ኤርማሳ ቲንቢቴ 6:23 - ጋሞ ማጻፋ

²³ ኢስቲ ዎንዳፌኔ ቶራ ኦይኪዳ። ኢስቲ ሜንጼ ኢታታኔ ቃታይ ባይንዳይታ፤ ኢስቲ ባንታ ፓራታ ቶጊዛ ዎዴ ኣባይ ጉሚዛ ማላ ጉሜቴስ። ኢንቴኖ ጺዮኔ ማጫ ናይቶ! ኢስቲ ጊጌቲዲ ኢንቴና ኦላናስ ዬቴስ» ጌስ።

Geeshsha Maxaafa

²³ Istti wondafenne toora oykkida. Istti menxe iitatanne qadhetay bayndayta; istti bantta parata toggiza wode abbay guummiza mala guummeettes. Intteno Xiyoone macca naytoo! Istti giigettidi inttena olanaas yeettes» gees.

ኤርማሳ ቲንቢቴ 6:23 Referans Kwoze

ኢሳያሳ ቲንቢቴ 13:18

ኢስታ ዎንዳፌቲ ዎዳላታ ዉርሳና፤ ቄሪ ናይታካ ማሬቴና፤ ኢስታ ዎዚናይካ ናይታስ ሚሼቴና።

ኤርማሳ ቲንቢቴ 50:42

ኢስቲ ዎንዳፌታኔ ማሻታ ኦይኪዳ፤ ኢስቲ ማሮንታ ሜንጼ ኢታታ፥ ማሮካ ኦቴና፤ ኢስቲ ፓራታ ቶጊሺን ኢስታ ጊሪሳይ ኣባ ዳምባላ ማላ ጉሜስ፤ ሃኔ ባቢሎኔ ማጫ ናዬ! ኦላስ ጊጌቲዳ ኦላንቻታ ማላ ኔ ቦላ ያና።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ኤርማሳ ቲንቢቴ 5:16

ኢስታ ማሻ ኮሆይ ዶያ ዲዛ ዱፎ ማላ፤ ኢስቲ ኡባይካ ዎልቃማ ኦላንቻታ።

ኤርማሳ ቲንቢቴ 4:29

ፓራ ኣሳታኔ ዎንዳፌ ኣሳታ ካቻ ጋሶን ኣሳይ ካታማ ኡባፌ ባቃታና። ባጋይ ዎጺዲ ዎራ ጋርስ ጌላና፤ ባጋይ ቃሴ ዛላ ቦላ ኬዛና፤ ካታማይ ኡባይ ኣሲ ባይንዳ ካይዚ ኣታና።

ኤርማሳ ቲንቢቴ 4:13

ቤኢቴ! ሞርኬይ ሻራ ማላ ቢታ ኩሚዴስ፤ ኢዛ ፓራ-ጋሬቲካ ጎቴ ጫርኮ ማላ ዬቴስ፤ ኢዛ ፓራቲካ ጎሌ ካፎታ ማላ ኤሶቴቴስ፤ ኣዬ ኣና ኑ ያና ጎስ!

ኢሳያሳ ቲንቢቴ 19:4

ቃሴ ሜንጼ ኢታ ኣሳ ኩሼን ታ ጊብጼታ ኣ ኢማና፤ ባቢሲዛ ካዎይ ኢስታ ሃራና» ጌስ ጎዳይ፥ ኡባፌ ዎልቃማ ጾሳይ።

ዛሬ ማጻፋ 28:49

ጎዳይ ኔ ኢስታ ቃላ ኤሮንታ ካዎቴ ሃኮ ዴሬፔ ኔ ቦላ ኤሃና፤ ኢስቲካ ጎሌ ካፎ ማላ ኔ ቦላ ዎና።

ኢሳያሳ ቲንቢቴ 10:32

ኢስቲ ሃች ኖቤ ጋካና፤ ኢስቲ ባንታ ኩሼ ዬሩሳላሜ ዙምቡላ ቦላ፥ ጺዮኔ ማጫ ናይ ዙማ ቦላ ጬቄቴን ማንዳና።

ኢሳያሳ ቲንቢቴ 17:12

ቤኣ፥ ዳሮ ኣሳ ሃንቆ ጊሪሲ ኣባ ዳምባላ ማላ ጊሬስ፤ ቤኣ፥ ኣሳ ዋሶ ዳሮይ ዎልቃማ ሃ ማላ ጉሜስ።

ኤርማሳ ቲንቢቴ 6:4

ኢስቲ ኢሶይ ኢሳ፥ ‹ዬሩሳላሜራ ኦሌታናስ ጊጌቲቴ! ዴንዲቴ! ኣኔ ኑኒ ኢዞ ሴታ ጋላስ ኦሎስ። ጊዶ ኣቲን ኣዬ ኣና! ሳኣይ ቃሜስ፤ ኦማርሳ ኩዋይ ኣዱቂ ኣዱቂ ቤስ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ሂዚቄላ ቲንቢቴ 21:31

ታኒ ታ ሃንቆ ኔ ቦላ ጉሳና፤ ታኒ ታ ሃንቆ ታማ ኔ ቦላ ኤና፤ ኢታቴን ኤሬቲዳ ሜንጼ ኢታ ኣሳታስ ታ ኔና ኣ ኢማና።

ኤርማሳ ቲንቢቴ 4:16

«ካዎቴታስ ዮቲቴ፤ ዬሩሳላሜስካ፥ ‹ዶዲ ኡንኤዛይቲ ሃሆ ቢታፌ ያና፤ ዩሁዳ ካታማታ ቦላካ ጬቄታና፤

ኤርማሳ ቲንቢቴ 8:16

ሞርኬታ ፓራ ፔኖይ ዳኔ ካታማፔ ሲዬቴስ፤ ኢስታ ዎዳላ ፓራታ ጫሻን ቢታይ ኡባይ ቃጼስ፤ ቢታዮኔ ቢታይ ቦላ ዲዛ ኡባ፥ ካታማዮኔ ኢዚን ዲዛ ኡባ ሚታናስ ዪዳ» ጌቴስ።

ኤርማሳ ቲንቢቴ 25:32

ጎዳይ ኡባፌ ዎልቃማ ጾሳይ፥ «ቤኣ፥ ኢታ ሚሺ ካዎቴፌ ካዎቴ ኣኪ ኣኪ ቢዴስ፤ ሳኣ ጋጻፔ ዎልቃማ ጎቴ ጫርኮይ ዴንዲዴስ» ጌስ።

ኤርማሳ ቲንቢቴ 50:41

«ቤኢቴ! ፑዴሃ ባጋፌ ኣሳይ ዬ ቦላ ዴስ፤ ኢሲ ዎልቃማ ካዎቴኔ ዳሮ ካዎቲ ሳኣ ጋጻፔ ዴንዲዳ።