ኤርማሳ ቲንቢቴ 7:33 - ጋሞ ማጻፋ

³³ ሄ ዎዴ ሄ ኣሳታ ኣሃይ ሳሎ ካፎታሲኔ ሳኣ ዶኣታስ ቁማ ጊዳና፤ ኢስታ ባቢሲዲ ጎዲዛ ሚሺ ዴና።

Geeshsha Maxaafa

³³ He wode he asata ahay salo kafotassinne sa7a do7atas quma gidana; istta babisidi gooddiza miishshi deenna.

ኤርማሳ ቲንቢቴ 7:33 Referans Kwoze

ኤርማሳ ቲንቢቴ 12:9

ታ ጺንጾያ ጲርጮቲ ማና ጊዶዳ ካፎ ማላ ጊዳቤኬ? ቢዲ ዎራ ዶኣታ ኡባ ሺሺቴ፤ ኢስቲ ኢዞ ዱ ማና ማላ ጼይጊቴ።

ዛሬ ማጻፋ 28:26

ኔ ኣሃይ ሳሎ ካፎታሲኔ ባዞ ዶኣታስ ቁማ ጊዳና፤ ኢስታ ጎዳና ኣሲካ ዴና።

ሂዚቄላ ቲንቢቴ 39:4

ኔኒ፥ ኔ ኦላንቻቲኔ ኔናራ ዲዛ ካዎቴቲ ኡባይ ኢስራኤሌ ዙማታ ቦላ ኩንዳና፤ ታኒ ኢንቴ ኣሾዛ ፑዚ ሚዛ ኣንኮታሲኔ ዎራ ዶኣታስ ማና ማላ ኣ ኢማና።

ኤርማሳ ቲንቢቴ 34:20

ታኒ ኢስታ ሼምፖ ዎናስ ኮይዛ ኢስታ ሞርኬታ ኩሼን ኣ ኢማና፤ ኢስታ ኣሃይ ሳሎ ካፎታሲኔ ዶኣታስ ቁማ ጊዳና» ጌስ።

ኤርማሳ ቲንቢቴ 25:33

ሄ ዎዴን ጎዳይ ዎዳይታ ኣሃይ ቢታ ጋጻፔ ቢታ ጋጻ ጋካናስ ፖርጩ ጊ ኩንዳና፤ ኢስታስ ዬኬቴና፤ ኢስታ ኣሃይ ሺቄናኔ ሞጌቴና፤ ቢታ ቦላ ቡራ ማላ ኦሌታና።

ኤርማሳ ቲንቢቴ 22:19

ሃሬይ ሞጌቲዛ ማላ ኢዚ ሞጌታና፤ ኢዛ ኣሃይ ዬሩሳላሜ ፔንጌታፔ ጎሼቲዲ ካሬ ኦሌታና» ጌስ።

ኤርማሳ ቲንቢቴ 19:7

« ‹ሃ ሶሆን ዩሁዳ ሃልቾኔ ዬሩሳላሜ ሃልቾ ታ ላላና፤ ኢስቲ ባንታ ሞርኬታ ማሻኒኔ ባንታና ዎናስ ኮይዛይታ ኩሼን ሃይቃና ማላ ታኒ ኦና፤ ኢስታ ኣሃ ሳሎ ካፎታሲኔ ዎራ ዶኣታስ ቁማ ሂስታ ኢማና።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 9:22

ሄሳ ጊሻስ ጎዳይ ታና፥ « ‹ኣሳ ኣሃይ ቡራ ማላ ዴምባን ላሌታና፤ ካ ሺሺዛይቲ ጉዬን ኣጊዳ ፑሹሎ ማላ ኣታና፤ ኢስታ ኦኒካ ሺሼና› ጋ» ጊዲ ኣዛዚዴስ።

ኢሳያሳ ቲንቢቴ 18:6

ኢስቲ ኡባይካ ዙማ ቦላ ዲዲ ባቂ ሚዛ ካፎታሲኔ ባዞ ዶኣታስ ኣታና፤ ካፎቲ ቦኔ ኩሜ ሚሼ ሻጫና፤ ባዞ ዶኣቲ ባልጎ ኡባን ሚሼ ሻጫና።

ኤርማሳ ቲንቢቴ 14:16

ቃሴ ኢስቲ ቲንቢቴ ዮቲዳ ዴሬይካ ኮሻኒኔ ኦላ ጋሶን ዬሩሳላሜ ዱቡሻታን ኩንዳና፤ ኢስታስ፥ ኢስታ ማቼታ፥ ኢስታ ኣቱማ ናይታኔ ማጫ ናይታ ኣሃ ሞጊዛይ ያና፤ ታኒ ኢስታ ሞሮ ማላ ኢስታ ቦላ ቂጻቴ ኤሃና» ጊዴስ።

ኤርማሳ ቲንቢቴ 15:3

«ጎዳይ፥ ‹ታኒ ኦይዱ ቆሞ ባሽ ኢስታ ቦላ ኤሃና፤ ሄይቲካ ኢስታ ዎናስ ማሻ፥ ኢስታ ኣሃ ጎቻናስ ካናታ፥ ኢስታ ኣሾዛ ሚዲ ይሳናስ ሳሎ ካፎታኔ ሳኣ ዶኣታ።

ሂዚቄላ ቲንቢቴ 29:5

ኔናኔ ኔ ሻፋታን ዲዛ ሞሌታ ኡባ፥ ታ ባዞ ቢታን ዬጋ ኣጋና፤ ኣይኮይ ባይንዳ ዴምባን ኔ ኩንዳና፤ ኔና ሺሻናይኔ ዴንናይ ዴና፤ ዎራ ዶኣታሲኔ ሳሎ ካፎታስ፥ ኔኒ ቁማ ጊዳና ማላ ታ ኣ ኢማና።

ዛሬ ማጻፋ 8:20

ጎዳ ኢንቴ ጾሳስ ኢንቴ ኣዛዜቶንታ ኢጺኮ ኢንቴ ጌዴ ሲን ሲን ቢሺን ኢንቴ ሲንን ዲዛ ካዎቴታ ይሲዛይሳ ማላ ኢንቴናካ ቃሊ ይሳና።

ኤርማሳ ቲንቢቴ 9:21

ሃይቆይ ናይታ ኦጌፔ፥ ናቴ ናይታ ዱቡሻፔ ፒቲ ይሲዴስ፤ ኑ ማስኮቴታራ ጌሊዴስ፤ ኑ ቆልኣ ጊዶ ካንዴስ።