ኤርማሳ ቲንቢቴ 6:14 - ጋሞ ማጻፋ

¹⁴ ኢስቲ ታ ዴራ ማዱን ቄሪ ሚሻ ማላ ጼሊዳ፤ ፓጻና ማላ ኮሺዛ ኦሶ ኦቤቴና፤ ሳሮይ ባይንዳ፥ ‹ሳሮ፤ ሳሮ› ጌቴስ።

Geeshsha Maxaafa

¹⁴ Istti ta deraa madunththaa qeeri miishsha mala xeellida; paxana mala koshshiza ooso ooththibeettenna; Saroy baynda, ‹Saro; saro› geettes.

ኤርማሳ ቲንቢቴ 6:14 Referans Kwoze

ሂዚቄላ ቲንቢቴ 13:10

«ሳሮይ ባይንዳ ዲሺን፥ ‹ሳሮይ ዴስ› ጊሼ ታ ዴራ ባሌቴስ፤ ቃሴ ዴሬዚ ሹች ኬሊሺን ኢስቲ ኣኖን ሜሼቴስ።

ኤርማሳ ቲንቢቴ 23:17

ታና ካዛይታ ኢስታስ፥ ‹ጎዳይ ኢንቴስ ሳሮ ጊዳና ጊዴስ› ጌቴስ፤ ባንታ ዎዚና ሙሜቴ ካሊዛይታ ኡባ ኢስታስ፥ ‹ኢታ ሚሺ ኢንቴና ጋኬና› ጌቴስ።

ኤርማሳ ቲንቢቴ 4:10

ሂስቲን ታኒ፥ «ኣቤት ኡባ ሃሪዛ ጎዳዉ! ማሻይ ኢስታ ቆን ዎን፥ ‹ኢንቴስ ሳኣይ ሳሮ ጊዳና› ጋዳ ሃ ኣሳኔ ዬሩሳላሜ ኣይስ ኬሃ ባሌዲ?» ጋዲስ።

ኤርማሳ ዚላስ 2:14

ኔ ናቤታ ኣጁታይ ዎርዶኔ ጮ ሃዳ፤ ኔ ናጋራ ቆንጪሲዲ ኔና ዲኤቴፌ ኣሼቴና፤ ኢስቲ ኔስ ዮቲዛ ቲንቢቴይ ባሌዛዚኔ ኦጌፔ ካሬ ኬሲዛዛ።

ኤርማሳ ቲንቢቴ 14:13

ሂስቲን ታኒ፥ «ኣቤት ኡባፌ ዎልቃማ ጎዳዉ! ኣዬ ኣና! ናቤቲ ኢስታስ፥ ‹ኢንቴ ኦላ ቤኤኬታ ዎይኮ ኮሻይ ኢንቴና ዴሜና፤ ታኒ ኢንቴስ ዉርሴ ጋካናስ ሳሮቴ ኢማና› ጌቴስ» ጋዲስ።

2ጴጽሮሳ ኪታ 2:1

ጊዶ ኣቲን ቤኒ ዎዴ ዎርዶ ናቤቲ ዴሬ ጊዶን ዲዛይሳ ማላ ሄሳካ ሃኢ ኢንቴ ጊዶን ዎርዶ ኣስታማሬቲ ዴኣንዴቴስ፤ ሄይታንቲ ኣሳ ይሲዛ ዎርዶ ቲሚርቴ ቆታራ ዲጫና ማላ ኦቴስ፤ ባና ኣሺዳ ጎዳካ ካዲዲ ባና ኤሶን ይሲዛዝ ባ ቦላ ኤሄቴስ።

ኢሳያሳ ቲንቢቴ 30:26

ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ሂዚቄላ ቲንቢቴ 13:22

ታኒ ቆሆንታ ጺሎዛ ኢንቴ ዎርዶራ ጬጪሲዳ ጊሻስ፥ ናጋራንቻይ ባ ኢታ ኦጌፔ ሲሚዲ ባ ሼምፖ ኣሾንታ ማላ ኢንቴ ኢዛ ኢዛ ናጋራን ሚንዴታ።

ኤርማሳ ቲንቢቴ 14:17

ሃ ቃላ ኢስታስ፥ « ‹ታ ዴሬይ ኬሂ ዴሼቲዲ ማዱንጺዳ ጊሻስ፥ ታ ኣይፌቲ ኦማርሲኔ ጋላስ ሼምፖንታ ኣፉንጼቴስ።

ኤርማሳ ቲንቢቴ 5:12

ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

ኤርማሳ ቲንቢቴ 28:3

ባቢሎኔ ካዎ ናቡካዳናጾሬይ ጎዳ ኬፌ ዲኢ ኤኪዲ ኤፊዳ ሚሻታ ኡባ ታኒ ናምኡ ላይ ጊዶን ዛራዳ ሃ ሶሆ ኤሃና።

ኢሳያሳ ቲንቢቴ 1:6

ሄሳ ጋሶን ሂርኪ ቶሆ ጹጉንፌ ቢዲ ሁኤ ኢስኬ ጋካናስ ፓጻቴ ኢንቴስ ባዋ። ማዱን፥ ኪጻኔ ኡዛስ ጻላ ጊዲዴስ። ሄ ማዱንይ ሜጬቲቤና፤ ቃሼቲቤና፤ ዛይቴንካ ሹጊቤና።

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

2ሳሜላ ማጻፋ 17:3

ዴራ ኡባ ኔኮ ዛራና፤ ኔኒ ኮይዛይ ኢሲ ኣሳ ሃይቆ ጋሶን ኡባ ዴራ ኔኮ ዛራና ማላ ኦና፤ ሄሳፌ ጉዬ ዴሬይ ሳሮን ዳና» ጊዴስ።

ኢሳያሳ ቲንቢቴ 30:10

ኣጁታ ቤኢዛይታ፥ «ሃይሳፌ ጉዬ ኣጁታ ቤኦፒቴ» ጋና፤ ናቤታ፥ «ሃይሳፌ ጉዬ ኑስ ቱማ ቲንቢቴ ዮቶፒቴ፤ ኑና ኡፋይሲዛዚኔ ሚቺዛዝ ዮቲቴ።

ሂዚቄላ ቲንቢቴ 13:16

ዬሩሳላሜስ ቲንቢቴ ዮቲዳይቲኔ ሳሮይ ባይንዳ ዲሺን ሳሮቴ ኣጁታ ኢዚስ ቤኢዳ ኢስራኤሌ ናቤቲ ይዳ› ጋይስ።

ሂዚቄላ ቲንቢቴ 14:9

« ‹ናቤዛ ቲንቢቴ ዮታና ማላ ባሌኮ፥ ሄ ናቤዛ ባሌዳይ ታና ጎዳ፤ ታኒ ታ ቄሴ ኢዛ ቦላ ዴንዳ ታ ዴሬ ኢስራኤሌ ጊዶፌ ኢዛ ይሳና።

ሚኪያሳ ቲንቢቴ 3:5

ጾሲ፥ «ታ ዴሬ ባሌዛ ናቤቲ ኣሲ ኢስታ ሚዚኮ፥ ‹ሳሮቴ ዴስ› ጌቴስ። ሙዞንታ ኣጊኮ ቃሴ፥ ‹ኦላይ ዬስ› ጊ ኣዋጃናስ ዴንዴቴቴስ።