ኤርማሳ ቲንቢቴ 51:28 - ጋሞ ማጻፋ

²⁸ ሜዶኔ ካዎታ፥ ኢዞ ኣይሲዛይታኔ ኢዚ ሹሜታ ኡባ፥ ኢስቲ ሃሪዛሶን ዲዛ ካዎቴታ ኡባ ኢዚ ቦላ ኦላስ ጊግሲቴ።

Geeshsha Maxaafa

²⁸ Meedoone kawota, izo ayssizaytanne izi shuumeta ubbaa, istti haarizason diza kawoteththata ubbaa izi bolla olas giigsite.

ኤርማሳ ቲንቢቴ 51:28 Referans Kwoze

ኤርማሳ ቲንቢቴ 51:11

«ቶራታ ሌፍቴ፤ ጎንዳሌታካ ጊግሲቴ፤ ጎዳይ ባቢሎኔ ይሳና ቆፒዳ ጊሻስ ሜዶኔ ካዎታ ዴንዴስ፤ ጎዳይ ሃሎ ኬሳና፤ ባ ኬ ጊሻስ ሃሎ ኬሳና።

ዳኔላ ቲንቢቴ 9:1

ሜዶኔ ዴሬ ኣስ ኣርጼኪሲሴ ና ዳሪዮሲ ባቢሎኔን ካዎቲዴስ።

ዳኔላ ቲንቢቴ 8:20

ኔ ቤኢዳ ናምኡ ካጬራ ዲዛ ርሾዚ ሜዶኔኔ ፓሪሴ ካዎቴታ ቤሴስ።

ዳኔላ ቲንቢቴ 6:8

ሄሳ ጊሻስ ካዎ! ሃይሲ ኣዋጃዚ ሜዶኔኔ ፓሪሴ ዎጋ ማላ ላሜቶንታ ሚኖ ጊዳና ማላ ኔኒ ኢዛ ቦላ ኔ ፒሪማ ዎ» ጊዳ።

ኤርማሳ ቲንቢቴ 51:27

«ቢታ ኡባ ቦላ ባንዲራ ዴንቴ፤ ካዎቴታ ጊዶን ዛዬ ፑኒቴ፤ ካዎቴታ ኢዚ ቦላ ኦላስ ጊግሲቴ፤ ኣራራቴ፥ ሚናኔኔ ኣሽኬናዜ ካዎታ ኦላስ ኢዚ ቦላ ጼይጊ ሺሺቴ፤ ኦላ ጋዳዋ ኢዚ ቦላ ሹሚቴ፤ ቦሌ ዉዴ ማላ ፓራታ ኢዚ ቦላ ዬዲቴ።

ኤርማሳ ቲንቢቴ 25:25

ዚሚሬ፥ ኤላሜኔ ሜዶኔ ካዎታ ኡባ ኡሻዲስ።

ኢሳያሳ ቲንቢቴ 21:2

ያሺዛ ኣጁታ ታ ቤኣዲስ፤ ኣ ኢሚዛይሲ ኣ ኢሜስ፤ ዲኢዛይሲ ዲኤስ። ኤላሜ ዴንዳ! ሜዶኔ ጊዶ! ኢዛ ጋዳ ዋዬ ኡባ ታ ኤሳና።

ኢሳያሳ ቲንቢቴ 13:17

ቤኢቴ፥ ቢራስ ዉዱ ጎንታይታ፥ ዎርቃንካ ኡፋዬቶንታይታ ሜዶኔ ዴሬ ኣሳ ታ ኢስታ ቦላ ዴንና።

ኣስቴሪ ማጻፋ 10:2

ኢዚ ኦዳ ጊታኔ ዎልቃማ ኦሶቲ ኡባይ ቃሴ ማርዲኪዮሳካ ዎስቲ ቁ ሂስቲ ቦንቺዳኮ ቆንጪሲዛ ታሪኬይ ሜዶኔኔ ፓሪሴ ካዎታ ታሪኬ ማጻፋን ጻፌቲዴስ።

ኣስቴሪ ማጻፋ 1:3

ኢዚ ካዎቲዳ ሄን ላይን፥ ባ ሞኮኔታሲኔ ሹሜታ ኡባስ ጊታ ጊቢራ ጊግሲዴስ። ሄ ጊቢራሶን ሜዶኔኔ ፓሪሴ ዴሬ ኦላ ጋዳዋቲ፥ ዳናቲኔ ኣዉራጃ ሞኮኔቲ ቤቲዳ።

1ታሪኬ ማጻፋ 1:5

ያፌቴይ፥ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ ጌቴቲዛ ኣቱማ ናይታ ዬሊዴስ።

ሜቴ ማጻፋ 10:2

ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ

ኤርማሳ ቲንቢቴ 25:14

ባቢሎኔ ዴሬይ ዳሮ ካዎቴታሲኔ ጊታ ካዎታስ ኣይሌ ጊዳና፤ ኢስታ ኩሼ ኦሶ ማላ ታ ኢስታስ ቃንጻና» ጌስ።

ኤርማሳ ቲንቢቴ 50:41

«ቤኢቴ! ፑዴሃ ባጋፌ ኣሳይ ዬ ቦላ ዴስ፤ ኢሲ ዎልቃማ ካዎቴኔ ዳሮ ካዎቲ ሳኣ ጋጻፔ ዴንዲዳ።

ኤርማሳ ቲንቢቴ 51:29

ባቢሎኔ ኦኒካ ዶንታ ባዞ ቢታ ሂስታናስ ጎዳይ ቆፒዳ ቆፋይ ፖሌታና ዎዴይ ጋኪዳ ጊሻስ ቢታይ ኮኮሬስ፤ ሜቶንካ ፖፖርቁ ጌስ።

ዳኔላ ቲንቢቴ 6:1

ካዎ ዳሪዮሲ ባ ካዎቴ ኡባ ጊዶን ባፔ ጋርሳራ ቢታ ሃሪዛ 120 ዳናታ ሹማናስ ኮዪዴስ።