹ኣሳ ኣሃይ ቡራ ማላ ዴምባን ላሌታና፤ ካ ሺሺዛይቲ ጉዬን ኣጊዳ ፑሹሎ ማላ ኣታና፤ ኢስታ ኦኒካ ሺሼና› ጋ» ጊዲ ኣዛዚዴስ።

ዛሬ ማጻፋ 4:19

ቃሴ ሳሎ ፑዴ ጼሊዲ ኢንቴ ጎዳይ ኣሳ ኡባስ ኢሚዳ ኣርሼ፥ ኣጊና፥ ጾሊንቴኔ ሳሎ ሜታ ኡባ ቤኢዲ ኢንቴ ኢስታስ ጎይኒዲ ባሎንታ ማላ ናጌቲቴ።

ሶፎናሳ ቲንቢቴ 1:5

ፎቄ ቦላ ኬዚዲ ሳሎ ሜቴታስ ጎይኒዛይታ፥ ጎዳስ ጎይኒሼኔ ኢዛ ሱንን ጫቂሼ ሲሚ ዎዲ ቃሴ ሚልኮሜ ሱንን ጫቂዛይታ፥

ሂዚቄላ ቲንቢቴ 8:16

ሄሳፌ ጉዬ ኢዚ ታና ጎዳ ኬስ ሶ ባጋ ዛጎ ኤፊዴስ፤ ሄሳን ጾሳ ኬ ፔንጌን ዳራንቻፌኔ ያርሺዛሶሆፔ ጊዶን ናምኡ ታማኔ ኢቻሽ ጊዲዛ ኣቱማሳቲ ዴቴስ፤ ኢስቲ ባንታ ዞኮ ጎዳ ኬኮ፥ ባንታ ኣይፌሶ ኣርሼይ ሞኪዛ ባጋ ዛሪዲ ኣርሼስ ጉፋኒ ጎይኔቴስ።

ኤርማሳ ቲንቢቴ 36:30

ሄሳ ጊሻስ ጎዳይ ዩሁዳ ካዎ ኢዮኣቄሜ ጊሻስ፥ «ዳዊቴ ካዎቴ ኣራታን ኡታናይ ኢዛ ዛሬፔ ቤቴና፤ ኢዛ ኣሃይካ ጋላሳ ኣዋ ሴላሲኔ ኦማርሳ ኬንቾስ ዬጌቲ ኣታና።

ኤርማሳ ቲንቢቴ 22:19

ሃሬይ ሞጌቲዛ ማላ ኢዚ ሞጌታና፤ ኢዛ ኣሃይ ዬሩሳላሜ ፔንጌታፔ ጎሼቲዲ ካሬ ኦሌታና» ጌስ።

ኤርማሳ ቲንቢቴ 19:13

ባንታ ኬ ካራ ቦላ ሳሎ ሜቴታስ ኤጻኔ ጩዋሲዲኔ ኤቃ ጾሳታስ ኡሹ ሺሺዳይቲ ዬሩሳላሜ ኣሳ ኬቲኔ ዩሁዳ ካዎታ ኬቲ ቶፌቴ ማላ ቱናና› ጌስ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ዬ ማጻፋ 83:10

ኢስቲ ኤን-ዶሬ ጌቴቲዛሶን ይዳ፤ ኢስታ ኣሃይ ሞጌቶንታ ቢታ ቦላ ዎቂዴስ።

2ካዎታ ማጻፋ 21:3

ካሴ ኢዛ ኣዋ ሂዝቂያሲ ዙምቡላታ ቦላ ዲዛ ኤቃ ጾሳታ ኬ ላሊዳይሳ ዛሪ ኬጺዴስ፤ ኢስራኤሌ ካዎ ኣካቤይ ኦይሳ ኢዚካ ባኣሌስ ያርሾ ያርሺዛሶ ጊግሲዴስ። ኣሼሪ ሚስሌ ቱስ ኤሲዴስ፤ ሄሳካ ሳሎ ጾሊንቴታስካ ጎይኒዴስ።

ሶፎናሳ ቲንቢቴ 1:17

ኣሳይ ቆቄ ሄሜታና ማላ ኣሳ ቦላ ታኒ ጬጬ ዬዳና፤ ኣሳይ ጎዳ ቦላ ናጋራ ኦዳ ጊሻስ ኢስታ ሱ ዲኦ ማላ ጉካና፤ ኢስታ ኣሃይካ ቡራ ማላ ኦሌታና።

ኤራንቻታ ማጻፋ 6:3

ኢሲ ኣሲ ጼቱ ናይታ ጋካናስ ዬሊ ጪሚዲ ኣዱሳ ላይ ዴኣናዉ ዳንዳዬስ፤ ጊዶ ኣቲን ኢዚ ባ ኣቆታን ኡፋዬቶንታ ኣጊኮኔ ሃይቂዲ ዎጋራ ሞጌቶንታ ኣጊኮ ኢዛፔ ኣዉጫያይ ኪያ።

2ካዎታ ማጻፋ 21:5

ጾሳ ኬ ዛጎ ናምኣታን ሳሎ ጾሊንቴታስ ጎይናናሶሆታ ጊግሲዴስ።

2ካዎታ ማጻፋ 17:16

ጎዳይ ኢስታ ጾሳይ ኢስታ ኣዛዚዳይሳ ኡባ ፖሊቤቴና፤ ማራ ሚስሌ ናምኣታኔ ኣሼሪ ሚስሌ ኦዳ። ሳሎ ጾሊንቴሲኔ ባኣሌስ ጎይኒዳ።

ዛሬ ማጻፋ 17:3

ቃሴካ ታ ኣዛዞ ዬ ኣዲ ሃራ ጾሳታስ ጎይኒኮ ዎይኮ ኣርሼስ፥ ኣጊናሲኔ ጾሊንቴታስ ጎይኒኮ፥

ዬ ማጻፋ 53:5

ጾሲ ባ ኣሳ ሞርኪዛይታ ሜቄ ላላና፤ ኢስቲ ካሴ ዳጋሚ ኤሮንታ ዳጋማ ዳጋማና። ጾሲ ኢስታ ካዳ ጊሻስ ኢስቲ ዬላታና፤

ኤርማሳ ቲንቢቴ 14:16

ቃሴ ኢስቲ ቲንቢቴ ዮቲዳ ዴሬይካ ኮሻኒኔ ኦላ ጋሶን ዬሩሳላሜ ዱቡሻታን ኩንዳና፤ ኢስታስ፥ ኢስታ ማቼታ፥ ኢስታ ኣቱማ ናይታኔ ማጫ ናይታ ኣሃ ሞጊዛይ ያና፤ ታኒ ኢስታ ሞሮ ማላ ኢስታ ቦላ ቂጻቴ ኤሃና» ጊዴስ።

ኤርማሳ ቲንቢቴ 16:11

ሄ ዎዴ ኔኒ ኢስታስ፥ ‹ካሴ ኢንቴ ኣዋቲ ታና ኣጊዳ ጊሻሳ፥ ኢስቲ ኤቃ ጾሳታ ካሊዲ ኢስታስ ኦዳ ጊሻሲኔ ጎይኒዳ ጊሻሳ፤ ታና ኣጊ ባቃቲዲ ታ ዎጋ ናጎንታ ኢጺዳ ጊሻሳ፤

ኤርማሳ ቲንቢቴ 31:40

ኣሃይኔ ቢዲን ዬጌቲዛ ሾባ ኡባይ ኣርሼይ ሞኪዛ ቄዲሮኔ ሾባራ ቢዲ ፓራ ፔንጌ ጋካናስ ዲዛ ቲ ጊዳ ዴምባይ ኡባይ ጎዳስ ዱማቲዳዝ ጊዳና፤ ሄሳፌ ጉዬ ሄ ካታማያ ሾዴቱኩኔ ላሌቱኩ» ጌስ።

ሂዚቄላ ቲንቢቴ 6:5

ታኒ ኢስራኤሌ ኣሳ ኣሃ ኢስታ ኤቃታ ሲንን ኢቺሳና፤ ኢንቴ ሜቄታካ ኢንቴ ያርሺዛሶሆታ ዩሾን ላላና።

ሂዚቄላ ቲንቢቴ 29:5

ኔናኔ ኔ ሻፋታን ዲዛ ሞሌታ ኡባ፥ ታ ባዞ ቢታን ዬጋ ኣጋና፤ ኣይኮይ ባይንዳ ዴምባን ኔ ኩንዳና፤ ኔና ሺሻናይኔ ዴንናይ ዴና፤ ዎራ ዶኣታሲኔ ሳሎ ካፎታስ፥ ኔኒ ቁማ ጊዳና ማላ ታ ኣ ኢማና።

ዬ ማጻፋ 83:11

ኦሬቤ ቦላኔ ዛኤቤ ቦላ ኦዳ ማላ ኢስታ ሃላቃታ ቦላ ኦ፤ ዜባሃኔ ጻልሙና ይሲዳ ማላ ኢስታ ሃሪዛይታካ ኔኒ ይሳ።

ኤርማሳ ቲንቢቴ 9:20

ኢንቴኖ ማጫሳቶ! ጎዳ ቃላ ሲዪቴ! ኢንቴ ሃይይ ኢዛ ዶናፔ ኬዚዛ ቃላ ኤዝጎ። ኢንቴ ማጫ ናይታ ዚላስ ታማርሲቴ፤ ኢሲኒያ ሃንኮሮ ዬሆ ታማርሱ።

ኤርማሳ ቲንቢቴ 9:21

ሃይቆይ ናይታ ኦጌፔ፥ ናቴ ናይታ ዱቡሻፔ ፒቲ ይሲዴስ፤ ኑ ማስኮቴታራ ጌሊዴስ፤ ኑ ቆልኣ ጊዶ ካንዴስ።

ኤርማሳ ቲንቢቴ 16:6

ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና።

ኤርማሳ ቲንቢቴ 25:33

ሄ ዎዴን ጎዳይ ዎዳይታ ኣሃይ ቢታ ጋጻፔ ቢታ ጋጻ ጋካናስ ፖርጩ ጊ ኩንዳና፤ ኢስታስ ዬኬቴና፤ ኢስታ ኣሃይ ሺቄናኔ ሞጌቴና፤ ቢታ ቦላ ቡራ ማላ ኦሌታና።

ሂዚቄላ ቲንቢቴ 39:5

ታኒ ኡባ ሃሪዛ ጎዳይ ዮቲዳ ጊሻስ ኢንቴ ሚሊጺ ጊዳ ዴምባን ኩንዳና።