ኤርማሳ ቲንቢቴ 50:15 - ጋሞ ማጻፋ

¹⁵ ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

Geeshsha Maxaafa

¹⁵ Ubbaa baggarakka izi bolla maggulite! Iza inttes kushe immana; izi miixatinne gimbetti laalettana; hayssi GODAY halo kessiza oge gidida gishshas intte izi bolla halo kessite; iza harata bolla ooththida mala intte izi bolla ooththite.

ኤርማሳ ቲንቢቴ 50:15 Referans Kwoze

ኤርማሳ ቲንቢቴ 51:58

ጎዳይ ኡባፌ ዎልቃማ ጾሳይ፥ «ጉባይ ዳልጋ ጊዲዳ ባቢሎኔ ጊምቤቲ ላሌታና፤ ቁ ጊዳ ኢዚ ፔንጌቲካ ታማን ጹጌታና፤ ኣሳይ ሃዳ ዳቡሬስ፤ ካዎቴታ ዳቡራይ ታማስ ጻላ ጊዳና» ጌስ።

ዮሃኒሳ ኣጁታ 18:6

ኢዛ ኢሚዳሪ ጊና ኢዚስ ኩሼ ዛሪቴ፤ ኢዚ ኦሶ ጊሻስ ኢዚስ ናምኡ ኩሼ ጪጊቴ፤ ኢዚስ ናምኡ ኩሼ ኢዚይሳፌ ኣ ዋላኪቴ።

ኤርማሳ ቲንቢቴ 51:6

«ባቢሎኔፔ ባቃቲ ኬዚቴ! ኤሌሊዲ ኢንቴ ሼምፖ ኣሺቴ፤ ኢዚ ናጋራ ጋሶን ዮፒቴ፤ ሃይሲ ጎዳይ ሃሎ ኬሲዛ ዎዴ ኢዚ ኦሶ ማላ ኢዚስ ኢማና።

ኤርማሳ ቲንቢቴ 46:10

ሄ ጋላሳይ ጎዳ ኡባፌ ዎልቃማ ጾሳ ጋላሳ፤ ኢዚ ባ ሞርኬታ ቦላ ሃሎ ኬሲዛ ጋላሳ፤ ማሻይ ካላና ጋካናስ ማና፤ ሳሞ ኣላና ጋካናስካ ሱ ኡያና፤ ጎዳይ ኡባፌ ዎልቃማ ጾሳይ ፑዴሃ ባጋን ኤፊራጺሴ ሻፋ ማታን ኢስታስ ያርሾ ጊግሲ ዎዴስ።

ኤርማሳ ዚላስ 5:6

ኑኒ ካ ካላናስ ጊዲ ኣሶሬ ኣሳታሲኔ ጊብጼስ ኩሼ ኢሚዶስ።

ኤርማሳ ቲንቢቴ 51:44

ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 51:14

ጎዳይ ኡባፌ ዎልቃማ ጾሳይ፥ «ቦሌይ ቢታ ኩሚዛ ማላ ዳሮ ኣስ ታ ኔ ቦላ ዬዳና፤ ሄይቲ ኔና ጾኒዳ ኡፋይሳፌ ዴንዲዳይሳን ኔ ቦላ ጬቄታና» ጊዲ ባ ሱንን ጫቂዴስ።

ኤርማሳ ቲንቢቴ 51:11

«ቶራታ ሌፍቴ፤ ጎንዳሌታካ ጊግሲቴ፤ ጎዳይ ባቢሎኔ ይሳና ቆፒዳ ጊሻስ ሜዶኔ ካዎታ ዴንዴስ፤ ጎዳይ ሃሎ ኬሳና፤ ባ ኬ ጊሻስ ሃሎ ኬሳና።

2ታሪኬ ማጻፋ 30:8

ኢንቴ ጎዳስ ኣዛዜቲቴፔ ኣቲን ካሴ ኢንቴ ኣዋታ ማላ ዎዚና ሙሜ ጊዶፒቴ! ኢዚ ሜርናስ ዱማሲዳ ኬ ሃ ዪቴ። ኬሂ ያሺዛ ኢዛ ሃንቆይ ኢንቴፌ ሲማና ማላ ጎዳስ ሃጋዚቴ።

1ታሪኬ ማጻፋ 29:24

ኦላ ጋዳዋቲ፥ ኤሬቲዳ ሚኖ ኣሳቲኔ ካዎ ዳዊቴ ናይቲ ካዎ ሶሎሞኔስ ኣዛዜታናስ ቃላ ጌሊዳ።

ዮሃኒሳ ኣጁታ 19:2

ኢዛ ፒርዳይ ቱማኔ ኣዳ፤ ኢዛ ቢታ ባ ላይማቴን ቱኒሲዳ ዎጋ ጊታ ላይማዮ ኢዚ ባ ፒርዳን ቃጻይዴስ፤ ኢዞ ቃጻይዲ ባ ኦሳንቻታ ሱ ሃሎ ኬሲዴስ» ጊሺን ታ ሲያዲስ።

ዮሃኒሳ ኣጁታ 16:6

ኣሳይ ካሴ ኣማኒዛይታ ሱኔ ናቤታ ሱ ጉሲዳ ጊሻስ ኔ ኢስታ ሱ ኡሻዳሳ፤ ሄሲካ ኢስታስ ቤሴስ»

ያቆቤ ኪታ 2:13

ጋሶይካ ማሮንታይ ዉሪካ ማሮይ ባይንዳ ፒርዴታና፤ ማሮይ ፒርዳ ጾኔስ።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

ኦሮሜ ኣሳስ 12:19

ታ ሲቆቶ! ኢንቴ ሃሎ ጾሲ ኬሶ ኣቲን ኢንቴርካ ሃሎ ኬሶፍቴ። «ሃሎ ኬሳናይ ታና ጌስ ጎዳይ» ጌቴቲ ጌሻ ማጻፋን ጻፌቲዴስ።

ኦሮሜ ኣሳስ 3:5

ኑ ማካላ ኦሶይ ጾሳ ጺሎቴ ቆንጬን ቤሲዛይሳ ጊዲኮ ሂስቲን ኑ ኣይ ጋኔ? ጮ ኣሳ ዎጋ ማላ ፓላሜታናስ ጾሲ ባ ሃንቆ ኑ ቦላ ኤሂዛይሲ ኑስ ቤሴና ጋኔዬ? ሄሳካ ታ ጊዛይ ኣሳ ቆፋና።

ሉቃሳ ሚሺራቾ 21:22

ጻፌቲዳይሲ ዉሪ ፖሌታናስ ሃና ሃሎ ኬሲዛ ዎዴ።

Maatosa 7:2

ኢንቴ ፒርዲዳ ማላ ኢንቴ ቦላካ ፒርዴታና። ኢንቴ ማኪዳ ሚሻራ ኢንቴስ ማኬታና።

ናሆሜ ቲንቢቴ 1:2

ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

ሂዚቄላ ቲንቢቴ 21:22

ኢዚ ቢዲ ጊምቤ ፔንጌ ላሊዛ ዱሩማታ ኤሃና ማላ፥ ዎናስ ኣዛዛና ማላ፥ ጬቄቴ ሲሳና ማላ፥ ጊምቤ ፔንጌዛ ላሊዛ ዱሩማታ ካታማታ ፔንጌን ኤሳና ማላ፥ ቢታ ሺሺ ዶራና ማላኔ ሚጻታ ጊጊሳና ማላ ዬሩሳላሜ ሳማይ ኢዛስ ኡሻቻ ኩሼን ኬዚዴስ።

ሂዚቄላ ቲንቢቴ 17:18

ካሴ ኢዚ ጫቂዳ ጫቆዛ ካዲኔ ካሴ ባ ጌሊዳ ቃላ ላሊዲ ባ ኩሼ ኢሚዳፔ ጉዬ ሃይታንታ ኡባ ኦዳ ጊሻስ ቃጻዬቶንታ ኣቴና› ጌስ።

ኤርማሳ ቲንቢቴ 51:64

ሂስታዳ፥ ‹ባቢሎኔይካ ታ ኢዚ ቦላ ኤሂዛ ባሻፌ ዴንዲዳይሳን ሃይሳ ሚቴታና፤ ናምኣን ሲማ ዴንዱኩ፤ ኢዚ ኣሳይካ ኩንዳና› ጋ» ጌስ። ኤርማሲ ሃሳይዳ ቃላይ ሃይሳን ፖሌቲዴስ።

ኤርማሳ ቲንቢቴ 51:36

ሄሳ ጊሻስ ጎዳይ፥ «ኔ ጊሻስ ታ ሞቴታና፤ ኔ ሃሎካ ኬሳና፤ ኢዚ ኣባኔ ፑልቶ ሃታ ታ ሜሊሳና።

ኤርማሳ ቲንቢቴ 51:25

ጎዳይ፥ «ሃኔ ይሲዛ ዙማዬ! ቢታ ኡባ ይሲዛሬ! ታ ኔ ሁኤ ቦላ ዳይስ፤ ታኒ ታ ኩሼ ኔ ቦላ ዴንና፤ ታ ኔና ኣፎ ሁኤፔ ዱጌ ቡሉላና፤ ታ ኔና ጹጌቲዳ ዙማ ሂስታና።

ኤርማሳ ቲንቢቴ 50:14

«ኢንቴኖ ዪሻን ዱኪዛይቶ! ባቢሎኔ ኦላናስ ኢዚ ዩሾን ሳልፍቴ፤ ናጋራ ኦዳ ጊሻስ ኢንቴ ዪሽ ኢሲኖካ ኣሾንታ ኢዚ ቦላ ዬዲቴ።

ኢሳያሳ ቲንቢቴ 63:4

ታኒ ሃሎ ኬሳና ጋላሳይ ታ ዎዚናን ዴስ፤ ታ ዎዛና ጋላሳይካ ጋኪዴስ።

ኢሳያሳ ቲንቢቴ 61:2

ዶሴቲዳ ጎዳ ላይ፥ ኑ ጾሳይ ሃሎ ኬሲዛ ጋላሳ ኣዋጃና ማላኔ ዬኪዛይታ ኡባ ሚንና ማላ ታና ኪቲዴስ።

ኢሳያሳ ቲንቢቴ 59:17

ኢዚ ጺሎቴ ጹሩሬ ማላ ቲራን ማይኢዴስ፤ ኣቶቴ ቢራታ ቆቤ ማላ ባ ሁኤ ቦላ ዎዴስ። ማይኦ ጋርሳራ ማይኢዛ ማላ ሃሎ ኬሶ ማይኢዴስ፤ ማይኦ ጎጲ ማይኢዛ ማላ ቃናቴ ቦላራ ጎጲዴስ።

ዬ ማጻፋ 149:7

ኢስቲ ሄሳን ካዎቴታ ቦላ ሃሎ ኬሳና፤ ኣሳካ ቃጻያና።

ዬ ማጻፋ 94:1

ኣቤት ጎዳዉ! ኔኒ ሃሎ ኬሲዛ ጾሳ፤ ኣቤት ሃሎ ኬሲዛ ጾሳዉ! ኔ ቦንቾ ቆንጪሳ።

1ሳሜላ ማጻፋ 15:33

ሳሜሊካ፥ «ኔ ማሻይ ማጫሳታ ዬሎይ ባይንዳ ኣሺዳይሳ ኔ ኣያካ ማጫሳታ ጊዶን ዬሎይ ባይንዳሮ ጊዳና» ጊሼ ኣጋጌ ጌልጌላን ጎዳ ሲንን ቃንጼሬ ዬጊዴስ።

ኢያሶ ማጻፋ 6:20

ሄሳ ጊሻስ ዛዬይ ፑኔቲን ኣሳይ ዋሲዴስ፤ ዛዬዚ ፑኔቲሺን ዴሬዚ ባ ቃላ ቁ ሂስቲዲ ዋሲን ካታማ ዲርሳይ ላሌቲዴስ፤ ሄሳፌ ጉዬ ኣሳይ ዉሪ ሲቲ ጊዲ ጌዴ ካታማዮ ጌሊዴስ።

ኢያሶ ማጻፋ 6:5

ሄሳፌ ጉዬ ዛዬይ ቃንጾይ ባይንዳ ፑኔቲዛይሳ ሲዪዳ ማላ ኣሳይ ዉሪ ባ ቃላ ቁ ሂስቲ ዋሶ፤ ሂስቲዳ ማላ ካታማይ ጊምቤይ ላሌታና፤ ኣሳይ ዉሪ ላዉሁ ጊ ኬኢዲ ካታማይ ጊዶ ሲቲ ጊ ጌላና» ጊዴስ።

ዛሬ ማጻፋ 32:43

«ኢንቴኖ ካዎቴቶ! ጎዳይ ባ ኦሳንቻታ ሱ ኣጫና፤ ሞርኬታ ቦላ ሃሎ ኬሳና፤ ባና ኢጺዛይታ ቃጻያና፤ ባ ዴሬዛ ናጋራ ዉርሳና፤ ቢታዮካ ቱናቴፌ ጌሻና፤ ሄሳ ጊሻስ ኢንቴ ኢዛ ኣሳራ ኢሲፌ ኡፋዬቲቴ» ጊዲ፥

ዛሬ ማጻፋ 32:41

ዋዋጪ ጊዛ ታ ጊ ማሻ ሌፋና፤ ታ ኩሼይ ፒርዳስ ኦይካና፤ ታ ሞርኬታ ቦላ ሃሎ ኬሳና፤ ታና ኢጺዛይታስ ታ ኢስታ ኦሶ ማላ ኢስታስ ኢማና።

ዛሬ ማጻፋ 32:35

ኢስታ ሞርኬታ ቦላ ሃሎ ኬሳናይ ታና፤ ኡባሲካ ታ ኢስታ ኦሶ ኦሶ ማላ ኢማና፤ ኢስታስ ዮ ጋላሲ ጋኪዳ ጊሻስ ኢስቲ ጴታና፤ ኤሶንካ ያና።»

ኤርማሳ ቲንቢቴ 50:25

ጎዳይ ባ ኦላ ማሳራ ዎዛ ሚንጃ ኬ ዶይዴስ፤ ባ ሃንቆ ኦላ ማሳራ ኬሲዴስ፤ ጎዳይ ኡባፌ ዎልቃማ ጾሳይ ባቢሎኔ ቢታን ኦዛ ኦሶይ ዴስ።

ኤርማሳ ቲንቢቴ 50:44

ጋሞይ ዮርዳኖሴ ዎራታፔ ሜሄ ሄሚዛ ዴምባን ኬዚ ዎዛ ማላ ታኒካ ባቢሎኔይ ቆፖንታ ዲሺን ኬዛ ዎና፤ ኢዚ ቢታፌ ታ ኢዞ ጎዳና፤ ታ ዶሪዳይሳ ኢዚ ቦላ ሹማና፤ ታ ማላይ ኦኔ? ታናራ ኤቄታና ዳንዳይዛይ ኦኔ? ታናራ ኤቄታና ዳንዳይዛ ሄንንቻይ ኦኔ?

ኤርማሳ ቲንቢቴ 51:24

ጎዳይ፥ «ጺዮኔ ቦላ ኢስቲ ኦዳ ኢታ ኦሶ ጊሻስ ባቢሎኔሲኔ ኢዚን ዲዛ ኡባስ ኢንቴ ኢንቴ ኣይፌን ቤኢሺን ኢስታ ኦሶ ማላ ታ ኢስታስ ኢማና» ጌስ።

ኤርማሳ ቲንቢቴ 51:30

ባቢሎኔ ኦላንቻቲ ኦላ ኣጊዳ፤ ባንታ ሚጻን ኡቲዳ፤ ኢስታስ ዎልቃይ ዉሪዴስ፤ ኢስቲ ማጫሳ ማላ ጊዲዳ፤ ኢስታ ኬቲካ ጹጌቲዳ፤ ኢዚ ፔንጌ ኮላታቲ ሜቄሬቲዳ።

ኢሳያሳ ቲንቢቴ 59:18

ኢስታ ኦሶ ማላ ሃንቆ ባ ባልጋራታስ፥ ፒርዳ ባ ሞርኬታስ ኢዚ ቃንጻና። ሃሩሮ ቢታታስ ኢስታ ኦሶ ኦሶ ማላ ኢማና።