ኤርማሳ ቲንቢቴ 50:1 - ጋሞ ማጻፋ

¹ ባቢሎኔ ቢታኔ ባቢሎኔ ኣሳ ጊሻስ ጾሲ ናቤ ኤርማሳ ባጋራ ዮቲዳ ቃላይ ሃይሳፌ ካሊዛይሳ፤

Geeshsha Maxaafa

¹ Baabiloone biittanne Baabiloone asa gishshas Xoossi nabe Ermaasa baggara yootida qaalay hayssafe kaallizayssa;

ኤርማሳ ቲንቢቴ 50:1 Referans Kwoze

2ጴጽሮሳ ኪታ 1:21

ኣይ ቲንቢቴይካ ኣሳ ሼኔ ማላ ሙሌካ ዪቤና፤ ጊዶ ኣቲን ቲንቢቴይ ዉሪካ ጺሎ ኣያናይ ካሌን ኢዛ ካሊዳ ኣሳቲ ጾሳፌ ኤኪዲ ዮቲዳዛ።

ሃዋሬታ ኦሶ 7:4

ኢዚካ ካላዳዌታ ቢታፌ ኬዚዲ ካራኔ ጌቴቲዛ ቢታን ኡቲዴስ። ኢዛ ኣዋይ ሃይቂዳፔ ጉዬ ኢንቴ ሃኢ ዲዛሶ ሃ ዴሬ ኢዛ ኤሂዴስ።

ኤርማሳ ቲንቢቴ 27:7

ኢዛ ዴሬይ ሃራስ ሃሬታና ጋካናስ ካዎቴቲ ኡባይ ኢዛስ፥ ኢዛ ናሲኔ ኢዛስ ና ናስ ሃሬታና። ሄሳፌ ጉዬ ዳሮ ካዎቴቲኔ ጊታ ካዎቲ ኢዛ ሃራና።

ኢሳያሳ ቲንቢቴ 23:13

ኣኔ ባቢሎኔ ቢታ ቤኢቴ፤ ሄ ቢታ ኣሳይ ፓንታ ኣስ ጊዲዴስ፤ ኣሶሬ ኣሳይ ኢዞ ባዞ ዶኣስ ጉፋሶ ኬሲዴስ፤ ኢስቲ ባንታ ሻኮታ ኢዚ ቦላ ጊምቢዳ፤ ኢዚ ሚጻታ ላሊዳ፤ ቡቶይሲ ዶሬ ጊዲዴስ።

ኢሳያሳ ቲንቢቴ 14:4

ኢንቴ ባቢሎኔ ካዎ ቦላ ቂልጪሼ፥ «ኡንኤዛይሳስ ዎዴይ ዋኒ ዉሪዴ? ኢዛስ ጊሪሲዛይሲ ዋኒ ኤቂዴ!

ኢዮቤ ማጻፋ 1:17

ሃይሳ ኪታንቻይ ሃሳዪ ኦንጎንታ ሃራ ኪታንቻይ ዪዲ፥ «ሄ ቡቴን ሻኬቲዳ ቦንቂዛ ካላዳዌ ኣሳቲ ዪዲ ቆፖንታ ዲሺን ኑ ቦላ ኢታ ሜቶ ጋዳ፤ ጋሜላታ ኡባ ዲኢ ኤፊቺዳ፤ ኔ ኣይሌታ ኡባ ማሻን ዎዳ፤ ታኒ ጻላ ኣታዳ ሃኒዳ ሚሽ ኡባ ኔስ ዮታናስ ያዲስ» ጊዴስ።

2ሳሜላ ማጻፋ 23:2

«ጎዳ ኣያናይ ታ ባጋራ ሃሳይዴስ፤ ኢዛ ቃላይ ታ ዶናን ዴስ።

ሜቴ ማጻፋ 11:31

ታራይ ባ ና ኣብራሜ፥ ባ ናዛ ሃራኔ ና ሎጼኔ ባ ና ኣብራሜ ማቾ ሶራ ኤኪዲ ኬዚን ኢስቲ ኢሲፌ ካናኔ ቢታ ባናስ ኡሬ ጌቴቲዛ ካላዳዌታ ካታማፔ ዴንዲዳ፤ ጊዶ ኣቲን ኢስቲ ካራኔ ጌቴቲዛ ካታማ ጋካናስ ቢዲ ሄን ዴኢዳ።

ሜቴ ማጻፋ 10:10

ኢዛ ካዎቴን ኮይሮ ካታማቲ ሳናኦሬ ቢታን ዲዛ ባቢሎኔ፥ ኤሬኬ፥ ኣካዴኔ ካላናሄ።

ዮሃኒሳ ኣጁታ 14:8

ሃራ ናምኣን ኪታንቻይ ቃሴ፥ «ዴሬዛ ዉርሳ ማሲዛ ላይማ ዎይኔ ጫጄ ኡሺዳ ማጫሳያ ሂናካ ዎጋ ጊታ ባቢሎና ኩንዳዱስ! ኩንዳዱስ!» ጊሼ ኮይሮ ኪታንቻዛ ካሊዴስ።

ሜቴ ማጻፋ 11:9

ጎዳይ ቢታ ኣሳ ቃላ ሄን ዋላኪዳ ጊሻስ ሄ ካታማያ ባቢሌ ጌቴታዱስ። ጎዳይ ኢስታ ሄሳፌ ቢታ ኡባ ቦላን ላሊዴስ።

2ካዎታ ማጻፋ 17:24

ኣሶሬ ካዎይ ዴሬዛ ባቢሎኔፔ፥ ኩታፔ፥ ኣዋፔ፥ ሃማቴፔኔ ሴፋርዋይሜ ካታማፔ ሺሺ ኤሂዲ ካሴ ኢስራኤሌ ኣሳይ ዲዛሶን ዳና ማላ ሳማሪያ ካታማታን ዎዴስ። ኢስቲካ ሳማሪያ ባስ ላቲዲ ሄ ካታማታን ዱስ ኦይኪዳ።

ኤርማሳ ቲንቢቴ 25:12

«ላፑን ታሙ ላይይ ፖሌቲዳፔ ጉዬ ባቢሎኔ ካዎ፥ ኢዛ ዴራኔ ኢዛ ቢታ ሞሮ ጊሻስ ታኒ ቃጻያና፤ ኢስታ ቢታካ ሜርናስ ቡላ ኦና።

ዳኔላ ቲንቢቴ 1:1

ካዎ ኢዮኣቄሜይ ዩሁዳን ካዎቲዳ ሄን ላይን ባቢሎኔ ካዎ ናቡካዳናጾሬይ ዬሩሳላሜ ዶዲዴስ።