ኤርማሳ ቲንቢቴ 50:11 - ጋሞ ማጻፋ

¹¹ «ኢንቴኖ ታ ጺንጾ ቦንቂ ኤኪዳይቶ! ኢንቴ ኡፋዬቲዳ ጊሻሲኔ ኡፋይሳን ማጉሊዳ ጊሻስ፥ ዴምባን ጺኬቲዛ ኡሳ ማላ ኢንቴ ሊፍጼቲዳ ጊሻስ፥ ዎዳላ ፓራ ማላ ኢንቴ ጫጊዳ ጊሻስ፥

Geeshsha Maxaafa

¹¹ «Intteno ta xinxxo bonqqi ekkidaytoo! Intte ufayettida gishshassinne ufayssan maggulida gishshas, demban xikettiza ussa mala intte lifxettida gishshas, wodalla para mala intte caaggida gishshas,

ኤርማሳ ቲንቢቴ 50:11 Referans Kwoze

ኢሳያሳ ቲንቢቴ 47:6

ታኒ ታ ዴራ ሃንቄታዲስ፤ ታኒ ጺንጾዛካ ቱኒሳዲስ፤ ታኒ ኢስታ ኔ ኩሼን ኣ ኢማዲስ። ኔኒ ጊዲኮ ኢስታስ ቃታቤካ፤ ጪሚዳይታ ቦላካ ኬሂ ዴጾ ቃምባራ ዎዳሳ።

ዛካራሳ ቲንቢቴ 14:12

ዬሩሳላሜ ኦላና ዴንዲዛ ዴሬ ቦላ ጎዳይ ቦሻ ሃርጌ ኤሃና፤ ኢስታ ሼምፖራ ፓጻ ዲሺን ኢስታ ኣሾይ ዎቃና፤ ኢስታ ኣይፌይኔ ኢንጻርሳይ ሄን ባ ዲዛሶን ዎቃና።

ኣብዲዩ ቲንቢቴ 1:12

ዩሁዳ ዴሬን ዴኢዛ ኢሻታ ቦላ ጋኪዳ ሜቶን ኔኒ ኡፋዬታና ኮሼናሺን ኡፋዬታዳሳ፤ ቃሴ ኢስታ ዮኒኔ ሜቶን ኡፋዬታናኔ ኦቶሬታና ኔስ ቤሴናሺን ኦቶሬታዳሳ።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ሆሴኤ ቲንቢቴ 10:11

ኢስራኤሌይ ካ ቡካናስ ዶሲዛ ሜሄ ማላ፤ ጊዶ ኣቲን ሎኢዛ ኢዚ ሞርጌ ቦላ ቃምባራ ዎና፤ ኤፍሬሜ ዋጻና፤ ዩሁዳይ ጎያና፤ ያቆቤ ናይቲ ዋጼቲዲ ቢታ ፒጻና።

ኤርማሳ ዚላስ 1:21

«ዴሬይ ታ ዚላሊዛይሳ ሲዪዴስ፤ ጊዶ ኣቲን ኦኒካ ታና ሚንዛዴይ ቤቲቤና፤ ታ ሞርኬቲ ኡባይካ ታ ሜቶቶይሳ ሲዪዳ፤ ኔኒ ኦይሳካ ኤሪዲ ኢስቲ ኡፋዬቲዳ፤ ኔ ኢስታ ቦላ ኤሃና ጋ ቃቺዳ ጋላሳያ ዩ፤ ኢስቲካ ታ ማላ ዚላሌቶ።

ኤርማሳ ቲንቢቴ 50:27

ኢዚ ዎፋኖታ ኡባ ሹኪቴ፤ ዱጌ ሹኬቲዛሶ ዎቶ! ኢስቲ ቃጻዬታና ዎዴይኔ ጋላሳይ ጋኪዳ ጊሻስ ኣዬ ኣና!

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 46:21

ሚሻን ሻሜቲ ዪዳ ኢዚ ኦላንቻቲ ሞዳ ዎፋኖ ማላ። ኢስቲ ቃጻዬታና ዎዴይ ጋኪዳ ጊሻሲኔ ኢስቲ ያናስ ዎዴይ ማቲዳ ጊሻስ ኢስቲ ኢሲፌ ጉዬ ሲሚ ባቃታና፤ ባ ዲዛሶን ሚኒ ኤቂዲ ኤቄታናስ ዳንዳዬቴና።

ኤርማሳ ቲንቢቴ 5:28

ኢስቲ ኦርዲዳኔ ሞዳ፤ ኢስታ ኢታቴስ ዛዋይ ዴና። ዪኦቲ ሱሬ ፒርዳ ዴማና ማላ ኢስታስ ኤቂቤቴና፤ ማንቆታ ማታ ጊሻሲካ ሞቴቴቴና።

ኤርማሳ ቲንቢቴ 5:8

ኢስቲ ኬቲዳ ኮርማ ፓራ ማላ ጊዲዳ፤ ኢስቲ ኢሶይ ኢሶይ ኣሳ ማቾ ላጌናስ ካሊዳ።

ሌሚሶ ማጻፋ 17:5

ሂዬሳታ ቦላ ቂልጪዛ ኣሲ ኢስታ ሜዳይሳ ጫዬስ፤ ሃራ ኣስ ጋኪዛ ሜቶን ኡፋዬቲዛ ኣሲ ቃጻዬቶንታ ኣቴና።

ዬ ማጻፋ 22:12

ዳሮ ሞርኬቲ ኮርማ ቦራታ ማላ ታና ጊዶዳ፤ ቃይጪዛ ባሳኔ ቢታ ቦራታ ማላ ታና ዶዲዳ።

ዛሬ ማጻፋ 32:15

«ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

ኢሳያሳ ቲንቢቴ 47:8

«ሃኔ ኢሻሎ ዱስ ዲዛሬ! ኔርካ ኔናን ኣማኔታ ኡቲዳሬ! ኔ ዎዚናን፥ ‹ታና፤ ታፔ ኣቲን ሃራይ ባ። ሃኒፌ ጉዬ ታኒ ኣምኦ ጊዲኬ፤ ዬላዳ ሚዳሮ ጊዲኬ› ጊዛሬ ሲያ!

ኤርማሳ ቲንቢቴ 12:14

ጎዳይ፥ «ታኒ ታ ዴሬ ኢስራኤሌስ ኢሚዳ ጺንጾ ቢታ ኦይኪዛ ኢታ ሾሮታ ታኒ ኢስታ ኢስታ ቢታፌ ቃላና። ቃሴ ዩሁዳ ኣሳታካ ኢስታ ጊዶፌ ቃላና።

ኤርማሳ ቲንቢቴ 46:20

ጊብጼ ቢታይ ሎኦ ኡሳ ማላ፤ ጊዶ ኣቲን ሳጺዛ ቦጼይ ፑዴሃ ባጋፌ ያና።

ሂዚቄላ ቲንቢቴ 35:15

ኢስራኤሌ ኬ ጺንጾይ ቡላ ጊዲዳ ዎዴ ኔ ኡፋዬቲዳ ጊሻስ ታኒካ ኔ ቦላ ሄሳ ኦና፤ ሃይሶ ሴይሬ ዙማዞ! ኔኒኔ ኩሜ ኤዶሜይ ቡላታና፤ ሄሳፌ ጉዬ ታኒ ጎዳ ጊዲዳይሳ ኢስቲ ኤራና› ጌስ» ጊዴስ።

ሂዚቄላ ቲንቢቴ 36:5

ኡባ ሃሪዛ ጎዳይ፥ ‹ቱማፔ ኤጺዛ ታ ቃናቴቴን ኣቲዳ ዴሬታ ኡባ ቦላኔ ኤዶሜ ኡባ ቦላ ሃሳያዲስ። ኢስቲ ዎዚናፔ ኡፋዬቲሼኔ ካን ኩሚዲ ታ ሄሚዛ ቢታ ኦይኪዲ ቦንቂ ኤካናስ ባስ ጺንጾ ኦዳ› ጌስ።

ኢምባቆ ቲንቢቴ 1:15

ኢታ ሞርኬይ ኢስታ ዉርሲካ ማንጻኮራ ኦይኪ ኬሳና፤ ኢዚ ኢስታ ጊቴንካ ኦይኪ ጎቻና፤ ባ ዎዛሶን ኢስታ ሺሺ ዎና፤ ሄሳንካ ኡፋዬቲዲ ሃሹ ጋና።