ኤርማሳ ቲንቢቴ 8:10 - ጋሞ ማጻፋ

¹⁰ ሄሳ ጊሻስ ታኒ ኢስታ ማቼታ ሃራ ኣዚናታስ፥ ኢስታ ቢታታካ ኣላጋታስ ኢማና፤ ጉይካ ጊታይካ ኡባይ ባንታ ጎኣስ ዪቄቴቴስ። ናቤቲኔ ቄሴቲካ ኡባይ ኣስ ባሌቴስ።

Geeshsha Maxaafa

¹⁰ Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

ኤርማሳ ቲንቢቴ 8:10 Referans Kwoze

ሂዚቄላ ቲንቢቴ 33:31

ኡባ ጋላስ ኢስቲ ኦዛ ማላ ታ ዴሬይ ኔኮ ያና፤ ኔ ቃላ ሲያናስ ኢስቲ ኔ ሲንን ኡታና፤ ጊዶ ኣቲን ሲዪዳይሳ ፖሌቴና። ባንታ ሜቴርሻን ዳሮ ሲቆ ቆንጪሴቴስ፤ ጊዶ ኣቲን ኢስታ ዎዚናይ ቤሶንታ ጎኣን ሼምፒዴስ።

Titosas 1:11

ሄይታንታ ጮኡ ሂስቴ ቤሴስ፤ ጋሶይካ ኢስቲ ቤሶንታ ኦጌራ ባስ ጎኣ ዴማናስ ቤሶንታ ቲሚርቴ ታማርሶን ኬ ኣሳ ዉርሲ ሞሮን ዴቴስ።

ሶፎናሳ ቲንቢቴ 1:13

ኢስቲ ሃሪዳ ሃሮይ ቦንቄታና፤ ኢስታ ኬይ ላሌታና፤ ኢስቲ ኬ ኬጻናሺን ባ ኬጺዳ ኬን ዴቴና፤ ዎይኔ ሚ ቶካናሺን ባ ቶኪዳ ዎይኔዛፔ ኦሴቲዳ ኡሻ ኡዬቴና» ጌስ።

ኣሞጼ ቲንቢቴ 5:11

ማንቆታ ኡንኤታ፤ ኢስታ ዎልቃራ ካ ጊሪሴታ፤ ኢንቴስ ማሴቲዳ ሹቻፌ ኬ ኬጺዴታ ሺን ሄ ኬን ዴኬታ። ኣራዳ ቢታን ዎይኔ ሚ ቶኪዴታ ሺን ኢዛፔ ኣጌቲዳ ዎይኔ ኡሹ ኡዬኬታ።

ኢሳያሳ ቲንቢቴ 28:7

ሃይቲ ዎይኔ ኡሹ ኡዪዲ ዪጮቴቴስ፤ ማሲዛ ኡሻን ጋንዲጋሬቴስ። ቄሴቲኔ ናቤቲ ማሲዛ ኡሻን ጋንዲጋርዳ፤ ዎይኔ ኡሻ ጋሶን ዮኦይ ኢስታፌ ባሌቲዴስ፤ ማሲዛ ኡሻን ጋንዲጋርዳ፤ ኣጁታ ሊኬራ ቤኤቴና፤ ፒርዳ ፒርዲሼ ጴቴቴስ።

Titosas 1:7

ዎሳ ኬ ጪማይ ጾሳስ ኦና ሃዳራ ኤኪዳዴ ጊዲዳ ማላ ኢዛ ቦላ ዎሶይ ባይንዳዴ ጊዳናስ ቤሴስ፤ ሄሲካ ጬቄቲዛዴ፥ ጉ ሚሻን ዪሎቲዛዴኔ ማቲዛዴ፥ ኡሻንቻኔ ኢዛስ ቤሶንታ ኦጌራ ጎኣ ጊዲዳዝ ጎዲ ኤኪ ቢዛዴ ጊዳናስ ቤሴና።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ሚኪያሳ ቲንቢቴ 3:5

ጾሲ፥ «ታ ዴሬ ባሌዛ ናቤቲ ኣሲ ኢስታ ሚዚኮ፥ ‹ሳሮቴ ዴስ› ጌቴስ። ሙዞንታ ኣጊኮ ቃሴ፥ ‹ኦላይ ዬስ› ጊ ኣዋጃናስ ዴንዴቴቴስ።

ኤርማሳ ዚላስ 4:13

ሃይሲ ሃኒዳይ ናቤቲኔ ቄሴቲ ኦዳ ናጋራ ጋሶና፤ ቃሴ ኢስቲ ጺሎታ ሱ ጉሲዳ ጊሻሳ።

ኤርማሳ ቲንቢቴ 32:32

ኢስራኤሌ ኣሳይኔ ዩሁዳ ኣሳይ፥ ኢስታ ካዎቲኔ ሹሜቲ፥ ኢስታ ቄሴቲኔ ናቤቲ ኦዳ ኢታ ኦሶ ኡባን ታና ሃንቄዳ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ኢዮቤ ማጻፋ 31:10

ታ ማቻ ሃራ ኣሳስ ጋጩ፤ ቃሴካ ሃራ ኣዴይ ኢዚራ ዚንኦ።

ኢሳያሳ ቲንቢቴ 57:17

ኢዛ ናጋራ ጊሻሲኔ ኢዛ ዪቄቴ ጊሻስ ታ ሃንቄታዲስ፤ ታ ኢዛ ቃጻያዲስ፤ ታ ሲንካ ሃንቆን ኢዛፔ ጌንዲስ፤ ጊዶ ኣቲን ሃኢካ ሲሚዲ ኢዚ ባ ኦጌን ቢዴስ።

ኤርማሳ ቲንቢቴ 14:18

ታኒ ጋጻሬ ቢኮ፥ ማሻን ሃይቂዳይታ ቤኣይስ፤ ካታማ ጌሊኮ ኮሻይ ዉርሲዳይታ ቤኣይስ። ናቤቲኔ ቄሴቲ ባ ኤሮንታ ዴሬ ባቃቲዳ› ጌስ ጎዳይ» ጊዴስ።

ኤርማሳ ቲንቢቴ 17:11

ቤሶንታ ኦጌራ ኣቆታ ዳጋሲዛ ኣሲ ባ ጱቂሶንታ ጪዬ ሃጵዛ ኩራቾ ማላ። ኢዛ ላይይ ቡሮ ባጋቲሺን ኢዚ ኣቆታ ኣጊ ባና፤ ዉርሴን ኢዛ ኤያቴ ቆንጬ ኬዛና።

ኤርማሳ ቲንቢቴ 22:17

ጊዶ ኣቲን ኔ ኣይፌይኔ ኔ ዎዚናይ ሼምፒዳይ ሃ ሄ ሾጬቾን ዴሚዛ ጎኣን፥ ጺሎታ ሱ ጉሶን፥ ኣሳ ኡንኤኒኔ ጌኔ ኦሶና» ጌስ።

ኤርማሳ ቲንቢቴ 38:22

ዩሁዳ ካዎቴ ኬን ኣቲዳ ማጫሳቲ ኡባይ ዲኤቲዲ ባቢሎኔ ሹሜታስ ኣ ኢሜታና፤ ሄ ማጫሳቲ፥ « ‹ኔኒ ኢስታን ኣማኔቲዳ ኔ ሲቆቲ ኔና ባሌዳኔ ጾኒዳ፤ ኔ ቶሆይ ኡርቃን ሚቴቲዴስ፤ ኔ ሲቆቲካ ኔና ዬጊ ቢዳ› ጋና።

ኤርማሳ ቲንቢቴ 42:1

ኦላ ቃራቲ፥ ቃሬሃ ና ዮሃናኔይ፥ ሆሻኢያ ና ኣዛሪያሲኔ ኣሳይ ኡባይ ጉፌ ጊታ ጋካናስ ዪዲ፥

ሚኪያሳ ቲንቢቴ 2:4

ሄ ዎዴ ዴሬይ ኢንቴ ቦላ ሚጪ ካኣና፤ ኢንቴና ቂሼ፥ « ‹ኑ ሙሌራ ይዶስ፤ ታ ዳቦ ጋዴይ ሃራስ ጊሼቲዴስ፤ ታፔ ቦንቂ ኤኪዲ ኑ ቢታ ኑና ጾኒዳይታስ ጊሺዴስ› ጊ ዚላላና» ጊዴስ።

ኢምባቆ ቲንቢቴ 1:6

ባስ ጊዶንታ ኬኔ ዲዛሶ ኦይካናስ ቢታ ኡባ ዎራጂዛ ሼምፖ ኢታታኔ ፒላታታ ባቢሎኔ ዴሬ ኣሳ ታኒ ዴንና።

ኤርማሳ ቲንቢቴ 14:14

ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።