ኤርማሳ ቲንቢቴ 7:26 - ጋሞ ማጻፋ

²⁶ ዴሬዚ ጊዲኮ ታ ጊዛዝ ሲዪቤና፤ ዎዚናን ዎ ሲያናስካ ኮዪቤና፤ ኢስቲ ባንታ ሞርጌ ሚንዳኔ ኢስታ ኣዋቲ ኦዳ ኢታ ሚሻፌ ኣዛ ኢታ ሚሽ ኦዳ።

Geeshsha Maxaafa

²⁶ Derezi gidikko ta gizaaz siyibeenna; wozinan woththi siyanaaska koyibeenna; istti bantta morge minththidanne istta aawati ooththida iita miishshafe aadhdhiza iita miish ooththida.

ኤርማሳ ቲንቢቴ 7:26 Referans Kwoze

ኤርማሳ ቲንቢቴ 16:12

ኢንቴ ካሴ ኢንቴ ኣዋታፔካ ኣዳ ኢታ ኦዳ ጊሻሳ፤ ቤኢቴ፤ ኢንቴ ኢሶይ ኢሶይ ኢንቴ ዎዚና ኢታቴ ካሊዴታ፤ ታስካ ኣዛዜቶንታ ኢጺዴታ።

2ታሪኬ ማጻፋ 30:8

ኢንቴ ጎዳስ ኣዛዜቲቴፔ ኣቲን ካሴ ኢንቴ ኣዋታ ማላ ዎዚና ሙሜ ጊዶፒቴ! ኢዚ ሜርናስ ዱማሲዳ ኬ ሃ ዪቴ። ኬሂ ያሺዛ ኢዛ ሃንቆይ ኢንቴፌ ሲማና ማላ ጎዳስ ሃጋዚቴ።

Maatosa 23:32

ሂስቲኮ ኦሴቲዲ ፖሌቶንታ ኦጌ ቦላ ዲዛ ኢንቴ ኣዋታ ኦሶ ፖሊቴ።

ኤርማሳ ቲንቢቴ 19:15

ኡባፌ ዎልቃማ ጎዳ ኢስራኤሌ ጾሳይ፥ ‹ሲዪቴ! ኢስቲ ባንታ ዎዚና ሹቻሲዲ ታ ቃላ ሲዮንታ ኢጺዳ ጊሻስ ታኒ ሃ ካታማ ቦላኔ ኢዛ ማታን ዲዛ ሞታ ኡባ ቦላ ኤሃና ጊዳ ኢታ ሚሽ ኡባ ኢስታ ቦላ ኤሃና ጋይስ› ጌስ» ጊዴስ።

ኤርማሳ ቲንቢቴ 17:23

ኢስቲ ጊዲኮ ሲዪቤቴና፤ ዎዚናንካ ዎቤቴና፤ ኢስቲ ሲዮንታ ማላኔ ሲሞንታ ማላ ባ ዎዚና ሙሚሲዳ።

ኤርማሳ ቲንቢቴ 7:24

ኢስቲ ጊዲኮ ታ ጊዛዝ ሲዪቤቴና፤ ዎዚናን ዎ ሲያናስካ ኮዪቤቴና፤ ኢስቲ ባንታ ኢታ ዎዚና ቆፋ ሚን ካሊዳ፤ ኢስቲ ሲን ቡስ ኣጊዲ ጉዬ ጉዬ ቢዳ።

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

ሃዋሬታ ኦሶ 7:51

«ኢንቴኖ ዎዚና ሙሜቶ! ሃይ ቱሌቶ! ኢንቴካ ኢንቴ ኣዋታ ማላ ኡባ ዎዴ ጺሎ ኣያናራ ኤቄቴታ።

Maatosa 21:38

ጊዶ ኣቲን ጋዳ ጎዪዛይቲ ናዛ ቤኢዳ ማላ፥ ‹ሃይሲ ኢዛ ላታናይሳኮ! ኣኔ ሃ ዪቴ፤ ኢዛ ዎዲ ጋዳ ላቶስ› ጊዳ።

ዳኔላ ቲንቢቴ 9:6

ኑኒ ኑ ካዎታስ፥ ኑና ኣይሲዛይታስ፥ ቤኒ ኑ ኣዋታሲኔ ሄ ቢታይ ቦላ ዲዛ ዴሬ ኡባስ ኔ ሱንን ዮቲዳ ናቤ ጊዲዳ ኔ ኦሳንቻታ ሲዪቤኮ።

ኤርማሳ ቲንቢቴ 44:16

«ኔኒ ጎዳ ሱንን ኑስ ዮቲዛይሳ ኡባ ኑኒ ሲዮኮ።

ኤርማሳ ቲንቢቴ 34:14

‹ባና ኣይሌቴስ ኣ ኢሚዳ ኢንቴ ዳቦ ኢብራዌታ ኡሱፑን ላይ ሃሪዳፔ ጉዬ ላፑን ላይን ላኣ ዬዶ› ጋዳ ጫቄዲስ፤ ጊዶ ኣቲን ኢንቴ ኣዋቲ ታ ጊዛዝ ሲዮንታ ኢጺዲ ባ ሃይ ሃራሶ ዬጊዳ።

ኤርማሳ ቲንቢቴ 29:19

ጋሶይካ ታ ኦሳንቻ ናቤታ ቦላ ታኒ ኢስታስ ዛራ ዛራዳ ኪቲዳ ታ ቃላ ኢስቲ ሲዮንታ ኢጺዳ። ኢንቴካ ዲኤቲ ቢዳይቲ ሲዮንታ ኢጺዴታ› ጌስ።

ኤርማሳ ቲንቢቴ 26:5

ኢንቴ ሲያና ማላ ታ ኦሳንቻታ ዛራ ዛራ ታ ኢንቴኮ ዬዲዳ ናቤታ ቃላ ኢንቴ ሲዮንታ ኢጺኮ፥

ኤርማሳ ቲንቢቴ 25:7

ጎዳይ፥ «ኢንቴ ታና ሲዮንታ ኣጊዳ ጊሻስ ኢንቴ ኩሼይ ኦዳ ሚሽ ኡባን ታና ሃንቄዴታ፤ ሂስቲዲ ኢንቴ ቦላ ኢታ ሚሽ ኤሂዴታ» ጌስ።

ኤርማሳ ቲንቢቴ 25:3

«ዩሁዳ ካዎ ኣሞኔ ና ኢዮሲያሲ ካዎቲዳ ታማኔ ሄን ላይፌ ዶሚዲ ሃች ጋካናስ ናምኡ ታማኔ ሄ ላይ ኩሜ ጎዳ ቃላይ ታኮ ዪዴስ። ሂስቲን ታኒካ ዛራ ዛራዳ ኢንቴስ ዮታዲስ፤ ጊዶ ኣቲን ኢንቴ ሲዮንታ ኢጺዴታ።

ኤርማሳ ቲንቢቴ 11:8

ኢስቲ ጊዲኮ ባ ዎዚና ኢታቴ ካሊዳ ኣቲን ታስ ኣዛዜቲቤቴና፤ ባ ሃይካ ሃ ታኮ ዬጊቤቴና፤ ሄሳ ጊሻስ ኢስቲ ካላና ማላ ታ ኣዛዚዳ ጫቆ ቃላ ፖሎንታ ኣጊዳ ጊሻስ ታ ኢስታ ቦላ ቃንጌ ኤሃዲስ» ጊዴስ።

ኤርማሳ ቲንቢቴ 6:17

ታ ኢንቴና ናጊዛይታ ዎዲስ፤ ‹ዛዬይ ፑኔቲሺን ሲዪቴ› ጋዲስ፤ ኢንቴ ጊዲኮ፥ ‹ኑኒ ሲዮኮ› ጊዴታ።

ኢሳያሳ ቲንቢቴ 48:4

ኔ ኣይ ማላ ሲሞንታ ኣስ ጊዲዳኮ ታ ኤራይስ፤ ኔ ሞርጌ ሻያይ ቢራታ ማላ፥ ኔ ኮንኬይ ጻርቂማላ ሚሳቴስ።

ሌሚሶ ማጻፋ 29:1

ዳሮ ዎዴ ሴሪን ኢጺዲ ባ ሞርጌ ዞዲሲዳ ኣሲ ሃሳኦንታ ሜቃና፤ ሄሳዴስ ፓጼቴካ ዴና።

ናሂሚያ ማጻፋ 9:29

ኔ ቃላኮ ሲማና ማላ ኔኒ ኢስታ ሴራዳሳ፤ ጊዶ ኣቲን ባ ኦቶሮቴፌ ዴንዲዳይሳን ኔ ኣዛዞታ ካዳ፤ ኢስቲ ኣዛዜቲዳኮ ኢስታስ ዴኦ ኢሚዛ ኔ ዎጋታ ቦላ ናጋራ ኦዳ። ኢስታ ዎዚናይ ሙሚዳ ጊሻስ ባ ሲን ሃራሶ ዛሪዳ፤ ቃሴ ባ ዎዚና ሙሚሲዲ ኔ ኣዛዞታ ኢጺዳ።

2ታሪኬ ማጻፋ 33:10

ጎዳይ ሚናሴሲኔ ኢዛ ኣሳስ ሃሳይዴስ፤ ጊዶ ኣቲን ኢስቲ ኢዛ ሃሳያ ሲዮንታ ኢጺዳ።

2ካዎታ ማጻፋ 17:14

ጊዶ ኣቲን ኢስቲ ሲዪቤቴና፤ ኢስቲ ጎዳ ባንታ ጾሳን ኣማኔቶንታ ኢጺዳ ባንታ ኣዋታ ማላ ባ ዎዚና ሙሚሲዳ።

ኢሳያሳ ቲንቢቴ 5:4

ታኒ ታ ዎይኔ ቱራ ሶሆዛሲ ኦዳይሳፌ ሃራ ኣይ ኦናይሲ ኣቲዴ? ኢዚ ሎኦ ኣይፌ ኣይፋና ጋዳ ታ ናጊሺን ኣይስ ጫላ ጳንቂዳ ኣይፌ ኣይፊዴ?

ኤርማሳ ቲንቢቴ 5:3

ኣቤት ጎዳዉ! ኔ ኣይፌቲ ቱማ ጼሌቴኔ? ኔኒ ኢስታ ሾጫዳሳ ሺን ኢስታ ሳኪቤና። ኔኒ ኢስታ ኪንቼሬዳሳ፤ ጊዶ ኣቲን ኢስቲ ሲሚቤቴና፤ ኢስቲ ባንታ ዎዚና ሹቻፌ ኣ ሚንዳ፤ ባንታ ናጋራፔካ ሲሞንታ ኢጺዳ።

ኤርማሳ ቲንቢቴ 6:10

ታኒ ኦናስ ዮቶ? ኦና ሴሮ? ኦኒ ታ ጊዛዝ ሲያኔ? ሄኮ ኢስታ ሃይ ቱሌ ጊዲዳ ጊሻስ ኢስቲ ሲዬቴና፤ ጎዳ ቃላይ ኢስታስ ቂስ ኬዚዴስ፤ ኢስቲ ኢዛን ኡፋዬቴቴና።

ኤርማሳ ቲንቢቴ 35:15

ታስ ኦሳንቻ ጊዲዳ ናቤታ ዛራ ዛራ ኢንቴኮ ኪታዲስ፤ ሂስታዳ፥ ‹ኢንቴ ኡባይካ ኢንቴ ኢታ ኦጌፔ ሃኢ ሲሚቴ፤ ኢንቴ ኦሶካ ሎኤቴ፤ ኤቃ ጾሳታስ ጎይኖፍቴኔ ኦፍቴ። ሂስቲኮ፥ ታኒ ጎዳይ ኢንቴሲኔ ኢንቴ ኣዋታስ ኢሚዳ ቢታን ኢንቴ ዳና› ጋዲስ። ኢንቴ ጊዲኮ ኢንቴ ሃይ ታኮ ዬጊዲ ሲዪቤኬታ።

ኤርማሳ ቲንቢቴ 35:17

ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፤ ታኒ ዩሁዳ ኣሳ ቦላኔ ዬሩሳላሜን ዲዛይታ ኡባ ቦላ ኤሃና ጊዳ ኢታ ሚሽ ታ ኤሃና፤ ጋሶይካ ታ ኢስታስ ዮቲን ሲዪቤቴና፤ ታ ኢስታ ጼይጊን ኢስቲ ታስ ኮዪቤቴና» ጌስ።

ሂዚቄላ ቲንቢቴ 20:30

ሄሳ ጊሻስ፥ «ኡባ ሃሪዛ ጎዳይ ኢስራኤሌ ኣሳስ፥ ‹ኢንቴ ኣዋቲ ኦዳ ማላ ኢንቴኒካ ኢንቴናቴ ቱኒሴቲ? ቱኒዳ ኢስታ ኤቃ ሚስሌታ ኣሞቴን ኣይስ ጹጌቴቲ?

ዛካራሳ ቲንቢቴ 7:11

«ኢስቲ ቃሴ ሲያና ኮዪቤቴና፤ ዞኮ ዛሪዲ ባ ሃይ ቱጪዳ።

ሚልካሳ ቲንቢቴ 3:7

«ኢንቴ ካሴ ኢንቴ ኣዋታ ዎዴፔ ዶሚዲ ታ ኣዛዞታፔ ሃኪዴታ፤ ኢስታካ ናጊቤኬታ፤ ሃ ታኮ ሲሚቴ ታኒካ ኢንቴኮ ሲማና፤ ኢንቴ ጊዲኮ፥ ‹ኑኒ ኔኮ ዋኒ ሲሚኖ?› ጌታ» ጌስ ኡባፌ ዎልቃማ ጎዳ ጾሳይ።

ዛሬ ማጻፋ 8:20

ጎዳ ኢንቴ ጾሳስ ኢንቴ ኣዛዜቶንታ ኢጺኮ ኢንቴ ጌዴ ሲን ሲን ቢሺን ኢንቴ ሲንን ዲዛ ካዎቴታ ይሲዛይሳ ማላ ኢንቴናካ ቃሊ ይሳና።

1ካዎታ ማጻፋ 14:9

ኔፔ ካሴ ሲንን ዲዛይቲ ኡባይ ኦዳ ኢታፔ ኣዛ ኢታ ኔኒ ኦዳሳ፤ ኔኒ ኔስ ቢራታፔ ሴሪሳዳ ኤቃ ጾሳታ ሜዳሳ። ታ ሃንቆ ዴንዳሳ፤ ሂስታዳ ታና ጉዬ ኦላዳሳ።

1ካዎታ ማጻፋ 14:22

ዩሁዳ ኣሳቲ ጎዳ ሲንን ኢታ ሚሽ ኦዳ፤ ባንቲ ኦዳ ናጋራን ኢስቲ ባንታ ኣዋታፔ ኣዲ ጎዳፔ ዴጾ ሃንቆ ባ ቦላ ዴንዳ።

2ካዎታ ማጻፋ 17:15

ኢዛ ማራ፥ ኢዚ ኢስታ ኣዋታራ ጌሊዳ ጫቆ ቃላኔ ኢዚ ኢስታስ ሚን ዮቲዳ ቃላ ካዳ፤ ሃዳ ጊዲዳ ኤቃ ጾሳታ ካሊዳ፤ ባንታስካ ሃዳ ጊዲዳ፤ ጎዳይ ኢስታስ፥ «ኢስቲ ኦዛይሳ ኢንቴ ኦፍቴ» ጊዲ ኣዛዚንካ ኢስቲ ባንታ ዩሾን ዲዛ ካዎቴታ ካሊዳ፤ ኢስቲ ኦንታ ማላ ጎዳይ ዲጊዳይሳ ፖሊዳ ኣቲን ኣጊቤቴና።

2ታሪኬ ማጻፋ 33:23

ጊዶ ኣቲን ኢዛ ኣዋ ሚናሴይ ባናቴ ካዉሺዳ ማላ ኢዚ ባናቴ ጎዳ ሲንን ካዉሺቤና፤ ኣሞኔይ ሞሮ ቦላ ሞሮ ጌዴ ጉጂ ጉጂ ቢዴስ።

ኤርማሳ ቲንቢቴ 3:13

ጊዲኮኔ ኔኒ፥ ‹ጎዳ ኔ ጾሳ ቦላ ማካላቴን፥ ኔ ቦንቾካ ኣላጋ ጾሳታስ ዳሻ ሚታ ጋርሳን ኣ ኢሞኒኔ ታስ ኣዛዜቶንታ ኢጾን ኔኒ ሞራንቻ ጊዲዳይሳ ጻላ ኣማና› ጌስ ጎዳይ» ጊዴስ።

ኤርማሳ ቲንቢቴ 9:13

ጎዳይ፥ «ሃይሲ ሃኒዳይ ኢስታስ ታኒ ኢሚዳ ዎጋ ኢስቲ ኣጊዲ ኣዛዜቶንታ ጊሻሲኔ ታ ማራ ካሎንታ ኣጊዳ ጊሻሳ።

ኤርማሳ ቲንቢቴ 22:21

ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኤርማሳ ቲንቢቴ 32:23

ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።

ሂዚቄላ ቲንቢቴ 12:2

«ሃይሶ ኣሳ ናዉ! ኔኒ ማካላንቻ ዴራ ጊዶን ዳሳ። ኢስቲ ማካላንቻ ጊዲዳ ጊሻስ ኢስታስ ኣይፌይ ዴስ ሺን ዴሜቴና፤ ኢስታስ ሃይ ዴስ ሺን ሲዬቴና።

ሂዚቄላ ቲንቢቴ 12:3

ሄሳ ጊሻስ ኣሳ ናዉ! ኢስቲ ቤኢሺን ጋላስ ኔስ ዲዛ ሚሽ ሺሻ ኤካዳ ጎዴታናስ ጊጌታ፤ ኔ ዲዛሶፔ ዴንዳዳ ሃራሶ ባ። ኢስቲ ማካላንቻ ጊዲኮካ ኣኬካናስ ዳንዳዬቴስ።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።