ኤርማሳ ቲንቢቴ 6:8 - ጋሞ ማጻፋ

⁸ ሃኔ ዬሩሳላሜ ናጌታ፤ ኔ ኣካይ ጊኮ ታ ኔፔ ሻኬታና፤ ቃሴ ኔ ቢታካ ቡላሳና» ጌስ።

Geeshsha Maxaafa

⁸ Hanne Yerusalaame naagetta; ne akkay giikko ta neeppe shaakettana; qasse ne biittaaka bulasana» gees.

ኤርማሳ ቲንቢቴ 6:8 Referans Kwoze

ሆሴኤ ቲንቢቴ 9:12

ና ዬሊዲ ዲቺኮካ ኢስቲ ማና ጋካናስ ታ ኢስታ ዎና። ታ ኢስታፌ ታ ኣይፌሶ ዛሪዳ ዎዴ ኢስታስ ኣዬ ኣና!

ሂዚቄላ ቲንቢቴ 23:18

ኢዛ ቆንጬን ላይማቲዳፔኔ ባ ካሎቴ ቃሪዳ ዎዴ፥ ታኒ ኢዚ ሚቼይፌ ሃራሶ ሼርኢ ጊዳ ማላ ኢዞ ኢጻዳ ኢዚፔ ሼርኢ ጋዲስ።

ኤርማሳ ቲንቢቴ 17:23

ኢስቲ ጊዲኮ ሲዪቤቴና፤ ዎዚናንካ ዎቤቴና፤ ኢስቲ ሲዮንታ ማላኔ ሲሞንታ ማላ ባ ዎዚና ሙሚሲዳ።

ሶፎናሳ ቲንቢቴ 3:7

ታ ሄ ካታማዮ፥ ቱማፔ ኔኒ ታስ ያያና፤ ታ ሴሪሺን ኔ ኤካና ጋዲስ ሺን፤ ሄሳ ጊሻስ ኢዚ ዱሳሶይ ዬና፤ ኢዚ ቦላ ቂጻቴይ ጋኬና። ጊዶ ኣቲን ታ ዴሬይ ኢታ ኦሶን፥ ካሴፔ ጌዴ ሚኒ ሚኒ ቢዴስ» ጌስ።

ኤርማሳ ቲንቢቴ 32:33

ኢስቲ ታስ ባንታ ሲን ኣጊዲ ዞኮ ዛሪዳ፤ ታኒ ኢስታ ዛራ ዛራዳ ታማርሲኮካ ኢስቲ ሲዬቴናኔ ሴራካ ኤኬቴና።

ዬ ማጻፋ 50:17

ኔ ታ ሴራ ኢጻሳ፤ ታ ቃላታካ ካሳ።

ኤርማሳ ቲንቢቴ 31:19

ታ ኔፔ ሃካ ቢዳፔ ጉዬ ሲማዳ ሞታዲስ፤ ታ ኣኬኪዳ ዎዴ ታ ሁኤ ባቃዲስ፤ ታ ዬላጋቴ ካዉሻቴ ቶካዲስ፤ ዬላታዳ ጉጻዲስ› ጊዴስ።

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 7:34

ታኒ ኢሊሲ፥ ኡፋይሳ ጬንጉርሲኔ ሚሺራታ ጬንጉርስ ዩሁዳ ካታማታፔኔ ዬሩሳላሜ ኦጌታፔ ይሳና፤ ቢታያካ ቡላ ጊዳ ኣታና» ጌስ።

ኤርማሳ ቲንቢቴ 7:20

ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ።

ኤርማሳ ቲንቢቴ 4:14

ኔኖ ዬሩሳላሜ! ኔ ኣታና ኮይኮ ኔ ዎዚና ኢታቴ ሜጬታ፤ ኢታ ቆፋይ ኔ ዎዚናን ኣይዴ ጋካናስ ጋምኣኔ?

ኤርማሳ ቲንቢቴ 2:15

ጋሞቲ ኢዛ ቦላን ጻጊዳ፤ ኢስቲ ባንታ ቃላ ቁ ሂስቲዲ ኢዛ ቦላ ጋርማሚዳ፤ ኢስቲ ኢዛ ቢታ ቡላ ኬሲዳ፤ ኢዛ ካታማቲካ ጹጌቲዳኔ ካይዚዳ።

ሌሚሶ ማጻፋ 4:13

ታ ቲሚርቴ ሎኤ ኦይካ፤ ኢዞ ዬዶፋ፤ ኢዛ ኔስ ዴኦ ጊዲዳ ጊሻስ ኢዞ ናጋ።

ዬ ማጻፋ 94:12

ኣቤት ጎዳዉ! ኔኒ ሴሪዛዴይኔ ኔኒ ኔ ዎጋፔ ታማርሲዛ ኣሲ ኣንጄቲዳዴ።

ዬ ማጻፋ 2:10

ሄሳ ጊሻስ ኢንቴኖ ካዎቶ ኣኬኪቴ፤ ሃ ሳኣ ሃሪዛይቶ ኢንቴ ናጌቲቴ!

ዛሬ ማጻፋ 32:29

ኢስቲ ኤራታ ጊዲዳኮ ሃይሳ ኢስቲ ካሴቲዲ ቆፓና፤ ባንታ ዉርሴንካ ሃናናይሳ ዩሺ ቆፓናሺን!

ሌዌታ ማጻፋ 26:34

ኢንቴ ኢንቴ ሞርኬታ ቢታን ዲዛ ዎዴ ኢንቴ ቢታይ ካይስ ጊዲዛ ጊሻስ ሼምፖ ዴማዳ ሳምባታ ላይታን ኡፋዬታና።

ኤርማሳ ቲንቢቴ 7:28

ሄሳ ጊሻስ ኔኒ ኢስታስ፥ ‹ሃይሲ ዴሬዚ ጎዳ ባ ጾሳስ ኣዛዜቶንታኔ ኢዛ ዞሬ ኤኮንታ ዴሬ፤ ቱማይ ዴና፤ ኢስታ ኢንጻርሳፌ ይዴስ።

ሌሚሶ ማጻፋ 19:20

ዞሬ ሲያ፤ ሴራካ ኤካ። ሂስቲኮ ኔኒ ዉርሴን ኣ ኤራንቻ ጊዳና።

ሆሴኤ ቲንቢቴ 2:5

ኢስታ ኣያ ላይማ፤ ካዉሻ ሃኖን ሻራዱስ። ኢዛ ባ ዶናራ፥ ‹ታኒ ታ ላጌታኮ ባይስ፤ ኢስቲ ታስ ካኔ ሃ፥ ሱፌፔኔ ሌኤ ሃሬፔ ዳዴቲዳ ማይኦ፥ ዎጋራ ዛይቴኔ ዎይኔ ኡሹ ኢማና› ጋዱስ።