ኤርማሳ ቲንቢቴ 51:37 - ጋሞ ማጻፋ

³⁷ ባቢሎኔይ ላሌ ዶሬቲዛሶ ጊዳና፤ ዎራካናቲ ካኢዛሶ ጊዳና፤ ዳጋማሲኔ ቂስ ማላታ ጊዳና፤ ኦኒካ ኢዚን ዴና።

Geeshsha Maxaafa

³⁷ Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.

ኤርማሳ ቲንቢቴ 51:37 Referans Kwoze

ዮሃኒሳ ኣጁታ 18:2

ኢዚ ቃ ቃላን፥ «ጊታ ባቢሎና ኩንዳዱስ! ኩንዳዱስ! ኩንዳዱስ! ዳይዳን ዱሳሶ ጊዳዱስ! ቱና ኣያናታስ ኣቆሶ ጊዳዱስ! ሃራሲዛ ኢታ ካፎታስ ሼምፖሶ፥ ኢታኔ ሃራሲዛ ዶኣታስካ ኣቆሶ ጊዳዱስ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 18:16

ኢስታ ቢታይ ቡላኔ ሜርናስ ካቲዳዝ ጊዳና፤ ሄራ ኣዛ ኡባይ ማላሌታና፤ ባ ሁኤካ ቂሼ ቃና።

ሶፎናሳ ቲንቢቴ 2:15

ካሴ ኡፋይሳን ዲዛ ካታማያ ሃኖ፤ ኢዛካ ባ ዎዚናን፥ «ታ ጻላ ዳይስ፤ ታፔ ሃራይ ኦኒካ ዴና» ጊዳራ ሂስቲን ሃኢ ዋናዳ ዎራ ዶኣቲ ጉሪዛሶ ባዞ ቢታ ጊዳ ኣታዴ? ኢዚ ኣቻራ ኣ ቢዛ ኡባይ ኢዞ ቂሼ ባ ኩሼ ዉጼስ።

ኤርማሳ ቲንቢቴ 29:18

ታኒ ኢስታ ማሻን፥ ኮሻኒኔ ኢታ ሃርጌን ዬዴና፤ ሂስታዳ ታኒ ኢስታ ሳኣ ካዎቴታ ኡባ ሲንን ካሲኔ ቂስ ኬሳና፤ ቃሴ ታኒ ኢስታ ዬዴ ዬዲዳ ዴራ ጊዶን ቃንጌሲኔ ዳጋማስ፥ ቦሬሲኔ ካስ ማላታ ጊዳና።

ኤርማሳ ቲንቢቴ 25:18

ሃች ሃኒዳይሳ ማላ ኢስቲ ቡላ፥ ኣሲ ሃራሴቲዛይታ፥ ካዛይታኔ ቃንጌቲዳይታ ጊዳና ማላ ዬሩሳላሜኔ ዩሁዳ ካታማ ኣሳታ፥ ኢስታ ካዎታኔ ኢስታ ሹሜታ ኡባ፥

ኤርማሳ ቲንቢቴ 25:12

«ላፑን ታሙ ላይይ ፖሌቲዳፔ ጉዬ ባቢሎኔ ካዎ፥ ኢዛ ዴራኔ ኢዛ ቢታ ሞሮ ጊሻስ ታኒ ቃጻያና፤ ኢስታ ቢታካ ሜርናስ ቡላ ኦና።

ኤርማሳ ቲንቢቴ 19:8

ታኒ ሃ ካታማዮ ሙሌራ ይሳና፤ ሚቻስካ ኬሳና፤ ኢዚ ማታራ ኣዛ ኣሳይ ኡባይ ሃኖ ፓላ! ጊ ቂ ካኣና።

ኢሳያሳ ቲንቢቴ 14:23

ታኒ ባቢሎኔ ቁጻርሳ ኣቆሶኔ ጫሬ ኬሳና፤ ባሻ ፔይጻን ታኒ ኢዞ ፒታ ይሳና» ጌስ።

2ታሪኬ ማጻፋ 29:8

ሄሳ ጊሻስ ጎዳ ሃንቆይ ዩሁዳ ቦላኔ ዬሩሳላሜ ቦላ ዎዴስ፤ ኢንቴ ኢንቴ ኣይፌን ቤኢዳይሳ ጎዳይ ኢስታ ዳጋማስ፥ ሚቻሲኔ ቂስ ኣ ኢሚዴስ።

ሚኪያሳ ቲንቢቴ 6:16

ካዎ ኦሚሬ ዎጋኔ ካዎ ኣካቤ ኬ ዎጋ ኔ ኡባ ሺሻ ኦይካዳሳ፤ ኔካ ኢስታ ሃይሲኤ ካላዳሳ። ሄሳ ጊሻስ ኔና ይሳስ፥ ኔ ዴሬዛካ ታኒ ቂስ ኣ ኢማና፤ ዴሬይ ኔ ቦላ ቂ ካኣና።

ኤርማሳ ቲንቢቴ 51:29

ባቢሎኔ ኦኒካ ዶንታ ባዞ ቢታ ሂስታናስ ጎዳይ ቆፒዳ ቆፋይ ፖሌታና ዎዴይ ጋኪዳ ጊሻስ ቢታይ ኮኮሬስ፤ ሜቶንካ ፖፖርቁ ጌስ።

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 49:17

ጎዳይ፥ «ኤዶሜይ ዳጋማስ ማላታ ጊዳና፤ ሄራ ኣዛ ኣስ ኡባይ ኢዚ ቦላ ጋኪዳ ባሽ ቤኢዲ ማላሌቲሼ ቂና።

ኤርማሳ ቲንቢቴ 49:33

«ሃጾሬይ ዎራካናታ ዱሳሶ ጊዳና፤ ሜርናስ ቡላ ጊዳና፤ ኦኒካ ሄን ዴኤና፤ ኣይ ኣሲካ ኢዚን ኡቴና» ጌስ።

ናሆሜ ቲንቢቴ 3:6

ታኒ ኔ ቦላ ቡራ ኦላና፤ ታ ኔና ካና፤ ቂስካ ኣ ኢማና።